آخر الدورة يوم 10 فبراير
 

السلام عليكم

بنات جتني الدورة يوم 10 فبراير
وحنا اليوم 4 ابريل
ممكن تحسبو لي كم لي حامل وشكرا
لان الدكتورة قالت لي شهرين وانا مو مستوعبه احس كثييير شهرين لان الدورة جتني يوم 10 لنفرض خلصت يوم 16 يعني بحمل على طول مو معقول

رد: احسبوو لي كم لي حامل بليييييز
 

هلا فيك عيوني
من ضمن مواضيعي برنامج اكثر من رائع حطي موعد اخر دوره لك ويحسب لك
اما عن كلام الدكتوره حبيبتي هم يحسبون من اول يوم دوره وخصوصا في حمل الاسابيع
يعني من اول يوم هو محسوب وخلاص 4 اسابيع شهر
9 اسابيع شهرين وهكذا
انتي دخلي ع الموقع وراح تتاكدين بنفسك اتوقع انتي بالاسبوع السابع يعني باقي لك اسبوعين لتكملين الشهر الثاني وتدخلين بالثالث
اتمنى اكون افدتك

رد: احسبوو لي كم لي حامل بليييييز
 

الحمل يتم حسابه من اول يوم دوره


انتي صار لك 7 اسابيع و5 ايام تاريخ 6 ابريل تصيرين 8 اسابيع

وتاريخ 13 ابريل تدخلين الثالث

رد: احسبوو لي كم لي حامل بليييييز
 

مشكوورين بنااااات ماقصرتووو
فهمت لحين حتى الدكتورو كلامها صح بس انا مافهمتها
لاني اول مره اعرف تسع اسابيع يعني شهرين كنت احسب ثمان بس

رد: احسبوو لي كم لي حامل بليييييز
 

أنا كنت مثلك مب عارفة الحسبة ..
واكتشفت إن ما فيه حسبة معينة وموحدة للحمل.. يعني ممكن دكتورة تعطيج تاريخ للولادة ودكتورة ثانية تعطيج تاريخ غيره,, عادي..

أولا:
الحمل يبدأ حسابه من أول أيام الدورة (وهو اليوم الذي تبدأ فيه البويضة التالية في التحرك)
لكن الجنين يحتسب عمره من يوم تلقيح هذه البويضة(عادةً أسبوعين بعد أول أيام الدورة)..

ثانياً:
لما تحسبين بالشهر غير عن لما تحسبين بالأسبوع.. تدرين ليش؟
لأن الشهر عبارة عن 30 يوم
أما إذا حسبتي أربعة أسابيع فستصبح 28 يوم.. ففيه فرق في الأيام..

ثالثاً: خليها قاعدة ثابتة لديكِ:
- كل يوم جمعة تبدأين أسبوع جديد (لأن 10 فبراير كان يوم جمعة).
- تاريخ 10 من كل شهر تبدأين شهر جديد.

يمكن تفكرين إن فيه أشهر 30 يوم وفيه 31.. لكن شهر يغطي على شهر وتعتدل الحسبة..

رد: آخر الدورة يوم 10 فبراير
 

صح ونسيت أضيف بالنسبة لموعد الولادة يحسب 9 أشهر ويضاف له أسبوع،،

يعني والله أعلم موعدج المتوقع 18/11/2012