منتديات حوامل النسائية - مغامرتي المرعبة في ولادتي ب نور عيوني ( لولو)

اس اس اس السلاام علييييييكم جميعا
لا تلوموني ،، ولدت وافتكيت وروقت هههههههههههhwaml02

تمت الولادة بعون من الله وببركاته ورحمته يوم الاحد تاريخ 1-4-2012
ولادتي تنقسم لجزئين

الجزء الأول ،،
كنت بالاسبوع 33 يعني اخذت من الشهر الثامن اسبوع
قبل الولادة باسبوع
انا ساكنة مع زوجي بالدمام ،، واهلي واهله في الحساا
جا الويك اند حق اجازة الاسبوع اللي راح ونزلنا الحسا
قلت لزوجي : ابي اظل عند اهلي هالاسبوع بما انه اجازة وما فيه جامعة ولا بطيخ ،، قالي اوكي
رحنا هناك وجا يوم الجمعة هو رجع الدمام عشان عنده دوام وانا قعدت عند اهلي
الساعة 12 قالوا لي عيال اختي جوعانين قلت لهم خلاص الحين اقوم اسوي لكم عشاااا
رحت المطبخ طلعن العشا ،، الا حسيت ان بطني يالمني الم امساك الله يكرمكم
رحت دورة المياه وخلصت توني بامسك الباب باطلع الا حسيت بشي يصب من تحت ،، جا ببالي ماي ولادة مبكرة
كشفت ما اشوف الا دم !!!!!!!!!!
على طول ناديت امي ودقت على اخوي ورحت المستشفى واخوي دق على زوجي وقام من نومه شغل السيارة ومسك خط الحسا ،،،، << ياحياتي تخرع

المهم على فحص وكشف وتصوير قالوا المشيمة نازلة وسببت نزيف نمت ليلة وحدة عندهم ،، قالوا النزيف ماسبب خطرونقدر ننتظر اسبوعين قدام نعطي امل للمشيمة ترتفع

زوجي طلعني وجابني على الدمام وامي معاي لانهم وصوني بالراحة التامة ،،
المهم ان الدم وقف وامي تطمنت وراحت البيت خلاص ،،

الجزء الثاني ،،
عقب اسبوع يعني يوم الخميس تقريبا نزل لي دم خفيف ،، كانه دم نهاية الدورة
طنشته قلت يمكن بقايا دم ،، وتوه ينزل !!!
يوم الجمعة بعد نزل !! وبعد طنشت !!!
يوم االسبت هذا اللي توه راح ،، ماكان عندي دوام !!
صحيت الظهر وصليت وعملت لي فطور وجلست ع اللاب ،، وحسيت بمغص في بطني كانه مغص دورة
انا خفت وكلمت زوجي قال يلا شويات وانا عندك
سالت زوجة اخوي قالت طبيعي ااخذتي اسبوعين من الثامن ومقربة ع التاسع
ارتحت يوم قالت كذا ،، وجا زوجي قال ها مستشفى ؟ قلت له لا خلاص
قال سالت امي انا وقالت طبيعي ،،
مر يوم السبت والمغص يروح ويجي ،،، جا الليل وما قدرت انام من المغص كل ما اغفى يصحيني
ما كان يالمني حيل بس كان موترني ومخوفني !!
صحا زوجي على صوتي وانا اتالم قال قومي قومي المستشفى
ما رحنا المستشفى اللي اتابع فيها رحنا مستشفى قريب
شافتني قالت المشيمة نازلة واحتمال صار لها انفصال جزئي ويحتاج لك توليد ( تذكرت وحدة من الاخوات في التجمع قالت لي روحي المستشفى يمكن انفصال ،، اتوقع انها ام ضاري ،،)

المهم رحنا على طول للمستشفى الي نراجع فيها
حطت التخطيط قالت مافيه طلق ،، قالت خلاص روحي وارجعي الساعة 12 الظهر عشان نفحصك بالسونار ،،لان الجهاز مدري وشفيه <<< وهذي كانت اغبى خطوة وكنت راح اروح فيها انا وبنتي لولا رحمة ربي
كانت الساعة 4 الفجر ،،
رجعنا الشقة انسدحنا بننام ماحسيت الا بشي ينزل على طول الحمام وقمت اصارخ انادي زوجي
قام هو يقول وشفيييييييييك !!!!!
فتح الباب وشافني غرقانة بدمي ودم كثير يصب مني صب بدون توقف
قال يلا يلا يلا بسرررررررعة بيوقف دمك ،، لايصير لك شي ،،،.. وهو مفزوع يا عمري
حطيت لي فوطة ولبست واخذت العباية ،، وكويس من النزيف حق الجزء الاول اخذت هذا فرشة القطن من المستشفى اللي تمنع التسرب

حطيتها بالسيارة وقعدت ،، وزوجي طول الطريق وهو يسمي ويدق بووووري ،، وداق اشارةالاربع طول الطريق
وصلنا وعلى طول صعدوني للولادة ،، وزوجي ياحياتي وجهه اصفر ،، وكل شوي يسالني بعده الدم ؟؟؟؟
كشفوا علي قالوا فيه طلق ،، والرحم مفتوح 3سم بس المشيمة صار لها انفصال جزئي ،،
والنزيف اثر على نبض البيبي ،، وما نبي نتاخر انا سمعت كذا على طول قمت اصيح قلت لهم اهم شي البيبي ،،
على طول زوجي وقع اوراق العملية وبسررررعة دخلوني العمليات
دمي وصل 8
والنزيف متعبني
والالم بعده يروح ويجي
وغرفة العمليات بااااااااردة
وجسمي مكشوف
وصبوا المعقم وبااارد
فكنت ارتجف رجف غير طبيعييييييي
ودكتور التخدير فوقي حاط الكمامة
اخر شي اذكره ،، سقف الغرفة الازرق !!!!!

ما صحيت الا بغرفة الملاحظة
والدكتور يساطر يقولي اصحي hwaml5
وزوجي يطل من باب الغرفة
قعدت سالتهم عن البيبي ،، قالوا كويس
شوي الا ودوني غرفتي وجا زوجي ،، وراني صور البنووووتة ،، وقال ان يبي لها متابعة لانها توها في الثامن
والتنفس عندها سريع ....

وهذي كانت قصة مغامرتي
ولولو حبيبتي قاعدة تتحسن الحمدلله ،،،..
وانا كمان تحسنت

نصااااايح ::/
1- جهزوا اغراضكم من بدري ماتدرون متى ربي يكتب لكم
2- لاتبذلون مجهود مثل حلاتي ،، ما انتبهت لنفسي وسويت فيها بطلة وسوبرمانة ،، وجاني هالتعب وهالنزيف
3- اذا حسيتوا بشي حتى لو بسيط ،، على طول للمستشفى لاتقولون دلع وسخافة وبسيط ،،
4- لا تطلعون من المستشفى الا وانتوا متاكدين وماطمنين عن كل شي ،، مو مثلي ،، لو من البداية فحصت سونار وشافت وضع المشيمة كان ما طلعت وصار هالنزيف اللي قال عنه الدكتور لزوجي : كويس تلاحقت وجبتها في الوقت المناسب ..
5- اذا جتكم الولادة سواء طبيعي او قيصري ،، حاولوا تتماسكون وخليكن قويات ،، وربك هو اللي يعين .
6- للبكريات لاتخافون من الفحص اللي تحت ،، بس خذي نفس وفكري بجنينك او زوجك ،،

وووووبس
دعواتكم لبنتي ،،، ويارب تقومون بالسلامة كلكن *