منتديات حوامل النسائية - قصه ولادتي ب نور عيني حمودي. . دعوه للبكريات :d

مساااء الخير لكم جميعاااا

كان لي يوزر ب حملي الأول بس طار مادري ل وين
عموما حبيت أذكر لكم قصه ولادتي
للفائده خصوصا البكريات

أنا حككي كثير الله يعينكم علي كان نفسي استخدم رموز الفيسات بس جالسه أحاكيكم من جوالي
عشان كيذا ب يكون لخبطه ب الموضوع

جيبوا لكم كوب كوفي وكم حبه تشوكليت و استمتعوا

طبعا أنا الحين حامل ب البيبي الثاني ب الشهر الثامن
ولدي اللي هدي قصته الآن. عمره سنه و شهر ربي يخليه لي

اوللل شي الولاده من رب العالمين تتسهل وتتعسر ..
لا تخافين ولا تحاتين ولا تفكررين ولا تهتمين .. << للبكريه

ثانيا مهما سويتي عشان تولدين ماارح يطلع البيبي قبل يومه اللي مكتوب انه يطلع فيه ممكن انك تبدين بهالوصفات و و و كل الاشياء اللي تحرض بعد ماتدخلين شهرك التاسع ب كم اسبوع مثلا ب 3 اسابيع وتكونين قربتي تكونين معوشره خوف قط انو تتحول ل ولادتك قيصرري

ثالث شي لا تسمعين كلام اي اي اي احددد امك وهي امك مو نفس ولادتك كل جسم عن جسم يفرق وكل واحد عن الثاني يفررق ..

ب اقولكم معلومات بسيطه عني ..
انا دلوووعه وهوووواله اكثر شي ب الحيااااه يعني وقت الحمل كل شوي صياح ونياح وكل مااشوف زوجي او امي اشتكي اخ يعورني اه يوجعني اه ب اموت اه فيني واه فيني
وكانت امي تقوول الله يصبرني عليك قت الولاده مدري وش بتسووين
وزوجي كل ماقلت اه قال اذا حمل وكيذا ولاده وش ب تسوين

طبعا انا من قو تعبي ب الحمل صرت موب اتمنى الولاده الا اشم ريحتها من كنت ب السادس خخخخخخخخخ
ودي اولد واخللللللص وكان كل تفكيري مابعد الولاده

لان كل اللي عشت معهم وقت الولاده والنفاس كانوا وقت الولاده ومابعد الولاده ب يوم يومين حلوين بس بعد مايفك البنج للغرز سواء قيصري او طبيعي واشوف الوجيه اللي تتحسر وتتالم هذا اكثر شي كان يوترني من الولاده ..

نبدا ب اسمم الله ..

انا طبعا كنت اراجع ب مستشفى دله عند دكتوره نسيت اسمها بس انها عراقيه المهم ب الشهر الرابع قالت لي فيك نزيف داخلي ومنعتني حتى من الحمام الله يكرمكم وروعتني لين قالت بسس و ابد مارتحت قلت ابي استشاري او استشاريه وحجزت بالحبيب عند سنيه ورحت لها وانكرت كل هالاشياء انا كنت وقتها ب رمضان كنت ب اروح ل جده ومكه والمدينه وكلووو وهذي منعتني من الحمام ي؛ كيف ب السفر بس سنيه طمنتني قالت لو تبين تعتمرين اعتمري ع رجولك مافيك الا العافيه وسافرت ورجعت بعد العيد وانا ولله الحمد مافيني الا العافيه ..

واعتمدت دكتوره سنيه الطيب بس كانت مواعيدها زحمه كل ماجي ي؛ اما ولاده او اجتماع وطفشت كل شهر تشوفني دكتوره غير ونقلت من الحبيب الريان للحبيب العليا عند دكتوره نوال انسانه مراا طيبه وحبوبه ولو تبين تسولفين معها من اليوم ل بكره تسولف وب ابتسامه بعد ماشاء الله عليها حتى حنونه مره

نصحتني ابد مشي من الشهر السابع
كنت امشي ب الشهر السابع كل يومين مره وامشي ربع او نص ساعه
بعدين ب الثامن ثقلت مرررره وصرت امشي ربع ساعه كل اسبوع او خمس ايام
بس من اول يوم لي ب التاسع وانا كل يوم ساعه واكثرها كل يوم ربع طبعا كان وقت شتاء وصرت اتعب خصوصا اني شايله كرشه وملابس كيلو فوق جسمي من البرددد

بعدين طلعنا للبر وكان جنبنا طعس مرتفع مررررررررررره
3 ايام لنا ب البر وانا ارقى مرتين ل ذا الطعس وانصدمت ب دباب
المهم ي؛ راقيه ي نازله وذا البزارين لين شافوني ارقى كاني لعبببه يلااااا واللي يسحبني مع يدي واللي مع كمي واللي يدف ظهري الين اوصل للاخير وهكذا

اخر يوم لنا ب المخيم حسيت ب طلق وصار يزيد وقلت بسسس للمستشفى وطلعنا من المخيم الساعه 10 المهم وانا ب السياره اصيييييييح و ماسكه بنت اختي ب سنه اولى و مجلستها على رجولي و اضغطها على بطني ب اقوى مااقدر شوي انفقع الكفر حق السياره
وزوجي صار يتصل على بابا وعلى اخوي وعلى وعلى وكل اللي جوى عرفوا أين تعبانه و أصيح و زوجي ب يوديني للمستشفى
خلى زوجي سيارته وركبت ب سياره اخوي واهلي راحوا مع بابا وصلت للمستشفى خفت وجلست اصيح ابي البيت وزوجي و اخوي يترجووني وانا منااااااااحه

ورجعوني للبيت ودخل اخوي معاي انا و زوجي قلت ابي اخذ شور وتروشت ب مويه دااااافيه مررره طلعت الا اخوي و زوجي مستقبليني كل واحد دموووع وكلن وجه منخطف مرتاعين
دخلت الغرفه ونمت صحيت على الم برضو ورحت لل طوارى الحبيب كشفت علي وانا اللي وجهي قلب اكسسوارات موب الوان
وقالت مفتوح واحد ونص ضروري ادخلك تنويم وانا اللي عيوني صارت كيذا
قلت هاه وش اصررف فيه قلت طيب كلمي لي دكتورتي قالت طيب وتجي هاه تنويم قلت ابي دكتورتي لا تحددين لي انتي
شوي الا رقم غريب يتصل علي وارد الا دكتوره نوال
ايووه شنو حبيبتي اشفيك
قلت والله حسيت ب الم وكيذا وجيت
قالت ب اوقليك حاجه < سودانيه طبعااا
قلت سمممي
قالت انحااشي لمن تجيني موعدك الجاي انا ب نفسي اشوف كم فاتح واسوي لك تحرريز
قلت طيب كلمي هذي اللي فوق راسي قالت مااقدر انتي قولي طالعه ع مسوليتي
وطلعت وكان موعدي عندها بعد 3 ايام يوم جيت لها
قالت شوفي حبيبتي انتي بكريه وغالبا البكريه تطول ب الالام والمستشفيات غالبا يتعبونها انتي اذا خلااص صار الطلق كل 5 دقايق تعالي اذا قبل لا تجين ابد لان مابي يلعبون فيك << كثرر الله خيرها والله يكثرر من امثالها

قلت طيب تسوين لي تحريض قالت لا توك ب الاسبوع الثاني من التاسع روحي وارجعي لي بعد اسبوع ونشوف وسوت لي تخطيط طلق وكان فيه طلق بس خفيف

وجلست اطلق من يوم الاحد الين يوم الخميس وكان موعدي عندها يوم السبت
كل يوم الطلق يزيد
يوم الخميس طلعت مع اهلي وكان فيني رعب ليه ماادري
شي قابض قلببببي
واحس اني متوتره مرررررره
ومن صحيت الله يكرمكم وانا ي رايحه للحمام ياجايه
وكان معاي اسهال الله يكرمكم

المهم لمن جت الساعه 9 قالت امي شرايك نطلع نتعشى و تمشين قلت يالله
طبعا امي كانت ناويه علي
المهم رحنا للمطعم و اهلي يضحكون ويسولفون وانا ب جو ثاني ماادري شفيني على اني اكثر انسانه ب العايله اضحك و استهبل و قاموا خواتي يكتبون مذكرات اللي تقول مها فيها طلق و اللي تقول مها شكلها ب تولد وماما شكلها عارفه من وجهي اني فيني ولاده بس ساكته اكلي كان غريب اكل و اجلس ساعه مفهيه مدري كيف كان هذاك اليوم
طلعنا من المطعم قالت ماما يلا نروخ تمشين قلت يالله
اول شي سوته خذت الجوال مني
وشالت ساعه يدي قالت عشان ماتحسبين ل نفسك
ودرت على مدينه الملك فهد الطبيه على السور حقها كلللله
بعدين يوم خلصت اقول ل امي ماما كم مشيت
قالت توك مشيتي بس ساعه قالت شرايك نروح مكان ثاني تمشين قلت يلااا

ونروح مخطط قصور ههههههههه
وماما و بابا تتخيرون بين هالقصور
وانا ادور ومعاي طلق بس سااكته كل من كلمني اشرت له ب ايدي بعدين جت وحده من خواتي تستهبل وجلست انافخ عليها وهي تدعي تقول ي رب بكرا الظهر وهي ب المستشفى تولد
بس احاكي مامي
ماما كم مشيت
ربع ساعه
ماما كم مشيت
نص ساعه
ماما كم مشيت
ساعه
وانا ي ربي احس الوقت طووويل
وماما تقول اي لانك تعبتي

المهم بعدين بديت احسن نفسي يضيييق
قالت ماما تعبتي
قلت اي خلااص
قالت يلا مشينا ب البيت نكمل المطلوب
يوم ركبت للسياره اول شي ابي اشوفه كم الساعه واشوف الا الساعه 3 الفجرررر

قلت يوووه كم لي امشي
ماما ب ضحكه خبيثه من الساعه 10 و نص وانتي تمشين

ورجعنا للبيت قالت ماما خلاص الصبح نكمل ونامت وانا ابي انام بس في شي كاتمني نمت يمكن ربع ساعه وصحيت كيذا متضايقه

ورحت سويت لي سلطه

وجلست اكل فيها واتفرج على التلفزيون واجيب مويه غرشه واجلس اقرا فيها من كتاب تسهيل الولاده
واقرا وانفث وحالتي حاله مسويه شيخ
لاني تعبت وانا اقرا قلت اخليها ب هالغرشه وكل ماجت تخلص المويه زدتههاا

اول ماسكرت الكتاب ورحت احطه فوق شنطتي الا سمعت شي قال تكك

شوي احس شي دافي نززل وانا امشي للحمام ب اشوف اقول لو موب دم ب ازاعل نفسي وخلاص مابي اولد خخخخخخخ
بس وصلت للحمام الا الارضيه كلها صارت مووويه

وانا وووا وش اسوي كلهم نايمين
فجاءه اختي الصغيره مرت قلت نادي ماما
يوم جت ماما قالت شفيك مرتاعه
قلت مدري شوفي وش هذا واريها الارض
قالت ماما ييي قررربت
كلمي زوجك خليه يجي قلت لا ب ارسل له مسج اذا صحى يجي

كانت الساعه 8
وكان يوم جمعه
زوجي طبعا ماراح يصحى الا وقت الصلاه قلت عادي انتظررر
وتجلس ماما تسوي لي كنفه تدررريب

تحت فوق تحت فوق < اسوي القرفصاء
واحد اثنين واحد اثنين وانا اااخ تعبت

وماما يالله كملللي
وبس جت الساعه 1شرف البيه تبعيي

قال نروح الحين وامي لا الله يهديك تقهووى
وتجيب القهوه ويتقهون وسواليف

وانا عصببببت
صررخت اوف متى ناوين ان شاء الله نروح
قالت ماما تبينهم يلعبون فيك انتظرري قلت بس يالله
قالت ماما اجل روحي لحمام شوي واجيك

وتجيب لي قشر بصل وكمون ومدري وش وتبخرني فيه
وطلعت اعجعج قلت والله مااروح للمستشفى كيذا ريحتي مو حلووووه

واروح اخذ لي شور سريع ونزلت ورحنا

دخلت للمستشفى الساعه 3 ونص الظهر كان
كشفت علي قالت فاتح 4 سانتي يلا تنويم
سالتني مين دكتورتك قلت دكتوره نوال
قالت اووه دكتوره نوال رايحه تاخذ عمره ماراح ترجع الا اخر اليلل بس الاستشاري المناوب محمد عصمان انا قلت وش رجال لا لا بعدين فكرت قلت عادي شفيها اهم شي استشاري بعدين فكرت خفت استحي منه وهو يولدني ومااساعده ولا افتح رجولي قلت من موجود غيره قالت اخصاييه مدري وش سمها بس انها باكستانيه وشكلها موب ذاك الزود ب الولاده بس وكلت امري ل ربي

كان فيني الم يروح ويجي بس اذن العصر قلت ب اصلي قالت النيرس ب اعطيك مسكن والله العالم انه طلق

كنت مافيني الا العافيه فجاءه اصلي يسار سلمت قبلتي يمين
لفيت ب الكرسي بدون مااحس قمت اصييييح من الصلاه عسىى ربي يقبلها
وبدت الم اطلق
الين صار كل دقيقه طبعا عطتني حقنه شرجيه ورحت للحمام الله يكرمكم فضيت

بعدين صرت احس ابي اتبرز ابي الحمام واصييييح قالت انتظري الين تجي الساعه 6 الدكتوره تفحص من تحت وتقول اذا تروحين للحمام او لا
وانا الله يووفقك الله يعافيك وهي مدام لاااا

مدام مااافي

وانا حاطه قناه القران اللي مكه
ويااربي بس ادعي ب اموووت راحت تكلم صديقتها عند الباب وجيت فككت الاجهزه وركض ع الحمام وقفلت الباب

جت ي مادام لاااا
ي مادام مافي سوي بوووش
وانا كاني فيني امساك الله يكرمكم اصارخ وانا ب الحمام مااطلع شي
يوم فتحت الباب قلت اووف ارتحتي طااار

قالت مافي سوي ماما يلاا نوم نوم سرررعه

ويجيني الشعور مره ثانيه ابييييييييي واصيييح قالت خلاص سوي هنا ماما بعدين ان سوي كلييين

وانا لاااا عيب عيب فجاءه حسيت فيه شي ب يطلع غصب عني وزرق وجههي وماطلع شي
هي بس اتذكر فتححت البطانيه وصررخت قالت اووووه وضغطت زر النداء للدكتوره طبعا زر النداي زي صوت الاسعاف حق الاندار للحين ب مخي صوته
اتذكر فحصت وقالت ولاده

طبعا الكمام ب وجهي انام و اذا جاء طلق اصحى
وعلى هالموال ماااكنت اتذكر الا مقتطفات من اللي صار
طبعا بهال وقت حدث شي مو ب الحسبان ابدددد

ماما طلعت هي وزوجي يجيبون شنطتي على اذان العصر
وزوجي رجع لحاله وماما كان ب يجيبها بابا
على رفعه رجولي والحوسه

فتح الباب زوجي

وشاف كول حااقه اوودام وشووه خخخخخخخ
والله اني اتذكر نظرته للحين خخخخخخخخخخخ

وطلع مرتااع بعد ماطردو ا فيه ذا الفلبينيات راح كلم امي وانا انام واصحى بس اددفع اذا جاني طلق قالت بوش بوش ونا اصحى وادفع وارجع انام

الين قالت سوي بووش قلت بس كلها ذا الحركه وارتاح واسوي اقووووى شي ب الحياه مااوقفت ولا فكيت نفسي الا يوم شفت ولدي قدام عيوني ب هالوقت الا اسمع ب مكه ياذن المغرب الله اكبرررررررررر
يعني ولدت الساعه 7 الاربع كيذا

ي زينهااا ذيك اللحضه صحتتتت الين قلت بسسس
ربي لا يحرررم من تمنى ي؛ ررب ارزق كل من ارررراد
و غفيت وصحيت الا فوق راسي امي واشوف الدكتوره تحوس فيني حوووووس
وانا اصارررررخ واقول ل ماما تعبوووني بهذلوووني اخخخ خليها توخر وهي تقول بوش بوش تبي تطلع المشيمه وجنبها رف كاامل كله فوط ملياااااانه دم

وهي بس تنشف وترجع تحووس فيني وشوي فككوا كل اللي ب شعري
ولبسوني لبس عمليات وجرجروا فيني بين الاسياب وانا مفصخه ماعلي الا بطانيه ي؛ ربي لا تفضحني

ومااوعيت الا انا ب غرفه العمليات انتفضضض واصيييح اقول برررد دفووووني

وبعدين اغمى علي ورجعت صحيت واشوف دكتور التخدير يسالني عشان البنج
وحطوا لي بنج كامل

ومين سوا لي العمليه الاستشاري المناوب الدكتور محمد الي منعته يشوفني
ربي كتب مايسوي لي عمليه التنظيف ولا يخيطني الا هو
خخخخخخخخخ
بعدين ماوعيت الا انا ب غرفه الافاقه وفوق راسي زوجي شوي جتني امي بعدين اخوي وكلهم يصيحون
بس شعور جداا جميل تحس ان فيه احد يحبببك

بعدين طلعت امي واخوي وجلس عندي زوجي وانا انام واصحى شوي فتحت عيوني الا انا ب غرفتي وبابا مزينها كلها ورود وعندي ماما و بابا وزوجي واخوي الكبير
شوي خواتي واخواني كلهم دخلوا مع بعض وكلهم يصيحووون وانا

واللي يخبطني خخخخخخخ يقولي اخسس صرتي ام خخخخ

واخذ البي بي حقي الا قالبينه زخارف كل لستتي عرفوا اني ولدت وكلن يهني هههههههه
ثاني يوم الصباح دخل علي الدكتور وشرح لي كل شي ومن هالحكي
ويوم شفت وجهه قلت ي؛ ليتني مخليتك من البدايه ولا ذيك الغبيه اللي لعبت فيني
بس يالله مكتوب

وجلست ب المستسفى الين يوم الاحد وطلعت
طبعا جاني فقر دم حاد ب سبب المشيمه لاانها لصقت بجدار الرحم وسوو لي عمليه تنظيف ودخلوني العنايه ومنها للافاقه

المستشفى ممتاز ب كل شي حتى النيرس لك وحده خاصه فيك تدور فيهم الصبح المشرفه ع القسم ويدخلون معها كل الكابل حق النيرسات وتقول من راح يمسكها اليوم وتقول وحده انا
حتى مرا ضغطت الزر دون ماادري يعني ماانتبهت ثواني الا هي فوق راسي ارتعت انا احسبه مغذي جلست اصيح لان ايديني تنفخت من ابر الحديد والمغدي قالت انتي ناديتني خخخخخخخخخ

البيبي ب جهاز تلفزيون ب وجهك طوول الوقت وب اي اي اي وقت تكلمينهم الحضاانه جاهزين يجيبونه لك ب ثواني وياخذونه منك ب ثواني

انا كنت كل مااشوفه صاح او فتح عيونه كلمتهم قلت جيبوه

والاكل من دايت سنتر يعطونك برنت وانتي اطلبي وش تبين فطور وغدا وعشاء بس للامانه مو كل شي اطلبه يجيبونه

والمستشفى مرا ممتاز

طبعا بعد يومين من ولادتي كلمتني دكتورتي ايووو فينك انا انتظرك قلت لها انا ولدت

لا فين ولدتي ومين ولدك
للامانه الدكتوره متعاونه بس حصل لي ذا الموقف وكان ب كتبه ربي مو ب ارادتها هي
مع انو كان المفروض تقولي انها ب تسافر من باب انو انا مريضتها واحتمال ب اي وقت اولد

الدكتور محمد له 15 سنه ب الرياض اتوقع كان ب الشميسي هو سوادني
خياطته مرررا رهيبه
للحين احس انو المنطقه ضيقه

وكل من رحت له كشف بعد الولاده يمدح الخياط يقولون مرررا ممتاز

بعد الولاده تعبت مررره وكل يوم اروح للمستشفى الين كملت اسبوعين بسبب اهمالي للاكل
لان نفسيتي كانت دمار مررره وماكنت اكل
وكان فيني انيميا حادده بديهي لازم اكل وكان تعبي كله والم جرحي من نقص الفيتامين

وبس تبقى الولاده حلوه ومايمديك تطلعين من النفاس الا راح من بالك كل تعبببب

ربي ييسررر ويسسهل

والحمد لله ولدت يوم 18 فبراير2011
هجري 15 شهر 3
وكان باقي على الموعد اللي محددين لي ولاده فوق ال العشر ايام
انصحكم ب المشي ثم المشي ثم المشي
وايات تسهيل الولاده والتوكل على الله ب كل الامور
طبعا موضوعي متاااخر

بس حسيت ان فيه ناس يبون افاده ب الموضوع هذا اللي هو الولاده

دعوااتكم ربي يصلح ولدي ويخلي لي ابو عيالي ويصلح لي النيه و الذريه

هذا ولدي يعاارك ويحاارب عشان يخررب الموضوع خخخخخخخخ

يطقطق ب ذا الاصابع ويخربط علي

يلاا حبيباتي ي؛ رب اتمنى للجميع ولادات سهله واي سوال انا حااضره

* اعتذر اذا الموضوع مو مرتب لان ولدي الله يصلحه جنبي ومن اول الموضوع وهو يخربط ب الكيبورد شكله عارف ان الحكي عنه هههههههه
عن اذنكم