|
بنات محتاجه لكم بخصوص تنظيف الرحم
السلام عليكم حبيباتي
انا حملت بعد زواجي بشهر و في الاسبوع السابع قالت الدكتورة مافي نبض لازم ننزله و ننظف الرحم بعد يومين من الكشف سويت التنظيف .. بنفس اليوم و بعده بيوم كان ينزل دم بس خفيف سايل .. والايام اللي بعدها قطرات دم..بعدين افرازات بنية و بيضا لحد الان .. ( لي ما يقارب الاسبوعين بعد التنظيف ) .. تتوقعون من واقع تجربة ان الرحم نظف ؟ .. 1-بكره عندي موعد مراجعه وانا اتنافض اخاف تسوي لي سونار مهبلي .. ما ينفع تسوي سونار ع البطن عشان تشوف الرحم نظيف ولا ؟ .. 2-من صار له جنين بلا نبض و هل الامر طبيعي يعني ممكن احمل بعده بجنين سليم معافى ؟ وما اسباب الجنين بلا نبض ؟؟ لان دكتورتي تقول يصير هالحمل بالصدفة مو معناته مشكلع فيك ولا زوجك.. تكفوووون يا بنات الله يرزقنا و ياكم الذرية الصالحه جاوبوني .. |
رد: بنات محتاجه لكم بخصوص تنظيف الرحم
بنات طالبتكم تردون علي ..
سألت قبلكم موقعين استشارة و لا ردو علي وانا على نااار .. ضايق صدري ما انام زي الناس ... |
رد: بنات محتاجه لكم بخصوص تنظيف الرحم
بحكم كثرة اسقاطاتي ومره اسوي تنظيف ومره ينزل عادي اتوقع خلاص نظفتي مايحتاج حتى سوناروان سويتي عالبطن او جوه عادي مايتعب
انا مرتين حملت بجنين يتوقف نبضه في الاسبوع السادس او السابع غالبا يكون لانو البويضه مو مكتمله زين او يكون فيه تشوه بسيط بالحيوان المنوي وتراها ماتتكرر لاني جبت اربع بنات وللعلم حالة توقف النبض ماينفع معها المثبتات اتمنا اكون افدتك |
رد: بنات محتاجه لكم بخصوص تنظيف الرحم
هلا حبيبتي لا تخافين ولا شي حتى لو سوو لك سونار مهبلي لا تخافين انا توني اجهضت من 13 يوم وما احتجت تنظيف لأنه كله نزل بس سوو ليي سونار من المهبل مرتين وقالوا نظف الرحم لا تخافين ياعمري ما فيك الا الخير ياعيوني والله يعوضك يارب بحق محمد وآله وانا بعد عندي موعد عند الدكتوره فحص بعد الاجهاض بعد يومين ومافي الا الخير طمنينا عنك حبيبتي الله يعوضك خير ويعوضني ويرزق الجميع
|
رد: بنات محتاجه لكم بخصوص تنظيف الرحم
الله يجزاكم بالخير حبيباتي طمنتوني الله يرزقكم و يعوضكم بالذرية الصالحة البارة قولو امين ..
اختي غصون انا المشكله ما ابي سونار مع المهبل غير الخوف استحي .. ما ينفع سونار مع البطن ؟ .. تكفين طمنيني .. |
رد: بنات محتاجه لكم بخصوص تنظيف الرحم
ياروحي انتي سويتي تنظيف وشافو من تحت لازم تشيلين الحياء عشانك
|
رد: بنات محتاجه لكم بخصوص تنظيف الرحم
حور ضحكتيني كنا زيك وقسم اننا نستحي والحين الله لايوريك وقت الولاده كل من يدخل يتفرج بسبب الالم اللي يضيع الواحدماهمي ذيك الساعه الا الفكه وبس وقسم ياانهم يحوسون حوس جووه وربي مااتكلم غير الصراخ
|
رد: بنات محتاجه لكم بخصوص تنظيف الرحم
شكرا حبيباتي ع الردود .. ابشركم كشفت خخخخخخ .. واخذ نفس من الروعه بقوه تقولون كني اسبح هههههه ..
جزاكم الله خير.. خيره الجنين اللي توقف نبضه قلت لهم يحللونه يشوفون وش فيه .. تدرون وش صار فيه ؟ متلازمة داون .. لاي بنت صار لها توقف نبض لجنينها تحمد ربها قد يكون سبب توقفه مثل جنيني .. عسى ان تكرهو شيئا وهو خير لكم .. والرحم تقول الحمدلله نظيف بس باقي نقط دم تروح مع الايام .. الله يعينا و اياكم يا حلوات .. |
رد: بنات محتاجه لكم بخصوص تنظيف الرحم
الحمدلله مادامك بخير
وان شاء الله ربنا يعوضك الاحسن من الي راح |
| الساعة الآن 12:15 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .