![]() |
الفروق الفرديه بين الاطفال
[COLOR="rgb(221, 160, 221)"]السلام عليكم ورحمه الله وبركاته [/COLOR] ازيكم يا امهات يا قمرات ربنا يحفظ لكم اولادكم ويحفظ لى ولادى يارب hwaml7hwaml7hwaml7hwaml7hwaml7 موضوعى اللى عايزه اتكلم معاكم فيه هو عن الفروق الفرديه بين الاطفال يعنى انا شايفه ان فيه مواضيع كتير الناس عاملاها تقولك فى الشهر الرابع الطفل بيعمل كذا وفى الخامس بيعمل كذا وفى السادس والسابع والخ فتيجى الام تقرا يعينى تلاقى طفلها مش بيعمل المكتوب تتخض عليه وتقول لاء ده اكيد طفلى مش طبيعى او يعمل الحاجه ديه بدرى شويه تقولك واو انا ابنى عبقرى الموضوع مش كده خالص انا حسيت الموضوع ده جامد جدا على ولادى انا الحمد لله ربنا كرمنى بتوءم بنتين ريتال وريتاج بان موضوع الفروق الفرديه ده معاهم جدا هما اولا مولودين فى اول الشهر التامن يعنى مولودين مبتسرين يعنى اقل من الوزن الطبيعى بكتير كانت واحد 1.400 والتانيه 1.600 وقعدو فى الحضانه حوالى 22 يوم وبعد ما خرجوا بدءت رحله الملاحظه والبحلقه كل واحده بتعمل ايه وكانت ريتاج هيا البنوته الصغيره اللى وزنها كان 1.400 وكانت فى الحضانه على جهاز تنفس صناعى فتره طويله وخدت حقن الرئه يعنى هيا اللى كانت مدمره بالرغم من كده الا انها انتبهت قبل ريتال وكانت بتلعب قبل ريتال يعنى تاخد بالها وتضحك لما تلاعبيها وكنت فرحانه علشانها وزعلانه ليه ريتال مش كده المهم مره واحده على الشهر الرابع بدءت تظهر الفروق الفرديه فى كل حاجه ريتال بدءت تنتبه يمكن اكتر من ريتاج وبعدين مع الوقت تمسك الحاجه فى ايديها وهى متحكمه فيها باديها الاتنين مع الوقت اللى ريتاج مش تقدر تتحكم فى الحاجه قوى وتقع من ايديها هى بتحب اكل ريتاج مش بتحبوه والعكس هي ممكن تقعد لثوانى وبعدين تقع ريتاج لا مش بتقدر تسند نفسها لوحدها خالص ريتاج عصبها ناشف جدا يعنى اوقفها على رجلى تشد نفسها ريتال لا بالرغم ان ريتال بتسند نفسها اكتر وهى قاعده ريتال ممكن وهى قاعده تتطلع صوت كده كانها بتتكلم او بتلاغى وصوتها يفضل يعلى ويوطى ريتاج لاء مش كده بس بتبقى مركزه لما حد يكلمها وتفهم تعابير الوش كويس قوى وحاجات تانيه علشان ما طولش عليكوا انا اللى اقصدوه من اموضوع ان بين الاطفال فروق فرديه كتير وماتخليش حد يحبطك ويقولك هو ليه ابنك ما بيعملش كذا ده انا ابنى وهو قدوه كان بيعمل كذا وكذا اكيد ابنك برضوه بيعمل حاجه البيبى ده ماكانش بيعملها وهو فى سنه ولازم تبقى عارفه قيمت النعمه اللى معاكى وتفرحى باى حاجه بيعملها طفلك حتى ولو بسيطه وعيشى كل لحظه حلوه معاكى ماتضيعيش وقت حلو ممكن تعبيشيه معاه فى مقارنات ومراقبات ده كل اللى عايزه اقولوه ولو فيه حد لاحظ زى مالاحظت يلريت يقولنا على ملاحظتوه علشان نفيد بعض |
رد: الفروق الفرديه بين الاطفال
آآآآكبر غلطــــ المقارنآت والنظر لطفل الاخر ع ان ولدي او بنتي المفروض كذآ
كل طفل له قدرات غير عن الطفل الثاني وللاسف همقارنات متنشره كثير كل شي يبين اذا الطفل مو طبيعي بس لاتستعجلون بمقارنات مالها داعي غير تتعب نفسيتك وصحه ولدك معك والله يخلي لكم عيالكم وتشوفونهم مثل ماتتمنون اكثر الحل لهلمشكله : الوعي اكثر بلقرائه وحضور دورات والثقافه والاطلاع بشكل عام وماشاء الله الحين كل شي بين ايادينا من قرائه واطلاعات ماهو صعب الواحد يدور ع اي معلومه اللهم لك الحمد حتى ترضى ولك الحمد بعد الرضى صاحبة الموضوع جزاك الله خير فتحتي موضوع جدا مهم لكل آم خالص تقديري واحترامي |
رد: الفروق الفرديه بين الاطفال
موضوع قيم جدا
الله يعطيج العافيه |
رد: الفروق الفرديه بين الاطفال
يعطيك الف عافيه على الموضوع الاكثر من رائع وربي يخليلك بنوتاتك وعقبال ماتشوفيهم عرايس
|
رد: الفروق الفرديه بين الاطفال
الله يخليلك بناتك ويعطيك العافيه على الموضوع
|
الساعة الآن 08:47 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .