منتديات حوامل النسائية - هو انا كده ممكن اكون حامل

منتديات حوامل النسائية (https://naqatube.com/index.php)

- منتدى أعراض الحمل والوحام (https://naqatube.com/forumdisplay.php?f=8)

- - هو انا كده ممكن اكون حامل (https://naqatube.com/showthread.php?t=101933)

هو انا كده ممكن اكون حامل

http://forum.hwaml.com/imgcache2/hwa...359962_835.gif

http://forum.hwaml.com/imgcache2/hwa...359963_797.gif

كل سنه وكل ام بخير ويارب كل زوجه تكون ام فى عيد الام اللى جاى يارب
انا لسه مسجله جديد معاكم وكان عندى شويه اسأله ويارب الاقى اجابتها عندكم
اولاً انا عندى تكيس على المبايض والدوره تقريباً مكنتش بتيجى غير لما اخدلها
دوا ينزلها وبقالى اربع سنين متجوزه ومحصلش حمل وعملت كل حاجه ممكن تتعمل
لكن لسه ربنا مش رايدلى الحمل وانا حالياً فى الامارات وكنت سمعت عن دكتور تخيسيس كويس فى مصر لانى وزنى زايد شويه فا نزلته وابتديت معاه التخسيس وانا عندى امل انه يكون سبب ولما الدكتور عرف حالتى عملى كمان حجامه وبعد ما عملت اول مره حجامه بأسبوع واحد الدوره الحمدلله نزلت لواحدها من غير اى علاج ودا فى حد ذاته انجاز عظيم لانى كنت بقالى سنين مانزلتش من غير علاج وعلمت الحجامه 3 اسابيع ورا بعض وكنت ماشيه على الرجيم والاجهاز وشاء الله ان جوزى فى الامارات يحصل عنده ظروف تخالينى ماكملش تخسيس وارجع يوم مارجعت لجوزى كان يوم 3/9 وانا عملت اول مره حجامه يوم 11 / 2 والدوره جات يوم 18 / 2 والمفروض ان اخر ايام التبويض يكون يوم 6 / 3 يعنى قبل ما اجى لجوزى ب3 ايام والمفروض ان الدوره كانت تيجى 18 /3 ماجاتش يوم 20 نقطت نقطه لونها وردى الكلام دا كان انبارح بالليل والنهارده الصبح لاقيت نقطه تانيه وبعد كده مفيش اى حاجه نزلت تانى وكمان بتنزل افرازات شفافه كتير وكل شويه افتكر انها الدوره لكن مش بتطلع الدوره هو ممكن كده اكون حملت يعنى ممكن يحصل حمل بعد ايام التبويض ونقطة الدم دى ممكن تكون علامة حمل ولا انا واهمه نفسى بالله عليكم ردوا عليا لانى محتاره اوى بتمنا انى اكون ام