منتديات حوامل النسائية - حابة تقومي الليل ؟؟ تعالي,,,,,

http://forum.hwaml.com/imgcache2/hwa...099519_223.gif
طبعا الطريقة مش في الصلاة نفسها بس هي خطوات بنعملها عشان نقدر نحافظ علي قيام الليل وناخد أجره و ثوابه

ياااااااااااااااااااارب تنفع اي حد
ياللا مش راح أطول في المقدمة
ندخل في الموضوع علي طوووووووووووووول

بسم الله الرحمن الرحيم

أول حاجة يا بنات بأبدأ من الصبح
ايوة من بالنهار http://forum.hwaml.com/imgcache2/hwa...099535_434.gif
مش انتي لما يكون عندك ميعاد بالليل او ضيوف او حفل زفاف او حتي هروجة بتجهزي لها من الصبح؟
طيب ده أحلي ميعاد في الدنيا طيب بأعمل ايه بقي؟
أول حاجة يا ستي انتي و هي أخد معايا موبايلي او لاب توبي مكاننا المفضل ( المطبخ طبعا ) و هوووووووووووووووب علي اليوتيوب
و أسمع محاضرات دينية عن كذا حاجة تحرك القلب كده و تخليني اشتاق بس بصراحة عن حاجات تعلي الهمة
يعني حسن الخاتمة
علي خطي الحبيب للدكتور عمرو خالد اسمع كل يوم حلقة او اكتر طبعا سيرة الرسول عليه أفضل الصلاة و السلام بتهز اي قلب
ممكن قرآن
ممكن اسمع تفسير سورة معينة من شيخ أحب طريقته و تكون هي دي اللي اقوم بيها الليل

خلاص ده بالنهار، نيجي لوقت اللقاء نفسه
ساعات بأكون صاحية اساسا مع كتاكيتي و ساعات بأكون نمت
عموما بأبدأ قبل الفجر بساعةhttp://forum.hwaml.com/imgcache2/hwa...099530_526.gif

ركزي كده

أول حاجة اروح علي المطبخ أعمل النيسكافيه المحترم عشان ابقي فايقة كده مش منعوسة و بأنام علي روحي
وانا بأعمل ده بأشغل اليوتيوب علي محاضرات قصيرة مقتطفات يعني عن قيام الليل عشان اشحن بطارية همتي

http://t0.gstatic.com/images?q=tbn:A...OPyxl-n6wtWaW0

ازازة مية حلوة كده
http://t0.gstatic.com/images?q=tbn:A...ZkTzgT0x4tYS76
مصحفي و سبحتي
http://t3.gstatic.com/images?q=tbn:A...aSrShlzp0Iu9fg
و المصحف يا بنات بقي عندي شوية كلام عليه، ده أغلي كتاب عندنا
شوفي خلي مصحف للقيام قصدي تصلي بيه و انتي ماسكاه ادهنيه بشوية عطر بتحبيه مسك او حتي برفانك اللي بتحبيه و جلديه ايوة فيه جلاد جديد شفاف بيحافظ عليه
و السبحة كمان حطي نقطة عطر في ايدك و ادهنيها بيها
بعد كده جهزي مكان صلاتك
سجادتك مغسولة زي الفل و معطرة طبعا بعطر هادي رقيق
http://t3.gstatic.com/images?q=tbn:A...Uw-J5iIPOisFpA

طيب خلاص كده؟ تمام
روحي بقي علي التواليت http://forum.hwaml.com/imgcache2/hwa...099532_304.gif
ايوة ما تبتصليش كده هههههههههههههههههههه عشان مفيش حاجة تقاطعك و انتي بتصلي
مش قبل ما تخرجي بتحرصي انك تدخلي التواليت؟ هههههههههههه
المهم تغسلي وجهك باللوشن بتاعك و اسنانك بالفرشاة و المعجون أو السواك براحتك
انتي متفاجئة ليه؟
انتي رايحة تقفي بين ايدين ملك الملوك و الملائكة هتكون حواليكي
ياللا بقي اتوضي بمية ساقعة
http://t1.gstatic.com/images?q=tbn:A...sr1iOa7Lpqdd_K

ايوة عشان تفوقي كده و تنعنشي و روحي البسي اسدالك النظيف انا بأخلي واحد مخصوص للقيام اصل ده لقاء غير عادي
http://t2.gstatic.com/images?q=tbn:A...HE06MCUpdPsgc6
و حطي شوية برفان بقي كده و سمي الله و ابداي بالصلاة
اختاري سور تكوني بتحبيها

تعبتي بقي و عايزة ترتاحي بين الركعات ؟
حلو اوي
سبحتك جنبك اهي
هاتيها و ابدأي باذكار جديدة يعني غير اللي بنقولها بعد الصلاة
سبحان الله و الحمد لله و لا اله الا الله و الله أكبر
قولي بقي انتي
لا حول و لا قوة الا بالله
لا اله الا انت سبحانك اني كنت من الظالمين
سبحان الله و بحمده سبحان الله العظيم

و هكذا عشان تلاقي في كتابك يوم القيامة باذن الله كل أنواع الاذكار

المهم أذن الفجر ؟
ياللا صلاة الفجر و ما تنسيش ركعتي الفجر
http://t1.gstatic.com/images?q=tbn:A...elxoejHpo0k4KU

و الفجر طبعا (اضافة جامدة صح؟ هههههههههههههههههههههههه)
طيب خلصتي
تعبتي؟
هتنامي ؟
حلو علي السرير يا بطة و قولي اذكار الصباح و نااااااااامي نوم العافية يا جميلة

انتي بقي ما تعبتيش و النسكافيه عمل عمايله و صاحية و فايقة شطورة
تعالي اقولك نعمل ايه
حاجة من اتنين :
يا تقري قرآن و تذكري ربنا
يا تقومي زي القمر كده علي المطبخ و تجهزي للغدا لأن حضرتك هتنامي الضهر طبعا
و انتي طبعا شاطرة هتقضي الوقت في المطبخ بقي استغفار و ذكر
http://t1.gstatic.com/images?q=tbn:A...hgFf4UweZ2m2s6

ولو طلعت عليكي الشمس بقي ما تنسيش ركعتي الضحي و تبقي بكده أخدتي أجر حجة و عمرة تامة

http://t3.gstatic.com/images?q=tbn:A...a0WDb6m-Ari49Q

و كده خلاااااااااااااااااااااااص

منقوول للفائدة