|
مشكلة اقرب الناس لي .. اريد حل لها
السلام عليككم ورحمة الله وبركاته
ترددت كثير اكتب مشكلة اعز صديقه عندي ولكن طفح فيها الكيل وانا ضقت ذرعا من الحلول صبرتها كثير ووقفت معاها اكثر ولكن ...؟؟ فااريد منكم حلول حكيمه وصائبه ..>>خلصنا من اللغه العربيه نجي للعاميهhwaml02 صديقتي تعيش في منطقه بعيده عن اهلها لها 2سنتين متزوجه وعندها طفلين زوجها رجل طيب وراعي دين وصلاه وكريم ولاهوه حق خرجات ولانت ولله الحمد .. لاكن المشكله في الصمت اللي بينهم لايمكن ان يحصل منه مبادره اهي اللي تخطط للمصروف اهي اللي تحدد وين السفر اهي اللي تقول وتخطط وتقرر لكل شي ولما تساله عن رائيه يجاوب بكلمتين وخلاص تخيلو حتى العزايم اهي اللي تقول اعزم هذا ولا هذا مع انه كريم وراعي واجب طبعا هذا بنا على كلامها مايحاورها باي شي واذا صار بينهم شي وجات تتحاور معاه يرفع صوته او يسكت ويضل يناظرها لما تخلص بدون مايعطي اي حل احيان اذا احتدت بينهم المشاكل بدا يذكرلها بعض العيوب فيها مثلا مو انتي فاهمه بكل شي وموانتي الصح دائما واذا قالت انا محتاجه تعلمني وش الغلط وانا اعدله سكت او طنش ولما تبكي يحظنها ويوعدها يعدل يومين ويرجع نفس اول صديقتي جميله وراقيه واهلها ناس متعلمين الامثقفين واهلها ناس كثيرين ماشاءالله واهو يعتز فيهم واهله ناس فيهم خير بس عاديين يعني اهي تحب تبتكر كل جديد من يوم اهي معانا بالجامعه اسم الله عليها فطورها مميز حتى شغلها بالبحوث شفت صور لبيتها ديكورها حلو وماعارضها بشي وضيافتها راقيه بشهادت الجميع دايم ترسلي صور حتى بالحفلات طلتها مميزه وربي ماابالغ بس بشهادت خواتي وامي اذا عزمتها عندنا او اخذت من فساتينها ينهبلون على ذوقها زوجها يعجب بجمالها بس مايقرب منها كثير ولايمدحها الااذا اهي اطلبت نادرا يقول مهما لبست تخيلوا حتى الانقري مايسالها عنه تلبس ولا ماتلبس حتى البناطيل اذا جات تشتري يعيي وبيوم انفجرت بكاء ومارحمته من كلامها رد عليها قال ماادري ليش انا كذا والله يابنات نفسيتها دمار بس بكاء وجاها اكتئاب تنقهر لما تقول بروح لاهلي مايتكلم واذا ودها طنشها واذا قالت اشتقتلك يزعل تخيلوا كل شي يقوله لها بالحسره صارت ماعاد تروح لاهلها لانو دايم يحرجها يقول بجي ولايجي ياخذها تتصل مايرد عليها صديقتي تعترف انها عصبيه ورمانسيه وحنونه كثير وربي يابنات كل الاطفال يحبونها وحتى الحريم الكبار واولهم امي فيها سناعه وذرابه علاقته باهله كانت جدا جميله يحبونها صح بس مايقدرونها مثلا تجي عندهم من سفر مايصلحون لها قهوه , يسولفون عن زوجها باشياء قديمه ومواقف مالها داعي .يلبسون قدامه التوب والقصير والضيق والبناطيل وهما جدا عاديات والمصيبه كبار ومتزوجات ومعاهم كومت عيال واهي تفوقهم جمال بحسب كلامها , تجي عندهم عزايم ولايخبرونها واذا اعرفوا انها بتجي قالولها ,وزياده على كذا امه الله يهديها ماتمدحها مهما سوت وتمدح حريم غيرها قدام زوجها مع ان ام زوجها تحبها وصديقتي كمان تقدرها وشايلتها على راسها وبعد كذا تغيرت علاقتهم وسحبت صديقتي نفسها وصارت تتعامل رسمي جدا وحصلت مشادات مع زوجها وقالتله كل شي وكيف يعاملونها وانت ساكت ولاتهتم وزياده زوجها قبل الزواج كان يعلم خواته عنها اذا عطته شي او شي او هديه ويخليهم يقرون اشيائها من بطاقات وكذا .. زياده بشهر العسل كل يوم يكلمهم ويكلم كل جماعته حتى وهوه على السرير اكتشفت شي لما تتطنش زوجها يجيها واذا دلعته وقدرته طنشها واهي تعبت لين متى تطنش فيه عشان يعطيها وجهه ماتدري وش تسوي تروح لاهلها وتتركه ولا ايش؟؟ الحين اهي احملت بسرعه بعد ولادتها وزوجها مبسوط بس مايهتم بنفسيتها وانها وحيده ولا شغاله ولاشي اذا بكت يزعل اه يابنت تعبت معاها احسه بتموت من الهم ودي اساعدها باي شي ... تفكر تروح لاهلها بكل صمت بدون ماتعلمه وش السبب او انها طفشت من هالحال وتسحب عليه بالجوال واذا اتصل تكلمه عادي لما يجي بنفسه تتوقعون هذا حل ؟؟ |
رد: مشكلة اقرب الناس لي .. اريد حل لها
7 مشاهدات ولا رد حتى لو دعوه
|
رد: مشكلة اقرب الناس لي .. اريد حل لها
والله مالي في هالامور اخاف انصحها واخربها هههه
بس ان شاء الله تتحسن الأحوال ياهي تتعود علية او يتغير ^^ |
رد: مشكلة اقرب الناس لي .. اريد حل لها
صديقتك تحب زوجها بجنون وتعشق شئ اسمه رومانسيه
وتنتظر ان يبادلها التصرف بنفس ماتطمح اليه ولكن زوجها جلف يعني ضب ما يعرف شئ اسمه رومانسيه يحب زوجته ولكن بطريقته الخاصه (لايعرف شئ اسمه تدليل وغزل وحركات دلع ) صديقتك مشكلتها مو فاهمه زوجها حتى الآن !!!!! زوجها لايوجد مايعيبه فمن السخف ان تبتعد عنه وتتركه فهو : (سخي معها - يلبي طلباتها - يسافر بها - تعجبه ارائها - لايعترض على قراراتها - لايفرض رايه عليها - لايمنعها من الخروج - لايضربها - لايوبخها - لايستهزء بذوقها ....إلخ من اجل ذلك ستتركه !! عجبي قوليلها تحمد ربها وتشكره على النعمه وماتصير من كفارات العشير اللي بس تركز على العيوب وتنسى كل شئ جميل وطيب |
رد: مشكلة اقرب الناس لي .. اريد حل لها
دلع الاحساء الله يسعد هالوجود
|
رد: مشكلة اقرب الناس لي .. اريد حل لها
الاخت زاهيه نورتي وانا معك بكلامك بس مو لازم يضربها ويتريق فيها عشان يصير انسان غير سوي احيان الصمت يذبح نفس الضرب والاستهزاء
الشي الثاني اغفلتي نقطة انو مايترك لهم خصوصيه اي احد يشاركهم حياتهم ويعرف عنهم كل شي الشي الثالث هيه ماقلت بتركه : تقول هل روحتي لبيت اهلي حل في انو يتعدل ويحس بفقدها ولا في حل ثاني عموما شكرا لطلتك |
رد: مشكلة اقرب الناس لي .. اريد حل لها
والله ياأختي ..صديقتك لحد الآن مافاهمه زوجها ولا تعرف شنو يريد ولا الي يشتهيه ..
ومايصير تروح لأهلها ... خليها ماتتصرف مثل كل مره يعني هي الي تختار وتعزم ...الخ خليها تسكت ..بعض الرجال مايحبون زوجاتهم يتصرفوا بكل شئ بعضهم يعترض والبعض الآخر يسكت مثل زوج صديقتك.. خلي صديقتك تهدي من نفسها وتفكر من فترة خطوبتها لحد هذي الفتره وتشوف ميول زوجها شنو.. اختي ..المرأه من تتجمل لزوجها لازم ماتنتظر منه ان يمدحها بالكلام..فيه الي يتكلم وفيه الي يسكت وفيه الي افعاله تدل على المدح.. خليها تغير شويه من تصرفاتها مع زوجها شويه وخلي تشوف النتيجه.. واخيرا المره مالها غير زوجها بعد الله... ان شاء الله تتصلح الامور تحياتي اختك ام شوق |
رد: مشكلة اقرب الناس لي .. اريد حل لها
روح ملائكيه انتي مابتخافي على بناتك تحطي صورهم
نصيحه شيليهم النت مابه امان عذرا خارجت خارج الموضوع ياصاحبة الموضوع عسى ربي يعينك |
رد: مشكلة اقرب الناس لي .. اريد حل لها
شكرا لطلتكم ونصايحكم وان شاء الله بقولها
|
| الساعة الآن 02:25 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .