![]() |
يارب تصبرني وتكتبلي الاجر
بسم الله الرحمن الرحيم
انا ام لطفله عمرها 7 سنوات الله يخليها لي يارب من يوم كان عمرها سنتين قررت اني احمل والحمدلله حصل الحمل وكانت الامور ماشيه تمام في الاشهر الاولى من الحمل .كان عندي موعد سونار في الشهر الرابع وتفاجئت انه الطفله مشوه ماكان عندها مثانه ولا كلى سبحان الله وكان حجم الراس عندها اكبر من الطبيعي كملت حملي الى الشهر السابع وجاني طلق طبيعي وولدت والطفله على الفور توفت وكان شكلها الخارجي مشوه ..ضاق صدري حزنت كثير على هالشي لكن اقول قدرة الله ما اعترض عليها ..بعدها تقريبا ب9 شهور حملت وفرحت انه ربي عوضني خير الحمدلله وكانت الامور ماشيه تمام الى الشهر الرابع كانت عندي نفس الشي موعد سونار وتفاجئت انه الجنين متوفي في بطني ورحت مستشفى ثاني اتاكد اكثر وطلع فعلا متوفي فدخلت وحطولي طلق صناعي وولدت وكان ولد ..بعدها ب8 شهور حملت وبالشهر الثاني كان حمل عنقودي وسولي تنضيف وطلب مني الدكتور اجلس سنه ارتاح بدون حمل وفعلا جلست سنه وبعدها حملت ونفس الحكايه بالشهر الرابع توفى الجنين في بطني بدون اي سبب وسويت تنضيف وكان ولد وبعدها ب 3 شهور حملت وكانت الامور ماشيه تمام الى الشهر الرابع اكتشف الدكتور انه الطفل مشوه ماعنده لا كلى ولا مثانه والمويه حول الجنين ناقصه وكملت الى الشهر التاسع وجاني طلق طبيعي ونزل الطفل كان ولد وفعلا كان ماعنده كلى ومثانه والشكل الخارجي كان مشوه الحمدلله على اللي ربي كتبه لي والله يعوضني خير يارب وانش الله اشوفهم طيور بالجنه لكن ابي تفسيييييييييييييييييييير للي يصير معاي هل هو طبيعي او لا ؟؟ ايش ممكن اسوي ؟؟ نفسيتي جدا دماار لكن اصبر نفسي واحتسب الاجر اسفه على الاطاله لكن ابي تفسير لحكايتي ارجوكم |
رد: يارب تصبرني وتكتبلي الاجر
سويتي تحاليل ؟؟ عن سبب الاجاض وهالتشوه؟؟
وثانياا ماللك الا القران وروحي عند شيخ يقراء عليك ويعطيك ماي مقراء فيه يمكن انتي مرتاعه ولا شي ولا مصيحه في مكان اظلم ولا متهاوشة واذيتي احد من اهل الي تحت مالك الا تروحين عند شيخ يقراء عليك بس يكون شيخ ثقه مو اي شيخ يفهم في هالامور اعرف وحده كانت تولد وتجيب عميان ناس ماتشوف ومشوه اعيونهم 3 اطفال جابت نفس كذا وراحت لشيخ وقراء عليها وعلاجها والحين الحمدلله جابت ناس عدله وتشوف وقال لها الشيخ انها ظاره اهل الي تحت ماتدرين ترى لهم سبب لو ضريتيهم وانتي ماتدرين بس كل شي بيد الله بس لكل شي اسباب والله يعوظك بحمل سليم ويعوضني انا اجهضت 3 مرات بس لا تحملثين إلا لين تروحين لشيخ في شيخ ابو بكر في الحسا زين والكل يمدحه لو انتي قريبه تعالي ويعالجك |
رد: يارب تصبرني وتكتبلي الاجر
دلع الاحساء مشكوره حبيبتي على الرد
والله سوينا تحاليل وكل شي يطلع سليم وانا الحمدلله اقرا قران واصلي بالليل لكن هذي كتبت الله بس الواحد لازم يلقى سبب لهذا الشي اللي يحصل .محتاره ايش اسوي واستغفر الله العظيم صرت اخاف من شي اسمه حمل اخاف يتكرر نفس الشي كل مره |
رد: يارب تصبرني وتكتبلي الاجر
حبيبتي بس لزم شيخ حالتك ماتنسكت عليها دام التحاليل سليمه يعني في شي وانتي مستضره
مالك الا شيخ لان هالمور لزم ايات معينه |
رد: يارب تصبرني وتكتبلي الاجر
لا اله اللا الله ربنا يصبرك علي ما بلاكي يا اختي و يهون عليكي ويرزقك الحمل السليم المعافي
|
رد: يارب تصبرني وتكتبلي الاجر
ارقي نفسج حبيبتي
وروحي لشيخ يقرا عليج وعسى الله يعوضج خير بالدنيا والاخره وعسى ربي يرزقج بالحمل السليم المعافى من غير زياده ولا نقصان والله يرزقج من غير لا تحتسبين يارب |
رد: يارب تصبرني وتكتبلي الاجر
دلع الاحساء
ام فهد دلال مشكورين وجزاكم الله خير ماقصرتو من جد محتاجه دعواتكم لي انه ربي يعطيني الذريه الصالحه المعافاه المشافاه ويعطي كل محرومه يارب العالمين |
رد: يارب تصبرني وتكتبلي الاجر
اللهم امين حبيبتي حاولي لحملتي تنذرين ان الله انعم عليك بحمل سليم معافى ثابت بدفع المقسوم للفقراء
بس حالتك اينسكت عليها يبي لها شيخ |
رد: يارب تصبرني وتكتبلي الاجر
ان شالله باذن الله راح اداوم عند شيخ واللي ربي كاتبه بيصير
|
رد: يارب تصبرني وتكتبلي الاجر
الحمد لله على سلامتك والله يعوضك الخير يارب والصبر مفتاح الفرج ربي يوفقك ,, ويحقق لك ما تتمنيه يارب |
الساعة الآن 10:57 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .