|
بنتي والكلام
سلام يا امهات
بنتي عمرها سنه وتسع شهور مشكلتها الكلام تتكلم بس مو مفهوم حتى ماما وبابا ماتقولها دايما مو عارفه اذا طبيعي ولا في مشكله فكرت اوديها المستشفى بس قلت اشوفكم اول واشوف تجاربكم مع اطفالكم |
رد: بنتي والكلام
هلا وعليكم السلام والرحمه
شوفي يالغلا الاطفال يختلفو في قدرتهم ع الكلام اطفال اختي الاول ما تكلم الا ع 3 سنيين بس انطلق والي بعدو ماشاءالله خلصت سنه وكانت بدأت تتكلم . انا ولدي دحين عمرو سنه و7 شهور كان فصيح ماشاءالله اكرر الكلمه قدامو كم مره الا هوا يعيدها جاتو فتره نسي كل الكلام حتى ماما وبابا بعد البحث طلع من قنوات الاناشيد حقت الصغار كان مدمنها ودحين بطلتو منها ورجع يتعلم الكلام بس برضو كلمات بسيطه ماما بابا هات مين كدا .. الدكتوره بتقلك اذا كملت سنتين وما نطقت جيبيها ... ان شاءالله اكون افدتك وماطولت عليكي يالغلا |
رد: بنتي والكلام
ابنى بنفس عمر بنتك وبعد عمر السنة الاولى بطل يقول ماما وبابا لانى اول ما يشاور على شئ اقوله تبغى هدا؟ وبسرعه البى طلبه اما الحين اقوله له قول ابغى كدا..... فيقول اتح قصده افتح الباب ويقول هات وكدا وتو يقصد ستو ههههههه
يعنى عليكى واللعب معاها كتير وتتكلمى معاها وتطلبين تكرر وراكى كانكم بتلعبو وما تلحين عشان ما تزهق حتى ابنى يتكلم كتييييييير ويحى قصه طويلة عريضة من غير ما افهم منه كلمة واحدة هههههههههههه |
رد: بنتي والكلام
شئ طبيعي ياأختي خاصه أذا كانت هي الأولى يعني ماعندها أخوان تسمعهم يتكلموا
بس أنتي حاولي تكلميها كثير علشان تتعلم بس لا تضغطي عليها وكمان لا تقارينها بأحد كل طفل وله قدراته لكن أذا وصلت سنتين ماحكت أعرضيها على طبيب علشان تطمني عليها الله يخليها لك |
رد: بنتي والكلام
مثل ما قالوا الأخوات الي قبلي بس راح ازود عليهم انه الدكاتره ما ينصحون انه الطفل يشوف تلفزيون لازم تتكلمي معه حتي يتعلم الكلام لان التلفزيون ما يعلم الكلام
|
رد: بنتي والكلام
يسلمو حبيباتي كلامكم افادني
بنتي تحب تتفرج على قنوات الاطفال والاناشيد امكن عشان كذا ماتتكلم كثير |
رد: بنتي والكلام
حبيبتي حاولي تحددي لها وقت قليل للجلوس ع القنوات
لان الدكتور يقول هيا السبب الرئيسي للتوحد وما تعلم الاطفال الكلام انا منعت طفلي عنها تماما |
| الساعة الآن 08:29 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .