|
ماهي افكار الاتيكيت والضيافه الشغاله للضيوف !!
السلام عليكم جميعا انا حابه تعطوني افكار كيف ادرب شغالتي ع استقبال ضيوفي ؟؟ وكيف يكون اسلوبها ؟؟ وعند ضيافتهم خاصة ايام نفاسي ؟؟ يعطيكم الله العافيه :) |
رد: ماهي افكار الاتيكيت والضيافه الشغاله للضيوف !!
عشان الخدامه ماتطفش و تقول مكلف فيك ههههههههههههه
لان معروف تعب على الخدامه ايام النفاس .. فا انتي جيبي لها هديه رضوه لها عطر مع كريم ولا عطيها 100 ريال عشان تقول والحمدالله تقدر تعبي و كاف أتني و وصيها تبخر البيت كل يوم بشبه الصباح و لما يجوون الناس عن العين و الحسد و بنفس الوقت ريحة الشبه حلوه بأيام النفاس .. وووووو شنو بعد معجنات تسوينهم قبل موعد الولاده بيوم و حطيهم بلفريزر خلي اختك او امك تشرف على الخدامه و هي تسويهم وله اطلبي من حد يسو لك .. بيتزا و جبن و زعتر و جبن كيري و انتهينا ... و لا جاء الضيوف تصخنهم الخدامه كأنك مسويته طاااااااااااازج .. بأخذ الطريقه من ام زوجي و برسلك اياها .. اذا حابه تعرفين طريقه ردي لي خبر من الصباح تجهزز الفناجيل و بيالة الشاي و كاسات العصير تغسلهم و تحط كل شي بصينيته و تغطيهم و تغسل الدلال و كل شي حق التقديم .. و تخليهم جاهزين بحيث ان لو احد جاء اللهم بس تسوي الشاي و القهوه .. و تعبي الدلال و تقدم الباقي .. المهم ... و بخصوص الحلى لا تكثرين .. صنيتين و نوع شوكلت ساده و نوع كذا حررركات بلفستق المكسرات التمر و باديه معمول حررركتات و بس انتهينا .. و لا تنسين الناس اللي بتجيك اللي بيجب حلى و اللي كيك و بس .. اول ما الناس تجيك و اول ماتشوف الناس داخلين ... تقدم لهم ماي يفضل تكون علب ماي او كاسات الماي الصغيره الجاهزه و تروح بعدها تسخن الشاي و القهوه .. هذا لو جاو فجأه لكن عموما هو من بعد صلاة العصر خليها تسوي شاي و قهوه و بس تبين تقدمين كيك .. علميه كيف تقطع الكيك .. و ش تحط جنبه .. اذا المعجنات مالك خلق تسوينها و ماتعرفين يفضل كل بين يومين حد يروح يجيب المعجنات الجاهزه من الظهر و بس و العصير يفضل تأخين معلب و تقدمينه بلعلبه لان في نااااس بتسرب و ناس لا فا يصير مالها داعي جيك عصير ماانشرب منه الا نتفه و الباقي رايح جاي .... بلكاسات .. يعني مجملا من الصباح تجهز كل شي حلى و معجنات ووووووووووو الخ ووووووووووو اذا عادي الخدامه تلبس تنوره عندكم اشتري لها طقم مرتب تلبسه بوقت النفاس .. تنورتين بلون معين و اشتري لها بلايز الواسعه الطويله الساتره و مع الحجاب و انتهينا .. وووووووووووو تذكرت تمرر وووووووووووو سجادات الصلاه تكون مرتبه و محطوطه على جنب احد ببيصلي شي السجادات تكون جاهزه.. و الله يعينك.. |
رد: ماهي افكار الاتيكيت والضيافه الشغاله للضيوف !!
ما شاء الله عليك يا عسل كلامك حلو
أنا أبغا طريقة المعجنات أرسليها لي بلييييز |
رد: ماهي افكار الاتيكيت والضيافه الشغاله للضيوف !!
مشاااااعل الله يحفظك ماقصرتي والله
بجد وفيتي وكفيتي مررره كلامك حلو ومرتب ماشاءالله والف شكر ليكي واي خدمات انا كمان حاضره |
رد: ماهي افكار الاتيكيت والضيافه الشغاله للضيوف !!
مشكوره
وجزاك الله خير |
رد: ماهي افكار الاتيكيت والضيافه الشغاله للضيوف !!
انتي ريحي راسك واهتمي بنفسك والبيبي والضيوف اختك وامك تستقبلهم
|
| الساعة الآن 08:50 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .