|
حاليا في عملية طفل انابيب طلو على موضوعي انا محتاجه دعمكم ودعائكم
انا حاليا في كورس ابر التنشيط استعدادا لعملية طفل انابيب.. طبعا محد من اللي حولنا او اقاربنا يعرف شي عن الموضوع الكل يعتقد اننا اجلنا الحمل شوي لظروف معينه وبس.. وحنا قررنا انه شي خاص فينا وطبعا اي موضوع يطلع عن اثنين شاع لذلك انا وزوجي قررنا ما نقول لاحد ابدا مهما كان قريب..
هالشي تعبني شوي احس احتاج اني افضفض واتكلم واحس انه فيه احد يتابعني غير زوجي وهالسبب خلاني اشترك في هالمنتدى.. كنت بكتب تطوراتي في موضوع تجمع امهات اطفال الانابيب بس صراحه الموضوع ميت وكتبت ردين ومحد شارك.. عشان كذا قررت اكتب موضوعي الخاص واتمنى انكم تشاركوني وتؤازروني في هالفترة الصعبه والخوف المرتقب.. احتاج دعمكم ودعائكم لي.. انا وزوجي سليمين وسبب عدم الانجاب مجهول (متزوجين لنا اكثر من ثلاث سنوات وحاولنا لمدة سنة) ولان وقتنا ضيق وعشان توفير الفلوس الدكتور نصحنا بالانابيب وقال ان الاخصاب الصناعي ممكن يكون ضياع وقت ومال واحنا مرة مستعجلين ونبي الاضمن.. توكلنا على الله وبدينا .. اول شي اخذت حبوب منع حمل مدة 24 يوم ومعها مضاد حيوي اخر ثلاث ايام وبعدها وقفتها ولما نزلت الدورة بديت كورس الابر.. انا اخذ الابر بالبيت وكان شي مرعب بالبدايه لاني في حياتي ماضربت نفسي ابره واساسا اخاف اشوف الابر حتى لو بسوي اي تحليل عادي دايما اغمض لاني اخاف اشوف شكل الابره.. لكن قدر الله وماشاء فعل.. بصعووووبه قدرت اخذ اول ابره كنت ماسكتها عند بطني عشر دقايق مو قادره ادخلها لين توكلت على ربي ودخلتها بشويش والحمدلله ما عورتني ابدا بالذات اني حطيت ثلج على المنطقه مرة يخدر.. بس يعني اول مرة اخذتها غريبه دخت وتعبت وعورني المكان من داخل واتوقع لان اعصابي كانت مشدوده وخايفه لاني لما اخذتها من بكرا عادي ما دخت ولا شي.. حاليا احقن جونال اف 225 ومينابور وهو عباره عن سائل اخلطه مع بودره واحقنها.. كلها اخذها في منطقة البطن تحت السرة.. اليوم هو ثالث يوم بكورس الابر رحت الصباح سويت تحليل دم وقالو كل شي اوكي وبكرا بروح الصبح مرة ثانيه اسوي سونار.. مادري كم باقي لي بعد بس اتوقع 10 ايام زياده ويحددون لي عملية الترجيع.. هذي تطوراتي الى اليوم وان شاء الله بوافيكم بكل شي اول باول وابي منكم الدعاااااااااااااااء لانه صعب علي ماديا ووقتيا اني اعيد العمليه امنيتي تضبط من اول مرة ولكن طبعا رح ارضى بقضاء الله مهما كانت النتيجه.. اسفه على الاطاله واشكركم لسعة صدوركم.. |
رد: حاليا في عملية طفل انابيب طلو على موضوعي انا محتاجه دعمكم ودعائكم
الله يتمم على خير وموفقه حبيبتي سويت اطفال انابيب في صفر والحمدلله حملت كانك تتكلمي عني ماقلت لاحد من اهلي او اهله سوينا الموضوع بسريه وهذا الاحسن عشان لايسألوا ويوتروكي نصيحتي لك في هاذي الفتره طالما تقولي انك سليمه انت وزوجك انك تستمعي على الرقيه فيه رقيه تثبيت الحمل ضروري افتحيه وقت النوم على التكرار لمن تقومي واسمعي رقيه العين قبل المغرب واشربي عصير اناناس الربيع في هاذي الفتره كنت اشرب العصير وسبحان الله كبرت البويضات بسرعه واتصدقي بنيه الحمل وأخيرا لاتنسي تستودعي بويضاتك وهرموناتك وبعد عمليه السحب استودعي اجنتك هاذي تجربتي
واي سؤال انا جاهزه |
رد: حاليا في عملية طفل انابيب طلو على موضوعي انا محتاجه دعمكم ودعائكم
اشكرك عزيزتي بسمة بلبل من كل قلبي على ردك السريع المطمن.. طمنتيني بنجاح عمليتك.. كل ما اسمع عن نجاح عمليه اتفائل.. ونصايحك على العين والراس انا سمعت عن الاناناس ورحت اليوم اشتريته فريش ومقطع وحطيته بالمطبخ بس حاسه اني تأخرت توني ابدا اكل منه ثالث يوم!! المفروض من قبل الكورس باديه بس احسن من لاشى..
بالنسبه للرقيه انا قبل ابدا حبوب منع الحمل وكل شي قعدت ثلاث اسابيع اقرا سورة البقره كل يوم واخر الفتره صرت انفث في مويه وانا اقرا واشربها.. وزوجي كان يقرا بعد وبصراحه ما شفت اي من اعراض العين ولله الحمد لا كوابيس ولا ازعاج ولا تعب اثناء القرائه ولا شي ياربي لك الحمد بالعكس استمتعت وصرت اتعمن في معانيها اكثر من اول بسبب التكرار.. وان شاء الله اذا خلصت الدورة برجع اقراها.. والصدقه انا في كندا وما القا مسلمين كثير اتصدق عليهم لكن كلمت الوالده بالسعوديه مرة تتصدق لي بمبلغ وماقدر اكررها اخاف تشك.. لكنك حمستيني اكثر بروح للمسجد اللي يصلي فيه زوجي واعطيهم مبلغ تبرع للمسجد.. وان شاء الله بستمر بالدعاء والصدقه وبستودع الرحمن اجنتي باذن الله.. سؤالي الحين.. انا توني ثالث يوم ابر وحاسه بانتفاخ ببطني بس انا لي فتره مكثرة اكل شوي ومادري هي سمنه ولا بسبب الابر.. واحس بثقل شوي ما انحني بسهوله واحس بنغز تحت بطني شوي .. احيانا اقول اتوهم من كثر ما افكر بالابر توني ثالث يوم ما امدا تتكون البويضات واحس بثقل.. انتي وش رايك؟؟ متى بديتي تحسين بثقل وانتفاخ ؟؟ |
رد: حاليا في عملية طفل انابيب طلو على موضوعي انا محتاجه دعمكم ودعائكم
مرحبا اختي (يارحيم ),,,,
الله يرزقك ان شاءالله ,, وافضل شيء انك ماتقولين لاحد انا سويتها 3 مرات ومانجحت والله حتى امي ما تدري ,, والالام اللي تحسين فيها طبيعيه جدا من الابر وعادي وبتزيد عليك شويتين بس تقدرين تتحملينها مو قوية ,, ودي اسالك بس مستحية انتي في كندا للدراسة او للعلاج |
رد: حاليا في عملية طفل انابيب طلو على موضوعي انا محتاجه دعمكم ودعائكم
الله يوفقج حبيبتي وايسر امورج
اهم شي بعد الترجيع اكلي خيار وماي وبيض كثري منهم واقرأي سوره البقره كل يوم وتصدقي بنيه الحمل واستودعي اجنتج كل وقت وان شاء الله الله يثبت لج الحمل يارب ويرزقج الذريه الصالحه |
رد: حاليا في عملية طفل انابيب طلو على موضوعي انا محتاجه دعمكم ودعائكم
اشكركم امو وفديت قلبه للنصائح ان شاء الله بحطها بعين الاعتبار.. انا في كتدا للدراسه..
|
رد: حاليا في عملية طفل انابيب طلو على موضوعي انا محتاجه دعمكم ودعائكم
حبيبتي الاعراض اللي قلتي عليها طبيعيه جدا لسه ممكن تحسي بألم في المبايض وقت التبول وهذا عادي جدا اثر الابر المنشطه
والحمدلله مادام سمعتي رقيه وكنتي سليمه لكن مايضر استمري عليها انا في الشهر الثالث ومستمره على الرقيه وماتأخرتي بالنسبه لشرب عصير الاناناس لسه انتي في بدايه العلاج وفعلا زي مانصحوكي الاخوات بعد الترجيع الخيار وكثري شرب سوائل ومويه ونشا يساعد على التثبيت الله يوفقك ونفرح بخبر حملك |
رد: حاليا في عملية طفل انابيب طلو على موضوعي انا محتاجه دعمكم ودعائكم
مشكوووورة اختي بسمة بلبل على المتابعه.. ان شاء الله ابشركم نهاية هالشهر بحملي ياااااارب..
بالنسبه للرقيه اللي تسمعينها ايش هي بالضبط؟ سور معينه ولا ايات معينه ومن وين تسمعينها؟ محملتها من النت يعني ولا كيف؟ واشكرك جزيل الشكر على مساعدتي.. |
رد: حاليا في عملية طفل انابيب طلو على موضوعي انا محتاجه دعمكم ودعائكم
الله يوفقكم ان شاء الله وتبشرينا بالحمل امين ياارب
ممكن سؤال انتي ليش اخذتي حبوب منع الحمل عشان تتحكمي في موعد الدوره او لعلاج شي ومااخذت ابر تحت الجلد ولا فوليك ولا اسبرين ليش طلبتك يااختي ارجوك ارجوك ارجوووووووكhwaml93hwaml93 تسالي دكتورك انا عملتها مرتين وكنت اخذ ابر مينغون اثنين بودره و اثنين ماء واستمر على الابر 14 يوم منذ نزول الدوره بس مايسحبوا الا3بويضات وماتتلقح الاوحده وما نجحت العمليتين في المره الثانيه قلت للدكتور يغير الابر بس اصر وقال الابر زي بعض hwaml4وقال هذي كفاءه مبيضك انا نفسيتي تعبت مره hwaml15 نفسي اعيد التجربه بس خايفه تتكرر نفس الماساه مااعطاني الدكتور امل معقول الابر مثل بعض رحت بعدها لدكتوره عاديه وكلمتها عن التجربه وانهرت قدامها لاني ماخبرت احد من اهلي قالتلي المفروض يغير الابر لجونال اف لانها افضل ويعطيك برنامج جديد لان البرنامج ماناسبك ماادري كلامها مواساه والا صحيح اساليه عن حالتي الله يخليك ويفرح قلبك بالذريه الصالحه السليمه المعافاه ولك دعوه في ظهر الغيب |
رد: حاليا في عملية طفل انابيب طلو على موضوعي انا محتاجه دعمكم ودعائكم
اختي الجوري المفرووض الدكتور يغير لك الابر
انا كنت اخذ 2 بودرة و 1 موية وكانوا يسحبون 8 بويضات وما نجحت مرتين سويتها وماتتلقح الا وحده وغيرت الدكتور والمستشفى كله واعطاني الدكتور 4 بودرة و2 موية وابر ثانية تحت الجلد والله يسهل لك |
رد: حاليا في عملية طفل انابيب طلو على موضوعي انا محتاجه دعمكم ودعائكم
الله يكون معكي انا الحمدلله خلصت من هالمرحلة وهلق بمرحلة الانتظار بعد الترجيع والله يقدم الي فيه الخير
ويكون معنا ولا يضيعلنا تعب اااااااااااامين |
رد: حاليا في عملية طفل انابيب طلو على موضوعي انا محتاجه دعمكم ودعائكم
عزيزتي جوري المفروض ما تعيدينها عند نفس الدكتور.. كل دكتور له برنامج واذا ما ناسبك برنامجه ما تطلبين منه يغيره انتي غيري الدكتور احسن.. بس انا مستغربه ما اعطاكي جوال اف كل اللي قريت عنهم مسويه العمليه اخذو جونال اف..
انا اخذ جونال اف وكل شوي يزيد لي الجرعه واحذ معها مينابور اثنين بودره وواحد مويه واليوم ببدا شي جديد بعد اسمه جينالكس او شي زي كذا كلها اخذها بمنطقه البطن تحت السره واتابع معه سونار وتحليل دم كل يومين عشان يشوف وضع التبويض.. شوفي شكل دكتورك مو شاطر والدليل يقول كل الابر واحد اسمحيلي ماعنده سالفه.. نصيحتي لك اسألي عن دكتور مشهور وعنده نجاح العمليات عالي في مدينتك وروحي له بدل دكتورك الفاشل هذا غريب تفشل عمليتك ويعيدها لك بنفس الابر ومايغير!! الله يرزقك يارب ويرزقني وكل محروم وعقبال ما تبلغنا فراشات ملونة بحملها يااااااااااارب.. |
رد: حاليا في عملية طفل انابيب طلو على موضوعي انا محتاجه دعمكم ودعائكم
حبيبتي
ممكن تاخدي الابر بالعضل عادي نفس المفعول افضل من تعب نفسيتك واخدها بالبطن وتوكلي على الله وان شاء الله بتتكلل العملية بالنجاح وبترزقي بتوأم حلوين بس ماتنسينااااا انا رح اثبت موضوعك حتى تتمكني من كتابة يومياتك باريحية اكثر |
رد: حاليا في عملية طفل انابيب طلو على موضوعي انا محتاجه دعمكم ودعائكم
حبيبتاي اموو ويارحيم
اشكركم من كل قلبي اعدتم الامل الى روحي اليائسه حفظكم الله ورعاكم ورزقكم من حيث لاتحتسبون واقر عيونكم بالذريه يارحيم والله الابر كثيره ثلاث في اليوم وفي نفس المكان الله يكون في عونك الدكتور الفاشل محمد عيد الله يسامحه كنت اقرا في النت انه ممتاز لكن سبحان الله طلع العكس والله كرهت جده بسبة هالدكتور طيب احد سمع عن ممدوح اسكندرفي ابها |
رد: حاليا في عملية طفل انابيب طلو على موضوعي انا محتاجه دعمكم ودعائكم
عزيزتي ديموشكا انا اخذ الابر بالبيت صعب علي اطلع كل يوم للمستشفى اخذها فالاسهل يكون بالبطن لانه لو بالعضل لازم احد يعطيني اياها .. مشكورة حبيبتي على التثبيييت الله يسخرلك ويسهل لك كل امورك..
جوري ليه تسافرين مدن ثانيه.. انتي وين عايشه وليه مدينتك مافيها دكاترة كويسين؟؟ |
رد: حاليا في عملية طفل انابيب طلو على موضوعي انا محتاجه دعمكم ودعائكم
اختي الجوري كيف حالك؟؟
فيه دكاترة شاطرين بجده ابحثي بالنت واذا تقدرين تعالي للرياض مستشفى الحبيب فيه نخبة من الاطباء المميزين وانا شخصيا عندهم وعند الدكتور البقنه ,, بحثنا عنه بالنت كثيررررر واتوكلنا على الله وانتي كذلك توكلي على الله وابحثي |
رد: حاليا في عملية طفل انابيب طلو على موضوعي انا محتاجه دعمكم ودعائكم
ربي لايضيع لك تهب حبيبتي
وعقبال ماتجين تبشرينا بحمالك قادر ياكريم |
رد: حاليا في عملية طفل انابيب طلو على موضوعي انا محتاجه دعمكم ودعائكم
اهلا يااموو الحمد لله انا بخير دامك بخير
انا من مدينه مافيها مراكز انا من البرك والحبيب قريت عنه انه كويس اذا نويت اعملها بااستخير شخبارك --يارحيم--- انصحك بالمشي الكثير عشان الابر طيب الابر هذى كلها للتنشيط والا لا اليوم ايش بالنسبه من نزول الدوره تبي تعرفي ان تبويضك ممتاز عن طرق الافرازات اذا كانت غزيره حلو عزيزتي لازم تاخذي حمض الفوليك مهم وكذلك جو اسبرين موفقه باذن الله |
رد: حاليا في عملية طفل انابيب طلو على موضوعي انا محتاجه دعمكم ودعائكم
ربنا يوفقك ويبشرنا جميعا بالذريه الصالحه انا تقريبا معاكى فى نفس الخطوات وحاسه انى بداخلى توتر جامد جدا ربنا يبشرنا جميعا بالخير
|
رد: حاليا في عملية طفل انابيب طلو على موضوعي انا محتاجه دعمكم ودعائكم
مشكورة ريتاج على الدعاء حبيبتي الله يستجيب.. بطوطة حياك حبيبتي الله يكتب لي ويكتب لك الحمل ياااارب وعطينا تطوراتك هنا خلينا نتابع معاك :)
|
رد: حاليا في عملية طفل انابيب طلو على موضوعي انا محتاجه دعمكم ودعائكم
اقتباس:
بحاول امشي هاليومين يمكن يخفف علي لان بطني بدا يعورني وامس شكلي اخذتها غلط لان طلع لي بقعتين بنفسجيات ببطني ولقيت دم بالابره لما جيت ارميها :( ماعرف وش دور الابر بالضبط انا اللي فاهمته انها كلها تنشيط يعني يمكن شي يحفز انتاج البويضات وشي يحفز كبر حجمها وزي كذا يعني.. بس ملاحظه ان شهيتي للاكل تغيرت شوي ما عدت اجوع زي اول ولا اشتهي الاكل زي اول.. قلت الشهيه شوي من بعد الابر ماعرف ليه.. اليوم سادس يوم من الدورة (عادة دورتي 8 او 9 ايام بس هالمرة لاني اخذت مانع حمل وقاعده اخذ هالابر شكلها تأثرت وقصرت احس اني بخلص اليوم او بكرا) والافرازات اليوم بدت معي واستغربت شوي بس بعد ماقريت كلامك اقول ان شاء الله تستمر وتزيد بعد :) الفوليك والاسبرين ماكتبهم لي الدكتور وانا ماشيه على خطته بالمللي ماحب اغير ابد لاني واثقه فيه واخاف بعدين لو لا قدر الله ما صار قعدت الوم نفسي اني ما مشيت على كلام الطبيب.. عموما هم عاطيني حبوب كثير بس مابعد قالو لي اكلها كل يومين يكلموني ويعلموني وش اسوي وانا ماشيه معهم بالضبط.. الله يكتب لك الخير حبيبتي وبرزقني وياك الذريه الصالحه عاجلا غير اجل.. |
رد: حاليا في عملية طفل انابيب طلو على موضوعي انا محتاجه دعمكم ودعائكم
الله ييسرامورك حبيبتي ويفرج همك ويفرح قلبك ويهون عليك ويكتبلك النجاح بعمليتك يااااااارب
انا ماعندي خبره بس بكون متابعه ليومياتك لاني احتمال كبير اسوي الانابيب بس لسى ماسمحت الظروف الله يفرجها اسال الله ان يرحم ضعفنا وكسرنا وكشف عوراتنا ويرزقنا بالحمل السليم الطبيعي والذريه الصالحه الباره وكل محرومه يااااااااارب عاجل غير اجل ويكفينا شر العمليات ياااااااااارب |
رد: حاليا في عملية طفل انابيب طلو على موضوعي انا محتاجه دعمكم ودعائكم
مشكورة على الدعاء ام ريما وديما الله يستجيب.. الموضوع بيتك حبيبتي ويسعدني متابعتك ووقوفك بجانبي :) الله يزرقك الذرية الصالحه اللي تسعدك وتهنيك وتبر فيك عاحلا غير اجل..
|
رد: حاليا في عملية طفل انابيب طلو على موضوعي انا محتاجه دعمكم ودعائكم
اختي{يارحيم}اخذ الرقيه من موقع الشيخ عبدالله الخليفه لأن فيني عين وفتحت ملف عنده والحمدلله قبل اطفال الانابيب ب7 شهور ارقي نفسي وأنزل الرقيه من موقعه
أختي جوري اذا رحتي عيادات الدكتور سمير عباس تراهم سيئن جدا انا رحت الدكتور مازن بشاره ماشاءالله عليه شاطر وعلى فكره زيك ماغير في الابر بس اعطاني ميغون 4بودره و3مويه لمده 7ايام وبعدها زاد الجرعه 5بودره و4مويه لمده 5ايام والحمدلله كبرت البويضات وسحبوا 14 بويضه اتلقحت 8 منها ورجعت 3 اجنه |
رد: حاليا في عملية طفل انابيب طلو على موضوعي انا محتاجه دعمكم ودعائكم
اليوم رحت للمستشفى سوولي التراساوند قالو كل شي اوكي ان شاء الله بس ما سألت كيف حجم البويضات وعددهم ماعرف ليه!! تحسفت بعد ما طلعت اني ما سألت..
المهم اني بستمر على نفس الجرعات واحتمال يحددون عملية سحب البويضات يوم الجمعه او السبت مدري ليه خايفه.. طبعا مو خايفه من نفس العمليه لا والله ماهمني ومستعده اتحمل اي شي.. بس خايفه من النتيجه وكم بويضه بيسحبون وايش اللي بيتلقح وهكذا.. هل تنصحوني بقراة سورة معينه هالفتره او نفس يوم العمليه؟ ايش رايكم اقرا سورة يس؟ سمعت انها تسهل الصعاب ولا وش رايكم؟؟ |
رد: حاليا في عملية طفل انابيب طلو على موضوعي انا محتاجه دعمكم ودعائكم
انا بقالى 10 ايام باخد ديكابيبتيل حقن تحضريه تحت الجلد واليوم عملت تحليل للe2
تقريبا طلع 9 والدكتور قالى ان اخفف الحقنه الى ربع حقنه فقط وابدا فى حقن الميرونال 3 حقن فى حقنه واحده يوميا واعمل تحليل تانى يوم السبت وبالنسبه للدم قال دم دوره عادى ربنا يرزقنا جميعا الذريه الصالحه وييسر لنا الحال وبالنسبه لكى يارحيم فعلا قراءة صورة يس تييسر الصعب انشاء الله |
رد: حاليا في عملية طفل انابيب طلو على موضوعي انا محتاجه دعمكم ودعائكم
كويس يعني زي ما توقعت اللي معاكي دم دورة.. طيب الحمدلله ان كل شي كويس.. تعرفين كم بقا لك تقريبا على الابر ومتى بيكون سحب البويضات ولا لسا ماعندك فكرة؟؟
|
رد: حاليا في عملية طفل انابيب طلو على موضوعي انا محتاجه دعمكم ودعائكم
صباح الخير للجميع
اخبارك --يارحيم--- الحمد لله هانت مابقى الا القليل وترتاحي من الابرhwaml10 اولا احمدي ربك لانك وصلتي للمرحله هذي ثانيا لاتنسي المشي عشان تنشطي الدوره الدمويه -شرب الماء بكثره-شرب الحليب -اكل الفواكه وسيبي الوجبات السريعه والقهوه واشربي عصيرات ثالثا عليك بالدعاء في الصلاه والصدقه والاستغفار والتوكل على الله الله يوفقك ويرزقك بالذريه امين ياااربhwaml13 |
رد: حاليا في عملية طفل انابيب طلو على موضوعي انا محتاجه دعمكم ودعائكم
نسيت اقولك حمض الفوليك مهم للجنين يمنع التشوهات
وجواسبرين يغذي بطانه الرحم بس يمكن الحبوب اللي اداك الدكتور لها نفس التاثير هو ادرى اكيد شوفي حبيبتي كله بامر الله كرري دائما حسبي الله لااله الا هو عليه توكلت وهو رب العرش العظيم وفوضت امري الى الله لاتخافي ولا تقلقي اللي مكتوب على الجبين لازم تشوفه العين بالتوفييييق |
رد: حاليا في عملية طفل انابيب طلو على موضوعي انا محتاجه دعمكم ودعائكم
اختي {يارحيم} الله يوفقك القران كله خير اقري بنيه تحملي وكثري صدقه واستودعي بويضاتك انا طول فترة العلاج كنت اقول اللهم استودعتك بويضاتي يامن لاتضيع لديه الودائع وقبل العمليه طلب الدكتور تحليل هرمون الاستردول وطلع مرتفع وكان حيلغى العمليه وكنت اردد اللهم استودعتك هرموني وسبحان الله كانها معجزه عدت تحليل الهرمون ونزل والدكتور استغرب وطلب اعيد التحليل للمره الثالثه وكنت اردد الدعاء في السجود وليل ونهار والحمدلله نزل الهرمون مره واخذت الابره التفجيريه والدكتور قال لزوجي بعد سحب البويضات {ربي جبر بخاطرها}لأنو مو متوقع البويضات سليمه بسبب ارتفاع الهرمون وانخفاضه لكن رحمة رب العالمين فوق كل شي تخيلي مرتين كانت حتتلغي العمليه لكن ربي اراد بسبب الدعاء
|
رد: حاليا في عملية طفل انابيب طلو على موضوعي انا محتاجه دعمكم ودعائكم
الله يرزقك ويرزقنا
ليش الابر كلها في البطن ليه ماتضربيها في الذراع او الفخذ دام كلها تحت الجلد شوفي انا اشكل مو في مكان واحد بعدين بالنسبة للدم في الابرة المفروض ماييصر كدة افتحي اليوتيوب واكتبي طريقة ابرة تحت الجلد او حول دا الخصوص وان شاء الله تستفيدي |
رد: حاليا في عملية طفل انابيب طلو على موضوعي انا محتاجه دعمكم ودعائكم
شكرا جوري على النصائح ان شاء الله بنفذها واحمد ربي ليل ونهار على اني وصلت لهالمرحله بسلام وللحين كل شي كويس انا متفائله بالله خير وبسأل الدكتور عن الفوليك..
بسمة بلبل دمعت عيوني لما قريت وش قال الدكتور "ربي جبر بخاطرها" سبحانه جبار القلوب سبحانه الكريم الرحيم.. مرة قريت ان الدعاء باسم الجبار من افضل الادعيه لان ربي يجبر بقلوب عبيده المساكين اللي لاجئين له ومالهم غيره.. والله دمعت عيوني لما قريت ايش صار لك بعد مادعيتيه وكيف جبر بخاطرك سبحانه رحمته وااااااااااااسعه ياربي لا تحرمني رحمتك يا اكرم الاكرمين.. هاتنه حبيبتي انا تفرجت على فديوات تعليميه وعلموني بالمستشفى بس شكلي غلطت غلطه ماعرف ايش هي الحمدلله عدت على خير وماعاد بعدها شفت دم باي ابره.. الدكتور قايلي اخذها كلها تحت البطن ما قالو لي انوع ابدا وانا ماشيه على تعليماتهم.. قالو يوم خوذي بجهة اليمين ويوم باليسار وكذا لين تنتهي المده والحين بعد مابقعت الجهه اليسار بنفسجي بسبب تجمع الدم صرت كل يوم اصرب الجهه اليمين.. الله لا يضيع لي تعب كلها كم يوم واخلص من هذا كله وتجي فتره الانتظار اللي من اول مابديت انابيب وانا شايله همها لاني ماتحمل الانتظار ابدا واقلق 24 ساعه على اي شي تافه كيف عاد بهالموضوع.. بس ان شاء الله مجهزة لنفسي برنامج يلهيني عشان ما تمر على هالايام كنها سنين من طولها.. |
رد: حاليا في عملية طفل انابيب طلو على موضوعي انا محتاجه دعمكم ودعائكم
آخر مستجداتي: زاد علي النغز والم البطن ماني قادره اجلس واقوم براحه يعورني بطني والنغز صار قوي.. الله يعين ويسهل..
موعدي يوم الاربعاء الصباح بيسوون لي اخر الترا ساوند ويقررون لي وقت عملية السحب.. الله يسهل.. |
رد: حاليا في عملية طفل انابيب طلو على موضوعي انا محتاجه دعمكم ودعائكم
الله يرزقك ماتتنمين يارب
ويسهل عليك ولايضيع لك تعب ياااارب عليك بقيام الليل ومناجاه ربك سبحانه هو القادر ع كل شي ولاتنسين سورة البقره بالتوفيق |
رد: حاليا في عملية طفل انابيب طلو على موضوعي انا محتاجه دعمكم ودعائكم
الله يجبر بخاطرك وتحملي يارب بالحمل السليم الثابت
على قد مااتعالجت خلال فتره زواجي 8 سنين تصدقي ماعمري اخذت الابر اللي تحت الجلد دائما يكتبولي الابر اللي في العضل وتخيلي يوميا اروح مستوصف عشان اضرب الابر الحمدلله ان ربي عوضني خير بعد صبر السنين يارب انك ترزق كل محرومه من الحمل وتثبت حمل الحوامل ياكريم ياجبار |
رد: حاليا في عملية طفل انابيب طلو على موضوعي انا محتاجه دعمكم ودعائكم
دلوعة فصولي شكرا على الدعاء الله يستجيب..
بسمة بلبل شكرا على متابعتك الدائمه لي.. من بديت العلاج وهمتي فوق ومرتاحه مرة بس من امس واليوم بادي معاي اكتئاب مادري ليه.. اليوم يمكن صحت ثلاث مرات وصايرة حساسه مرة ومتوترة كثير.. الله يعين يارب.. تصدقين ليتني اروح مستوصف اخذ الابر كل بطني تبقع بنفسجي مو عارفه اخذها صح مع ان الدكتور شاف البقع ببطني وقال معليه مو مشكله غيري مكان الابر ولا تخافين.. الحين الجهه اليمين بدت تبقع بعد مادري وين بكمل الايام الجايه الله يعين.. |
رد: حاليا في عملية طفل انابيب طلو على موضوعي انا محتاجه دعمكم ودعائكم
ان شاء الله تكونون ما زلتو تتابعون موضوعي.. انا تحددت عملية السحب باذن الله يوم الجمعه الصباح يعني بتوقيتكم الجمعه بالليل..
الحمدلله على كل حال بس بديت اخاف شوي تتخربط الامور .. امس حلقي كان يعورني واليوم زاد وبديت اتعب شوي وخفت تجيني فلونزا وتنلغى العمليه بسببها والله خااايفه اي شي يحوسني الله يسترررر.. طول اليوم بالبيت ما تحركت وبس اشرب سوائل حارة واخذت فوار فيتامين سي وحبوب مص للحلق وكل شي اقدر عليه.. هم وصوني ما اخذ اي ادوية فلونزا ولو تعبت مرة اعطيهم خبر.. يااااااااربي تمم امرررري بخييييييير يااااااارب ياكرييييم ادعوووولي خايفه يصير شي وتتكسل العمليه خاااااايفه :(((( |
رد: حاليا في عملية طفل انابيب طلو على موضوعي انا محتاجه دعمكم ودعائكم
لاتهوجسين حبيبتي
الله يتمم لك على خير يارب ويرزقك ربي الحمل السليم بالذرية الطيبة من عنده ويعوضك ويعوضنا خير يااارب طمنينا إن شاء الله خفت الإنفلونزا ؟؟؟؟؟ دفي حالك ولاتتعرضين للبرد والله يحفظك ويخليك ويكرمك ياااارب وتفائلوا بالخير تجدوووه |
رد: حاليا في عملية طفل انابيب طلو على موضوعي انا محتاجه دعمكم ودعائكم
ابشرك سموة الشوق وكل الاعضاء اني خفيت اليوم الحمدلله.. اول مرة انام وانا معليه الدفايه بالعاده ما اتحمل الحر بالليل بس قلت عشان يخف حلقي وفعلا قمت ولقيته خف شوي وكملت على الفوارات والمشروبات الحارة.. بس يعني كاني بديت اكح شوي بس مو مهم المهم ما ترتفع حرارتي..
بطني زاد الالم عندي بالذات المنطقه اليسار وصدري متحجر ويؤلم.. الله يسهل بطني وصدري وحلقي ما بقا شي ههههههههههههه اليوم الحمدلله مافيه ابر ولا شي برتاح بالبيت وبكرا الصباح عمليتي.. وسألت الدكتور عن حمض الفوليك وقالو لي ممكن ابدا الحين بروح الصيدليه اليوم اجيبه ان شاء الله وابدأ فيه فورا.. سؤالي الحين احد اخذ التحاميل المهبليه "بروجسترون"؟؟ جبتها وحاسه اني مارح اعرف استخدمها معها اعواد بلاستيك غريبه شوي ومالقيت لها طريقه بالنت دورت باليوتيوب وكل شي ومالقيت.. اللي قد جربتها وتعرف طريقة استخدامها تدلني لانه يمكن ابدا استخدمها السبت الجاي ومشكورييييين.. |
رد: حاليا في عملية طفل انابيب طلو على موضوعي انا محتاجه دعمكم ودعائكم
الله يسهل عليك ويتمم الموضوع على خير بالنسبه للتحاميل اخذتها لما تعبت منها طلبت من الدكتور يغيرها وفعلا كتبلي ابر مثبته طبعا بعد الحمل وماادري ايش قصدك باعواد بلاستك ؟؟اعطوني زي الانابيب بلاستك فيها مرهم مهبلي هل هو هذا؟؟وعلى العموم اكيد بعد العمليه حيعلموكي كيف تستخدمي الادويه انا بعد العمليه علموني
بالتوفيق حبيبتي |
| الساعة الآن 05:54 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .