|
ماهو رايكم
السلام عليكم ورحمة الله وبركاته يابنات ساعدوني زوجي الثاني بيطلقني اش اسوي البارحه ارسلت له رسالت حب وغرام ارسل لي انتي تفكرين بطليقك واتمنى عدم الازعاج وارجعي لطليقك وبناتك احسن وانا لو اني رجال كان طلقتك من قبل والله يابنات هو كل ما اكون معه يجيب سيرته ويتكلم عنه وانا من طيبتي اقوله واخرتها انا السبب وبيطلقني من غير ذنب الله يسعدكم ابغا حل عشان ما ابغا تتطلق مره الثانيه ولا شمت الناس وطليقي في وربي ماني السبب وقلت هذا ملتزم ويخاف الله طلع كذاب ومنافق وما اقول الا حسبي الله ونعم الوكيل في |
رد: ماهو رايكم
يا قلبي عليك
شوفي حبيبتي دااائماً رددي ثلاث اشياء لا تطيح من على لسان 1- استغفر الله العظيم و اتوب اليه 2- ان لله وان اليه لراجعون اللهم اجرني في مصيبتي واخلف لي خيراً منها 3- اللهم اجعله لي سكاناً واجعلني له سكاناً واجعل ما بيننا مودةً و رحمةً اكثررري من قيااام الليل والدعاء فيه فسهااام الليل لا تخطى لا تخطى قولي له انا ابيك وشاريتك وهذاك الاول ما ابيه و قولي له بعد ترا حتى لو طلقتني ماراح ارجع له ابداً والله يحنن قلبه عليك ويسخره لك ادعي لي انقبل بالجامعة |
رد: ماهو رايكم
يارب يقبولك في الجامعه وشكرا اختي وادعلي ان مايطلقني احبه وهو جالس يعذبني المشكله مايرد علي
|
رد: ماهو رايكم
يا اختي انا اتذكر قصتك قريتها ولارديت لاني خفت اقول كلام يعكر عليكي سعادتك اول ماتزوجتي يا اختي مو زواجك مسيار وهو متزوج وعايش في مدينه ثانيه ولا حطلك بيت تسكني فيه ولاشي وكان ابوكي مو راضي ونصحك انه يحطلك بيت تستقري فيه؟ وانتي وقتها رفضتي كلامه
يا حبيبتي بصراحه هذا زوجك يريد يقضي وقت وكان يسالك عن طليقك حتى ياخذ عليكي حجه ولما يريد يخلع يقولك انك تريدي طليقك وكذا ويطلعك انتي غلطانه انا والله من الاول حسيت ان وضعه مو واحد يريد يستقر ويكون بيت وعيله لان اول اسباب الاستقرار هو البيت اللي تسكن فيه العائله وتشعر الزوجه بكيانها واحترتم زوجها وتقديره مو اللف عالفنادق حتى لو كانت خمس نجوم البيت هو اللي يصون الزوجه والله لو انك تتطلقي منه وترجعي لطليقك وبناتك احسن الف مره سامحيني اختي لو كان كلامي فيه قسوه ولكن القصد مصلحتك والله عالم * |
رد: ماهو رايكم
شكرا اختي على الرد باالعكس كلامك اعجبني وانا والله مازعل من الكلام الصريح والمفيد لي بس المشكله في طليقي مايبغاني وهذا الزوج الثاني صدق لاعاب طيب ماهو حرام عليه بنات الناس لعبه عنده وهو جالس يتزوج ويطلق على كيفه وقال انه امام مسجد حسبي الله ونعم الوكيل والله ان نفسيتي من الزواج صارت عدم وماعاد اطيق ولا رجال بس ابغا اقول شي اخف اكون حامل طبعا من زوجي والله مره خايفه ان اهلي يدرون يابنات ادعولي ان ماكون حامل حتى ارسلت له وقلت يمكن اكون حامل تصدقون مارد علي هذا بالله ملتزم ويخاف الله اش اسوي قولو لي
|
رد: ماهو رايكم
حبيبتي الله يكون بعونك ---
نصيحه من اختك ---طنشيه لاتحرقين قلبك عليه والله بعض الرجال مايستاهل الوحده تتقطع علشانهم-- سوي بحث بالنت عن مقالات ناعمه الهاشمي ولو كنتي بالامارات والله فرصه تروحين لها ادخلي بالمنتدى هذااا فيه حلقه تحفيظ القران ادخلي واحفظي مع البنات -- اكثري من الاستغفار واذاااا سجدتي بالصلاه قولي(ربي اني لما انزلت الي من خير فقير)-- ادعي ثم ادعي ثم ادعي--------- حبيبتي ارضي ربي فقط وسبحان الله ربي يرضي زوجك عليك والله ياحبيبتي اقولها لك من تجربه--- الله يعينك ويفرج همك وبكره فرصه صومي الاثنين ابتغاء مرضات الله--- --------------------------------------------------------------------------------------------------------------------------------------------- |
رد: ماهو رايكم
بالعكس اختي اذا حملتي اهلك لازم يعرفون والاهل ممكن يعاتبونك ويغلطونك بينك وبينهم لكن مستحيل يتخلون عنك ومو انتي اللي تقوليله حامل لا اهلك يجيبونه ويتفاهمون معاه مادام تزوجك لازم يتحمل المس ؤوليه والدنيا مو سايبه ولا هو بكيفه بالله يطلق قلنا حقه الشرعي لكن ينكر ضناه!! باي شرع واي دين واي مذهب!!! واي قانون بعد؟
لاتخافي اختي لو انك حامل حقك محفوظ باذن الله ولو اني ما اتمنالك يبقى شي يربطك بيه لكن كلشي بامر الله |
رد: ماهو رايكم
انا من قريت مواضيعك بيان انك ماتفكري ولا تستشيري الا بعد فوات الاوان ترى الزواج مسؤوولية مو عشان اطلقتي من الاول تقومي تحطي حرتك بزواج من الثاني وكنتي تمدحي فيه وتقولي ادعولي ابويا يوافق عليه ومن غير ماتتأكدي من جميع النواحي انتي لو حرقتك المرة الاولى ماتقبلي تتزوجي الا بشروط اولهايكون لك سكن ونفقة وحقوق ولا غير كدا ربي يسهلو تاني شي التسرع بفكرة الحمل غلط كان اخذي الاحتياط الازم عشان لسه ماعرفتي الرجال كويس اقلها سنة ثالث شي حطي الناس ورا ظهرك ومحد ياخد الا قسمته الا ربي كتبهاا عيشي لنفسك وفكري ببناتك كيف راح يتربو الصراحة انا انقهرت من التخطيط السريع من غير سابق تفكير ولا استشارة وبعدين تقولي انك حلوة وصغيرة بدل ماتسوي بنفسك كدا كملي دراسات وجيبي شهادات واتوظفي الزمن دا محد يضمن احد شيلي نفسك وان يوم بناتك جو يعيشو معاكي تعرفي كيف تربيهم وماترمي نفسك لحد يااختي فكري فكري فكري بكل خطوة تبغي تقدمي عليها ومو لحالك خلي كل من تثقي بأنه تفكيرة سليم يساعدك الله يسهلك ويرحم حالك
|
رد: ماهو رايكم
شكرا على ردك وربي اني فكرت الف مره وكمان عندي امي واخذت رايها واخواتي كمان وبناتي عند ابوهم ياخاف عليهم اكثر مني وانا جالسه اطمن عليهم وعلى دراستي قدمت في الجامعه ومانقبلت وماخليت وظيفه الا وقدمت فيها الايبغون خبره واسطه وماقعدت دورت وما لاقيت والله هذا نصيبي اش اسوي ولمن اسوي بنفسي كذا انا اش عرفني برجال ملتزم قلت ذا بخاف الله فيني بعدين بصراحه انا ابغا اتزوج يعني ابغا بيت ورجال وامان وماعندي الا اذا تفكير ان اكون مملكت بيتي بس كل شي نصيب وطيبتي ضيعتني
|
رد: ماهو رايكم
مااقول غير الله يكون بعونك
|
رد: ماهو رايكم
ممكن اعرف سبب طلاقك من الاول ؟؟<<عشان اعطيك الحل ان شاء الله>>
وكم لك متزوجه من طليقك الاول وكم عندك اطفال؟؟ وكم لك متزوجه من الزوج الثاني ؟؟ وايه اكثر تحبين بصدق الاول ام الثاني ؟؟ اسفه على الاسئلة المحرجه لكن ابغى اعطيك حل واساعدتك قدر ماستطيع باذن الله اتمنى تجاوبي بسرعه عشان اساعدك |
رد: ماهو رايكم
هلا اختي شكرا على المساعده
انا لي متزوجه من الاول سبع سنين وعندي بنتين وحده عمرها 3سنين وحده عمرها الان 8سنوات الثاني متزوجه منه فقط اسبوعين وهذا الاسبوع الثالث وسبب زعله تافه والله وصدق الحب الاول لانه طيب مره اما هذا ما حس اني متزوجه معه بس للمتعه فقط |
رد: ماهو رايكم
شوفي الحرمة تقدر تحافظ على بيتها وزوجها مافي شي اسمو قلبي طيب قدام زوجك وطليقك لازم تكوني اشد بتعاملك وردك ان جا طاري الاول عند الثاني مايجي الا بصورة مشوهه والحريم كيدهن عظيم تقدر تسوي اي شي عشان مملكتها تتكتمل اتصرفي وراضي زوجك والحمل اذا مافي اخررررررررررية لسنة لا تغلطي ويسير عندك اطفال من كل اب
|
رد: ماهو رايكم
شكرا اختي احلى كرميلا يذوق وعسل ورد جوري وربي اني ماكان قصدي اني اقوله بس هو اسئلته مره كثيره وكل مااغير الموضوع يرجعنا لنفس الموضوع وكان سؤال جدا تافه ما يخليه يزعل والله انا تعبت من الرجال ماتعرف الوحده كيف تتصرف ماعاهم جيت بطيبه مانفع وجيت بشده مانفع والله ماقول الا الحمدالله على كل حال والحمل اخذت مانع بس يمكن حتى لو اخذت يمكن يصير والله اني ماابغا يكون لي عيال من كل اب وهذا قدر الله لا مرد لقدره وانا والله ابغا زي بنت في العالم وتحلم فيه زوج وبيت وعيال وبس وجزاك الله كل خير
|
رد: ماهو رايكم
لم تجبيني على سبب طلاقك من الاول؟؟؟؟
حتى تتضح لي الصوره اكثر |
رد: ماهو رايكم
اختي في لله الم الطلاق
اود ان اعطيك حل لكن لم تجبيني بمشكلت طلاقك الاول ؟؟ وسبب زعل زوجك الثاني بتفصيل ؟؟ ولكن ود ان انصحك بثلاث نصائح" الاولى ان المرأه هي التي بستطعتها ان تحافظ على مملكتها بصبرها وتغاضيه وتناسي بعض الامور والتسامح والاحترام وحبها بتكوين اسره سعيده الثانية ان لاتبتعدي عن بناتك كثير لان الفتاه تحب تقول اسرارها لامها لان الام مصدر الحنان والامان الثالثة اعرضي مشكلتك عل المختصين واهل الخبره ودرايه في حل المشاكل اكتبي في قوقل موقع المستشار وسجلي فيه واكتبي مشكلتك ويجوبون عليك مختصين او موقع الاستشارات سجلي فيه اعرضي مشكلتك ويعطونك الحل الامثل بأذن الله |
رد: ماهو رايكم
السلام عليكم
شوفي انا اطلعت على اغلب ردودك . أنتي ما أخطأتي بشي , فعلشان كذا لا تندمين انك تزوجتيه لأن الندم أصلا ما بيفيدك بشيئ نهائيا . ومسألة زواجك منه مو خطأ لأنك بزواجك هذا كنتي مقررة انك تستقرين ويكون لك زوج يحميك ويكون معاك . وكوني عارفة ان يمكن زواجك منه فيه خيرة لك من رب العالمين ودائما الخيرة في اللي يختاره رب العالمين , واللي صار صار . ومسألة أنه مطنشك وما يرد عليك فهو الخسران 100 % , لأنه بهذي الحركة ما يطنش إلا نفسه وما بيخسر إلا نفسه لأنه تارك وحدة بطيبتك وطموحك بالاستقرار . اذا تبغين نصيحتي لك صلي الإستخارة ,وحاولي تاخذيه بالكلمة الطيبه واذا ما استمع لك فتراها خيرة لك واحسن لك . واذا انه بعد الاسبوعين من زواجكم هذي حركاته فهذا أكيد رجال مو ناوي يكمل حياته بإستقرار . لا تتعبين نفسك علشان واحد ما يسواك لأني بصراحة أحس انه مستمتع كذا , انتي سويتي اللي عليك وحاولتي باللي تقدرين عليه انك ترجعينه لك . فالله يخليك لا تطفشين أو تقهرين نفسك . وكوني عارفة ان هذي كتبة الله . |
رد: ماهو رايكم
شكرا اختي والله كم اثلجني كلمك الذوق ونصحتك وتسلمي على ردك انا الان اسوي كذا انتظر منه ارد لن اتصلت مارد ارسلت مارد هو حر انا سويت لي علي وماعاد ارد عليه وفوضت امري الله وحسبي الله ونعم الوكيل والله انا كمان اقول لنفسي كذا اني اسبوعين احسن من شهرين والا سنتين من زعل تافه والخيره فيما اختره الله وعسى ان تحبو شي وهو شر لنا وجزاك الله خير
|
رد: ماهو رايكم
العفو اختي وهذا واجبي وانتي انسانه طيبة وتستاهلين كل خير .
ويآآآآآآآآرب تتوفقييييييين طووووووووووووول حياااااااااتك . |
| الساعة الآن 01:36 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .