منتديات حوامل النسائية - شوفو كيف غيرت زوجها من متسلط الى رومانسي لا يفوتكم

شوفو كيف غيرت زوجها من متسلط الى رومانسي لا يفوتكم

السلام عليكم بنات لا تنسو دعواتكم
ببتدي لكم سالفتي اول شي بحكي لكم كيف كانت حياتي والله يابنات حياتي كانت جحيم وتحولت الى جنه قولو (لا اله الا الله )....
في البدايه تزوجت زواج تقليدي زوجي ايام الملكه اللي هي فتره الخطوبه وش قد كان رومانسي الكلام الحلو والغزل تخيلو لما كنت اطلع معه مكان كان يفتح الباب لي يشيل الاكياس اذا كنا بالسوق يمشي جنبي ويتضايق اذا مشيت وراه ويمسك يدي حتى لما يكون مشغول يفضي نفسه بس علشان يسولف معي كان يسولف معي والله يابنات احيانا تعدي 12 ساعه متواصله ماكنا ننام كله شوق رغم اني كنت دايم اشوفه بحكم ان اهلي شوي منفتحين لانهم يعتبرونه زوجي كنت احس اني اسعد وحده بالدنيا وان الله وفقني بهالرجال ومااخفي عليكم كنت انا برضو ادلعه شخصيتي كانت البنت الدلوعه اهتم بأدق التفاصيل في جسمي ولبسي والله حتى نظراتي كنت احاول اتدرب عليها بالمرايه علشان اعرف وشلون يصير شكلي ...جا يوم العرس وليله الدخله ماتدرون وش كانت سعادتي وسعادته بهاليوم بنات انا احس هاليوم هو اللي يتعرفين اذا زوجك عشقك ولا حبك ولا بس دخلتي قلبه وارتاح لك انا اللي صار معي انه عشقني وانا بعد عاملني بشهر العسل وكأني ملكه وش قد كانت اول سنه زواج حلوه اتذكرها يابنات واتنهد احسه كان حلم بالنسبه للفتره اللي مريت فيها ... عندي ملاحظه( انا متزوجه من 5 سنوات ) في بدايه اربع سنوات كنت ماابغى احمل لاني كنت ادرس وزوجي بعد كان يدرس كان عمري 18 وهو عمره 20 كان يدرس ويشتغل بشركه ابوه في نفس الوقت.. في السنه الاخيره الله كتب لي احمل ولكن اجهضت بالشهر الخامس من المشاكل والحاله النفسيه
المهم ... انا عشقت زوجي من حبي له كنت اعامله وكأنه (سي السيد) كلمته ماتنزل الارض لا يعني لا .. قدمت له كل انواع الطاعه كنت لما اشوفه متضايق ماديا كنت ابيع ذهبي واساعده كنت قليله المطالب علشان مااخليه يمل مني سويت له بيتي جنه عطيته عيوني تفننت في تدليعه و كأنه الطفل المدلل تدرون وش جازاني فيه خانني كنت اكتشف خيانته واسامح علشان مايقلب علي بعد تخيلو يا بنات العاشق هذا تحول لخائن وتفنن في تعذيبي طبعا كل هذا مع الوقت كل ماله يزيد في البدايه صار الرجل الصامت اقعد انا والكنب واحد مايسولف وبعدين صار بخيل وبعدين طلعني من الجامعه ووصلت فيه حتى يوم طلعني من الجامعه مايبيني احمل كل هالسنوات علشان كان يدرس شوفو انانيته صار انسان اناني معي مايحب الانفسه تخيلو انه كان يستكثر علي الطلعه ولا يوديني مطعم الرجال كرهني وكنت اقوله لي وابكي وكان يزيد واذا رضا عني رضى يوم والباقي تعذيب نفسي وتمادى معي صار يسبني بكلام بذيء وانا كنت اسكت واتحمله لاني كنت احبه ماابي يتركني ولا يطلقني الين ذاك اليوم يا بنات تكلمت معه بموضوع كان يخص جامعتي واني ابي ارجع وهذا اليوم اللي غير حياتي مد يده علي وضربني ضرب والله اني تشوهت جسمي من العقال صار ازرق والله يا بنات اتذكر هاليوم ونزلت دمعتي وانا اكتب يضربني ويسبني لدرجه اني تعودت على الكلام الوسخ والبذيء لكن وش كان يقولي بعد غير السب (شفتي شكلك بالمرايه انتي لو انك .... وتجيني ببلاش مااطالع فيها) والله يا بنات صرت مااحس بالضرب جرحتي هالجمله اكثر من الضرب قلت في نفسي ( كل اللي سويت لك راح مابين بعينك تضحياتي لك مواقفي معك ولاشي) طلع من البيت وتركني مرميه على الارض وظل بره البيت يومين ولا جا ولا قال هي ميته ولا حيه ما سأل عني وانا بعد سكت ماقلت لاهلي لاني ماتعودت اقولهم مشاكلي بعد هالضرب وقفت عند المرايه واطالع شكلي وانا اتوجع صرت دبه شعري مو معتنى فيه اظافري مافيها من الانوثه اي شي لبسي تقليدي مو على الموضه صرخت في نفسي وصرت اقول ليه كذا ... نسيت نفسي كأني امرأه في الخمسين مع ان عمري 23 ليه وليه زوجي صغير وشباب ويشوف البنات عمره 25 سنه قررت اني ابتدي مرحله التغيير
رجع زوجي بعد يومين من ضربه لي واعتذر لي عن الضرب بس مااعتذرلي عن السب والكلام اللي قاله وكأنه يقصده وانا قبلت اعتذاره ولكن في نفسي كنت اخطط اني اغير نفسي واغيره معي بهدوووء من غير مايحس لاني انا اللي غيرته بضعف شخصيتي وعدم اهتمامي بنفسي وحملت نفسي كل اللي قاعد يصير لي
وكان بدايه تغييري له من اول يوم .. لما جا يعتذر لي كنت مقرره اني اسوي رجيم علشان انحف كان وزني 90 كيلو ملاحظه(زوجي كان وسيم وجسمه رياضي ويدرس هندسه وهتم بنفسه)
المهم كنت مقرره اسوي رجيم لما جا يعتذر لي سامحته وطلب من المطعم نتعشى وقلت له ان مالي نفس كنت ماابي اكل كنت ابي انحف هو فهم مني اني انا زعلانه(فهمت من تصرفه هذا اذا انا زعلت لازم ابين له )واستمريت بالزعل صرت اتجاهله وماادلعه بس اعطيه حقوقه كلامي معه كان كلمه ورد غطاها يالله يا بنات كنت ذيك الفتره ابي اقوله كلام حلو ابي اضمه ابي ادلعه وكأني ادمنت بتدليعه بس كنت اقاوم نفسي واقول لازم يحس بغلطته معي من ذاك اليوم وانا اتبع رجيم كنت ادخل موقع اليوتيوب واشوف الرياضه واطبقها صرت احمل كتب من النت واقراها كان لما يجي البيت يشوفني لابسه متزينه واقرا كتاب كنت احاول اهتم بنفسي تركته على جنب حسيت صار يتقرب مني مثلا وش تقرين وفعلا كنت اللي اقراه كتب علميه يعني عن انشتاين اي شي له بالعلوم بالكمياء بالفيزياء لاني احبها صار لما يجي البيت اتفلسف كنت ابين له اني عندي مخ واعلمه اشياء اول مره يسمع عنها ..هنا بدى يسولف معي بدال ماكان الرجل الصامت وبرضو كنت اقرا النكت واحاول اصير خفيفه دم علشان مايمل صار يحب يجلس بالبيت(طبعا هالكلام صارت بالتدريج يعني شهور) انا اللي سويته بعد ان اذا طلع في البدايه الزعله ماكنت ادق عليه وبعدين صرت ارسل مسجات بس مو كثير (على فكره كنت لازقه فيه بس بعدت عنه عطيته مساحته وصار يرجع لي ) والله يا بنات تعبت على نفسي رجيم ورياضه ولما بديت انحف صار يتشجع يوديني السوق وصرت اطلب يوديني الصالونات وكان يوافق لانه شاف تغيير (عرفت ان لازم يشوف بعينه تغييري علشان يتغير) وتشجعت على التغيير صار بالنسبه لي زوجي هو التحدي بعد التغيير البسيط حسيته تغير ولكن خياناته مستمره بس ماكنت ابين اني عارفه شي كنت اعمل بصمت ولما يصيربيننا نقاش ويبتدس يسب كنت ارد عليه مو بقله ادب لكن بأسلوب قوي مااخليه يتمادى معي وكانت هذي النقطه تمثل لي الشجاعه لاني كنت اسكت ولا ارد الحين صرت ارد عليه وازعل وشوي شوي صار مايسبني ولا يتلفظ بأي لفظ(عرفت ان لازم يصير لي موقف بأي شي يضايقني) غيرت اسلوبي معه في البدايه التغيير كان يهيج علي وده يذبحني لكن كنت اصر على موقفي ويزعل بعدين يرجع صرت اقوى منه بالزعل ومايهمني كنت اقول لازم يحس اني لي شخصيتي ولي مواقفي ...ومرت الشهور وانا على هالحاله اطلب منه ولا اعطيه من ناحيه الماديات احاول انمي من شخصيتي ومواقفي وثقافتي اهتميت بنفسي اذا صار معي كويس عطيته الدلع والامتيازات واذا قصر معي سحبت كل هذا منه دربته على قد ماتعطيني اعطيك... بالنسبه لموضوع خياناته غضيت النظر عنها وانشغلت بنفسي الين ذاك اليوم اللي جا وقالي انه غير جواله ويجيه ازعاج عرفت انه لقى فيني اللي يبي رجعت بنت عمري 18 سنه من ناحيه اللبس والمكياج والكلام حتى اني صرت ادخل بكلامي انجليزي بدلع وثقت بنفسي وصار يثق فيني لدرجه اي شي بشغله او دراسته لازم يستشيرني تغير 180 درجه لاني انا تغيرت ... تخيلو يا بنات صار يطلب مني نسافر وعرض علي جامعه يدخلني هو من نفسه يطلب مني نتغدى ولا نتعشى بالمطعم صار يعاونني بالبيت والتنظيف لانه صار يحس اني رقيقه ههههههههههه
تدرون هذا كله صار بكم (صار لي سنه و8 شهور وانا احاول اغيره) عرفت ان لازم تحب نفسي علشان يحبني لازم اهتم بنفسي علشان يهتم فيني لازم اطلب حقوقي
انا اللحين توي داخله الجامعه هذا الترم وزني صار من 90 الى 60 كيلو قولو ماشاء الله

هلا و عليكم السلام هلا فيك حبيبتي

اللي ذكرتيه بخصوص ايام الملكه و فترة الزواج
اغلبهم كذا و بعضهم يكملون لمدة سنه مثل ما صار معاك ليه ..؟
لان يبي يتعرف عليك و بنفس الوقت يبي يعطيك احلى انطباع عنه و هو فاهم هيك الزواج دلع و دلال و هيك

بعدها بدأت الشخصيه الحقيقيه تدريجيا تطلع
ان التصرفات اللي كان يتصرفها مو من عادته بعد هيك مل من الروتين دلع بدلع .. و حياه شبه مثاليه ..
بدات تطلع عاداته الحقيقه شخصيته الحقيقيه بغض النظر هو بيحبك و بيحترمك بس ما فيه يظل هيك ..
بعدها حس انه اتخذ قرار و تسرع بلزواج و ان بدري على هذا الامر مسؤليه و هو ما تمتع بحياته من دراسه و شغل لبيت ..
و لعب الشيطان براسه شويات و خانك بعدها شاف انك طيبه و ساكته و دايم بتحاولي تكسبي رضاه ..
و بتسامحيه ما فكر بندم و تحسف لا كمل قال دااااايم تسامحني و تسكت و انا حب حياتها يلا شوو رانا استمتع
صار يفكر بنفسه ... و مل من حياة الزوجيه صار يفكر بنفسه كا شاب مو كا زوج ...
عشان كذا تصرف معاك تصرفات مرره صعبه و قاسيه و تمادى لانك كنتي ساكته .. و استمريتي بسكوتك و خليتيه يتماده عليك .. لانك عاملتيه بمعاملة سي السيد ... و نسيتي ان لك حق و لك واجبات و نسيتي انك بنت انثى .. لازم تهت بنفسها كرستي حياتك له و صبرتي على كل شي بأسم التضحيه و الحب ..
نسيتي ان في فرق بين الحب و فرق بين التضحيه و فرق بين التعدي عليك بلضرب و الشتم و الخ ..
بلنهايه مل من طريقتك و من حياة الروتين صار ماتفرق معاه يعصب يصارخ يتعدى عليك لانه ما شاف منك شي غير السمع و الطاعه ماشاف شخصيتك هو فهم انك ما تفهمين و غبيه و كل اللي ابيه تسويه

رغم انك قاعده تسوين هذا عشانه و عشان ترضينه .. و حبا فيه مو خوفا منه ..

لما اتخذتي قرار انك تتغيرين صار عنده فضول شفيها صدتني و و و و ووو
و لاحظ عليك فا هنا بدا الاكشن ان تلعبون قصة الفار و القط ..
مثل الطفل صار يقربك منك خوف انه يخسرك ..
بخصوص الخيانه هذا موضوع ثاني الله يهديه عليه ..
زي ما قلت لك صار مثل الطفل يتعلق فيك و يقرب بعدها
لما بينتي شخصيتك و قراراتك ما تتهاوني فيها مهما صار بدأ الخوف عنده انه يخسرك لان قبل كنتي و لا شي فجأه تتأخذين قرار و تصرين على شي تبينه او شي ما تبينه .. صار يقول هذي مو هينا مو بعيده تقول طلقني ..
رغم عصبيته و و ووو و الا انه يرجع و يتفاهم معاك مره ايه و مره لا ..
خاف يخسرك عشان كذا بدا تريجيا يتغير و يصير افضل معاك و عجبني شي قلتيه

عرفت ان لازم تحب نفسي علشان يحبني لازم اهتم بنفسي علشان يهتم فيني لازم اطلب حقوقي

لا تسوين كل شي عشانه لما تلبسين و تكشخين اكشخي لانك انتي حابه ان شكلك يكون كذا و بنيتك بنفس الوقت ترضين زوجك سوى اعجبته كشختك و لا لا ..
لما تجيبين له هديه جيبيها لانك انتي حابه انك تهدينه هديه مو عشان تدورين رضاه و تدارين على حبه و تبينه يحس بحبك ..

اذا انتي ما استمتعتي بلشي اللي تسوينه كيف تبينه هو يستمتع بلشي اللي تقدمينه اذا ما كان من القلب و الخاطر و براحه ...

و الله يهنيك انشالله المهم انك تعلمتي هلدرس ..

ذكرتيني بنفسي انا تقريبا عكسك من ناحية اللبس و الاهتمام

انا احب اكون غير بفترة زواجي اول كم شهر
اول ما اصحى من النوع ارتب البيت اسوي الغداء خلصت اروح اسبح و استشور شعري و اسوي فير اوقات او تسريحه
خفيفه حركات دلع لان انا احب كذا و هذي طريقتي ..
فا كان زوجي لما يجي من الدوام يقولي بتطلعين مكان .. اقوله لا ..

قالي فستان و دلع و شعرك مضبط .. اقوله هذا فستان بس فساتين بيت .. و اوقات و لا يعلق و لا شي يسفطني
و اوقات لابسه بجامه بس بجامه تكون مرتبه حلوه حقت دلع يعني مرتبه كثيرر من النوع الكشخه ..
و شعري ملموم و حاطه كحل و مسكرا و متعطرا يقولي ليه كل هذا ..

ما كان متعود على كذا لانه كان متزوج وهو صغير تزوج وحده عمره 18 و هو كان 22
كان لبسها لبس الاطقم او سبورت ..
و دااييم جينز او تنوره طويله
المهم

كان مفكر اني اسوي كل هذا عشان ابهره قلت له انا احب اكون كذا
و بنفس الوقت مو عاجبك قالي بلعكس بس كنت مفكر كل هذا عشان تبهريني ..

قلت له ايه عشانك و عشان نفسي اذا ما اتزين لك اتزين حق مين اذا انت ما اتلبس لك ..
البس هلبس القصير حق مين غيرك ..

و هيك شغلات .. فهمتي كنت اتنرفز لانه مو مبين عليه انه مهتم بلاخر اكتشفت انه هو من النوع الخجول

يستحي حتى لما اشتريت له هديه نزل راسه بلارض و مو مصدق شوي و يبكي

وما بين لي الا بعد سنه و كم شهر .. قالي انا محد اهتم فيني كذا و و و
ادري انك كنتي تتضايقين لاني ما اعلق على لبسك و اهتمامك فيني لكن ما كنت
مستوعب و مو مصدق ان كل هذا عشاني ..
و بنفس الوقت ادري انك كنتي تفكرين اني خجول انا
كنت اخجل لاني ما كنت عارف شنو اقول اوقات اتضايق لاني ما اعبر لك ..
لكن بنفس الوقت اقول كل شي بوقته حلو ..

انا بصراحه مات فيني الاحساس من قلة اهتمامه و لكن مو مره بظل اشتاق للكلام الحلو و الدلع و الخ ..