|
تجمع التلقيح الصناااعي
سلام عليكم بنااات شحباااركم
حبيت اشاركم بالمنتدى وكل وحدة تتكلم عن تجربتها انا هالشهر ثاني مره اسوي تلقيح صناااعي سويته برمضان وكنت احس باعراض غريبه بعده لدرجة بعده بجم يوووم الرحم صار عندي وارم والمبايض احس فيهم بعوووار مو طبيعي حتى صرت غصب اتحرك وكل ما دقيت عالدكتورة تقولي عادي هذي بويضات توها تطلع كانت صغيرة بس كلامها ما كان مقنعني شلون تبويض يستمر اسبوع وهي ما كانت معطيتني علاجات قوية لهدرجه hwaml4 المهم جا موعد الدورة ولا شفتها وانتظرت يومين ونزلت علي ولا تسالوني جم مره حللت عالعمووووم الله يعوضني خير عن تعبي وعن فلوسي ادري اني طولت عليكم بس بكمل يمكن احد يستفيد من هالكلام بعد شهرين او ثلاث رحت لدكتورة ما شاء الله عليها معروفة انها حيل شاطرة عندنا بكوويت اول شي اكشفت علي ولا اصدمتني صدمه قالت معاج تكيس حيل كبير عالمبايض وانا مستحيل اعالج الا لما اشيل التكيس واكتشفت ان العوار اللي كان يجيني من التكيس والدكتورة القديمه الله يسامحها كانت تقولي عادي ما ياثرر عالعموم توكلت على ربي وسويت عندها عملية للتكيس والحين الحمدلله المبايض ردو طبيعيات شفتهم بالسونار كذا مره ولله الحمد انتظر شهرين وما صار حمل ولما عدت التحاليل قالت الدكتورة هرمون التبويض عندي ضعيف وشافتني مستعجله عالحمل فسوت لي التلقيح هالشهررروالحين انا ناطرة النتيجه وموكله امري لربي وراضية بالمكتوووب اللهم لا اعتراض بس طريقة تلقيح هالدكتوره كان مختلف والعلاجات بعد وحتى الاعراض هالمرة تختلف ادعولي يا بنات وعسى ربي يستجيب منكم في ظهر الغيب والله اني كل ما قريت موضوع وحدة منكم دعيت لها لاني حاسه بمعاناتكم hwaml15 واسفه عالاطالهhwaml7 |
رد: تجمع التلقيح الصناااعي
شرايكم بناااات كل وحدة مسوية تلقيح او انابيب تدخل وتشاااركنا ونصبر بعض ليووووم التحليل مع اني مقرره هالمرة ما احلل الا بعد موعدها باسبوووع
|
رد: تجمع التلقيح الصناااعي
هلا علوية الله يثبت اجنتك ويفرح قلبك هالشهر
انا هالشهر مسوية تلقيح صناعي واليوم لي 7 من التلقيح يعني باقي أسبوع على التحليل . انا كنت بسوية الشهر الماضي بس صار عندي كيس وبعد ماجاتني الدورة نزل معها وبديت من ثاني يوم من الدورة بأخذ كلوميد لمدة 5 ايام وبعدها 4 أبر منشطة وصار حجم البويضات 18 و21 وكانت في اليسار .. أما اليمين ماكبرت البويضات وصار اليوم الثاني من أخر ابرة منشطة أخذت أبرة التفجر وجلست 36 ساعه وبعدها زوجي عطاهم العينه قبل الموعد ب9 ساعات علشان يجهزونها وبعدها رحت لهم وسويت التلقيح ونمت على ظهري ساعه كاملة ,, أول ثلاث أيام حسيت بالام في المبيض اليسار ومااقدر اوقف على رجولي بس الحين الحمد لله خف ولا احس بإي أعرض بس تجيني ألام الدورة ومغص شوي ويروح .. واللي يكتبه ربي لنا راضين فيه الحمد لله على كل حال .. ويارب يقر عيونا بالذرية الصالحة آمين و لا يضيع تعبنا علي الفاضي اللهم امين و نجيب لنا احلي توأم يارب |
رد: تجمع التلقيح الصناااعي
انا اليوم الثامن من بعدالتلقيح الصناعي هذي اول مره اسويه احس بالم في ظهري
وياربي نكون موعد التحليل ويطلع ثلاثتنا حوامل ياربي امين وكل وحده تبي عيال ياربي امين |
رد: تجمع التلقيح الصناااعي
شكرا بنات على مشاركتكم وانا بعد تقريبا اليوم الثامن من التلقيح
بس الدكتورة سوتلي التلقيح يومين ورا بعض يعني اخذت الابرة التفجيريه وجيت بعدها بيومين وسويت تلقيح وثاني يوم بعد نفس الشي تقولي حالتج محتاجه جذي وخلتني اسوي تحليل يوم واحد وعشرين عشان تتطمن ان البويضات صالحه للاخصاب مو مجرد اكياس وعطتني تحاميل وقالت استخدمهم بفتحه الشرج كرمكم الله وحبوب مثبت وحمض الفوليك سوينا اللي علينا والباقي على الله وان شاء الله ربي ما يردنا صفر اليدين |
رد: تجمع التلقيح الصناااعي
غفران .. علووية
الله يثبت اجنتكن ولا يحرمنا يارب اليوم لي اليوم 8 من التلقيح والله لا يضيع لنا تعب .. اليوم مااحس بش غير صداع شوي والم بظهري نادر يعني بس إذا تحركت .. ياااااااااااااااااارب نكون حواااااااااااامل اكثروا الإستغفار وفي سجودكم في صلاة الليل قولو الدعاء 40 مرة (( ربي لاتذرني فردا وانت خير الوارثين)) وحسب الإستطاعة قراءة سورة البقرة في اليوم لو آيه .. وسورة مريم الله يفرحكم يارب ويفرحني بالحمل |
رد: تجمع التلقيح الصناااعي
مرحباااااااااااا بنات انا حبية ادخل ادعيلكم
يا رب ثبت اجنتكن يا رب يا كريم يا رزاق ارزقنا الذرية الصالحة يا رب هذا الشهر وفرح قلوب كل الاخوات بنات معليش انا من مرة لا اخرى راح ادخل اطمن عليكم |
رد: تجمع التلقيح الصناااعي
جووومانه
حياك حبيبتي في كل وقت.. نتشرف فيك يالغلا والله يسمع منك يارب ونكون حوامل.. ياااااااااااااارب ترزقنا وترزق أخواتنا من تريد الذرية في هالمنتدى ومن برى المنتدى يااااااااااااااااااااااااااكريم ياااااااااااااااااااااااقادر يامن تقووووووووووووول لشي كن فيكوووووووووووووووون أن تفرح قلوبنا في هذا هالشهر يارب العالمين |
رد: تجمع التلقيح الصناااعي
جووومانه تسلمين عالزيارة والدعاء الحلووو اللي يشرح الصدر وحياج باي وقت حبوووبه
اند لموووسه عاد تدرين سمعت ان الصداع ممكن يكووون من اعراضص الحمل الله يبشرج ويبشرنا ان شاء الله بالحمل السليم وتصدقين عندي خموووول مو طبيعي يالله اقدر اشتغل بالبيت ومرات تجيني نغزات بصدري غيرر جذي ما احس بشي الله كرررريم وربي لا تذرني فردا وانت خير الوارثين |
رد: تجمع التلقيح الصناااعي
وينكم بنات لَِـَِwhyـَِيَِشٌِ مختفين
خلونا نقول الاعراض اللي نحس فيها نفس بعض ولا تختلف وبعد تتم بالموضوع ويستفيد منها غيرناا انا اليووم احس بخمول لدرجه اني قعدت الظهر مٍـٍْ♡̨̐ـِْْنِْْ النوم بس سويت غدا وعالعصر ما قدرت اتحمل رحت نمت وتوي اقعد واللي مستغربته حتى اذا انا حامل تو الناس عالنساة والنوووم |
رد: تجمع التلقيح الصناااعي
أنا صراحه مااحس بشئ أبدا حتى الصداع راح وماأحس بإي أعراض
بس المغرب شوي جاني ماغص شوي وبعدها خف |
رد: تجمع التلقيح الصناااعي
تدرين لمسة توووو اكتشفت شغله لما زوجي حسب من متى سويت تلقيح انا سويت تلقيح يومين الاربعا والخميس يعني اليوم الاحد بكمل 11 و12 يوم من التلقيح و14 يوم من الابرة التفجيريه
ما شاء الله الايام بسرعه تمشي الله يسهل علينا الباقي ويحعل فيها بشارات الحمل يارب وكانت الدكتورة تعطيني حبوب منظم دورة خلال التلقيح وامس خلصووو بس هي قالت اذا ما جتج باذن الله حللي الخميس |
رد: تجمع التلقيح الصناااعي
صبااااااح الخير ياحباب
يوم جميل يحمل الاخبار الساره علوووية ماشاء الله حلو إن شاء الله تكوني حامل ياااااااارب انا اليوم صحيت من النوم لقيت بطني يمغصني وكان فيه حاجه تضغطني في جهة المبيض الأيسر .. ماادري وش هذا .. وحس بغزات في بطني .. اليوم لي 9 من التلقيح .. وأنتي علوية ماتحسي بشي .. |
رد: تجمع التلقيح الصناااعي
صباحج ورد يا عسل
اليوم من بعد الفجر انتفاخ بصدري مع نغزات بالحلمه واحس حواليها في حبوب تحت الجلد حيل صغيره ومثل ما قلتي مبيضي اليسار حسيت فيه بنغزات بس اللي ذابحني عوار ظهري وافرازات اتوقع معاي التهاب الله يستر منه بس هذي الاعراض نفس اللي صارت فيني مع الابره التفجيريه ان شاء الله يكون في هرمون حمل وطلعت الاعراض مرة ثانيه يارب يارب يارب يكمل علينا فرحتنا وما نشوووف الدورة الا بعد تسع شهووور وكل وحدة فينا تحط اعيالها بحضنها يارب |
رد: تجمع التلقيح الصناااعي
مرحبا بنات
يسلمو جومانه على دعاء حبيبتى انا اليوم 10 من بعد التلقيح الصراحه ماني حاسه بشي با مره امس كان عندى صداع بس انا كمان قبل الدوره يصيدني صداع يارب متى يجي يوم 14 عشان احلل ماني قادره انظر ربي لا تدرني فردا وانت خير الوارثين انشاء الله نكون حوامل |
رد: تجمع التلقيح الصناااعي
بس حبيت ادخل و ادعيلكم الله يسهل عليكم ويفرح قلوبكم و تكونون حوامل يارب
|
رد: تجمع التلقيح الصناااعي
انشاء الله حبيبتى
|
رد: تجمع التلقيح الصناااعي
الله لا يحرمني وياكم ويفرحنا جميع
أنا ودي اسوي تلقيح صناعي بس ماعرف ولاشي عنه زوجي عنده دوالي وضعف شديد تكفون اكتبوا بالتفصيل كيف التلقيح الصناعي ربي يفرحكم ياااارب يارب |
رد: تجمع التلقيح الصناااعي
اهلين غفران منووورة والله يسهل وتعدي الايام بسرررعة
وترا مو ضروري تكون في اعراض تدل عالحمل نور انتي راجعي الدكتووور وشوفي شنو ينصحج فيه على حسب حالة زوجج لان التلقيح لازم ريلج ينزل من عشرة مليون وفووق وتكون الحركه عالاقل متوووسطة وان شاء الله اكون افدتج وسمعت ان في عملية للدوالي لان الدوالي تاثر عالحركه ادخلي قوقل وسوي سيرش واخذي المعلومات بالتفصيل في مواقع طبيه تكون المواضيع مكتوبه بايد دكاترة |
رد: تجمع التلقيح الصناااعي
أخباركم بنااااااات
وش مسوين اليوم ؟ ياااااااااااااااارب تكوووونو حوااامل |
رد: تجمع التلقيح الصناااعي
اهلا لمسه
اوضاعي الحمدلله على الله بشريني عنج ما فيني الا عوار الظهر لو اتحرك ربع خطوة عورني عاد اليوووم ما قصرت بشغل البيت وربي خايفه لا تنزل علي الدورة واتحطم |
رد: تجمع التلقيح الصناااعي
اخباركم اليوم بنات
اليوم مافي اي الم انا بس بديت اوسوس خايفه تجينى الدوره علويه حبيبتى المفروض ترتاحي وماتشتغلى كثير ياربي نكون حوامل انشاء الله |
رد: تجمع التلقيح الصناااعي
غفران نفس حالتي بس اوسوس كل شوي اجيك على نفسي اذا نزلت ولا لا
بس ما عندي اعراض دورة للحين وعوار ظهري بنص الظهر مو اخره اول مره يعورني في هالمكان الله يستررر يارب يا غفران ولمسه ما نشوفها الا بعد تسع شهور وهو على كل شي قدير |
رد: تجمع التلقيح الصناااعي
انشاء الله حوامل يارب
اخباركم اليوم انا مااحس باي شي انتو مواصلين على حبوب الدافستون وحمض الفوليك ؟ والله في شي ثاني تاخدونه؟ |
رد: تجمع التلقيح الصناااعي
غفران انا حدي خايفه اليوم لي 16 يوم من الابرة التفجيريه و14 يوم من التلقيح
ومافي بس عوار بظهري يروح ويرجع وخمول لجسمي بس نعسانه وبنام وقلبي يقولي ماكووو حمل مستحيل احلل الخميس بشيل هالفكرة من راسي وبقطع اليوم حبوب الدافستون وين لمسه فاقدينج طمنينا عنج الا صج غفران متى بتوقفين الحبوب المثبته وعندج خبره اذا كانت تمنع نزول الدورة او تاثر عالتحليل |
رد: تجمع التلقيح الصناااعي
انا مااحس بشي وخايفه لا تجيني ما بحلل بنظر لينهايه الشهر والله ودي احلل بس زوجي مو راضي يقول لا تستعجلى
انا موعد دورتي الخميس بس اكيد ما بتيني نفس اليوم عشان الحبوب ياربي مانشوفها الا بعد 9شهور يارب انا دكتوره قالت لي اخد الحبوب دافستون ل20 يوم وبعد مانوقفه با 3 او 4 تنزل الدوره اي اهو يمنع الدوره ادا وقفتيه تنزل معاج انتي بتوقفيه من نفسج والله دكتوره قالت لج ادا من نفسج لا توقفينه امكن تكوني حامل ياربي نكون حوامل انا وانتى ولمسه ياربي |
رد: تجمع التلقيح الصناااعي
علويه حبيبتى لا تحاتين خليها على الله وانشاء الله ربي يكتب لنا نحمل هل شهر
انتى لا تفكري كثير حاولي تنسين شوي |
رد: تجمع التلقيح الصناااعي
بوقفه من نفسي الدكتورة بس قالت حللي الخميس
احس اني بموت من عوار ظهري ومن تحت فيني رطوووبة والتبول عزج الله كل شوي ما ادري هذي اعراض التهاب ولا حمل الله كريم |
رد: تجمع التلقيح الصناااعي
لا توقفيه من نفسج حبيبتى امكن تكوني حامل وانشاء الله حامل ياربي
سلامتج حبيبتى ريحي نفسج لا تشتغلين في البيت وايد وخلج كله منسدحه على ظهرج وانشاء الله حامل |
رد: تجمع التلقيح الصناااعي
هلا بنات اخباركم
معليش أنشغلت هاليومين بس ولله افكر فيكم بشرونا اخباركم يارب يكتب لكم الحمل العاجل يارب؟ انا من امس ألم الدورة وصدري يعوروني وفخوذي وساقي وكل جسمي كان فيني حرارة داخلية ومااقدر أمشي من الالم ورجولي بس ودي ادلكها من كثر الالم كان الدورة فيني .. والله تعبانه حيل الله يستر وشكل الدورة بتنزل |
رد: تجمع التلقيح الصناااعي
هلاا لمسه اي والله فقدتج من غير شر ويارب تبشريني بحملج انا اليوم موعدها وللحين ما شرفت الحمدلله ومستمر معاي عوار ظهري
وكل شوي احس الدورة انزلت واطير عالحمام وماكو شي الحمدلله يارب تعدي هالايام علينا بخير ويبشرنااا بالحمل يارب |
رد: تجمع التلقيح الصناااعي
ما تشوفي شر لمسه
ياربي يكتب لنا الحمل ياربي |
رد: تجمع التلقيح الصناااعي
بنات متى بتحللون
وشنو اعراضكم الحين |
رد: تجمع التلقيح الصناااعي
انا مافي اعراض المفروض احلل بكرى بس مابحلل انا بنطر لينهايه الشهر ادا ماياتني الدوره بحلل
وانشاء الله نكون حوامل |
رد: تجمع التلقيح الصناااعي
السلام عليكم كيفكم اخواتي اتمنى ما اكون صديقة ثقيلة عليكم وانا اول مشاركة لي بالمنتدى الجميل وأشارككم حبيباتي همكم انا كمان صار لي ثلاث سنين متزوجة حملت من السبعة اشهر الاولى من الزواج بواسطة الكلوميد وبدون وصفة طبية بس لحالي بس الله مو كتب إنو يعيش توقف النمو من السبوع الخامس شفت بس الكيس والحمد لله سوو لي تنضيف وما حملت للحن مع اني وزوجي سليمين حتى زوجي عنده اكثر من العدد المطلوب والحركة جيدة وانا سويت جميع التحاليل كلها سليمة والمبيض نشيط الدورة منتضمة وها الشهر إن شاء الله رح اسوي تلقيح ودخلت مشان ادعي معاكم حبيباتي ما تشوفون الدورة إلا بعد تسعة اشهر الله يفرحكم ها الشهر بجاه محمد الحبيب يا رب اختي علوية اتمنى إنك تفرحي وتفرحينا معك يلا بدنا البشارة
|
رد: تجمع التلقيح الصناااعي
[quote=[size=4]غفران الحلوه;1986325]انا مافي اعراض المفروض احلل بكرى بس مابحلل انا بنطر لينهايه الشهر ادا ماياتني الدوره بحلل [/size]
إن شاء الله نتيجة حلوة يا غفران الحلوة يا رب تفرحي وتفرحي زوجك وتفرحينا |
رد: تجمع التلقيح الصناااعي
اقتباس:
|
رد: تجمع التلقيح الصناااعي
بدي اسالكم بنات سمعتو مرة عن شي وحدة عملت تلقيح صناعي ونجح معاها في مثل حالاتي يعني كل شي تمام وحملت قبل كدة حتى الاشعة بالصبغة عملتها عندي بس ميل بسيط جدا في الرحم الدورة منتضمة ثمانية وعشرين يوم وكل الدكاترة يقولون لنا ما في سبب يمنع الحمل المرجو يلي عندها معلومة تفيدني الله يفرحكم انا من هااللحضة وأنا افكر وش يصير وأحمل ولا لاء يالا نخلوها على الله هو لي بدو يصير رح يصيريصير خير نشالله
|
رد: تجمع التلقيح الصناااعي
اختي فاتي حياج بتجمعنا وتسلمين عالدعوه الحلوه
وربي يرزقنا ويرزقج ونبشر بعض اذا انتم سليمين الزمي الرقيه والقران والدعاء واستخيري بالتلقيح والله يكتب لج اللي فيه الخيررر لان التلقيح والانابيب السبب الرئيسي بنجاحهم او فشلهم اراده الله قبل كل شي |
رد: تجمع التلقيح الصناااعي
تسلمين حبيبتى فاتي على دعاء ويارب الله يرزقج با الدريه الصالحه
|
| الساعة الآن 11:48 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .