|
انا وصديقتي
سلام
بنات بدخل بالموضوع على طول انا عندي صديقه طيبه وحبوبه تعزمني واعزمها وفجاءة اتغيرت....لا تتصل ولا تدق طبعآ انا حاولت معها ودقيت قبل كم شهر قلت لها بزورك اعتذرت وقالت امي تعبانه مع العلم انه صديقتي هذي متزوجه وعندها عيال وفي بيت لحالها المهم طنشت وصرت ادق اسالها عن امها وقالت انها تمام وبخير وبعد شهرين دقيت عليها قلت بزورك قالت انها معزومه عند اهل زوجها وطنشتني يعني معقوله مافضت خلال هالشهرين مع العلم يابنات اني اقوم بالواجب معها ازورها اذا مرضت او ولدت حتى مناسبات اهلها الاجتماعيه اروحلها واقدرها على عكسها هي لاتجي ولا تزور واذا ولدت انا تجي بعد مااطلع الاربعين وماتطول نص ساعه وتطلع عكسي انا اروح لها كم مرة وهي بالاربعين واخذ معي عشاء وحلا مدري الناس تغيرت ولا انا الغبيه الي ماقدرت نفسي انتظر رايكن عزيزاتي |
رد: انا وصديقتي
انا من رائيي تتبعين
(( عامل الناس كما يٌعاملوك )) لان بالزمن هذا مافي احد يستاهل تجين كلك معاه وهو مطنش اللي يقدرك قدريه واللي يطنشك طنشيه .. هذا رائيي .. |
رد: انا وصديقتي
طيب على حسب كلامك
تقولين انك تقدرينها وتزورينها وتزورين اهلها وتروحين لها لاولدت او او الخ اجل كيف حكمتي انها طيوبه وحبوبه ؟؟ وكمان كم مده صداقتكم ؟ وكم عمرها وكم عمرك ؟ ومن وين تعرفتي على صديقتك جارتك ولا من الجامعه ولا من الاهل ؟ بياناتك ناقصه كثير وماني فاهمه عليك مره لان تاكدي مافي انسان يتغير من فراغ فكملي قصتك بحذافيرها لو ناسيه شي اكتبيه او صار بينكم شي وماذكرتيه ارجعي واكتبيه ولي رجعه بالحل بعد التكمله |
رد: انا وصديقتي
انت ماذكرتي كيف طبيعة صداقتكم من البدايه يعني هل كانت تمام وبعدين تغيرت والا هي طبعها كذا ؟؟؟
اذا كانت فجأه تغيرت فحطيلها مليون عذر وحاولي تفهمين القصه...بدون طبعا ما تجرحين مشاعرها يمكن عندها شيء او ظروفها ما تسمح ومو حابه تقول لك ممكن عندها مشاكل عائليه عالعموم ياقلبي انا اقول التمسي لها العذر ماتدري كيف وضعها لا عاد تكلميها انك بتجيها دام كلمتيها اكثر من مره وما استقبلت انتظري الين هي تعزمك ولا تقطعيها يعني بين فتره والثانيه اسألي عنها بالجوال وبس .. |
رد: انا وصديقتي
ومثل ماقالت سويت موون يا قلبي كملي مشكلتك علشان نفيدك اكثر ..
بحفظ الباري |
رد: انا وصديقتي
سلامة راسك ياقلبي لاغبية ولا شي,,بس الناس ألحين مدري كيف التربيه الله المستعان مصيرها تتذكر وتندم....
|
رد: انا وصديقتي
انا اشوف هااذ الشي في اختي ودايمن انصحهااا بس عشان هي اكبر مني اقول خلاص بكيفك
تحب تزور وتروح وتجي واذا الوحده نفاس تروح لها وتسوي لها عشاء وتخدمها بعكسي انا انا اروح ساعه وخلاص ماحب اطول يمكن لاني اتضايق اذا حد عندي ونا نفاس تعرفين تعب وعيال وزوج وعندك ناس يسهرون او يتعشون احسه تعب اختي كل ماسوت خيررر زيك يجي عكسها تقطعها صديقتهاا تسير تتصل عليها ماترد تسير تتكلم في ضهرها مع ان اختي تخدمها تزورها تعزمها ببيتها اذا عندها صديقاتها لاكن هاذي الحركه من صديقتك اعتقد والله اعلم معناتها خفففي زيااااااارات وجيات وروحااااااات عندي يعني طنشتك اكثر من شهر عشان تجينها بعد شهرين وتسير زياراتكم كل شهرين مره هاذا قصدهااااا او تحصلين زوجهااا حالف عليها انك ماتجينهااااااا وهي ماتقدر تقول لك تخاف تزعلين وتنتضر زوجهااااا يكفر عن حلفه عشان كذا تعتذر فاصبري وشوفي وش النهايه |
رد: انا وصديقتي
اقتباس:
صدقتي بس اني احبها اكثر وحدة ومتضايقه من رسميتها معي مشكورة حبيبتي |
رد: انا وصديقتي
اقتباس:
حكمت علي طيبتها من خلال تعاملها معي قبل ماتتغير وتنقلب على ومدة صداقتنا 8 سنوات عمري 32 وعمرها 30 تعرفت عليها ...زوجها وزوجي اصدقاء في المدرسه وجمعونا مع بعض مدري ياختي وش التفاصيل الي ناقصه مافهمت عليك اسالي وبجاوبك انتظر ردك ياغاليتي |
رد: انا وصديقتي
اقتباس:
علاقتنا كانت تمام وحتى اذا مر اسبوعين مادقيت تدق وتسال واذا مارديت تقول لزوجها يدق على زوجي وتطمن على اما سالفه اني اكلمها وازورها خلاص ماراح اكلمها الا اذا بدت هي بالاتصال مشكورة حبيبتي |
رد: انا وصديقتي
اقتباس:
ام اصيل الله يسلمك ويطول عمرك فديتك والله |
رد: انا وصديقتي
اقتباس:
انا قلت كذا شكلها تبي تخفف زيارات شكلي كنت مضايقتها الله اعلم بس ماظنتي زوجها يحلف عليها ماتزورني لانه على حسب كلامها يشوفني محترمه وعاقله وبنت ناس مشكورة اختي على ردك فديتك |
رد: انا وصديقتي
الله يهديه بعد صداقتكم 8 سنوات صدق
دنيا تغيرت ياحبيبتي زي ماتجي عندك تقعد ساعه سوي مثلها قعدي عندها ساعه ياحبيبتي زمن تغير الله المستعان ماعاد زي اول اممم للحين كل واحد يفر من ثاني |
رد: انا وصديقتي
مو مشكله يالغاليه ..
ماتدرين يمكن تمر بظروف ومظايقتهاا يمكن نفسيتهاا تعبانه وماتبي أحد .. وخليهاا براحتهاا متى مادقت تدق أنتي واصلتي وماقصرتي إذا تبيج راح توصلج ,, |
رد: انا وصديقتي
تقريبا مشكلتك نفس مشكلتي , انا صديقتي من سبع سنين , و كانت تجيني مرة او مرتين في الاسبوع تسهر عندي للساعة 2 , و اذا طالعة من البيت لازم تمرني , خصوص يوم تروح زيارة لامها اروح معها , و من يوم حملت و صار معي نزيف و دقيت و خبرتها وتوقعت انها راح تجيني يمكن كل يوم لاني بغربة , و ما شفتها غير بعد اسبوع او اكثر , و تعرف اني ملازمة الفراش وممنوع اتحرك و و مع ذلك قمت للمطبخ و خليت زوجي اللي عمل الشاي و القهوة ,ووعدتني انها راح ترجع عندي ثاني يوم , و ما جات و بعدها باسبوع دقت علي قالت لي انا في المزرعة , وشو اخبارك و كذا كذا , و لا عاد شفتها من يومها , الحين صار ليها ثلاث شهور لا جات و لا دقت و انا طنشت , قلت المفروض هي اللي تسال عني , ما هو انا اللي اسال عنها
|
رد: انا وصديقتي
ياقلبي لاتقطعين بالعكس بادري انتي بالاحسن وخليك انتي العاقله
ويمكن صديقتك فيها شي يمكن حامل والله اعلم انتي حاولي تتكلمين معاها بصراحه ااساليها ليش تغيرتي وش سويت لك ترى مهو عيب ولا فيها تقليل من قدرك بالعكس بهالزمن نادرا نلقى اصدقاء اوفياء وصعب تركهم لاسباب تافهها لازم نفهم ظروفهم ونعذرهم ونحط لهم مليوووووم عذر الله يجمع شملتك انتي وصديقتك ويصلح بينكم |
رد: انا وصديقتي
lمشكورات على الردود
واكيد كلامكن محل تقدير واحترام وباخذ فيه وافكر فيه الله يوفقكن |
رد: انا وصديقتي
والله الزمن تغي
والانفس تغيرت والاخو وهو اخو تغير وانتي اهم شيء تاكدي من سبب الانقطاع. واذا صار من باب التطنيش فخلي علاقتك فيها محدوده سلام برساله بين فتره وفتره |
رد: انا وصديقتي
حبيبتي واضحه السالفه
هي تحس انك مثقله عليها وانتي طيبه وتبين تتواصلين باستمرار معها لكن هالشئ يضايقها انا صديقتي دايم تتصل علي واوقات ماتكون مناسبه او زيارات اكون فعلا مو حابه بس استحي صار زوجي يعصب ويحس اني وحده مهمله ومالي شغله الا سوالف الحريم رغم انه له علاقات مع زملائه بس مايحب علاقات الحريم وتواصلهم وصديقتي ارحمها لى نياتها احيانا ابين لها بس عادي ماتنتبه اقولها لحظه شوي زوجي يكلمني<<<ابيها تفهم وتنهي المكالمه تقول خلاص شوفي وش يبغى انتظرك على السماعه عادي واقولها يوووه شكلك مشغوله وطولت عليك وهي المتصله ابيها تفهم تقول لا انا فااااااااضيه ........ اضطريت بالاخير اتجاهلها تدريجيا رغم ان قلبي يتقطع عليها وماشفت منها الا كل خير اخت وعزيزه الله يوفقها وين ماراحت تركتني الحين واذكر رساله مؤلمه منها ارسلتها وبعدها انقطعت بكلامها ان كل صديقاتي قطعوني ونسوني ومانسيتهم وانتي يامناير ماكنت متوقعتك كذا مثلهم وتسب الزمن والناس وطبعا صعب اقولها ان طيبتك وكثره تواصلك سببت لي ازعاج وللي يعرفونك |
رد: انا وصديقتي
ما اقول الا عامليها زي ما تعاملك ,,,,
|
| الساعة الآن 10:41 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .