|
كيف اشرح له او أفهمه لأبن زوجي أن له ام ثانيه ...
السلام عليكم
العنوان واضح وشو ودي فيه ولد زوجي كمل 3 سنوات وهو مقتنع اني امه يروح لامه زياره و الحين صار له اكثر من شهرين ماراح الولد بدأء يستوعب اخاف لما يروح لامه مايستوعبه و هذا الاغلب .. كيف اشرح له.. تدريجيا... فا صرت اقوله حاليا انا ماما مشاعل و ماما موجوده في بيت عمي اللي هو زوجها .. صار يقولي لا . انتي نمبي العب انتي حقي..يقصد انتي تنامي جمبي و الخ و اذا ودي اقول لامه وشهو اقولها لاني برسلها مسج .. و علاقتي فيها متوتره نوع ماء انا ماابيها تنقهر لما مايقولها ماما .. او يصدها بشكل عفوي لانه طفل فا شنو ارسل لها مسج عموما و هو الحين مريض عنده مرض وراثي وهي من النووع الهمل بدررررررررررررررررررررجه فظيعه شنو اكتب لها بلرساله سااعدوني ... بكتابة الرساله.. انا فكرت اكتب السلام عليكم ام فلان حبيت ابلغك بموضوع مره مهم يخص ولدك انو عنده مرض وراثي اللي هو انيميا فول يعني مايأكل اي نوع من انواع البقوليات و بغيت (( الصراحه هنا متوهقه شنو اكتب بخصوص موضوع انه تشرح له انها امه و انا امه بنفس الوقلان هي من طبعها غيووووووووووره و شي طبيعي بتغار على ولدها فامدري شنو اقول )) سااعدوني بهذا الخصوص لانه لما يروح لها و ينزل من السياره يبكي .. يبكي لانه نزل من عندنا مو عشان رايح لامه هو عموما مايحب يتركنا لا انا و لا ابوه .. وبس انتظر مسااعدتكم ... |
رد: كيف اشرح له او أفهمه لأبن زوجي أن له ام ثانيه ...
توكلي على الله وارسلي الرساله بخصوص البقوليات ومرضه
بس بخصوص تقولين لها ولدك مو متقبل انك امه لا قولي للولد انتي حبيبي انت عندك ام ثنتين انا ماما وذيك ماما هو غير 3 سنوات ماراح يدرك ذا الشيء لكن يكبر شوي شوي وهو بيروح له وكل مره بيروح بتقولون له بتروح لماما الثانيه مع الايام الطفل بيتعود وبيكبر شوي وبيميز وربي يحفظه لكم ولاتحرمونه من امه شهر ولا شهرين خلوه كل اسبوع يروح ولو يوم واحد علموه على صلة الرحم |
رد: كيف اشرح له او أفهمه لأبن زوجي أن له ام ثانيه ...
بصراحة ما ادري
أنا زيك متورطة عندي ولد زوجي عمرة سنتين وشوي المشكلة هو عايش مع امة بس يجي كل يوم زيارة لأخواتة ولما يرجعة ابووة يجلس يبكي بحرقة مايبغى يروح ويتمسك فيني بقووووووووة ويقول لااااااااا ماما ماما وكأنة يستنجد فيني والله ياكثر مابكيت عليه نفسي يجلس مع اخواتة ويعيش معهم مبسوط وبنفس الوقت ما ابقى احرم امة منة !! المشكلة أمة ماتخرج ابداً وهو شكلة يطفش عندها ووالله لو يعدي يومين مايجي يمرض وترتفع حرارتة واحبة اكثر من بناتي وربي يشهد وقلبي يتقطع علية بس ما اقدر اتكلم ! عشان كذا الله يعينك وأنا والله ما اقدر افيدك بشيء لأني مثلك محتااااارة ! |
رد: كيف اشرح له او أفهمه لأبن زوجي أن له ام ثانيه ...
كلام الماسة صح صعبه تقولي انك تقولي ولدك مومتقبلك وجزاااك الله الف خير لان الطفل. مايتعلق بأحد الا يحبه أكيد معاملتك حلوة معاااه
|
رد: كيف اشرح له او أفهمه لأبن زوجي أن له ام ثانيه ...
اقتباس:
حبيبتي ماراح اقولها هو مو متقبلك بس ابي اقولها لما يجيك .. قوليله انا ماما و كرريها لها و بخصوص لما يروح اقوله يلا نلبس لان بنروح لماما يطالع فيني مستغرب ... و بخصوص الزياره كل اسبوعين تشوفه 3 ايام و بعض الاحيان يومين و نص لانها ساكنه بمنطقه غير منطقتنا و هي اللي مااتصلت لمدة شهرين انا حتى الان مستغربه .. كانت عندها حالة طلاقها و لكن الحين رجعت لزوجها و حتى الان ماقالت ابي اشوفه .. |
رد: كيف اشرح له او أفهمه لأبن زوجي أن له ام ثانيه ...
اقتباس:
الله يعينك اكيد بينبسط عندك لانه معاه اطفال و هيك بيتسلى يعني عباره من دخوله الروضه المفروض يستقر عندك في حالة انك بتتحملينه طول عمرك .. انا من وجهة نظري اذا زوجة الاب متقبله الولد يعيش معاها تأخذه و لامه حق الزياره لان الام مهما كان و مهما صار راح تتزوج مو حلوه تتركه فجأه يجي عند ابوه بسبب زواجها كذا الولد لما يكبر بيفكر فيها ممكن ان امي تركتني عشان تتزوج اعرف حاالات هيك كثيره بعايلتنا كانت كل ماتتزوج تودي الولد و لما تتطلق تأخذه تزوجت يمكن 3 او مرتين بس فا لما كبر يالله معااملته زفت مو بأحترام يعاملها يقولها عطيني فلوس اذا قالت ماعندي يقولها تزوجي بيصير عندك و الخ فهمتو قصدي.. ولد زوجي يضحك اذا راح بيت متوفر فيه البلاستيشن و الايباد 2 و الايفوان يالله يقولي روحي روحي انا بقعد هنا انزين هههههههههههههه حبيبتي الله يعينك |
رد: كيف اشرح له او أفهمه لأبن زوجي أن له ام ثانيه ...
اقتباس:
لا حبيبتي مستحيل اقولها ولدك مومتقبلك لكن ابي اقولها بس مو عارفه باي طريقه و شنو الكلام ان اذا جاك الولد قوليله هنا ماما و هناك ماما فهمتو قصدي لان ماابي اشرح له وهو كبير ابي يتعوود يسمعها مني ومنها و لا سأل ليه عندي امين بقووله لان ربي يحبك خلى لك امين بهلدينا و العاده ام وحده ههههههههههههههه الله يرج ابليس و يأخذه.. |
رد: كيف اشرح له او أفهمه لأبن زوجي أن له ام ثانيه ...
اقتباس:
وماتتصوري فرحتي لما اشوووفه حتى ابوة لما يشوووف فرحتة برؤيتي واحتضانة لي يستغرب !!! وامة موجودة على ذمة ابوة مو منفصلة ولا مطلقة ! وأن كانت العلاقة مضطربة بينهم ! بس هو مايحب يجلس عندها وتلاقية لما يكون عندها طوال الوقت يبكي يبغى يجي عند أخواتة ومتعلق فيني بشكل مو طبيعي والله أنا احياناً احاول ابعدة عني او انشغل عنة بس عشان مايفضلني على أمة ويتعلق بي اكثرلآن هذي " أمة " مهما كااااااااان ! وأنا أم واعرف ايش تعني هالكلمة ! مع أني احبة ولا اتمنى يفارقني لحظة وحدة ! بس عشان مصلحتة ! الله يصلحهم يااااااااارب |
رد: كيف اشرح له او أفهمه لأبن زوجي أن له ام ثانيه ...
حبيبتي اذا الام موجود على ذمتة الاب مالك شغل فيه عشان بكررره ما تحط الحرره فيك
لكن قولي لزوجك اذا امه تعبانه بترريح بتطلع بتزور صحباتها تخلي الولد اذا حابه مع اخوانه احسن عشان مايزعجه و بنفس الوقت عشان يقضي وقت اكثر مع اخوانه |
رد: كيف اشرح له او أفهمه لأبن زوجي أن له ام ثانيه ...
والله ياقلبي الآم اصلاً ماتبغااااه يجي عند اخوتة !
ورافضة اختلاطة فيهم ! بس ابووووة يجيبة غصب عنها والأم منطوية على نفسها وماتخرج ابداً حتى اهلها ماتروح عندهم إلا من شهر لشهر مع انهم جنب بيتها ومستحيل تستقبل احد في بيتها لا اهلها ولا اي مخلوووق عشان كذا أنا ارحم الولد لما اشوف فرحتة لما يجي عندنا !! وابوووة يقول ما ابغاة يتعود على العزلة والإنطواء ! |
رد: كيف اشرح له او أفهمه لأبن زوجي أن له ام ثانيه ...
اي خلاص مو لازم تقولين لها قولي لولدك انك ماما وانا ماما
ماله داعي اشوف لأنه بالفطره هي الأم تقول لطفلها تعال ياماما لا ياماما عيب ياماما بكذا يتعرف الطفل انه هذا ماما وهذا بابا يكبر ويعرف وربي يحفظ كل أطفال العالم |
رد: كيف اشرح له او أفهمه لأبن زوجي أن له ام ثانيه ...
والله هذي نفس معاناتي بس انا ولد زوجي عمره كبير يعني هو الحين بالثانويه مرحله منتهيه ووالدته بغير دوله ومايفكر يروح الها ..وحتى اخوانه ( اولادي)مايعرفوا انه من غير ام ..الحين بنتي كبرت وتكولي ماما ليه اخوي يناديلك باجي؟..
باجي معناها الاخت الكبيره ..هو يخجل يناديلي ماما لأن عمره كبير وانا متزوجه والده من 6 سنين فقط ...بس الحمدلله احبه اكثر من اولادي وحتى اهلي يحبوه .. بالنسبه للرساله ..انتي كتبيلها مرض الطفل وشو ممنوع عليه صحيح هي حتغير بس شو تسوين كتبيلها انه هذي تعليمات الطبيب ورب العالمين يعينك ويوفقك لعمل الخير.. تحياتي |
رد: كيف اشرح له او أفهمه لأبن زوجي أن له ام ثانيه ...
الله يكتب لك الاجر حبيبتي
|
رد: كيف اشرح له او أفهمه لأبن زوجي أن له ام ثانيه ...
في الامور هذه الاحظ الاباء يتصرفون ويعرفون يوصلون المعلومه اكثر منا وهذا مو تقليلا فينا لكن الاطفال عموما يسمعون من الاب اكثر من الام في المواضيع الحساسه
احنا نخاف نتكلم معاهم نشوف ملامحهم نبكي هههههههه خلي ابوه يوصله هذه المعلومه وتناقشي معاه فيها والله يكتب لك الاجر |
رد: كيف اشرح له او أفهمه لأبن زوجي أن له ام ثانيه ...
حبيبتي عسى ربي يكتب لك في هالطفل الاجر العظيم-----------يارب يارب
يفرج همك وييسر امرك يارب يارب يارب ---- والله يرحم والديك اللي ربوك ---ويرحم بطن شالك --والله انك بنت رجال ---ولاتهون الغاليه ام رازان--- حبيبتي مثل ماقالوا البنات لاتجيبين سيره عن امه والولد بكره يكبرويغرف من نفسه-----عسى ربي ياجرك ويسعدك دنيا واخره-- يمكن تستغربين تفاعلي هذااااااااااا بس انا واخواتي لما كنا صغار وامي كانت تروح لبيت جدي علشان تولد كنا نجلس عند زوجه ابوي وكانت زوجة اب بمعنى الكلمه----والله كنا نجوع ونخاف نقول لها وكانت تشغلنا بالمطبخ وبناتها لا--- تصدقين مره جعت انا واختي وبحكم اني الكبيره --- نزلت للمطبخ وجبت خبز وطماطم وبصل وقطعنا واكلناه وبعد ماخلصنا خفت انزله تشوفني--- حطيته فوق الدولاب حق الملابس-- وكان باقي بالصحن والله طلع ريحه الغرفه لانه عفن وماقدرت انزله لين جت امي -----وامي الله يسامحها تروح قبل تالد ب4 او5 شهور ---- يالله يامشاعل فتحتي جروح لو كانت زوجة ابوي طبيه معي والله لاعطيها عيني بس للاسف ---كانت زوجة --ولم تكن في حياتها ام لي -- الله المستعان وعليه التكلان------حسبنا الله ونعم الوكيل--------------------هذي قصه من 1000 قصه لان الطفل لاينسى ابداااااااااااا |
رد: كيف اشرح له او أفهمه لأبن زوجي أن له ام ثانيه ...
ماشاء الله عليك ربي يجعله بميزان حسناتك
الله يرفع قدرك يارب بجد هنا الناس توقف احترااام لك ولد زوجك تفكرين فيه كذا وتحاتينه .. والله احترت وش اقول لك بجد هالشخصيه تكبر بعيني ربي يرزقك ويفتح عليك من اوسع ابوابه |
رد: كيف اشرح له او أفهمه لأبن زوجي أن له ام ثانيه ...
حبيبتي ما شاء الله البنات ما قصرو في آرائهم و نقاشاتهم
أنا ما حادخل معاكم في النقاش خصوصا لأني الصراحة وضعي مختلف عنك و عن الأخت أم رزان فما أفهم وضعكم كتير بس حبيت اقولك حاجة .. لأنك بتقولي مستغربة انه امه ما اتصلت تطلبه كذا شهر بعد ما رجعت لزوجها حبيت اقولك لا تلوميها ولا ترسليلها ولا تقوليلها شي .. ما تعرفي يمكن مو منها .. يمكن مجبرة من زوحها انه ما تطلب ولدها !! ما نعرف ظروف الناس .. فهمتيني حبيبتي ؟؟ الله يوفقك و يجزاكي خير على معاملتك الطيبة له |
رد: كيف اشرح له او أفهمه لأبن زوجي أن له ام ثانيه ...
واااااي يحياتي الله يعينك والله ماعندي فكره لاني ماجربت الامومه ابدا وانا توي متزوجه
بس ممكن انتي تعامليه احسن من امه وعشان كذا يحبك اكثررررر انتي يامشاعل عندك اطفال يلعبون معه ولا لا |
رد: كيف اشرح له او أفهمه لأبن زوجي أن له ام ثانيه ...
بيبتي موضوعك صارله فتره طويله
بس ماقدرت أدخل وماأرد >>>مناعتها مو قوية لازم تتفلسف حاليآ ركزي على صحته ثم صحته ثم صحته وتفاعلي مع أمه بطريقة مايكون فيها حث على الإهتمام عشان مصلحته أولآ,, إذا ماعرفت للأن بس إشرحيلها شلون عرفتوا مرضه وكلام الدكتور وركزي مع كل نصيحه الدكتور قال والدكتور قال عشان تهتم وتاخذ بالها من هالشي,, ونصيحه لوجه الله الشيطان لايلعب عليك وتقسين عليه وتطنشينه عامليه بما يرضي الله لاعبيه بوسيه أحضنيه نامي معاه قد ماعندك من طاقه يمكن أمه فوضع مايعلم فيه غير الله مع زوجها وماتقدر تتحمل وجوده يمكن نفسيتها تعبانه ....إلخ وحتى لو رفض أمه هذا طفل ويدور الحنان والحب والطفل سبحان الله يميز من يحبه أكثر ويدور على الدلال عنده,, وخلي زوجك لما ياخذه لأمه يجيبله حلويات ألعاب بسيطه حق الكم يوم هذي عشان مايمل ويزهق من أمه وعشان هيا كمان تلاقي شي تلهيه فيه ماتدرين يمكن زوجها ضاغط عليها ومايخليها تاخذ راحتها معاه ,,,, المهم حبيبتي إنتي فخر ومثلك قليل وشيلي حكاية إنتي أم وهذيك أم خليك فحدود بيتك وإنشري الحب فيه وعسى ربي يحفظه من كل شر وكل مايطلع خليه يقول دعاء الخروج من المنزل ولدي بعمره ويقوله مو صعب بسم الله عليه حافظه وإستودعيه عند ربك... الله يحفظ لنا ذرياتنا ويحميهم ويبعد عنهم شر كل ذي شر...... |
| الساعة الآن 11:53 AM. |
Powered by vBulletin® Version 3.8.8
Copyright ©2000 - 2026, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .