|
قصتي ولادتي
طبعا انا بنقلد اختي سوسو عجبني موضوعهاصة ولادتها ونبي نزل قصتي انا
نبدا علا بركة الله انا طبعا قبل حملي كنت جاهظة في الشهر التالت وعملولي تنتظيف مسح وتععبني هلبة وانا كنت من النوع لي يخاف هلبة لدرجة ماما تقول مش متوقعتني انو يجيني طلق ونتحمل زي النساوين المهم حملت وحملي من الاول تعبت فيه لانا بعد الاجهاض بشهر حملت وهدا متعب للرحم المهم حملت وفي الشهر السابع بدت مياتها تنقص هلبة والدكتور اعطاني دواء والحمد لله قبل بيولدني مبكر في التامن المياة تعدلت و وبدت كويسة وفي الشهر التاسع في بداية شهري طمني الدكتور انا الراس في الحوض وانه نتمشى ونستنى الطلق المهم تاني اسبوع في شهري حبيت نعمل مراجعة مشيت لدكتورة قتلي انو وضعي خطير المياه معاش فيه والمشمة ملتفة والبيبي اتعرض المهم مشيت لدكتوري قالي انو الوضع خطير وقررلي قيصيرة لانا تعرضت حاول يقلبها بس مياتها خلصت روحت من المصحة وكنت نبكي تاترت هلبة لاني انا من نوع منحبيش نعاين ابدا المهم روحت حوشي ومتاترة جوني اهلي وحمواتي وسلفتي رقدت وانا دمعتي علا خدي مشيت تاني يوم الصبح راجلي الحق وقف معاي بكل معنى الكلمة يصبر فيا المهم وصلنا للمصحة وكانت معاي اختي وبنت خالتي وعزوزتي دخلتي اممرضة قتلها لحظة بنشوف زوجي انا شفته لقيت عيونه دموع شد في يدي وانا نبكي وهو يحال ميبيكش المهم دخلتني اللمرضة وبدولي في الاجراءت وانا نبكي وطبعا موبيالي برا اتصل راجلي علا ارضي العناية قالوله خلاص توا معاش تقدر قالولهم لازم نكلمها كلمته وهادني وقعد يقولي تو بدجي ناريز نبيها زيك المهم وتتيني الدكتورة ولبستني روب العمليات وانا علا الكرس المتحرك رفعوني للغرفة متاع العمليات المهم نبكي وخلاص رقدوني عالسرير لما شفت الدكتور استريحت لانا صاحب بابا دكتور محمد المحيشيش وهو الي نتابع عنده رقدوني علا السرير ودارولي معقم ساخن عالجسم بعدها دارولي الاكسجين معاش نعلم بي روحي فيقتني اللمرضة الساعة 2 طبعا انا خشيت غرفة العمليات 12 الا تلت طلعت منها 12 فقت من البنج 2 لقيت راجلي فوقي يبوس في راسي وانا في العناية الدكتورات جنبنا انا تحضمشت وفي نفس الوقت مش واعيا مزبوط بعدها قعدت في العناية ونتالم اعطوني مسكن خشولي العويلة كلهم هو طبعا ممنوع بس احنا بمعرفة بابا مشت الامور خطولي الشكولاتة وقعدت نوزع فيها وصورلي بنوتي في النقال ورهولي الله عالشعور ربي يعطيه لكل محرومة المهم بعدها راجلي كل شوية يايخشلي في العناية ممرضة عاركت لانا معاي 2 راقدت جايبات في العناية ومرات يتصل عالارضي متاع العناية بات في السيارة لانا مسافة انا في الخمس وجيبت في مصراتة وهو ميبيش يروح بكل والله تبهدل يبات في السيارة ويروح اليوم التاني يبدل ويولي طبعا ليبة العناية اشبه بالرعب والمررضة تجيني وقتلي تمشي وانا نبكي من الالم جيت الساعة 8 الصبح والمرضةة شافتني ركبتني فوق في داري طبعا داري خاصة بروحي وراجلي معاي جو حلو تلاتة ايام قضتووهم في المصحة حلوزات الحق انا وراجلي وبنتي يجوني زيارات الاهل والاقارب بس راجلي يقعد معاي من الصبح لا الساعة 12 يروح ينزل يبات في السيارة |
رد: قصتي ولادتي
مع أني مافهمت اغلب الكلام !
بس الف مبرووووووووووووووووك وحمداً لله على سلامتك وجعلها الله من مواليد السعادة واقر الله بها اعينكم |
رد: قصتي ولادتي
الف مبروووك يااختي وتتربى بعزكم
وعقبالي وكل الكروشات نولد بالسلامه |
رد: قصتي ولادتي
الحمد لله على سلامتك ( ليبيا قلبي )
و سلامة البنوته الحلوه ألف مبرووووووك وياااارب الله يكتب أجرك على التعب اللي تعبتيه |
رد: قصتي ولادتي
الحمد لله على السلامه
|
رد: قصتي ولادتي
الحمدلله على سلامتك والف مبرووووووووووووك وتتربى بعزكم يارب
|
رد: قصتي ولادتي
الف مبروك ماجبت وعقبال كل الحوامل اااامين يارب
|
رد: قصتي ولادتي
الف مبرووووووووك
تتربى في عزكم |
رد: قصتي ولادتي
اااااااالف مبروووووك وتتربى بعزكم البنوووته ..وتقومي بالسلااامه
|
رد: قصتي ولادتي
الحمد لله على سلامتك
والف الف مبروووووووووووووووووووك |
رد: قصتي ولادتي
بارك الله فيكم اخواتي وردكم يشرح الصدر
|
رد: قصتي ولادتي
اقتباس:
^ hwaml7 بالضببببببببببببط |
رد: قصتي ولادتي
الحمد لله على سلامتك
وتتربى بعزكم ياررب |
رد: قصتي ولادتي
الف مبروك. والحمدلله عسلامتك
تتربا بعزك يارب |
رد: قصتي ولادتي
فرحتلك هلبة ..بزاف ختي الله يقومك بالسلامة
|
رد: قصتي ولادتي
الحمدلله على سلامتك والف مبروك
|
رد: قصتي ولادتي
الحمدلله على سلامتك واجر وعافيه
والف مبروك تتربى بعزكم البنوته |
رد: قصتي ولادتي
الحمدلله على السلامه
|
رد: قصتي ولادتي
الف الف مبروووووووووووك وتتربى بعزكم القمر للي جاكم وعقبال ولادتنا ويارب يسرها علينا يارب
|
رد: قصتي ولادتي
مع اني كلمة أفهمها وعشرة لا بس عالعموم
الحمد لله على السلامة ومبرووووك البنوته والله يرزقكم برها وصلاحها . |
رد: قصتي ولادتي
حلوة قصتك يا ام ناريز وتتربى في عزك ..والله بكيتيني معاك عشت معاك الشعور
ربي يحفظلك بنتك وراجلك ياااارب |
رد: قصتي ولادتي
قصة حللللللللللوة
وزوجك ياناااااااااارى سخفنى وربى يخفظكم لبعض حبيبتى |
رد: قصتي ولادتي
الحمد لله ع السلامة
والف مبرووك تتربى بعزك ^^ ودي |
رد: قصتي ولادتي
ممممممممممممممممممممممممشكورات حبايبي علا ردكم والعقبة للكل الحوامل ولي ماحملت ربي يرزقها ربي يفرحنا بودتك عن قريب ساليتو
|
رد: قصتي ولادتي
الف الف مبروووووووووووووووووووووووك والحمد لله على السلامه
|
رد: قصتي ولادتي
الله عالقصتك ام ناريز والله الا عشت معاها وحسيت بيك لاني مجربه ثلاث عمليات وعمليتي الاولى قريبه لقصتك هلللللللبه
المهم الحمدلله عالسلامه وشدي روحك وخاوي نوزه هههههه وعقبال لسالي تنوض بالسلامه يااااارب وتبشرنا عالقريب يالله يامجيب الدعوات ولكل محروحه تحمل ام اجنادين وام ورد ياااااارب |
رد: قصتي ولادتي
الحمدلله ع السلامه وتتربئ بعزك
|
رد: قصتي ولادتي
انا مافهمت شيئ بس الي وصلني انك ولدتي وجبتي بنت مبروووووووووووووووك وحمدلله على سلامتك
|
| الساعة الآن 04:00 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .