|
لا تبعدي عن زوجك بالنفاس.... موضوع منقول ..شو رايكم بكلامها؟
هذا الموضووووع يمكن غايب عن بعض الحريم اللي تتبع العادات
وهو بخصوص الحمل والولاده والنفاس .... يا أميرات .... لاتمشون مع الخيل يا شقره وتنفذون قوانين مالها داعي ولها أثر على حياتكم بالنسبة للنفاس مدري ليش تتخيلون أنه سجن .وتنحبسون 40 يوم بالبيت .... ناهيك عن الحلبه والسفوف اللي ريحتها تجيب الهم . ترى والله كلها كلام فاضي وعلي أنا لا تخافين من الخراب إذا ما أخذتيها ...إلا بالعكس الخراب هو خراب البيوت أن جينا للحق . والله يا حبيبتي ثلاث أرباع الأزواج يخربون مع حمل الزوجه ونفاسها . أنا أقولك السبب :::::: لأننا مع الحمل تصير اشكالنا غلط ...ويزيد إهمالنا لأنفسنا ولبيتنا وننسى الرجال ... تدرين أنها سنه تمر من حياتنا بعاد عن الزوج ؟ 9 شهور حمل ..و 40 يوم نفاس ...وتروح الحرمه عاد تنام عند أهلها .... وليتها تاركه لزوجها ذكرى حلوه عنها قبل لا تغيب عن عيونه ... وآخر خبره فيها ...كوره منتفخه وكلف وسواد ..ونفس شينه ... وتشكي وتعب . يعني وش تتوقعون الرجال يبي يسوي كل هالفتره ؟ يبي ينتظر الطفل ويحلم بعيونه ؟ ولا يبي يشغل نفسه بتجهيزات الولاده والنفاس وجهاز البيبي ؟ طبعاً الرجل طول عمره ما يفكر إلا بنفسه ... وصعب يفكر مثل ما نفكر . حنا نواسي نفسنا ونقول بعد النفاس نبي نقلب حياتنا كلها وهذي فترة مؤقته وبعدين أروح الصالون وأغير لون شعري وأتصنفر ..وأنسيه كل اللي راح وأعوضه . أما الرجال يفكر بطريقه ثانيه ........ يقول خليني أمتع نفسي واتسلى لحد ما الست الهانم تخلص من همها وتفكنا . هو يعتقد انه يتسلى ولكنه سهل جداً يطيح بالحفرة ويجرك معاه بحفرة اكبر وأعمق . ممكن جداً يقارن بينك وبين أي وحده يشوفها أو يشم عطرها . مهما كان يحبك يا حلوه ...... مدة سنه كافية جداً أنها تنسيه وتلغي كل شي حلو فيك . حبيبتي ... أي وحده تحمل ....... تبدأ مع زوجها خطوه خطوه ... وتشغله معاها بحملها وتقربه منها أكثر وأكثر ...وتزيد في جرعات الحنان وتثير خياله دايم بالطفل الجديد ... تطلب منه يشتري ملابس للبيبي على مزاجه ... تهتم بشكلها وزينتها وريحتها الحلوه ... تشغله فيها ومعاها . تعبي البيت صور أطفال ...وتخليه يختار الصوره اللي تعجبه والإسم اللي مفكر فيه . تاخذه معاها للمراجعات ...وتسمعه نبضات الجنين . تكتب له رسايل على جواله من البيبي وأنه مشتاق لبابا . تناديه في البيت يا بابا عشان يحس بطعمها ويتحمس ...وكل شهر تبتكر حركه جديده تحرك مشاعره الأبويه خليه يحس فيك بس لا يحس بالمعاناة والتأوه والتعب كثير لا بالعكس لازم تحسسيه أن الحمل شي جميل وممتع وروح تتحرك بأحشائك خليه يحس كأنها باحشائه هو مو أنت . دوووم ابتسمي وكون اسعد حااامل في العالم ووقت الولاده ... اطلبي منه يصور البيبي فور نزوله ... ومو لازم يدخل ويشوف معاناتك خليه ينتظر واحرصي ان ينتظرك لأنك تحتاجينه يكون موجود وهذا بيريحك . تابعوا معي عن وقت النفاس :: وقت النفاس:::::::::: إحذري من النوم عند الماما نامي اسبوع واحد فقط وهذا كاااافي جداً جداً ...مو شرط تنامين 40 يوم ...وحافظي على بيتك وزوجك استأجري خدامه تساعدك على البيبي وهذا ضروري جداً جداً . جهزي غرفة للبيبي بجميع المستلزمات .....ونيمي الخدامه فيها ... طبعاً أول شهرين ضروري ينام الطفل مع أمه .... وبالنهار أعطي الخدامه الطفل ...وروحي نامي واشبعي نوم . بعدين قومي خذي شور دافي وانتعشي ...وتطيبي ..وتدهني كلللللللل يوووووووم ضروري جداً جداً .ولا تقولين استشم ...بلاش كلام عجايز ... رتبي غرفتك وزينيها بالورد حق المستشفى ... واهتمي بشكلك ونضافتك ترى هذا له طابع خاص في مخيلة زوجك خليه يتمنى اليوم اللي تخلصين فيه النفاس عشان يلتهمك التهام ... بكذا تبقين في باله ويحسب الساعات عشان تخلصين من النفاس . احرصي انه ما يشوفك ولا يشوف البيبي إلا وأنتم تفوحون من النظافه والكشخه ...تفنني بشراء قمصان أنيقه للنفاس مع الأرواب الدانتيل الراقيه . ولفي الطفل بألوان هاديه وأنيقه ...وأبعدي عن الملون ترى البيج والأبيض أرقى . ألبسي خواتم وحطي مناكير أحمر ... وشيلي شعر جسمك لا توفرينه لبعد الأربعين ترى مو شطاره ... لازم تكونين نظيفه وتلمعين دايم بعيون زوجك . وبعد ما تخلصين من النفاس ......يكون زوجك في قمة سعادته وينتظر هاليوم بفاغ الصبر . روحي وسوي حمام مغربي وصنفره وغيري لون شعرك أحمر ولا اصفر ولا هاي لايت ... أي شي غريب جداً ويليق عليك .. سويلك غره مدرجه ونزليها على عيونك ووجهك ... يومها لا تلبسين قميص نوم جديد ترى بطلت هالموضه ... البسي روب طويل بدون شي ..أو ملابس داخليه ولصقي على كل جسمك كرستالات ...كثري منها بكل مكان على الصدر ...والبطن ...والفخوذ ...والمؤخره ... حطي رووج مع ملمع بلون قوي ومثير .. تعطري طبعاً . وذيك الليله طفلك مع الخدامه طبعاً ...ينام ( ونوم العوافي ) واخيرا اتمنى يعجبكم الموضوع و أنتظر أرائكم حبيباتي على الموضوع وإللي عندها راي تضيفة عشان نستفيد منه كلنا وشكرا مقدما الادارة: يمنع اضافة روابط المنتديات[/COLOR][/URL][/CENTER] |
رد: لا تبعدي عن زوجك بالنفاس.... موضوع منقول ..شو رايكم بكلامها؟
ياحبيبتي صادقه بس الوحده اش تسوي اذا هيا حالتها في الحمل مايعلم فيه الا الله وهذي حالت معظم الحريم من نفس خايسه بس لازم الزوج يتفهم الوضع لان جوتها روح وش تسوي تذبح نفسها والله العظيم اني ابغا اسوي المستحيل عشان ما انكد على زوجي بس والله تجيني حالبه مايعلمها الا الله من وسوسه وقرف لازم هو يقدر وهيا فتره وتعدي ونعوض الي فات هذا الشي مو بيدنا بلغصب عن الوحده ومافي احد تكره انها تشوف زوجها مبسوط بس الظرف والحاله الي نمر فيها تجبر بس في نفس الوقت لا تبالغ الحرمه تحاول ترضي زوجها بقدر ماتستطيع لاني والله العظيم ابغا ارضي زوجي واحمل نفسي فوق طاقتي بس حالتي النفسيهما قدر اغيرها غصب عني
|
رد: لا تبعدي عن زوجك بالنفاس.... موضوع منقول ..شو رايكم بكلامها؟
مشكوووووووره حبيبتي ع الموضوع ممكن في بعض البنات تحتاج لهذا الكلام لو فيه بعض المبالغه شوي وأنا أتفق مع كلام قمر جده من ناحية النفسيه الشينه وهذا غصب علينا مو بكيفنا ومن واجبهم يقدرون ويواسوننا
وأتفق معك إن الوحده ماتهمل نفسها وهي حامل وفي ملابس تجنن للحوامل وستايل حلووو وبالنسبه للنفاس أنا أنصح يكون النفاس فبيت الزوج اللي هو بيتك لانو أريح وأرتب وبعيد عن تلإزعاج |
رد: لا تبعدي عن زوجك بالنفاس.... موضوع منقول ..شو رايكم بكلامها؟
صااااااادقه بس بالنفاس لازم تكون عند اهلها عشان تعبانه
|
رد: لا تبعدي عن زوجك بالنفاس.... موضوع منقول ..شو رايكم بكلامها؟
موضوع حلو الله يعطيك الف عافيه
|
رد: لا تبعدي عن زوجك بالنفاس.... موضوع منقول ..شو رايكم بكلامها؟
قمر جدة ... حياك الله
وربي يقومك بالسلامة ويسهل امورك ... مشكورة للمشاركة في المناقشة ومعك حق المرأة تمر بمرحلة خارج عن طبيعتها وقت الحمل والرجل لابد يتقبل حبيبته وام اولاده بكل حالاتها لانها بشر مو ملاك طوول الحياة في حريم يهملووون مرررره الزوج وفي حريم توازن وتحاول مثلك ربي يسعدك |
رد: لا تبعدي عن زوجك بالنفاس.... موضوع منقول ..شو رايكم بكلامها؟
انا بدونك .... يا هلا بك
مشكورة للمبادرة والمشاركة بصوتك ... حبيبتي كلامك صحيح البعض يحتاج للتنبيه والبعض الله يصبره ويساعده في التكيف مع وضع النفسية بس المفروض اللي جرب زوجته بأكثر من حمل انه يهيأ نفسه ويحاول يراعي الزوجة بعد يعني انتي من اللي نفاسها في بيتها ماشاءالله عليك طيب مين يعاونك ؟؟ امك ؟؟ اهل زوجك ؟؟ او خدامة ؟؟ او انتي بعيدة عن اهلك يعني في غربة مالك بالزيارات والاستقبال؟؟ |
رد: لا تبعدي عن زوجك بالنفاس.... موضوع منقول ..شو رايكم بكلامها؟
اقتباس:
طيب سؤالي لك ...كل النفاس تكون عند اهلها ؟؟ او الى ما تحس انها صارت قوية وتعتمد على حالها ؟؟ طيب خلينا نقول البكرية تحتاج مراعاة اكثر ونصائح من الاهل ورعاية واللي ماشاءالله ام عيال ...تترك بيتها وزوجها ؟؟ وتزاحم اهلها بأولادها ؟؟ |
رد: لا تبعدي عن زوجك بالنفاس.... موضوع منقول ..شو رايكم بكلامها؟
اقتباس:
يعافيك ربي .... شكلك لسى ما ولدتي ؟؟ الله يهون عليك يارب قريتي ردود البنات ...النقاش لسى مفتوح ...ولا تنتظرون مني ارد على كل وحده يعني الكل يناقش الثاني ونشوف الاراء يا هلا بكم |
رد: لا تبعدي عن زوجك بالنفاس.... موضوع منقول ..شو رايكم بكلامها؟
يعطيك العافيه
|
رد: لا تبعدي عن زوجك بالنفاس.... موضوع منقول ..شو رايكم بكلامها؟
مشكوووره عزيزتي سوف يتم بعض اللتعديلات
وشكراا لكي |
رد: لا تبعدي عن زوجك بالنفاس.... موضوع منقول ..شو رايكم بكلامها؟
المشكلة بعض الأزواج مايراعون ولا يساعدك لا بخدامة ولا بشي
ويبغى طلباتو تتنفذ وأنا أقول بعضهم وليس جميع الرجال عني أنا زوجي بوحامي تعب وقال أنفسي عند أهلك ... يقول مافيني أشيل وأحط معك... والخدامه مااأقدر عليهاا..~ مع أننا نتمنى أنا وهو أن نكون مع بعض بس الظروف تمنعناااا..~ والله يعطيك العافية |
رد: لا تبعدي عن زوجك بالنفاس.... موضوع منقول ..شو رايكم بكلامها؟
موضوع جدا حلو انا بكرية ورح انفس عند أهلي لانو بجد ما رح اعرف اتصرف لا بنفسي ولا بالبيبي فأتعلم بس والله نفسية الحامل ما يعلم فيها الا الله يعني انا من النوع الحمد لله وحامي خفيف بس اهملت اللبس والمكياج لاني كرهت نفسي بشكل جنوني بس الحمد لله رجعت اهتم هالايام وطبعا ما احرم زوجي من حقوقه ابدا وبنفس حلوة بس النفاس لحد الان مو مفكرة فيه بتركيز بس ان شاء الله ما رح اكرهو حالو هههههههههـ
والله يعينا ويصبرنا ويقوم كل الحوامل بالسلامة |
رد: لا تبعدي عن زوجك بالنفاس.... موضوع منقول ..شو رايكم بكلامها؟
بعض الكلام حلو
وبعضه ابدا مادخل مزاجي انا اقول حسب الزوجه والزوج اذا هم مثل حالتي < مآقدر ابعد عنه ابددد وتخيلوو كنت بنفس عند امي بس صارت ظروف وماقدرت وقلت خيره وفعلا استمتعت كثير وقت نفاسي ببيتي والحمد لله مرت بسلام ^_^ عطيج العافيه ع النقل قلبووو |
رد: لا تبعدي عن زوجك بالنفاس.... موضوع منقول ..شو رايكم بكلامها؟
موضووعك رااااااائع
وبصراحه كلام سسليم ,, انا عني والله اخذت 3 اسابيع عند اهلي لاني بكريه وبعدها رحت بيتي وقاعده ببيتي والحمدالله امووري تمام واذا عن اللبس ماقصرت لا في الحمل ولا في النفاااس بأحلى طله صح في الحمل النفسسسيه زفت بس مو كل يووووم وفيه ناس احسسها تبالغ معقوله كل يوم اخلاقك زفت ؟؟ صح تعصبين وتبكين احيانا ومالك خلق لشي بس مو كل يوم وانتي على الحال .. لازم الوحده تلبس لزوجهاا وتتدلع علييييه وتسوي كل شي في بالهاااا ولاتخلي كبر بطنهاا عذر .. والنفاس لابد من النظاافه سوي الي تبين عند اهلك بس في بيتي والله البس ارواب النوووووووم الطويله والقصيره واستشور شعري واحط مناكير ولا كأني نفاس ماشاءالله حتى زووجي والله العظيم يقووووول انتي انظف نفااااااااس شفتهاا لانه يشوف عمااته ريحة الحلبه وحاطين طرح عليهم ولا مكياج ولا هم يجزنون ولاا عطرر .. انا والله استحي اجلس كذا قدام زوجي والشاااااااطره تعرف كيف تكسب زووجهاا تحياتي لك |
رد: لا تبعدي عن زوجك بالنفاس.... موضوع منقول ..شو رايكم بكلامها؟
موضوع رائع
وفعلا الوحده ماتنسى نفسها وزوجها ويعطيك العافيه عالموضوع |
رد: لا تبعدي عن زوجك بالنفاس.... موضوع منقول ..شو رايكم بكلامها؟
يعافيكم ربي
وكل من شاركت برأيها الله يصبرنا ويسخر لنا ازواجنا طول العمر والنفسية جزء من مراحل الحياة ...وطبيعي الحامل او النفاس يتقلب مزاجها صحيح مو كل يوم .... لكن بعض الايام والمفروض هي اللي تبعد وتحاول تشغل حالها او تنام اذا مره واصله معها ههههههه |
رد: لا تبعدي عن زوجك بالنفاس.... موضوع منقول ..شو رايكم بكلامها؟
موضوع رااايق ويحمس الوحده تحمل وتنفس ....
هههههه اوكي وقت الحمل بهتم بنفسي وم راح ابعد عنه وبتكون اجمل الايام اذا كان اول بيبي بس احس صعب التنفيذ خصوصا وقت النفاااس لان العادات انه الوحدة ببيت اهلها عشان الناس وصعبه تروح وتجلس ببيتها وهي تعبانه وم تلقى احد يهتم فيها خصوصا اذا صار الزوج م يهتم ولايجيب لها خدامة ومستحيل يجلس بالبيت يقابلها ويراعيها بيطفش احسها من حق الزوجه لترتاح وتسترخي مع اهلها وتكون فترة شوق كمان .. وجهه نظر *_* |
رد: لا تبعدي عن زوجك بالنفاس.... موضوع منقول ..شو رايكم بكلامها؟
يا هلا بك أختي روز
ربي يبلغك بالحمل القريب ومشكوره للتفاعل بالموضوع يعني الموضوع جدااااا ايزي انه الوحده تروح عند اهلها شويه شوق شوية نقاهه للطرفين بس لو سألنا الازواج ..... تتوقعين يبي زوجته عنده او عادي ماتفرق معه ؟ تصدقين ما سألت زوجي هههههههه |
رد: لا تبعدي عن زوجك بالنفاس.... موضوع منقول ..شو رايكم بكلامها؟
انا احس لو قلتله بجلس عندك وجيب لي خدامه بيقول اهلك موجودين وبيهتمون فيك ليه تجلسين لحالك خخخخخخ
|
رد: لا تبعدي عن زوجك بالنفاس.... موضوع منقول ..شو رايكم بكلامها؟
يديكي العافيه
|
رد: لا تبعدي عن زوجك بالنفاس.... موضوع منقول ..شو رايكم بكلامها؟
بصرآحه موضوع رآئع وكلآم سليم
بس مهمآ كآنت نفسية الوحده بالحمل او بالنفآس لآبد من مرآعآة الزوج لهآ لأنها جآبت له آحلى نعمه ولابد انه يقدرهآ تصدقون هذآ رآبع حمل لي وولآدتي بعد 3 اسابيع بأذن الله وعندي بنت تدرس كنت آفكر اجلس عند آهلي اول اسبوعين لمآ آولد ومتردده من شهر افكررر اروح او ارجع بيتي الحين قررت ولله الحمد اني برجع بيتي وآن شآء الله توصل الشغىله قبل لآ آولد وآرتآح احسن ببيتي وطبعآ مآبقصر ولا بهمل نفسي وقت النفآس الله يسهل على الكل تحيآتي |
رد: لا تبعدي عن زوجك بالنفاس.... موضوع منقول ..شو رايكم بكلامها؟
كلامها كله صحيح عدا اعطاء البيبي للشغالة
وبالنسبة لي الموضوع هذا فعلا اثر على حياتي لاني اصريت ع النفاس ببيت اهلي اربعين يوم كاملة فكانت النتيجة ان زوجي خانني وفعلا هو كان يعتبر انها تسلية خلال الاربعين يوم .. بس للاسف كل حفرة تجر لحفرة غيره ودام تعرفه ع البنات الى يومنا هذا لذلك انصح كل واحدة ماتترك زوجها ابد لانهم فعلا مايفكرو الا بتفسهم وانتي اللي حتخسري |
رد: لا تبعدي عن زوجك بالنفاس.... موضوع منقول ..شو رايكم بكلامها؟
ايه صح نسيت موضوع الشغآله
انا بصراحه ما اقدر اعطي البيبي للشغاله مستحيل اثق فيها |
رد: لا تبعدي عن زوجك بالنفاس.... موضوع منقول ..شو رايكم بكلامها؟
اعجبني حماسك وطرحك للموضوع
واتفق معك في اهتمام الحامل بنفسها وزوجها وبيتها انا طبقت 90% من كلامك حاولت قد ماقدر اني ارتب شكلي وبيتي قدام زوجي وامتعه قد ماقدر عشان مايحس بفرق مع اني من داخلي ميته تعب.. بس اختلف معك في نقطة اخلي الطفل مع الخدامه انا ماحب الخدامه تنام عندي في بيتي ولا احب اخليها مع الاطفال وتطبخ لااااا احب تقوم بتنظيف البيت وتخلص شغلها بدري وتروح غرفتها برا البيت عشان اخذ راحتي انا وزوجي في بيتنا.. وفيه نقطة بعد تعب الحمل مايروح بسرعه يعني احسه مو حلوه تصير تعبانه ومسمره وسمنانه في فترة الحمل وتقعد النفاس بعد عند زوجها لان سمار الحمل ماييروح بسرعه وهي يبغى لها راحه تامه واكل مفيد يعني من يطبخ لها اذا كانت في بيتها؟؟ وكمان لازم يشوفها زوجها وهي في تعبها عشان يقدرها ويعرف انها تعبت عشان تجيب له البيبي وان الحمل والولاده مو شي هين.. شاكره لطرحك استثارني بسرعه.. |
رد: لا تبعدي عن زوجك بالنفاس.... موضوع منقول ..شو رايكم بكلامها؟
انا بالنسبه لي نفاسي ببيتي
وامي تجي كل يوم هو تعب بس اريح ببيتك من اول مولود ببيتي |
رد: لا تبعدي عن زوجك بالنفاس.... موضوع منقول ..شو رايكم بكلامها؟
مشكورات يا الغاليات
مشاركتكم في النقاش وتزويدنا بخبراتكم وتجاربكم بالحياة الزوجية والحمل والنفاس والأكثر يعجبني هو اهتمامكم الواضح على المحافظة في جمالكم وسعادة ازواجكم ربي يحفظهم لكم كل من كتبت كلمة هنا سلمت اناملك اختي ... وربي يكتب لك الخير في كل امور حياتك |
رد: لا تبعدي عن زوجك بالنفاس.... موضوع منقول ..شو رايكم بكلامها؟
|
رد: لا تبعدي عن زوجك بالنفاس.... موضوع منقول ..شو رايكم بكلامها؟
انا معاك مليووووووووووووووووون %
انا الحين اجهضت ومع اني تعبانه وبكريه جلست عند زوجي :) وامي جات عندي مو انا رحت بيت اهلي والحمد لله بجد كلامك بطل وخصوصا رجالنا لا تخلينه لوحده هههههه مهما كان ثقه يجيه اللي يغويه من شياطين الجن وشياطين الانس يسلمو على الموضوع |
رد: لا تبعدي عن زوجك بالنفاس.... موضوع منقول ..شو رايكم بكلامها؟
معاك الحق ويعطيك العافيه على هالموضوع ..بس مافيها شى لو تحملنى كمان اشويه لانه هيك يبينك حبه واذا مو هك معناها ما بيحبك.زمشكوره
|
رد: لا تبعدي عن زوجك بالنفاس.... موضوع منقول ..شو رايكم بكلامها؟
اممم كلام رائع ومعقوول الوحدة المفروض ماتهمل نفسها وشكلها اثناء النفاس والحمل بس مو على حسااب طفلهااا مثل ماتقوول وذيك الليله طفلك مع الخدامه طبعاً ...ينام ( ونوم العوافي ) ولااا ((طبعاً أول شهرين ضروري ينام الطفل مع أمه .... وبالنهار أعطي الخدامه الطفل ...وروحي نامي واشبعي نوم . اش له شهرين تولده وتقطه عند هاا احسن خوش تربية حديثة هههه انا راح اتكلم عن فترة النفاس مو عااادت والسلاام الزوجة من تولد تحتاااج لرااحة يكفي 9 شهوور وبعدها ولادة وتعب وبزر بعد والزوج لازم يتحمل ولا يبي عيااال بلاااش بعد اذا صاار زوجهااا نحيس ودعلة ومايصبر الله يعينهااا مش لازم تتنفس عند اهلهااا خليها تتنفس عنده هذا اذا خلاها تتنفس ههه بعضهم يتموون بالشهرين عند اهلهم وازواجهم صابرين <<ترا ماتقصد روحها هه انا اقوول مو كل ولاداتها في بيت اهلهااا اذا عندها كذا طفل وبعضهم كبااار وفي المدرسة مايحتاج تشتتهم يعني مو شرط تكمل اربعين اسبوع تريح بيت اهلهاا وتكمل راحتها في بيتهم مشكووورة حبي عالنقل واسفة عالاطاالة |
رد: لا تبعدي عن زوجك بالنفاس.... موضوع منقول ..شو رايكم بكلامها؟
والله كلامك كلو صحيح بس الواحد شو يعمل اذا انا من بداية فترة الحمل للحين انا تعبانه جدااا وثقيله جداااا وكل شوي استفرغ كل وحده ونوع حملها يا حبيبتي بس الحمد لله على كل حال وبالنسبه لفترة النفاس انا ناويه ولا يوم ابقى عند اهلي مافي داعي وحده تقوم من هون تروح لبيتها وابنها وزوجها احسن ولا بالكثير تبقى عند اهلها اسبوع لا اكثر ومشكورة على الطرح والنصايح
|
رد: لا تبعدي عن زوجك بالنفاس.... موضوع منقول ..شو رايكم بكلامها؟
انا ضد هالكلاام وبقووه اولا الحامل طبيعي تكون طول الوقت تعباانه هي شايله روح بداخله كل شي فيها يتغير بسب الهرمونات فتصير حساااسه جدا وعظامها دايم تالما بسسبب نقص الكالسيوم يعني هي اللي المفروض الزوج يراعيها كافي هي متحملته طوول هالسنين اذا مو قادر يتحملها بهالوقت اللي تكون محتاجه له فيه معناتها مافيه خير وبعدين التعطر وهالخرابيط بالنفاس مايصلح وهذا معرووف من زماان مو كلام فضي مثل ماتقولين انا ماقولك اقعدي بوصاختك لكن ما اروح اسوي شي يضرني عشان سواد عيونه بكره لا خربتي ولا صار فيك شي ماهو نافعك واقل شي بسويه بيروح يدور غيرك على قولتك مايفكر الا بنفسه
|
رد: لا تبعدي عن زوجك بالنفاس.... موضوع منقول ..شو رايكم بكلامها؟
انا مع انسانه بكلامها...
واضيف.. كل وحده تشوف زوجها يعني معقوله بس تتركينه كم يوم بيخونك وينساك ويدور غيرك؟؟؟ مافي ثقه يعني!! اذا مو واثقه فيه لدرجه تخلينه على الاقل كم اسبوع لحاله خلاص كل يوم يروح العمل روحي معه عشان مايروح من ولا منه احس ماله دخل بالخيانه الي يبي يخون بيخون انتي عنده ولا بعيد والي مايبي يحب زوجته ويستناها بكل شووق بعدين اصعب شيء وحده بنفاسها وعند زوجها تبغى من يقوم فيها ويهتم فيها ولازم كلى تتعدل لزوجها وهي المفروض تريح نفسها وتجمع قوتها وترجع احلى بس الي استغربه لو وحده طول حملها مثلا تتكشخ وتلبس وولدت ونفست عند زوجها وفي نفاسها عنده تتكشخ وتلبس طيب لا خلصت شهر النفاس ووقت الي تقعد مع زوجها فيه ايش بتسوي؟؟ بتقول ودني مشغل تتكشخ وتجي ؟؟؟ يستناها بعدين تطلع.. طيب ايش الفرق انتي كنتي عنده طووووول النافس مهتمه بنفسك وتزين له مارح تفرق عنده بعد نافسك وين الطعم وين الشوق يعني لو بتتزين له مثلا بعد النفاس ايش الجديد ممكن تسويه بنفسها ممكن اجد شي شعر تصبغه او تقصه بس هاذا التغير الي ممكن يفرق عنده لو مثلا مهتمه دايما بنفاس ودايم يقولها حلوه بعد النافس بيقول نفس الشي "حلوه" بس وين الطعم؟؟؟ ولا تنفس عند اهلها وتريح نفسها شوي تهتم بجسمها وشعرها عنايه كامل وترجع له بشكل جديد يحس بفرق لما خلها عند اهلها وهي بتولد ولما ولدت راح يشوف فرق كبيير بيحس وااااو زوجه جديده وفعلا بتحسين يقول "انتي حلوه" بس من قلب مو بالشكل الروتيني كلنا نقدر نكون حلوات عندهم في النفاس وبعده بس الاحلى لما تحسسينه بالفرق وتخلينه يشوفه بعينه وتبهرينه فيك... |
رد: لا تبعدي عن زوجك بالنفاس.... موضوع منقول ..شو رايكم بكلامها؟
موضوع رائع
أنا بأول ولادة لي رحت عند اهلي اسبوعين ورجعت بيتي وشليت جسمي بالنير وشقرتة وصبغت شعري بالبيت وشقرت حواجبي وكل يوم اتدهن قبل النوم واتشطف من تحت بالمرة ومعي ارواب حرير كشخة كم طويل والبس من تحتهم بجامة تدفيني وذا أحد جا لبست شرشف ملون وأنا وزوجي بسطة كلة عن البيبي الجديد وريحتي بخور وحاطة فازلين في بطني وعلية المشد ويساعدني في البيت وذا الظيوف جو هم يقومون بواجبهم عني والحين انا حامل بسوي نفس الشي |
رد: لا تبعدي عن زوجك بالنفاس.... موضوع منقول ..شو رايكم بكلامها؟
انا كنت افكر ان النفساء لازم تريح نفسهااااا فوق السرير وماغير ترضيع البيبي وشفط لهوم ومن هذيك الادوية
بس خلاص شكلي بمشي على الخطة (اسبوع) راحة وبعدين خلااص تسلمين على النقل اللي يفتح النفس الله يسهل حملنا وولادتنا ياااارب |
رد: لا تبعدي عن زوجك بالنفاس.... موضوع منقول ..شو رايكم بكلامها؟
ماشاءالله
النقاش مازال مفتوح .... اختلاف الاراء ووجهات النظر لابد منه وكلا يرى الموضوع حسب ظروفه وطبيعه زوجها يعني ....ماهو شي ثابت عند الكل الله يسعدكم ويحفظ بيوتكم .. وماشاءالله على اللي تتنفس في بيتها بصراااااحه انتي وااااو قووووية يعني تعب كيف تقدرين ؟؟ الله يبارك فيكم جميعا وننتظر المزيد من المشاركات الرائعة |
رد: لا تبعدي عن زوجك بالنفاس.... موضوع منقول ..شو رايكم بكلامها؟
بصراحه ماتكون في الحمل والنفاس متزينه ومتعدله بشي مبالغ فيه لأن زوجها بقول ماهي تعبانه ولاشي فيها وأحسن شي تكون نظيفه ريحتها حلوه وأنا ماأيد أكل هالخرابيط شوف الأجانب بعد أسبوع ولاده ولا هي تسوي رياضة السباحة بعد وبنسبه لنفاس بالبيت ألاقي أحسن عشان الأغراض والهجوله وهي راجعه بيتها ترجع بأغراض وهدايا أقول خلها بيتها والله أن الزوج يحس فيها ويساعدها وتقدر تهتم بنفسها فترة النفاس ماتكون مره مهمله والله يوفق الجميع مشكوره حبي على الموضوع الرائعhwaml7
|
رد: لا تبعدي عن زوجك بالنفاس.... موضوع منقول ..شو رايكم بكلامها؟
انا اوافقك في كل شي الا اني احط الطفل عند الخادمه واروح
انام يوووووووه ايش هالقلب مستحيييييييييل انا اتنفس في بيتي ... اجهز لي غرفه انا مع عيالي و زوجي في الوك اند ينام معنا وباقي الايام في غرفتتا علشان الدوام مع العلم ماعندي شغاله وبيتي فله كبيره بس انشاء الله احصل شغاله تساعدني في فتره النفاس صح المفروض الوحده ما تهمل نفسها تهتم شوي قمصان حلوه و ووج خفيف اهم شي تكون مرتبه |
رد: لا تبعدي عن زوجك بالنفاس.... موضوع منقول ..شو رايكم بكلامها؟
من بنتي البكر وانا نفاسي ببيتي بس استاجر شغاله
سبحان الله ارتاح ببيتي اكثر ومن ناحية الاهتمام وقت الحمل بصراحه نهتم بس مومره لان الوضع الصحي مايساعد وسبحان الله الانسان على حسب نفسيته |
| الساعة الآن 06:38 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .