منتديات حوامل النسائية
صفحة 1 من 3 1 23
عرض 40 مشاركات من هذا الموضوع لكل صفحة

منتديات حوامل النسائية (https://naqatube.com/index.php)
-   المـنـتـدى الـعـام (https://naqatube.com/forumdisplay.php?f=3)
-   -   رحلتي الجميله لمدينة بون- المانيا 2012 (https://naqatube.com/showthread.php?t=92913)

عيون زوجي 01-22-2012 10:37 PM
رحلتي الجميله لمدينة بون- المانيا 2012
 
السلام عليكم ورحمة الله

انا حبيت انزل بعض الصور يلي صورتهم في المانيا يناير 2012 في مدينة بون وقبل فكرت انزلها في تجمعي الغالي تجمع دردشة بنات ليبيا لكن حبيت اتشارك فيهم مع حبيباتي واخواتي الغاليات من كل ربوع وطننا العربي الغالي من المحيط للخليج ههههههههه (وكاني مسافرة هونولولو صح)
ياريت تعجبكم واشوف ردودكم (((ودعواتكم ليا اني اشوف اولادي من حملة كتاب الله))

انا زرت المانيا سنة 2010 وعجبتني هلبه هلبه وكان عندي فيها هلبه صور بس حاليا في ليبيا وانا في المانيا ممكن انزلهم في موضوع ثاني

وزيارتي الثانيه في هالسنه كانت رحلة ترفيهيه انتم كلكم عارفين الحال يلي عشناه في ليبيا وسنة الحرب والالم والخوف كانت سنة صعبه على كل الليبين والحمدلله ربي فرج اعلينا ويارب العالمين عم علينا الامن والامان والسلامة والسلام في ليبيا وكل بلاد المسلمين وفرجها على خوتنا في سورياواليمن يارب العالمين
وزوجي حب بعد التحرير انه ياخذني لبلد تاني انرفه فيه عن حالنا وكان المقرر تونس لانها قريبه وكل الليبين يمشولها حتى في اليوم مرتين ( من باب المبالغه طبعا)
ولاننا زرنا المانيا سنة 2010 وانا حبيت مدينة بون جدا واقمنا فيها 7 شهور اتصل باصحابنا فيها وبعثولنا دعوة ولله الحمد طلعتنلنا الفيزا في اسبوعين وسافرنا عن طريق الخطوط التركية من طرابلس الى اسطنبول اقمنا فيها ليله وحدة
هذا احنا راكبين الطيارة التركية في مطار طرابلس الساعه 7 مساءا بتوقيت طرابلس
http://forum.hwaml.com/imgcache2/hwa...261060_159.jpg


وهادي بنتي على باب الطيارة والجو صقع وبرد كان بالتحديد يوم 03/01/2012

http://forum.hwaml.com/imgcache2/hwa...261063_606.jpg

واحنا مرتاحين ومقعمزين في الطيارة وكان خدماتهم كويسه اهم شي انه يقدموا الشاهي مع البندق المحمص وطبق التحليه كان باناكوتا باللوز اتجنن

http://forum.hwaml.com/imgcache2/hwa...261070_468.jpg


والحمدلله وصلنا مع الساعه 10 مساءا لمطار اتاتورك في العاصمة التركية اسطنبول وهادي المطار اول ما دخلناه عند الوصول


http://forum.hwaml.com/imgcache2/hwa...261061_403.jpg


http://forum.hwaml.com/imgcache2/hwa...261062_611.jpg

http://forum.hwaml.com/imgcache2/hwa...261067_437.jpg


ومشينا لمكتب الخطوط التركيه لان الاقامه في فندق على حساب الخطوط الترانزيت مسئوليتهم وطلبوا مننا نستنوا في مقهى اصغير اسمه استاربكس كفي وكنا تعبانين من السفر والانتظار وانتظرنا في الكفي حوالي ساعه ونص طلبنا كابتشينو مع كيك بالشوفان مش حلو ما ننصحكم تتطلبوه ابدا ههههه

http://forum.hwaml.com/imgcache2/hwa...261068_986.jpg

http://forum.hwaml.com/imgcache2/hwa...261066_856.jpg

http://forum.hwaml.com/imgcache2/hwa...261068_686.jpg



واخيرا جت الحافله ووصلنا للفندق مع حوالي 50 شخص من المسافرين ودخلنا لحجرتنا في الفندق الساعه 12 في الليل واحنا تعبانين جدا جدا

http://forum.hwaml.com/imgcache2/hwa...261064_738.jpg

http://forum.hwaml.com/imgcache2/hwa...261064_407.jpg

واخيرا بعد ليله متعبه جي الصبح نضنا من نومنا الساعه 7.30 صباحا طبعا لان الفطور يبدا من 6.30 الى 9.00 واحنا الباص يلي بتاخذنا للمطار بتوصل الساعه 9.00 الصبح


http://forum.hwaml.com/imgcache2/hwa...261065_894.jpg


فطرنا وطلعنا في الباص الساعه 8.45 صباحا وهذا الفندق ومش عارفه نقرا اسمه بالتركي

http://forum.hwaml.com/imgcache2/hwa...261070_772.jpg



هذا الجزء الاول ويتبع خليكم معاي ودعواتكم اكيد

عيون زوجي 01-22-2012 10:46 PM
رد: رحلتي الجميله لمدينة بون- المانيا 2012
 
هادي بعض اللقطات من الطريق السريع مابين الفندق والمطار وكان بعيد عالمطار حوالي 10 كيلو او اقل شوي
http://forum.hwaml.com/imgcache2/hwa...261590_321.jpg

http://forum.hwaml.com/imgcache2/hwa...261591_479.jpg

http://forum.hwaml.com/imgcache2/hwa...261591_479.jpg

عيون زوجي 01-22-2012 11:16 PM
رد: رحلتي الجميله لمدينة بون- المانيا 2012
 
رجعنا لمطار اتاتورك من تاني وكان معانا وقت طويل لان طيارتنا الساعه 12.00 الظهر واحنا وصلنا من الساعه 9.30 الصبح
مطارهم كان كبيرررر وحلو وكان مزين كله لانهم محتفلين بكريسمسهم ناس علمانيه الله يجيرنا بس المنظر كان حلوووو هههههههه

http://forum.hwaml.com/imgcache2/hwa...263425_697.jpg

http://forum.hwaml.com/imgcache2/hwa...263426_686.jpg


http://forum.hwaml.com/imgcache2/hwa...263427_775.jpg


http://forum.hwaml.com/imgcache2/hwa...263421_872.jpg


الوقت الطويل في السوق الحرة من حظ المرا ومن سوء حظ الرجل لان اسعارهم نار والراجل مايقدرش يقول لا لانه سفر ومتعه وكلمة لا بتفسد هالمتعه هههه

هادي صورة حلقوم نعرفوه بالليبي حلقوم ومش عارفه بقية العرب شنو يسموه حلقوم تركي طعمته اتجنن شريت 4 باكوات ب 25 يورو تقريبا ب 45 دينار ليبي بس طعمته اتجنن بالمكسرات طبعا

http://forum.hwaml.com/imgcache2/hwa...263422_858.jpg


ووصلت طيارتنا عالموعد وركبنا الطيارة وقلنا دعاء ركوب الطيارة وتوكلنا على الله الى المانيا


http://forum.hwaml.com/imgcache2/hwa...263424_230.jpg


http://forum.hwaml.com/imgcache2/hwa...263420_405.jpg


http://forum.hwaml.com/imgcache2/hwa...263425_390.jpg

رحلتنا من طرابلس الى اسطنبول كانت اريح واقل مطبات هوائيه اما من اسطنبول الى مطار كولون كانت صعبه مليانه هزات ومطبات هوائيه لان احوال الطقس كانت سيئه وكانت اصعب رحله في حياتي بجد خفت اما زوجي وبنتي فكانوا هاديين ومستمتعين بمجله اطفال هدتها المضيفه لبنتي وانا كنت ادعي لله واقرا قران واسبح وقلبي يدق من الخوف مع كل مطب هههههههhwaml7
وجابولنا مع مجله الاطفال المنيو قائمة الاكل مع اننا مش مخيرين ههههه بس اكلهم كان حلو المذاق

http://forum.hwaml.com/imgcache2/hwa...263423_572.jpg

http://forum.hwaml.com/imgcache2/hwa...263419_210.jpg


ولله الحمد وصلنا الساعه 3.00 مساءا الى مطار كولون بون في المانيا بس كنت متعبه جدا لدرجة اني ما صورتش في المطار وكان السواق بانتظارنا لاننا اتصلنا بيه فبل سفرنا بيومين ووصلنا لبيتنا المريح في شارع القيصر في بون
hwaml13hwaml13hwaml13

عيون زوجي 01-22-2012 11:46 PM
رد: رحلتي الجميله لمدينة بون- المانيا 2012
 
هذا سرير بنتي ولعبتها العملاقه السلحفاه

http://forum.hwaml.com/imgcache2/hwa...265169_122.jpg

وهادي معالم الساحه الرئيسيه في مدينة بون نبداها بتمثال بيتهوفن لانه مولود في بون ومدايرين منه حاجه كبيرة وكانه السلطان سليمان

http://forum.hwaml.com/imgcache2/hwa...265167_364.jpg


وهادي الساحه يلي قدام التمثال والمكان الرئيسي لتجمعات اهل المدينة واحتفالاتهم يلي ما تنتهيش

http://forum.hwaml.com/imgcache2/hwa...265166_146.jpg
http://forum.hwaml.com/imgcache2/hwa...265168_485.jpg
http://forum.hwaml.com/imgcache2/hwa...265170_468.jpg


وهذا شارعنا

http://forum.hwaml.com/imgcache2/hwa...265165_744.jpg


خليكم معي وما تنسوش دعواتكم لاولادي انهم يكونوا من حفظة كتاب الله بالله امانه ادعولهم hwaml7

زهرة2000 01-23-2012 12:03 AM
رد: رحلتي الجميله لمدينة بون- المانيا 2012
 
الله ياعيون المدينه تهبل والاحلى تعليقك وربي يفتحها فى وجهك يارب ويخليلك عويلتك

عيون زوجي 01-23-2012 12:12 AM
رد: رحلتي الجميله لمدينة بون- المانيا 2012
 
هذا مبنى البلديه عندهم


http://forum.hwaml.com/imgcache2/hwa...266731_308.jpg


وهادي قلعه قديمة من مئات السنين قدامها فيه مول ملابس اسمه السي اند ايه فيه ملابس اتجنن واسعارها معقوله جدا جدا وحلوة

http://forum.hwaml.com/imgcache2/hwa...266732_669.jpg

وهذا هو مبنى السي اند ايه

http://forum.hwaml.com/imgcache2/hwa...266733_977.jpg


طبعا ميزة السفر الى اروبا شهر يناير هو موسم التخفيضات الهائله كل شئ بنص الثمن ومرات اقل من النص

http://forum.hwaml.com/imgcache2/hwa...266735_501.jpg

http://forum.hwaml.com/imgcache2/hwa...266731_347.jpg

سوق الخضرة تسمعيهم من بعيد اينس كايلو بنانا اينس ايغو
معناها كيلو موز بواحد يورو

http://forum.hwaml.com/imgcache2/hwa...266734_296.jpg


مازال تقريري ما انتهاش بس اسئلكم بالله الدعوة لاولادي انهم يكونوا من حفظة كتاب الله

يتبع
hwaml7

عيون زوجي 01-23-2012 12:13 AM
رد: رحلتي الجميله لمدينة بون- المانيا 2012
 
زهرة يا احبيبه شنو رايك في تقريري مازال ما كملته بس نزلته لعيونكم يا غاليات التجمع الليبي

دودو المغربي 01-23-2012 12:23 AM
رد: رحلتي الجميله لمدينة بون- المانيا 2012
 
ماشاء الله الله يوفقك حبيبتي

عيون زوجي 01-23-2012 12:25 AM
رد: رحلتي الجميله لمدينة بون- المانيا 2012
 
اول شي يستهويني في سفرتي مبانيهم الكبيرة الضخمة الله لو بنغازي او طرابلس هكي شكلها ويلي حكمونا كانوا خافوا فينا الله وكل يوم يقدموا لبلادهم الاحسن والاجمل لكان الحال غير الحال ولا احتجنا ثورات ولا نزف دم الله يجازي يلي كان السبب وراء تأخرنا بس ...ويارب ارزقنا بناس تخافك تحكمنا بكتابك وسنة نبيك يارب

http://forum.hwaml.com/imgcache2/hwa...267542_641.jpg

http://forum.hwaml.com/imgcache2/hwa...267541_688.jpg


http://forum.hwaml.com/imgcache2/hwa...267540_485.jpg

عيون زوجي 01-23-2012 12:28 AM
رد: رحلتي الجميله لمدينة بون- المانيا 2012
 
اقتباس:
المشاركة الأصلية كتبت بواسطة دودو المغربي (المشاركة 1876362)
ماشاء الله الله يوفقك حبيبتي
الله يسلمك يا اختي دودو ويبارك فيكhwaml7

ام قصى محمد 01-23-2012 12:29 AM
رد: رحلتي الجميله لمدينة بون- المانيا 2012
 
مشاء الله عيون الله يكمل عليكم
ويجعل ذريتك من حمله الكتاب و
ودائما تسافرو فى الترفيه يارب

عيون زوجي 01-23-2012 12:38 AM
رد: رحلتي الجميله لمدينة بون- المانيا 2012
 
ام قصي نبيك تكتبي تعليقك في نفس مكان الموضوع ويارب يكتبلك وتسافري بالسلامه يارب

عيون زوجي 01-23-2012 12:40 AM
رد: رحلتي الجميله لمدينة بون- المانيا 2012
 
هههههههههههه كتبتبلك قبل ما نشوف تعليقك شكلنا كتبنا في نفس الوقت مشكورة احبيبه

ام وسونة 01-23-2012 12:41 AM
رد: رحلتي الجميله لمدينة بون- المانيا 2012
 
ماشاءالله مميزة ومبدعة كعادتك وخيه عيون الله يجعل

اولادك من حملة القران وربي يحفضهم ويحميهم

عيون زوجي 01-23-2012 12:44 AM
رد: رحلتي الجميله لمدينة بون- المانيا 2012
 
اخليكم مع بعض اللقطات من نفس المربع السكني يلي انا عايشه فيه

http://forum.hwaml.com/imgcache2/hwa...268640_989.jpg




http://forum.hwaml.com/imgcache2/hwa...268640_185.jpg







http://forum.hwaml.com/imgcache2/hwa...268640_531.jpg


hwaml9hwaml9hwaml9

عيون زوجي 01-23-2012 12:45 AM
رد: رحلتي الجميله لمدينة بون- المانيا 2012
 
اقتباس:
المشاركة الأصلية كتبت بواسطة ام وسونة (المشاركة 1876421)
ماشاءالله مميزة ومبدعة كعادتك وخيه عيون الله يجعل

اولادك من حملة القران وربي يحفضهم ويحميهم

الله يبارك فيك اوخيتي ام وسن ويارب يرزقك بالذريه الصالحه ويفرحك بوسن عروسه وتحضري عرس اوخيينها وصغارها يارب

hatoo 01-23-2012 12:46 AM
رد: رحلتي الجميله لمدينة بون- المانيا 2012
 
ان شاء الله ربي يهنيك ياعيون ويجعل اولادك من حفظة كتاب الله ويطول في عمرهم

عيون زوجي 01-23-2012 12:52 AM
رد: رحلتي الجميله لمدينة بون- المانيا 2012
 
اقتباس:
المشاركة الأصلية كتبت بواسطة hatoo (المشاركة 1876439)
ان شاء الله ربي يهنيك ياعيون ويجعل اولادك من حفظة كتاب الله ويطول في عمرهم
الله يبارك فيك اختي هاتو ويخليلك رتال وينوضك بالسلامة وتشوفي وليدك بين ايديك بالسلامة والصحه ليك وليه ويكونوا صغارك من حفظة كتاب الله يارب

يارب اكون حامل 01-23-2012 12:55 AM
رد: رحلتي الجميله لمدينة بون- المانيا 2012
 
وااووو ما شاء الله رحله والله عشت معاااااك فيها كني سااافرت ههههههه

ماشاء الله تصوير وتقرير راااائع يا مراسلتنا خخخخخ

الحمدلله ع سلامتكم والله

والله يجعل عيالك من حفظة كتاب الله الكريم يااارب ^^

عيون زوجي 01-23-2012 01:06 AM
رد: رحلتي الجميله لمدينة بون- المانيا 2012
 
هادي زردتنا كلمة زردة يعني رحلة او سيران بالشامي مشينا فيها للبارك متاع مدينة بون حديقه كبيررررة جدا اطل على نهر الراين وفيها بحيرة كبيرة مليانه وز وبط وحمام وحتى نوارس لازم يلي يزورها ما ينساش يرفع معاه خبزة لانه المنظر في تجمع وصوت اسراب البط والوز والحمام حواليك ايجنن المنظر العين ما تشبع من شوفته ولسان الحال ايردد سبحانك ياربي واللهم لاعيش الا عيش الاخره

http://forum.hwaml.com/imgcache2/hwa...269963_199.jpg


وهذا نهر الراين النسمة فيه تنعش الصدر

http://forum.hwaml.com/imgcache2/hwa...269963_197.jpg



http://forum.hwaml.com/imgcache2/hwa...269963_438.jpg

وهادي البحيرة واشعة الشمس منكسرة فيها منظر خلااااب

http://forum.hwaml.com/imgcache2/hwa...269963_159.jpg

http://forum.hwaml.com/imgcache2/hwa...269963_703.jpg

لو هالمنظر عندنا لكانت الجو احلى وغيرررررررر شنو رايكم نطلبوا من المجلس الانتقالي ايديرلنا طبيعه زي هادي ههههههههههههههههههههه كل واحد حر في طلبه ههههههههههه

http://forum.hwaml.com/imgcache2/hwa...269963_301.jpg




http://forum.hwaml.com/imgcache2/hwa...269963_629.jpg


شنو رايكم في تقعميزة هنايا الصغار يلعبوا في الجو الحلو وعزوزتك ( حماتك) جنبك جوها كويس والعيله كلها راااايقه







http://forum.hwaml.com/imgcache2/hwa...269963_889.jpg


hwaml16

عيون زوجي 01-23-2012 01:08 AM
رد: رحلتي الجميله لمدينة بون- المانيا 2012
 
اقتباس:
المشاركة الأصلية كتبت بواسطة يارب اكون حامل (المشاركة 1876466)
وااووو ما شاء الله رحله والله عشت معاااااك فيها كني سااافرت ههههههه

ماشاء الله تصوير وتقرير راااائع يا مراسلتنا خخخخخ

الحمدلله ع سلامتكم والله

والله يجعل عيالك من حفظة كتاب الله الكريم يااارب ^^
الله يسلمك يا اختي الكريمة وهذا من ذوقك الحلووو
والله يحفظك ويرزقك بالولد الصالح يارب

رشة سكر 01-23-2012 01:09 AM
رد: رحلتي الجميله لمدينة بون- المانيا 2012
 
مآشآء الله الاجواء مره روعهـ..الله يهنيك ويحفظ لك اولادك وبنوتك الحلوهـ...ويسعدك دوم

عيون زوجي 01-23-2012 01:13 AM
رد: رحلتي الجميله لمدينة بون- المانيا 2012
 
اقتباس:
المشاركة الأصلية كتبت بواسطة رشة سكر (المشاركة 1876509)
مآشآء الله الاجواء مره روعهـ..الله يهنيك ويحفظ لك اولادك وبنوتك الحلوهـ...ويسعدك دوم
الله يسلمك يا رشة سكر وانتي السكر والحلو يطلع منك
ويارب يخليلك احبابك وناسك يارب

عيون زوجي 01-23-2012 01:22 AM
رد: رحلتي الجميله لمدينة بون- المانيا 2012
 
اخليكم مع صور البارك في بون واستمتعوا معاي ويارب يهنيكم ويرزقنا اجمعين الجنه يارب

http://forum.hwaml.com/imgcache2/hwa...270958_304.jpg


http://forum.hwaml.com/imgcache2/hwa...270958_713.jpg

http://forum.hwaml.com/imgcache2/hwa...270958_454.jpg


http://forum.hwaml.com/imgcache2/hwa...270958_374.jpg


http://forum.hwaml.com/imgcache2/hwa...270958_374.jpg


http://forum.hwaml.com/imgcache2/hwa...270958_996.jpg



http://forum.hwaml.com/imgcache2/hwa...270958_869.jpg



http://forum.hwaml.com/imgcache2/hwa...270958_241.jpg




hwaml16hwaml16

عيون زوجي 01-23-2012 01:37 AM
رد: رحلتي الجميله لمدينة بون- المانيا 2012
 
اسفه لو تكررت الصورة مرتين لان الحال حال سهر ومستوى التركيز منخفض للنص وهو كامل وان شاءالله يمشي حاله

http://forum.hwaml.com/imgcache2/hwa...271832_362.jpg



http://forum.hwaml.com/imgcache2/hwa...271832_232.jpg


http://forum.hwaml.com/imgcache2/hwa...271832_296.jpg





http://forum.hwaml.com/imgcache2/hwa...271832_223.jpg


ياريت هالصور تعجبكم وبنقوللكم الليله تصبحوا على خير لان بنتي مش ناوية ترقد بالساهل بس ما تنسوش الدعاء وغدوة ( بكرة) موعدنا انزللكم الجزء التاني من الصور يلي هو زيارتي لمدينة كولون وممكن صور المحلات والبضايع الموجودة فيها شنو رايكم
نتلاقوا غدوة على خير بأذن الله


يتبع hwaml16

أم ورد 01-23-2012 09:58 AM
رد: رحلتي الجميله لمدينة بون- المانيا 2012
 
تبارك الرحمن يا عيون يسلموا دياتيك على الصور والتقرير يلى سافرنا من غير تذكرة ولا طيارة وحصلنا جولة من غير سيارة هههههههههه ويارب ترجعي بالسلامة

poucie 01-23-2012 11:46 AM
رد: رحلتي الجميله لمدينة بون- المانيا 2012
 
ماشاء الله يا عيون تقريرك حلو ومرتب وربي يحفضلك صغيويرتك ويكونو من حفظت كتاب الله هما وصغاري ههههههههه

عيون زوجي 01-23-2012 10:22 PM
رد: رحلتي الجميله لمدينة بون- المانيا 2012
 
اقتباس:
المشاركة الأصلية كتبت بواسطة أم ورد (المشاركة 1877393)
تبارك الرحمن يا عيون يسلموا دياتيك على الصور والتقرير يلى سافرنا من غير تذكرة ولا طيارة وحصلنا جولة من غير سيارة هههههههههه ويارب ترجعي بالسلامة
الله يسلمك يا ام ورد ويرزقك بالذريه الصالحه يارب وتسافري حجه احني وانتي ان شاءالله

عيون زوجي 01-23-2012 10:28 PM
رد: رحلتي الجميله لمدينة بون- المانيا 2012
 
اقتباس:
المشاركة الأصلية كتبت بواسطة poucie (المشاركة 1877519)
ماشاء الله يا عيون تقريرك حلو ومرتب وربي يحفضلك صغيويرتك ويكونو من حفظت كتاب الله هما وصغاري ههههههههه
احم احم احنا قطرة من بحركمhwaml02
انتم خبرة في اوروبا وفرنسا صحhwaml11
ويارب يجعل صغارك وصغاري من حفظة كتاب الله ياربhwaml7

عيون زوجي 01-24-2012 12:44 AM
رد: رحلتي الجميله لمدينة بون- المانيا 2012
 
السلام عليكم وكيف حالكم اليوم وشنو اخباركم هههههههههه فضوووول
اليوم حبيت انزلكم صور رحلتي لمدينة كولون هي صغيرة وحلوة والوقت في الشتا ما يسمحش بالطلوع هلبه لان الساعه 4.30 العشية كل شي يظلم ومع الساعه 5.00 المسا ظلام وليل
المهم نويت انا وزوجي نمشوا الصبح الساعه 10 لكولون بس هو اتأخر في النوم وطلعت انا وبنتي نتمشى في الشارع سبقناه يعني ماتبيش ذكاء

http://forum.hwaml.com/imgcache2/hwa...355075_144.jpg


ويلي لفت نظري ساعي البريد ذكرني بالرسوم المتحركة وانا من صغري نتمنى انه يكون عندنا ساعي بريد يرفع ويجيبلنا الرسايل متأثرة برسوم سالي وفلونه وهايدي ههههههه وحتى سنان مع انه حيوان حاشاكم وعندهم ساعي بريد واحني في ليبيا ماعندناش حتى رقم بريدي لكل بيت ان شاءالله في الجديد يارب

]http://forum.hwaml.com/imgcache2/hwa...355075_113.jpg

طبعا لازم نمشوا للشتات يلي هو مركز المدينة في بون وندخلوا مبنى الدي بي مبنى كبير للقطارات والحجوزات لداخل وخارج المانيا
حجزنا تكوت السفر لكولون احنا الثلاتة ذهاب واياب 22.5 يورو بالليبي حوالي 40 دينار
وهذا شكل المبني بس من داخل كبير وناس ماشيه وناس جايه

http://forum.hwaml.com/imgcache2/hwa...355077_423.jpg


طبعا الرحلة بالقطار اخذت منا نصف ساعه والجو كان روعه برد (صقع) بس مافيش مطر والقطار دورين فوق ولوطة اتمنيت انقعمز فوق بس لان عربة بنتي معانا اضطريت نقعمز ( نجلس )تحت

http://forum.hwaml.com/imgcache2/hwa...355076_458.jpg


http://forum.hwaml.com/imgcache2/hwa...355076_975.jpg

وبحمد الله وصلنا على خير واول ما تتطلع من مبنى البانهوف يقابلك طول مبنى ضخم لكنيسه اللهم انا نحمدك على نعمة الاسلام وهم فرحانين بيها لانها اكبر واقدم كنيسه في المانيا وتالت وحده في اروبا ومبناه ضخم جدا جدا نتفرج ونقول الحمدلله اني مسلمه

http://forum.hwaml.com/imgcache2/hwa...355076_537.jpg


http://forum.hwaml.com/imgcache2/hwa...355076_429.jpg

لاحظتم في الصورة فوق اصول الشحاده يعني يلبس ملابس غريبه ويقعد واقف يابس من الصبح لليل باش يلي يفوت يحطله سنت ولا اتنين الاحسن برا اخدم اطلع اكتر خيرلك رح انعاودلكم الصورة باش تركزوا



http://forum.hwaml.com/imgcache2/hwa...355076_410.jpg


لان المدينه سياحيه مليانه محلات تماثيل واصنام حاشاكم بنتي عاجبها الجو

http://forum.hwaml.com/imgcache2/hwa...355076_572.jpg


http://forum.hwaml.com/imgcache2/hwa...355076_700.jpg

مانحكيلكم على منظر الدراجات كانها دراجات لاند كل الناس تسوق في الدرجات كبار وصغار والله شفت عزايز في عمر 70 يسوقوا لسببين اولا لان سعر البنزين غالي جدا واللتر الواحد ب 1.5 يورو يعني تانك البنزين يكلف اقل شي 50يورو وتانيا لهوسهم بالصحه والرشاقه وحكاية اصدقاء البيئه يلي مقتنعين بيها جدا


http://forum.hwaml.com/imgcache2/hwa...355076_513.jpg


وهادي لقطات لشارع صغير فيه محلات في كولون وكان الوقت قريب من المغرب

يتبع
hwaml16

عيون زوجي 01-24-2012 12:47 AM
رد: رحلتي الجميله لمدينة بون- المانيا 2012
 
اسفه جدا لطريقه عرض الصورتين الكبار توقعتي نفسي عدلتهم بس الله غالب التركيز راح

عيون زوجي 01-24-2012 12:49 AM
رد: رحلتي الجميله لمدينة بون- المانيا 2012
 
خط الانترنت ضعيف عندي اليوم ومتعبني جدا وحتى حكاية تنزيل الصور بطيئة وممله مش عارفه لو كنت في ليبيا راني حطيت العله في بلادي واني في المانيا والخط زي الزفت حاشاكم

ღॐ آية ღॐ 01-24-2012 02:19 AM
رد: رحلتي الجميله لمدينة بون- المانيا 2012
 
مشاء الله عيون ابداع في التقاط الصور والتعبير
حسستيني كاني في الصورة عايشتها ترجعي بسلامة
وان شاء الله رحلة
موفقة وربي يوفق اولادك واولادي حفظ القران الكريم
اللهم امين

ليبياقلبي 01-24-2012 03:34 AM
رد: رحلتي الجميله لمدينة بون- المانيا 2012
 
يهبلوا الصور ومن الاخير يهبلوا وربي يحفظللك سنافرك ويجعلهم من حفظة كتاب الله

ام روفيدة 01-24-2012 01:03 PM
رد: رحلتي الجميله لمدينة بون- المانيا 2012
 
ماشاء الله تبارك الله عليك يا عيون ويارب السفرة الجاية اتكون حجة أو عمرة وتصوريلنا مكة والمدينة اااااااااااااااااااه اللهم ارزقنا صلاة فيهما اللهم ااااااااامين وأسأل الله العظيم رب العرش العظيم أن يجعل أولادي وأولادك من حفظة كتاب الله ومن العاملين به ويهديهم إلى المنهج السلفي الصحيح ويتوفاهم على الكتاب والسنة اللهم اااااااااااااااااااااامين

عيون زوجي 01-24-2012 10:31 PM
رد: رحلتي الجميله لمدينة بون- المانيا 2012
 
اقتباس:
المشاركة الأصلية كتبت بواسطة ღॐ آية ღॐ (المشاركة 1880319)
مشاء الله عيون ابداع في التقاط الصور والتعبير
حسستيني كاني في الصورة عايشتها ترجعي بسلامة
وان شاء الله رحلة
موفقة وربي يوفق اولادك واولادي حفظ القران الكريم
اللهم امين
بارك الله فيك وصحيتي ويارب يرزقك حجه وعمرة وتسافري لكل العالم وتشوفي صغارك وصغاري من حفظة كتاب الله ونتلاقوا في الخيرررhwaml7

عيون زوجي 01-24-2012 10:40 PM
رد: رحلتي الجميله لمدينة بون- المانيا 2012
 
اقتباس:
المشاركة الأصلية كتبت بواسطة ليبياقلبي (المشاركة 1880485)
يهبلوا الصور ومن الاخير يهبلوا وربي يحفظللك سنافرك ويجعلهم من حفظة كتاب الله
الله يسلمك يا غاليه وتشوفي ناريز من حفظة كتاب الله يارب وتشوفيها عروسه وانتي يلي تهبلي يا حلوة

عيون زوجي 01-24-2012 10:43 PM
رد: رحلتي الجميله لمدينة بون- المانيا 2012
 
اقتباس:
المشاركة الأصلية كتبت بواسطة ام روفيدة (المشاركة 1881184)
ماشاء الله تبارك الله عليك يا عيون ويارب السفرة الجاية اتكون حجة أو عمرة وتصوريلنا مكة والمدينة اااااااااااااااااااه اللهم ارزقنا صلاة فيهما اللهم ااااااااامين وأسأل الله العظيم رب العرش العظيم أن يجعل أولادي وأولادك من حفظة كتاب الله ومن العاملين به ويهديهم إلى المنهج السلفي الصحيح ويتوفاهم على الكتاب والسنة اللهم اااااااااااااااااااااامين
الله الله يا ام روفيدة دعوتك بهدايتهم للمنهج السلفي الصحيح اثلجت صدري ويارب العالمين صغاري وصغارك وحتى احني وكل ناسنا ربي العالمين ينعم علينا بالهدايه للمنهج السلفي الصحيح ويتوفانا على الكتاب والسنه اللهم امين
ومشكورة يا غاليه

عيون زوجي 01-25-2012 12:38 AM
رد: رحلتي الجميله لمدينة بون- المانيا 2012
 
سامحوني للتأخير هادي صور تابعه للجزء يلي فات




http://forum.hwaml.com/imgcache2/hwa...441134_123.jpg

هذا المطعم فطرنا فيه واخذنا منه ليت مكاياتو يعني مكياطة بالحليب بس اتجنن جربوها فيه

http://forum.hwaml.com/imgcache2/hwa...441134_682.jpg





http://forum.hwaml.com/imgcache2/hwa...441134_408.jpg

http://forum.hwaml.com/imgcache2/hwa...441134_669.jpg


http://forum.hwaml.com/imgcache2/hwa...441134_124.jpg

عيون زوجي 01-25-2012 01:04 AM
رد: رحلتي الجميله لمدينة بون- المانيا 2012
 
طبعا كان المقرر انه انزور شي سياحي زي متحف الشكولاته في كولون وزي حديقه الحيوان اجلكم الله بس النهار قصير واوخيتكم عيون خذاته كله شوبينق تسوق يعني ما خليت وين خشيت من محل لمحل احني عندنا مثل ليبي يقول اعمى وطاح في دشيشه والساعة 5 كانت المفاجاءة هههههههههه حل الظلام ومازرنا ولا شي سياحي بس محلات اتغذينا في مطعم تركي واتكلنا على الله لمحطة القطارات كولون بانهوف


http://forum.hwaml.com/imgcache2/hwa...442654_416.jpg


http://forum.hwaml.com/imgcache2/hwa...442654_966.jpg


ولما دخلنا مبنى الدي بي كان كبير ورجعنا لنفس المكان يلي جينا منه لكن تلخبطنا hwaml7قعدنا راكبين نازلين وبنسئل مدة نص ساعه لساعه الا ربع hwaml15واخير بعد تعب وكسر الرجلين طلع انه نفس المكان بس عالجيهه التانيه وجي القطار وروحنا hwaml16بعد ما ساعدنا الاقتصاد الالماني على النهوض وبقوة هههههههههhwaml4

http://forum.hwaml.com/imgcache2/hwa...442654_746.jpg


يتبع
hwaml16


الساعة الآن 03:51 PM.
صفحة 1 من 3 1 23
عرض 40 مشاركات من هذا الموضوع لكل صفحة

Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .