|
حافز و زوجي الحقوني
بسم الله الرحمن الرحيم السلام عليكم ورحمة الله وبركاته كيفكم يابنات الحقوني زوجي يامرني اسجل في حافز عشان اصرف عل نفسي ويكون في علمكم هو قادر يصرف عليا المهم انا رفضت راح من وراي وخلى ولد خالته يسجلني ومن الان قام يقصر عليا ويقول لي كلها 3شهور واتخلص من الصرف عليك قلت له كلها سنه وبعدين قال بعدها ارجع اصرف عليك الله يعيني على مصروفك دلوني على الحل كيف اتعامل معاه. والله تعبت نفسيا hwaml15 |
رد: حافز و زوجي الحقوني
يابنت الحلال من الحين لحد مايجي حافز ترا كلهم كذا يفكرون حافز بيجلس العمر كله بعدين حلو حافز 2000 ريال ولاتشيلين هم
اذا قال افتك من مصروفك قولي خل الصرافه معك او قولي فداك ال2000 ريال والا اذا استلمتيها اشتري له هديه بال2000 عشان يحس انك منتي مقصره معاه او اذا ماتقدرين تجيبين هديه اعطيها ال2000 وقولي ماقدرت اجيب هديه لاكن خذها كاش والله يستحي على وجهه ويتغير وبعدين ليه تشيلين هم وباقي ماصرفو لك شي يمكن مايقبلونك لاسمح الله وتوكلي على الله وبيجي رزقك لحدك |
رد: حافز و زوجي الحقوني
أللي يسمعهم يقول حافز العمر كله بيصرف عليهم
المهم . ! 2000 ريال كل شهر تغنيك عن . إذا هو متثيقل مصروفك أصلاً المرآة حتى لو تملك المال الزوج مسؤل عنها و عن مصروفها دعواتي لك أختي . |
رد: حافز و زوجي الحقوني
كملي باقي البيانات
http://forum.hwaml.com/t92683.html انتي الحين ذاكره رؤوس اقلام كملي عمرك ومؤهلاتكم ومده زواجكم تعاملكم كيف مع بعض كم لكم متزوجين وكيف حياتكم من بدايه الزواج الوحده لما تكتب موضوع تذكر كل شي مو رؤوس اقلام وتقول ابي الحل |
رد: حافز و زوجي الحقوني
شكرا على مروركم العطر. عمري 29 سنه. زوجي 40 سنه. وزوجي قادر يصرف عليا. لكن ياجل او يماطل او يعطيني القليل .عمر زواجنا سنتين و 8شهور ماعندي اطفال. موهلاتي ثانوية عامه و كمبيوتر التعامل. انا اخجل اطلب منه اي شي في بداية الزواج. لدرجة اني اصرف من هدايا الزواج بعد ما سالني من وين تشترين اغراض قلت له من هدايا الزواج. ولما خلص مبلغ هداي الزواج. اي شي احتاجه من السوق يحدد لي لاتشترين باكثر من كدة. و رجعي لي كدة وانا انفذ من باب الصدق والامانة. مرت عليا شهور ما اطلبه ولا شي. واول ما اطلبه و يعطني يكون ناقصني كل شي حتى اغراضي الشخصية. هذا الوضع خلاني احط في بالي اوفر اغراضي الشخصية لفترة. 3شهور وزي كدة وفي يوم رحت مع اهلي السوق بدون فلوس قالي خذي من اهلك وانا اعطيهم بعدين. وصدقً اعطاهم. كم مرة. والان لي شهرين اشتري من عند اهلي ولا يرد لهم. ولما اتناقشت معاه قالي سديهم من حافز. بعد 3شهور. واصرفي على نفسك من الباقي مو مشكلة اذا جاء حافز بصرف على نفسي بس اخاف يتعود واتورط بعد سنه و ارجع من جديد للخجل و التحرج كيف اطلبه و هو يهمل وتصير لاسمح الله مشكلة كبيرة لاني سكت عليه كثير قبل في اساسيات للبيت يطنشني فيها اسلوبي معاه اقوله بالنص ممكن اطلب منك طلب واقول الطلب ورده دائم بعيدين اوديك. بعدين اجيب لك اصبري زي كده تخدير. بس. الله المستعان. الحقووني بالحل
|
رد: حافز و زوجي الحقوني
الله يوووووووفقك
|
رد: حافز و زوجي الحقوني
الله يعينك على هيك رجال
أنا شخصيآمايعجبني الرجال إللي كذا يعجبني الرجال إاللي يحتوي زوجته من كل الجوانب وهو مجبور يصرف عليك حتى لو كان معك مال قارون |
رد: حافز و زوجي الحقوني
لا تشتريله هديه ولا شي ما يستااهل اصلا........
حبيبتي خبي قرشك الابيض ليومك الاسود ..........وخليك من كلام البنات لا تجيبيله هديه ولا شي ..هو مجبور اصلا يصرف عليكي .. شو هالرجال اذا ما عنده المفروض ما يتزوج ........... |
رد: حافز و زوجي الحقوني
من جد
خلي حافز عندك جمعيه سنة كامله بيصير عندك مبلغ محترم تقدرين تسثمرينه بآي شي وهو قولي له انا حافز باجمعه للزمن وانت لازم تصرف علي ،، اذا مرة تآزم الوضع خلي ابوك او اخوك يكلمه وبيستحي على وجهه ،، |
رد: حافز و زوجي الحقوني
اهلا بكم ورود راقية بكلمات من ذهب وشكرا على تفاعلكم والله يوفقكم
|
رد: حافز و زوجي الحقوني
لا تشتريله هديه ولا شي ما يستااهل اصلا........
حبيبتي خبي قرشك الابيض ليومك الاسود ..........وخليك من كلام البنات لا تجيبيله هديه ولا شي ..هو مجبور اصلا يصرف عليكي .. شو هالرجال اذا ما عنده المفروض ما يتزوج ........... |
رد: حافز و زوجي الحقوني
اقتباس:
(قل خيراً أ وأصمت) الله يهديكي في الف طريقه وطريقه للرد تكون افضل من كده و بصراحه بعض الخلافات ماتحتاج للقوانين المذكوره وغير كده اختنا في الله ذكرت الخلاف واعتقد كان واضح وصريح ومفهوم مهما كان عمرها ومهما كان عمرو ومهما كانت مده الزواج ومهما كان التعامل بينهم كيف ومهما ومهما ومهما ومهما ....فالراجل ملزم بالصرف على الزوجتو |
رد: حافز و زوجي الحقوني
اقتباس:
اذا ماعندك خلفيه عن كيفيه الرد وكيف القارئ يفهم المشكله من حذافيرها عشان يرد وايش تتضمن المشكله من بيانات لكاتب المشكله فلا تكتبين رد وتتعبين عشان تفهمينا ايش المطلوب وانتي قريتي ايش البيانات المطلوبه عشان تقولين انتقاد !!! وانا فاهمه ايش مشكله الاخت لكن باقي تكمل الاسئله عشان نفهم تفكير زوجها وعمره وطبعه ومنتظرين الاخت صاحبه المشكله |
رد: حافز و زوجي الحقوني
اقتباس:
الأسلوب اللي حضرتك تتكلمي فيه خطأ×خطأ ومايليق بمشرفه والله الله يهديكي لنفسك |
رد: حافز و زوجي الحقوني
مرحبا بكم جميعا وكلكم على حق الدين اوجب النفقة على الزوج لزوجته سواء كانت غنية ام فقيرة يااختي في الله مور بازار وكلامك على عيني وراسي وعشان ننفذ الدين نحتاج اسلوب خاص للتعامل مع الرجل بالنسبة لوضعي انت كلكم اخواتي و انا ختكم نشد على يد بعضنا واتمنى منكم نصيحة شكر لكم ومشرفتنابما انك اتطلعتي على كل ضروف الاستشارة انتظر نصيحتك بفارغ الصبر اما بالنسبة لموضوع الاستشارات في لها اماكن خاصة وناس مختصة واتوقع في بيننا من مرت باستشارات ونفعت معاه وماشاء الله في الخبرة الي بالنسبة لها مشكلتي تافه وعدتها بمراحل وفي اللي مثلي ممكن يستفدون ويتعلمون زيي
|
رد: حافز و زوجي الحقوني
السلام عليكم
اختي انا اوافق البنات على الي قالوه وهذا مايمنع انك تساعدينه في بعض الامور طبعا مو الزامي بس انتي كيف تقولين كلها سنة ويوقف حافز اذ وقف حافز اكيد معناتها لقولك وظيفة اما اذ كنتي مقدمة كذا عشان المكافئة ترى هذا حرام على حسب ماسمعت |
رد: حافز و زوجي الحقوني
وانتي ليش زعلانه وحتى رافضه تسجلي يعني ايش الي بتخسريه (حسب كلامك ان الي تاخذيه من زوجك بالطلب كل مره ) اذا جا حافز خير وبركه منتي بحاجه للطلب من زوجك واذا ما جا ملزوم يصرف عليك
لا تصيروا ماديات يابنات ترى الازواج الدنيا هالكتهم من المصاريف حلوا حس التعاون يعني اذا قالك حافز قولي له اذا جا حافز خير وبركه وهو كذلك فعلا للي في مثل وضعك بس انتي قولي له لو ما جا حافز خصص لي مبلغ شهري لااني لي احتياجات ضروريه والصراحه عي اقصر الطرق الى روما |
رد: حافز و زوجي الحقوني
ولله ياحبيبتي انتي مثلي بالضبط ذااااااااااااابحك الحيااااا وماتعودتي تطلبين وهذاااا خطااااااااأ
هذاا زوجك ملزوم يصرف وانتي غلطتي لانك ماتطلبين من البدايه والحين لازم تتغيري وتطلبين اي شي ولاتتجيبين هديـــــــــــــــــه ولا تعتمدين عليها كليا ليه عسى ماااااشر اساسامن اسلوبه ماينفع ماراح يحس بالمسؤليه ولا يصرف الا اذااااا طلبتي وازعجتيه ونشبتي له معليش يابنات وخلو عنا كلام ساعديه والا مصارف ومدري ايش محد ضربه على ايده وقال تززووووج اجل اذا جاه عيال بيخليها بعد تصف عليهم ....؟ سامحيني اختي بس زوجك يبي لها تعامل من اول وجديد وقولي له انت الرجال والرجال هو بيده المصروف واذا مو قادر تنفذ طلباتي ابي مصروف شهري لاحتياجاتي ولاتستحين واي شي تبينه اطلبيه حتى لو رفض اطلبي واطلبي واطلبي ... ولاتعوووودنه اذا رحتي للسوق تخلين اهلك يعطونك انتبهههههههههههههههههي خليه هوووووو يعطيك ... أهلك لو بيصرفون عليك مازووووجوك واذا سكتو مره مرتين ماراح يسكتون بعدين حتى لو ربي منعم عليهم مهما كان ... انا كنت مثلك بالضبط كنت اخذ من اهلي واعطيه للبنزين وكنت اشتري اغراض البيت من فلوسي ...ترى ماتغير بالعكس من اسوأ لأسوأ وصار يتمادى ويعتمد علي حتى في الاكل وكنت اشتري له هدايا من فلوس اهلي ابي اتقرب منه وابي يحس ماعطاااااااني لو خاتم بريالين الرجال للي كذااا مانعطوووووووووووووووووووو وجه |
رد: حافز و زوجي الحقوني
ما أقول الا الله يكون بعونك
بس بصراحه أنتي غلطانه المفروض من بداية زواجك عودتيه أنه يعطيك مصوفك بيدك حتى لو قليل لأن أكيد بتحتاجين تطلعين مع أهلك تشوفين شي أكيد اللي معك ما بيقصر بس حتى ولو لازم يكون شي بيدك |
رد: حافز و زوجي الحقوني
انتي ليش متضايقه انه سجلك بحافز ؟؟
فرصه تفتكين منه وتشتري اللي بخاطرك انا زوجي يوم نزل حافز قطع مصروفي بس ماهمني لان حافز اكثر من المصروف وبعد سنه لاحقه اخليه يرجع المصروف |
رد: حافز و زوجي الحقوني
حبيبتي سجلي في حافز ....وانزلي السوق وخذي اللي تتمنيه ولا تنتظرين ريالين يصرفها عليك ....
|
رد: حافز و زوجي الحقوني
الله يسهل امرك ويفرج كربك
..................... |
رد: حافز و زوجي الحقوني
يمكن يمزح معك وبيشوف وش بتسوين لاتستعجلين وتفكرين فيه غلط
|
| الساعة الآن 07:33 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .