|
خلتها ترضعه وحرقت قلبي
السلام عليكم
بنات كروشات رح اموت من القهر كل مااذكرت رحت لبيت عمي وانا نفاس ماخلصت اول اسبوع تقريبا لان عمتي اصرت اني اجي وطلبت مني اعطي ولدي لسلفتي ترضعه وارضع انا ولد سلفتي وللاسف لاني بنت ناس ومحترمة ماقدرت اقولها لا رضيت ورجعت البيت ارسلت لها مسج اني ماابغى اكمل الرضعات واني رضيت عشانها عصبت وقالت رح تكملي يعني غصبا عني والاسبوع الثاني اخذته وحلقت له شعره وانا ماني راضية اقسم بالله شعره كان اسود ناعم غزير زي الحرير بس حلقت له قعد كم شهر ماطلع الشعر بعدين طلع شعر خشن واشقر على شعر ابوه وكل ماشافتني قالت شوفي هذا شعر مين ماعليه من كل هذا انا اللي حارق قلبي انه ليش ارضع وسلفتي ترضع لي بموت قهر بمووووووووت قهر واتزاعلت انا وزوجي اخر الاربعين اتصلت عليها وقلت لها الولد تعبان وابوه مايرد جت اخذتني انا وولدي وراحت على بيتها وشالت ولدي وقالت لزوجي خذها معاك البيت الولد مايحتاج مستشفى ورجعتني البيت وانا ماتجهزت ابدا رجعت بيتي اتراضيت انا وزجي وخرجت على بيتها وصلت الاقي ولدي في حضن سلفتي ترضعه بموت قهر بموت ولدي اللحين عمره سنتين وماني قادرة انسى |
رد: خلتها ترضعه وحرقت قلبي
احد يقول شي يبرد على قلبي
|
رد: خلتها ترضعه وحرقت قلبي
هي ترضع ولدك وانتي ترضعي ولدهاا؟؟
شالعقلية عشان يصرون اخوان يعني ولا شقصدها اسمحيلي انتي بعد غلطانة اول شي طاوعتيها ورجعتي البيت ولساك نفاس وتبادل الادوار بالرضاعة ماعجبني اضن عمتك مرة متسلطة شوفي الحسنى مع الناس الي تستاهل استغفر الله ياربي ماقويك عليها او ازرع فتنة وانا اقرا الموضوع انقهرت عليك شلون متحملة والله لو اني محلك تركتها تولي شالتحكمات الغريبة حتى لو بتصير لي مشاكل ولدك ذا وانتي حرة فيه لاحول ولاقوة الا بالله العلي العظيم الله يصبرك ويعينك عليهااا |
رد: خلتها ترضعه وحرقت قلبي
اختي السلام عليكم
لا حول ولا قوة الا بالله حرام عليها تغصبك على الرضاعة بدون موافقة نحن لسنا في عصر العبودية لكن اختي ..................... قدر الله وما شاء فعل ابنك اليوم سنتين وهو الحمد لله بصحة جيدة ويعيش معك في بيتك يعني الرضاعة لم تضره سواء عن طيب خاطر او بالغصب عليك اختي ان تنسي الامر او على الاقل تحاولي النسيان والا فانك ستعيشين دائما في نقطة الصفر الان ابنك ما شاء الله كبر والحمد لله عليك اما ان تنسي الامر او تواجهي عمتك بالامر مباشرة وتفشي غليلك والا فان الامر سيبقى عالقا في قلبك وعقلك وكلي عليها الله هو الوحيد القادر على الانتقام وعليك ان تنسي هذه الحادثة وتهتمي بابنك واذا حاولت الكرة معك في المرة القادمة عليك الرفض وبقوة حتى وان تطلب الامر تدخل اسرتك هذا ظلم بحقك وحق ابنك وربي يكون في عونك يا رب لا اصدق بانه مازال فيه اشخاص يتحكمون باشخاص بهذه الطريقة حسبي الله ونعم الوكيل |
رد: خلتها ترضعه وحرقت قلبي
يؤ ياختي انتي غلطانه لهاذي الدرجه مالك كلمه
والله لو امي بقول مابغا احد يرضع ولد ولا يمسكه وبعدين كيف تخلينها تحلق شعره بدون رضاك صراحه انا عمتي لما طهرت ولدي كانت تخليه عريان تقول عشان تطيب الطهاره وكنت اسحب ولدي قدام زوجي والله مافكرت فيهم قلت لاياحبايبي هاذا ولدي مالكم شغل جبتي انتي عيال وربيتيهم وخلاص هاذا ولدي وبعدين الدكتوره تقول لازم يكون لابس الحفاض سارت اذا جاء زوجي على طول تفسخه تفكرني بخاف من زوجي ونا اطنش الوضع واخذ ولدي والبسه على طول ياختي ذاحين خلاص ولدك كبر وانتهت السالفه والوحده المفروض يكون لها شخصيه سواء عمتك او زوجك بيزعل قولي هاذا ولدي انا الي حملت وتعبت ماهو انتم وصراحه يمكن عمتك تبغا تسيطر عليكم بحركتها كذا وتخليكم تسمعون كلامها دايمن وبيني وبينك المفروض حقرتيهم لان الحقران يقطع المصران بعدين اتفكر ليه بعض الحريم تروح تكمل نفاسها عند عمتها والله لو اموت استغفرالله ولااروح لعمتي يقول المثل ابعد بعيد حبك يزيد لاكن الله يكون بعونك سالفه وانتهت وحاولي تنسينها وتضعين لك حد لك شي |
رد: خلتها ترضعه وحرقت قلبي
ياحبيبتي وشلون متحمله حسيت بقهر
ياحبيبتي خلي لك شخصيه مو مجبوره ترضعيه ولا مجبوره تعطيهم طفلك عموما خلاص اهدي ومن هاللحظه لازم يكون لك راي الله يكون بعونك |
رد: خلتها ترضعه وحرقت قلبي
الله يكون معك يا عمري والله انك صبوره وقدرتي تتحملي
بس ان شاء الله ما تكرري اللي صار معك في اولادك الجايين طيبت القلب مرات ما تنفع تضر ديري بالك على حالك |
رد: خلتها ترضعه وحرقت قلبي
لاحول ولاقوة الا بالله معقوله لسه في ناس كذا متسلطين!!
|
رد: خلتها ترضعه وحرقت قلبي
الله يهديكي
لو اختي بارد على قلبي بس سلفتي ايش دخلها في الموضوع هيا من بقيه العيله ولا ايش في راسها!!!!! |
رد: خلتها ترضعه وحرقت قلبي
يؤيؤيؤيؤ ليييييش كذاااا حرااااام عليها ><,,
وربي مااالها حق بصرااحه ايش هذا التدخل الي مال امه داااعي الله يعينك المره ثانيه قوي عينك معليش hwaml4 كل شي له حد اخر عمري اشوف ولدي في حضن غيييري ولااااا ترضعه بعد ااااااااخ بسسسس وربي لو بدالك ما اسكت ابد قدر الله وما شاء فعل علها خيييره ما حد يدري * |
رد: خلتها ترضعه وحرقت قلبي
الله يكووون في عونك
على العيلة المتخلفة انسي حبيبتي وقوي شخصيتك وانشاء الله ولدك يتربى في حضنك والله يكون في عونك |
رد: خلتها ترضعه وحرقت قلبي
وش ذا العقل من عمتك
وش قصدها يعني يصيروا اخوان؟ يمكن هذا يسبب مشاكل بالمستقبل الله يهديها انا لو منك ما ارضى لو تموت وتكرهني بالطجاج بصراحه |
رد: خلتها ترضعه وحرقت قلبي
عزيزتي حتى خالتي جنبي ماتقبلت الموضوع وعصبت لأنها تقول كل وحده ترضع ولدها وما لأحد دخل فيه
وأنا أقول والله لو مكانك كان سحبته من يدينها سحب حتى لو بلؤم وحركات وكان نطيت في بطن سلفتك وش دخلها تاخذ ولدي ترضعه فرحانه هي وحليبها خلاص تشوف غير ولدي ترضعه وكان قولتي لها ماأبي أحد يرضع ولدي وخلاص أتمنى تكوني تعلمتي من هالدرس وتعلمي كيف تكوني طيبه بس بلؤم من تحت لتحت لاحد يزعل منك ولا أحد ياخذ حقك حاولي تعرفين كيف تتعاملين معاهم طالما أنهم كذا وأنتبهي لا يصير ولدك ينادي سلفتك (ماما) أنتبهييييييييييييييييييييييييي خليه يكون بعيد عنها دائماً حتى لو صار شاب لاتكوني قريبه منه وتاخذ مكانك ويسير يقولها كل شي بدال مايقولك |
رد: خلتها ترضعه وحرقت قلبي
السلاااامووووو عليكووووم
البنات ماقصرووووو ياحلووووهم لاتنقهري ولاااشي يالطيبه عسى بالامر خيييره بس حطيها براسج المره الجايه واذا تبين مساعده انا حاضره والبنات مايقصروووون كوني بخيييير ههههههههه |
رد: خلتها ترضعه وحرقت قلبي
عنجد قي ناس لسا هيك بس انا مش فاهمه شو كان قصدها بزبط وحتى شز ما كان مش لازم توافقيلها وخصوصي باشي ما الها دخل فيه هاد ابمك انتي مش ابنها.........
هلأ الي صار صار حاولي بلمرات التقادمه انك ما تسمحيلها حتى لو شي بزعلها....... عنجد اشي بيقهر الله يعينك على هيك انسانه......... تقبلي مروري |
رد: خلتها ترضعه وحرقت قلبي
فار دمي كانه الشئ صار معي الله يعينك
بس ممكن عمتك لها سبب من هذا الشئ يعني سلفتك رضعت ابنك لفتره طويله لو بس كم يوم؟ |
رد: خلتها ترضعه وحرقت قلبي
مواقـــــــــــــف كثير تمر علينا ونكون ي وقتها نتصرف على نياتنا ....!
الموضوع راح خلاص بس حاسه في وعارفه ان هذا شي يقهر ... لكن ياحيبتي أشاء كثيره في البدايه نكون مو راضين بعدين نتعلم ..... لازم توضحين لزوجك وأم زوجك ان اللي صار انتي مو راضيه فيه طبعا وضحي من غير انفعال أو بكى أو ضعف .... وضحيه لهم على أساس أنك مشيتي الوضوع لأنه أول بيبي وماكنتي عارفه كيف تتصرفين ووضحي لهم ( زوجك وعمتك ) انك ماراح تتنازلين بعدين او ترضين بحاجه غصب ....! وبعدها انتي طبــــــــــــــــــــــــــــــــقي .... ابدي طبقي اسلوب التغيير في شخصيتك في أدق الأشياء سواء الصغيره والكبيره ولازم يعرفون اللي حولك ان لك شخصيه وكيان وماتسمحين لأحد يتجاوز حدوده ... ولا تنقهرين ياقلبي وتعلمي ثم تعلمي ثم تعلمي من أي موقف تواجهينه وحطي براسك ان تصرفك القادم رااااح يكون غير .....! ونقطه لازم تكونين واعيه فيها ... لما توضحين لزوجك وعمتك ان تصرفهم هذا وتسلطهم ماعجبك لا تبينين انه ضعف منك ...لا قولي أنا كنت ساكته احترام وتقدير لكم ....ولو أبي أمنعكم قدرت ... عشان يحذرووونك ........ ولاتخليــن هذا الموضوع يأثر عليك ويضايقك ...صدقيني مكتوب هالشي وخيـــــره صدقيني يــــــاما وياما اخوان من الرضاعه نفعو بعض وصار احسن من غيرهم ... آســـــــــــــــــــفه أطـــلت عليك لكن حبيت اوضح لك عزيزتي |
رد: خلتها ترضعه وحرقت قلبي
مشكوووورررررين على الردود والله بكيت بكا بعمري مابكيته من القهر بس عاد وش حيلتي غير اقول الله لايسامحها لادنيا ولا آخرة عارفة اللي قالت انا غلطانة رضيت بس والله قدرت كلمتها قدام بناتها وسلفتي وانحرجت اقول لا قبل اسبوع كنت عندهم وقالت لي يالله متى تحملين عشان ترضعين عيال سلفتك الباقيين والا خلاص مو مشكلة سلفتك ترضع لك الباقي عشان كلهم يتكاشفو على بعض تبغى تحببنا في بعض غصب مع انها مو مآذيتني في غير كده ابدا بس حسبي الله ونعم الوكيل واللي قالت لي رحتي عندها رحت ازورها واوريها الولد بس وهذي جزاتي ماابغاكم الا تبردون قلبي وتدعولي اني اقدر انسى واجيب تؤام ارضعهم انا لحالي ياااارب
|
رد: خلتها ترضعه وحرقت قلبي
الله يعينك على هالعمة
|
رد: خلتها ترضعه وحرقت قلبي
الحمدلله على كل حال لاتنقهري ولاشي عادي تحصل كثير انا عماتي بنتي كانو ساكنين بنفس البيت معايا واخدوها ورضعوها وجات تقولي غصبا عنك صارت اخت عيالي حسيت وقتها ان الادميه عندها حاله نفسيه قلتلها انا ماسمحتلك ولاشفت شي بعيني واي مشاكل تصير لما يكبروا تتحمليها في ذمتك اكتبيها في وصيتك والحين بنتي الحمدلله سبع سنوات ونسيت الموضوع الحمدلله بعد عناء والحين مقهوره من نفسي اني في يوم اعطيت الموضوع اهميه لان بنتي عندي الحمدلله وهيا الله يشغلها في نفسها عني وعن بنتي والحمدلله
وعمتك المسيطره حتستمر لما يكبروا يعالك يصير لك استقرار هما كدا في البدايه دايما اعطيها جوها وحاولي تسحبي نفسك شويتين بشغل البيت او اي شي يبعدك عنها |
رد: خلتها ترضعه وحرقت قلبي
لاحول ولاقوة الا بالله حرام عليها تسوي كذا
حسبي الله ونعم الوكيل انسي السالفة حبيبتي وامضي بحياتج وصدكي ان الظالم الة رب العالمين يحاسبة لا تعتقدين ان رب العالمين يطوفهه لها |
رد: خلتها ترضعه وحرقت قلبي
الله يسعدك يارب ويرزقك على قد نيتك
الله يرزقك بالتوائم يارب والمره الجايه لاترضعين عيالهم ولاتخلين احد يرضع عيالك مهما كان الله يكون بعونك حبيبتي |
رد: خلتها ترضعه وحرقت قلبي
لا حول ولا قوة الا بالله
بس انا لو مكانك ما برضى ابدا صح احنا بنات ناس ومربيين بس عند هاي الشغلة وستوب اصلا مش عارفة شو اصل هالحركة انتي ترضعي ابن سلفتك وهيا ترضع ابنك اشي ما قالو الشرع ولا العرف ولا العقل بيستوعبه ازا كنتي خايفة ع زعل زوجك .. كان فيكي تحكي معو ع جنب وتقنعيه صدقيني تلاقيه هوا اصلا مش مقتنع بكلام امو بس احترام الها الله يعينك حبيبتي |
رد: خلتها ترضعه وحرقت قلبي
خلاص ياشيخة في ناس يسامحوا على الموت
مو على الرضاعة بس احتسبيها عند ربك ومشي امورك وطاوعيها عشان ماتقلب زوجك عليكي ترى رجاجيل ذي الايام يرموا بنات الناس عشان اهاليهم وسلفتك ليش تطاوعها..؟؟؟ ليش ماتكوني انتي وسلفتك اصحاب وتتفاهموا على ذا الموضوع بدون ماتعرف ام زوجك وفي المرة الجاية خلي زوجك يتكلم نيابة عنك قوليلها زوجي ماهو راضي وحلف يمين مايرضع ابني الا مني عشان يتفاهموا مع ابنهم بكيفهم ومايدخلوكي بمشاكلهم ويقلبوا زوجك عليكي والله يكون في عونك ع الجايات |
رد: خلتها ترضعه وحرقت قلبي
حبيبتي السكوت دا الزمن مرررررررررررررررررررررره مايباله شوفي هما صح امهات جيزاننا
لكن كل المطلوب مننا احترامهم لا اقل ولا اكتر مو سماع كلامهم في كل الامور الله يصبرنا يارب ويكسبنا رضى ازواجنا يارب مو غيرهم |
رد: خلتها ترضعه وحرقت قلبي
الله معااااااااااااك يارب
|
رد: خلتها ترضعه وحرقت قلبي
صباحكم سكر
اول شيء لو تحبي زوجك ارضيه واكيد اذا ارضيتي امه بيرضى امه اذا انها قصدها تسلط قولي حسبي الله والله خير منتقم اما اذا قصدها يكونوا اخوان وكذا فعادي ربي يحنن قلوبهم على بعض انا زوجي طيب والحمدلله وعشرته حلوه وحنون طلبني ارضع ولد اخته ورضعته كنت متردده في البدايه بس زوجي مايردلي طلب ارد طلبه وافشله قدام اهله امه طلبتني ارضع ماعطيتها وجه مع انها والله طيبه بس لما هو قال رضعت بس عشان اثبتلهم انه عشان زوجي بس وحبيت ولدي ربي رزقني بولد من دون حمل وشق بطون صار اخ لبنتي ربي يحفظلي ويحفظلك وسعي قلبك وصفي نيتك والله الله بيفتح لك ابواب رزق وسعاده ماتتوقعيها ماقريت كل الردود بس اغلبها حسيت انهم حسسوك انك عديمة شخصيه آسفه على اللفظة بالعكس انتي قلبك طيب ونيتك طيبه وبيوم من الايام بتنردلك طيبتك هذي وتذكريني هي مجرد رضاعه ادعي ان الله يحفظلك ولدك اللي جبتيه واللي رضعتيه ولا تحزني دام الله موجود أسأل الله ان يشرح صدرك |
رد: خلتها ترضعه وحرقت قلبي
لاحول ولاقوة الا بالله العلي العظيم
|
رد: خلتها ترضعه وحرقت قلبي
والله شيء يحرق البطن والامعاء والدنيا كلها
بس اتي غلطانة كان رفضتي من البداية يلا قد الله وماشاء فعل الحمد لله ولدك بخير الحين ومافيه الا العافية وربك حسيبك |
رد: خلتها ترضعه وحرقت قلبي
والله لو انا مكانك بتنفخ على سلفتي عشان تستحي وترفض ترضع ولدي
وعمتي ما اطاوعها لو بتموووت والله بس الحمد الله ماعندي عمه انا الله يرحمها بس والله انتي اللي غلطانه من البدايه ليش رجعتي بيتك وانتي باول اسبوع نفاس وبعدين اذا انتي ماتقدرين تردين عليها خلي امك اختك الكبيره احد كبير يتكلم معاها اهم شي انه ولدك صاير عريس ماشاء الله ربي يخليه لك ويحفظه ولاتكررين نفس الشي بالطفل الثاني |
رد: خلتها ترضعه وحرقت قلبي
اشكركم عالردود وفهمتي غلط اللي تقول رجعتي من اول اسبوع لا انا كنت اروح ازور عمتي وارجع بيت اهلي وحبيبتي(احب زوجي)اشكرك ردك ريحني كثير بس للأسف ماقدرت انسى ولا قدرت احب الولد مع الأسف بس بحاول مع الأيام ان شاءالله
|
رد: خلتها ترضعه وحرقت قلبي
بصراحه انقهرت وانا اقرا الموضوع
شلون سكتي لهم .. كان قلتي فيني حليب ماني محتاجه احد يرضع ولدي.. المهم الحين انتهت السالفه وابنك صار عمره سنتين ووعندك بس اتعظي من هالي صار معك ولاتعطينهم فرصه يدخلون في حياتك ابد ... احترميهم وقدريهم بس حياتك لها خصوصيتها ولكم استقلاليتكم.. الله يسخركم لبعض |
رد: خلتها ترضعه وحرقت قلبي
الله سبحانه كفيل انه ينسيك اللي صار. "وعسى ان تكرهوا شيئاً وهو خير لكم "
و انسانه مثل هذي الصراحه ماتستاهل حتى اقول لها عمتي .. ومرت حماك حضرتها ليه راضيه المفروض تقول لا هي بعد .. ومثل ماقالوا لك البنات حياتك فيها خصوصيه محد له شغل فيها هي جابت وربت عيالها على كيفها مالها شغل الحين تتحكم فيكم .. انتي قولي لزوجك وطلعي اللي في قلبك لاتكتمين بتتعبين .. وحتى التحليق مالها شغل فيه ليه اللقافه .. هذي مو كفو اسكت لها وصيري رسميه معاها ولاتخلينها تتدخل في حياتكم كفايه اللي سوته جلستي تعانين منه سنتين .. انا ام زوجي في هالشي الحمدلله ماتفكر كنت اجس النبض عندها واقولها برضع عيال حماي قالت مستحيل انسي الموضوع لانك ماتدرين بكره وش يصير يمكن تبين تزوجين احد من عيالك منهم بس ام زوجي لها تدخل ثاني ) الأسم ( تبي تسمي على كيفها الحين انا حامل وقاعده احاتي إذا ولد عادي بسمي على ابوه بس إذا بنت مابي اسمي عليها .. بس خلاص اول حمل لي سموا البنت عليها ? وانا ماكنت راضيه والله اخذ امانتها البنوته بس هالمره بوقفهم عند حدهم انا اقولك ترى هذا موضعف شخصيه بالعكس هذي طيبة قلب وربي يعيننا على هالطيبه وتقسى قلوبنا شوي وآسفه طولت بس شيء يححححر القلب .. تقبلي مروري .. |
رد: خلتها ترضعه وحرقت قلبي
وحطي في بالك في حملك الجاي لاتقولين لهم من البدايه الا إذا بيّن بطنك قولي ماكنت ادري الدوره كانت تتقطع عندي وحتى في نفاسك لاتروحين لها قولي اخاف اطلع في البيبي يتأثر من الجو أو أي شيء صرفي عمرك بس ? تروحين ..
وايه نسيت اسالك وش كثر رضعتي ولد حماك .. لان الرضعات لازم تكون 5 رضعات مشبعات عشان يصير ولدك ونفس الشي لولدك كم رضعه ارضعته هي .. وفعلاً لاتخلينها تتتقرب منه ابد او تقوله انا أمك. hwaml4 |
رد: خلتها ترضعه وحرقت قلبي
للاسف خمس رضعات مشبعات وانا اموت من حرتي كل مرة بس اشكر لكم مروركم وردودكم اللي زي العسل
|
رد: خلتها ترضعه وحرقت قلبي
قهررررررررررررررررررررررررررررر
عليه اختي ارضي بلواقع حاولي تنسين ادري ماتقدرين بس شتسوين |
رد: خلتها ترضعه وحرقت قلبي
في الحمله ال2 قولي كله ولدج مريض ممنوع يطلع ممنوع لو وصلت تكذبي ع زوجج ولا تمين مقهوره
|
رد: خلتها ترضعه وحرقت قلبي
مشكوريييييين والله ردودكم تفرحني والله لان لما افتح الموضوع قدام اخواتي يقولو تافهه لسه مانسيتي والله مااقدر انسى كل ماطليت في عيون ولدي وماما كانت فكرتها انه كيف سلفتي بنت ناس ومتربيه ماتقول لا وانتي تطلعي قليلة الاصل اااااااااه ياقلبي اااااااااااه
|
رد: خلتها ترضعه وحرقت قلبي
بصراحة يا اثنى انا انقهرت منك أنــــــــــــــــــــــــــــــــــــــــــتى
ايش السلبية والاستسلام اللى انتى فيه هدا احسك ضعيفة على ابسط حقوقك فلا تطلبى من احد يهتم بحقك طالما انتى فرضتى فيه يا أختى انا عمتى او اخوات زوجى بس يسووو اى تصرف اوقفهم عند حدهم ولو ما احترمو حالهم اعلم اخوهم بالواقعة بكل صدق وهو يعلمهم شغلهم اما ابنى اخليه عندهم بدون وجودى او مع ابوه بدونى مستحيل ارضى اول ما ولدت جاتنى عمتى تنصحنى الا اعطيى ابنى صدرى واخليه على الصناعى بحجة ان صدرى ما راح ينزل لابنى منه حليب قلت لها لااااااااااااااااااااااااااااااااااا انخرست وسكتت..... وللعلم سلفتى منهم هى بنت خالهم ولا تتفوه امامهم بكلمة والنتجة سعو بطلاقها مرتين وبا قى المرة الاخيرة الله يسترها عليها هدا لانها ضعيفة واخر مرة جاتهم زيارة افتعلو حديث وخلو زوجها طقها امامهم وصممو انه يطلقها وبعد ان تراضو بعدة شهور وعلمو انها نزلت ببيتى جاءو كلهم عندى يصالحو ها وكلالمشكلها معها لانهم يقولون لابنتها انتى مجنونة مثل امك والبنت تقول انا مانى مجنونة وبعدها لين سن ابنى سنة وشهر اخت زوجى الكبيرة قالى لساتك ترضعيه يالا افطميه صار رجاااااااااال وعطيتيه عين من يومها ترك صدرى ولا رضع طبيعى او صناعى علمت زوجى بكلامهم ونتيجته السريعة بحسدهم وعلمتهم هم بعد وما قدرو يفتحو فمهم.......وللعلم انا مصرية وهم سعوديين ورغم كده لم اكون خائفة او جبانة لانى لوحدى امامهم لاااااااااا فانتى كنتى على حق لاكنك فرضتى فيه واظهرتى ضعفك سامحينى على وضوحى معاكى |
رد: خلتها ترضعه وحرقت قلبي
هذي أكيد مجنونة موصاحيه
شوهالظلم الي ظالمتنه لج خليج قوية ترى بهذا الزمن اذا لم تكن ذئبآ أكلتك الذئاب |
| الساعة الآن 09:37 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .