منتديات حوامل النسائية - تجمع صفر قصة ماساتي قصدي ولادتي ورجوعي من بعد الموت

منتديات حوامل النسائية (https://naqatube.com/index.php)

- إستفسارات مرحلة الولادة (https://naqatube.com/forumdisplay.php?f=96)

تجمع صفر قصة ماساتي قصدي ولادتي ورجوعي من بعد الموت

السلام عليكم ياحلي كروشات وامهات بهالمنتدى

حبيت اليوم اتزل قصة ولادتي كانت في تاريخ 25 /2 يوم الاربعاء ليلة الخميس الساعه 2

المهم يوم الاثنين تعشيت وكنت اتعلل مع مجموعه من قرايبي واقول الله لو تجون المره الجايه وانا والده وكان وقته معي شوية مغصات

سهرانه طبعا لين الساعه 6 الفجر وبعده وانا انام قعدة نهار الثلاثاء العصر الا معي مغص يروح ويجي توقعت انه بوادر ولاده
المهم قررت اني امشي والا الاكل ماكليت كانت نفسي مسدوده مشيت شوي وتعبت ورجعت انسدحت وظل كل ذاك اليوم والوجع يروح ويجي وانام الفجر وانا يوك كامل ماكليت شي المهم واقعد الساعه 9يوم الاربعاء الا المغص يجي ويروح كل خمس دقايق مغصه بس ماهي طويله المغصه المهم وشرب كاسة حليب
وانتظرت لين المغرب ومعي طلق ماتغير هو نفسه قلت يابنت روحي المستشفى وافحصي وشوفي اذا فاتح الرحم او لا
يوم رحت المستشفى وفخصت الدكتوره الا بس فاتح 2 ونص سالتن في ماء نزل في دم قلت لا عاد انا حتى بولدي الاول مانزل لاماء والا دم لين الدكتوره هي تفجر كيس الماء
قالت خلاص لازم ترقيد وانا ادخل عنده والبس ملابس الولاده ومعي الطلق والى الساعه 10بالليل وكل ماتفحص 2ونص على الساعه 11 وهو يفتح بس 3
انا وقته انهرت وتعبت وجهاز التخطيط على بطني ضاغط وكل هالمده ومافي تقدم طلبت الدكتوره عمليه وفعلا طلبت زوجي عشان يوقع بس هو ماكان عندي مداوم ودوامه مو بنفس منطقتي
قالت خلاص اي شخص من العايله وقع اخوي الا على نهاية دوام الدكتوره وبداية دوام الدكتور اول مادخل قال لا مافي عمليه تجيب طبيعي قالت له الدكتوره نبض الطفل ضعيف وهي بعد بدا ضغطه ينزل قال لا نولده طبيعي بطنه صغير
المهم قالت زين وهي تجي عندي قالت بحاول اساعدك وهي تدخل
انبوب داخلي عشان تفجر الماء من شان ينزل الطفل شوي لان انا بطني مرتفعه مو نازله اصلن من رحت
وهو ينزل شوية ماء وكم نقطة دم وتركتن رجعت بعد شوي الا فتح خمسه قالت خلاص انا انتهت مهمتي راح يكمل لك الدكتور طلبته تظل معي ورفضت وهو يجيني الدكتور الا انا متوهقه غصب عني وهو يجي ويفحصن هالكلب وانا معي الطلقه عذبن عذاب بصراحه انا ماشفت مثله ابد وحتى الحريم اللي ولدن معي يشكن من نفس السالفه حرام عليه قمة التعذيب يفك رجلين الحرمه وهي معه الطلقه يقول احسن وانتي معك الطلقه يفتح اسرع الرحم
عاد حتى شكله يخرع جثه طول بعرض يمه الى الان احلم فيه وبيده المهم مابي اطول عليكن
عاد بعد مادخل ايده وهو يفتح سته وهو يطلع يبي يتركن قلت له دكتور ماني قادره اتحمل قال لا كله ساعتين وراح تولدين وطلع
والعنايه بالمستشفى كانت زفت واهمال لحالك بالغرفه تصيحين تصوتين مافي اي احد يرد الا على جيت الفراشه تفر وتنظف انا بالوقت هذا جسمي كله ينفض ويرتعد وهي تنادي السساتر يوم شافني ويدقن بسرعه على الدكتور وهو يجي طاير
قال خلاص ولاده الحين مد ايده الا فاتح 7 وهو يبدا يشق ويوسع انا كنت منتهيه ويقول شدي ماكان معي حيل جاء وضغط على بطني مافيه فايده وتضغط معه الممرضه ويضغطونه اثنينهم والله يابنات لدرجه انه نزل بطني تحت والوغد بعد ماطلع الله ارحمن مانفقعت بطني وجت الممرضه وجلست جلوس عليه انا بعد وهو يغمى علي وخوذي ضرب يصحوني وبعده طلع يركض يجيب شفاطه يشفط فيه الوغد لانه اختنق وقف بالنص لاهو اللي طلع كله ونزل والا اللي ماطلع عشان يحولن عمليه
وصار يشفط راسه ويصرخ علي راح تضيع الولد وهذي مسؤؤليتك هالكلب وهو الي خاطر بي واخر شي يقول مسؤؤليتك انتي ماتشدي معاي معن حتى الدكتوره قالت له قبل تمشي هذي ماتجيب طبيعي تعبانه بس هو ماطاع المهم ثلاث مرات وهو يشفط وهو يطيح الوغد وركض ويطلبون له مختصين وخالة طؤارى تجمعوا الدكاتره وانا تركن الغبي من خوفه وانا انزف خاف يموت الطفل وهو المسؤؤل وهويجي بعد نص ساعه تخيلن وانا للحين اصب دم والغرفه ثلجه وهو يجي ويحشيني شاش يبي يوقف النزيف ويالله وقفه وبعده نزل المشيمه وبدا يخيط الجرح وترك داخلي الشاش ورفع رجليني وتركن على هالحاله الى الساعه اربع بعده وهو يجي يعصر بطني والله مانسى ابد تعبي وهو يعصره حتى بعد ماجبت ويجر الشاش وقال يالله طلعنه للترقيد العادي وهي تطلعن السستر الا امي منجنه عند الباب تستنى ومحد علمه بس تسمع اللجه جاء عاد الدكتوره وقال لامي شربيه اي شي وبعده لازم تروح الحمام نشوف ينزل بول او لا
وفعلا رحت وحطوني على السرير وصارت امي تقطر بفمي تقطير حليب وانا انتفض من البرد والله خمس بطانيات وانتفض نفض
وتفتح افمي بيده حتى افمي عجزت افتحه شوي الا الممرضه تقول لازم تقوم الحمام قالت امي لا اتركوه تعبانه قالت لا لازم نشوف هي فيه دوخه في بول المهم وتقومن امي غصب وروح الحمام وهي تصير الدنيا تقلب بي قلت طلعني مقدر وهي تصرخ الممرضه لا لازم شوف بول وهذاك اخر علمي بالدنيا
المهم اجتمعن علي وشالني على قولت امي ونزلني على السرير وحطوا فيني مغذيات ويالله صحيت
ومن بكرا نقل دم لان دمي صار سته وارتفعت حرارتي انواع البهدله وماعرفت الناس الا يوم الجمعه قدرت اتكلم وافتح وهو يجي مره ثانيه هالكلب الا يبي يفحص يقول يمكن فيه تجمع دم من النزيف اصرخ عييت مافيه فايده وطرد امي برا ورجع يضغط علي بطني ودخل ايده وفحص قال خلاص سليمه مافي شي خلاص تقدرين تطلعين للبيت وانا بقلبي اشتمه ميت مره والله يابنات ان قلبي صار يدق بسرعه ولي صياح ماهديت الا بعد ماشغلت لي امي قران
من خوفي من هالدكتور عاد طلعت الجمعه للبيت
النص الثاني من الحكايه وهو ولدي الحمدلله قدروا يسعفونه ورجع له النبض وصحته الحين زينه واليوم انشاء الله يطلع من الحضانه
والله اني الى الان كل ماانام لو شوي اسمع صوت هالدكتور واشوف الولاده وقوم من نومي لي صياح وماسكت الا على صوت القران
فعلن هالدكتور مجرم مو دكتور وياليت لو يرفع به شكوى بس الله على الظالم
المهم نصيحه مني يابنات الاكل مفيد جدا جدا حتى الولاده تصير سهله معكن انا اصلن جسمي ضعيف وماكنت اكل زين بحملي والحبوب والمقويات ابد من اخذه ارميه بقرب زباله لكن فعلا طلعت علي بالولاده واستعسرت ولادتي عاد انتبهن من هالامور
وسلامه تسلمكن وماعليه طولت عليكن