|
بنات الحقوني دخلت التاسع ووزن بنتي ناقص مره والدكتوره شكلها تبى تولدني قيصري
السلام عليكم ورحمة الله وبركاته بنات اليوم الاربعاء رحت المستشفى وياريتني مارحت الحمدلله على كل حال عملتلي الدكتوره سونار وقالتلي انو وزن بنتي 1.300 يعني كيلو وربع وانا من زمان بحاول ازيد وزنها وسبحان الله يارب مو راضي يزيد الوزن وانا والله العظيم باكل كويس مره والحمدلله تطمنت انو راس البيبي سار تحت يعني تباشير ولاده طبيعيه لكن : hwaml4 الدكتوره شكلها مو ناويه خير الله يستر جلست تكلمني على ابر عشان تولد بنتي بدري وانا بصراحه خفت منها بعدين قالت ممكن نولدها قيصري عشان وزنها صغير وممكن تحتاج رعايه خارج الرحم وانها ماتقدر تدفع وجلست تتكلم زي كذا بعدين قامت قالت خلاص انتي اعملي اشعه سونار عشان نشوف الدم يوصل للجنين كويس ولا لا <<< المشكله كل اسبوع وانا اعمل سونار يعني كل الاسابيع اللي فاتت وانا اعمل هادي الاشعه وتكلفة الاشعه الوحده 600 ريال وفوق ورحت عملتها وقلنا امرنا لله ولما عملتها الدكتوره الثانيه حقت الاشعه قالت كل شي في البيبي سليم والدم يوصله كويس يعني مافيه أي مشكله ابدا من وقت ماخرجنا وانا نفسيتي تعبانه مره ومعصبه ومقهوره شكلها الدكتوره تبغى تضحك عليا وبس تلهط فلوس ومره عادي عندها انا يابنات مو مشكله اني اعمل اشعه لما تكون ضروريه لكن كل اسبوع نفس الاشعه؟! ونفس النتيجه ؟! يعني الحمدلله بنتي كويسه ليش كل شويه بس اشعه ولهط الفلوس لا وتتكلم بكل ثقه انو ممكن تولدي قيصري عشان انو الجنين مايقدر يدفع بالولاده الطبيعيه بنات قلبي محروق مره يعني بالله تخيلو : الجنين صحته سليمه والحمدلله مافيه مشاكل اللهم انو بس وزنها قليل وانا بتغذى كويس ولله الحمد وبحاول اكل عشان يزيد الوزن وراسها تحت يعني مو راسها فوق ولا على جنب عشان نقول طيب امرنا لله نعمل قيصري يعني صحتها سليمه ووضعها طبيعي ليش تبغى تولدني قيصري ؟؟!! hwaml4 ومره مصره وبس تتكلم عن الابر والولاده القيصريه اعوذ بالله متضايقه مره والله اعوذ بالله من الشيطان الرجيم زوجي يقولي نصبر الاسبوع الجاي مراجعه نشوف ايش مويتها حسينا انها حتنصب علينا نغير المستشفى نروح مستشفى ثاني اهم شي نصبر عشان ناخد نتايج السونار اللي انعمل دحين طيب انا خلاص دخلت شهري التاسع ومن اول الحمل وانا اتابع عندها من اول شهر والله تخيلو يابنات يعني خلاص رحتلها وانا مغمضه وقلت ان شاء الله خير يارب وانصدم بيها كذا معاملتها وعدم صبرها ؟! طيب فين أروح ؟!! ابغى دكتوره تولدني طبيعي وتصبر عليا ما ابغى قيصري ابدا بعد ماحكيت قصة حياتي عندي سؤالين بس الأول : فين احصل دكتوره بجده كويسه وتولد طبيعي وتصبر عليا ؟ انا اتابع بالاطباء المتحدون وياريت تقولولي على دكتوره ثقه ومجربينها كثير الثاني : مين ولدت ووزن جنينها كيلو وشويه ؟؟ وكيف حيكون الوضع هل يحتاج حضانه ولا عادي ؟ |
رد: بنات الحقوني دخلت التاسع ووزن بنتي ناقص مره والدكتوره شكلها تبى تولدني قيصري
شوفي ياقلبي
الاهلي ضروري يرعبونك ويطلعو بقصص ولصالحها تقلك قيصري لانها هي الربحانه نصيحتي روحي لمستشفى حكومي كبير والله يسخرهم لك عندهم اخلاص ثانيا انتي بكريه سمعت انو يسير وزن البيبي للبكريه صغير وطالما انك دخلتي التاسع كل تلات ايام يزيد وزنه فنصيحتي تاكلي موز وبرتقال يقولو يزيد وزن البيبي وربي يفرح نظرتك ويطمن قلبك |
رد: بنات الحقوني دخلت التاسع ووزن بنتي ناقص مره والدكتوره شكلها تبى تولدني قيصري
شوفي حبيبتي انا قالتلي الدكتوره مثلك قالت السونار معطي البيبي كانه بالسابع وانا بالتاسع صغير مرة وقالت حجمه مش طبيعي وخوفتني رجعت للبيت ابكي من كثر الخوف والحمد لله كثرت اكلي وحاولت اكمل التاسع ليكبر الجنين والحمد لله ولدت ووزنه كيلوين وشوي وبكامل صحته
|
رد: بنات الحقوني دخلت التاسع ووزن بنتي ناقص مره والدكتوره شكلها تبى تولدني قيصري
ما عندي خلفيه ..
بس ما حبيت ادخل واطلع بدون رد .. الله يكتب لك اللي فيه الخير حبيبتي .. |
رد: بنات الحقوني دخلت التاسع ووزن بنتي ناقص مره والدكتوره شكلها تبى تولدني قيصري
ماعليك منها غيري الدكتورة .. وروحي لحكومي ازين لك ..
وبعدين انتي تشربي اسبرين ؟؟؟ |
رد: بنات الحقوني دخلت التاسع ووزن بنتي ناقص مره والدكتوره شكلها تبى تولدني قيصري
من رأيي روحي حكومي تأكدي لان الخاص همهم يأخذون الفلووس.
وأنشاء الله ما قدامها الا العافييه |
رد: بنات الحقوني دخلت التاسع ووزن بنتي ناقص مره والدكتوره شكلها تبى تولدني قيصري
الحليب و الموووز والعدس
كثري منها تكببببر الجنين باذن الله واذا مو مرتاحه للدكتوره ذي الحقي على عمرك وروحي طبيبه ثانيه واستخيري الله سواء طبيعي والا قيصري |
رد: بنات الحقوني دخلت التاسع ووزن بنتي ناقص مره والدكتوره شكلها تبى تولدني قيصري
مثل ما قالوا الأخوات روحي حكومي ولا تنتظرين..
|
رد: بنات الحقوني دخلت التاسع ووزن بنتي ناقص مره والدكتوره شكلها تبى تولدني قيصري
يا غاليه لا تشيلي هم
لكن ضروري تغيري الدكتوره و المستشفى ، في جده والله ما اعرف افضل دكتوره بس ادعي ربك انك تكملي التاسع كله لان كل ما جلس الجنين في البطن مده أطول كل ما آخد كفايته لصحته ..... اشربي كل يوم حليب بالموز و حليه بالعسل بدل السكر و كلي زبادي كامل الدسم يفيد الجنين كتير ..... و لا تردي على هالدكتوره ، صدقيني رح تجيكي البنوته بكامل صحتها و عافيتها و بأفضل حال بإذن الله ، اهم شي تكملي التاااسع كله عشان تاخد كفايتها .... الله يطمنك و يطمننا عليكي يارب |
رد: بنات الحقوني دخلت التاسع ووزن بنتي ناقص مره والدكتوره شكلها تبى تولدني قيصري
وعليكم السلام ورحمة الله وبركاته
يا حليلك ام لينا والله حزنتيني كتير وربنا يسهل عليك وانشالله كل وزنها طبيعي وتولدي طبيعي كلي تمر كتييير لانه بزيد وزن البيبي وكمان حلاوة طحينية وعموما الحلويات بتزيد الوزن وانت روحي حكومي احسن وتطمني اكتر وربنا يكون في عونك حبيبتي |
رد: بنات الحقوني دخلت التاسع ووزن بنتي ناقص مره والدكتوره شكلها تبى تولدني قيصري
حبيبتي لاتخافي
البنات ماقصروا معاكي...اسمعي كلامهم ونصايحهم ونصيحة ثانية خذي كبسولات كبد الحوت(كبسولات زيت سمك) 4 أو 6 كبسولات في اليوم... وإذا أنتي في أول التاسع فلا تخافي قدامك لسا 4 أسابيع لزيادة وزن الجنين لأن الشهر التاسع هو شهر زيادة وزن الطفل..يزداد كل أسبوع مابين 100_300 جرام... فلاتقلقي أهم شي غيري المستشفى وروحي لمستشفى حكومي.. وربي يكتب لك السلامة أنتي والبيبي |
رد: بنات الحقوني دخلت التاسع ووزن بنتي ناقص مره والدكتوره شكلها تبى تولدني قيصري
لا تخافي ولا تشيلي هم ابداً
أنا بحملي بوحدة من بناتي لما دخلت الثامن عملتلي الدكتورة سونار وزيك خوفتني وقالت وزنها مررررة صغير وماكملت كيلو !! واحتماااال ماتعيش وربي خوفتني لكني توكلت على الله وصرت اكثر شرب ماء زمزم واكل موووز وتمر بالطحينة السائلة والحمد لله ولدتها طبيعي وكان وزنها 2 كيلو و300 غرام وصحتها ممتازة ولا احتاجت حضانة وطلعت معي فانت غيري الدكتورة على طووووول باين عليها نصاااايبة ايش هي هالإشاعة اللي بـ 600 ريال !! حتى الرباعية ماتجي بهالسعر !!!! روحي لدكتورة ثانية واكثري من شرب ماء زمزم بنية صحة بنتك وزيادة وزنها وربي يتمم لك بخير .. ويفرح قلبك بشوفتها سليمة معافاة |
رد: بنات الحقوني دخلت التاسع ووزن بنتي ناقص مره والدكتوره شكلها تبى تولدني قيصري
^__^ الله يجزاكم خير يابنات والله ردودكم تثلج ^_^ بعد الحرقه والتفكير
شكلو منجد بغير الدكتوره والله قهر من اول شهر اراجع عندها ولا قد كانت معاملتها كذا لكن شكلها شافتني على نيتي وبدأ قلبها يطمع اعوذ بالله يارب والله محتاره بس مااظن اولد بمستشفى حكومي لكن بحاول ادور واسأل على مستشفى كويس واسعارهم كويسه مع انو كلهم سارو نصابين تخيلو يابنات المتحدون ولادتهم 7000 واعتقد سارت 7500 يعني تبغى توطني هالدكتوره واكيد تحولني قيصري وعاد شوفو كم القيصري بالمتحدون والله حرام جيتهم عشان سمعة هالدكتوره وقالو انها كويسه وتصبر عالوحده بالولاده ولما بدأ الجد سار كل شي ملخبط عالعموم ربي يكتب اللي فيه الخير امانه ادعولي يابنات والله راسي بينفجر من كثر التفكير والهم بس يارب اسأل الله يارب انو يكتبلي ولاده طبيعيه في اي مستشفى كانت ماعاد يهمني اهم شي اولد طبيعي ^_^ |
رد: بنات الحقوني دخلت التاسع ووزن بنتي ناقص مره والدكتوره شكلها تبى تولدني قيصري
مثل ماقالولك أخواتي روحي حكومي أفضل لك وللجنين
وكلي تمر كثير وكلي تفاح مع العسل بيزيد وزنها بإذن الله والله يتمم حملك ع خير وتولدي طبيعي ان شاء الله |
رد: بنات الحقوني دخلت التاسع ووزن بنتي ناقص مره والدكتوره شكلها تبى تولدني قيصري
ربي يسهلك ان شاء الله
وانتي غيري الدكتورة احسن بس لوروحتي حكومي ماراح تلاقي نفس المعاملة ومو الكل الطيب الا من رحم ربي بس ممكن اعرف مين دكتورتك عشان انا كمان بتابع بنفس المستشفى ربي يسهلنا ويرزقنا الطفل السليم المعافى |
رد: بنات الحقوني دخلت التاسع ووزن بنتي ناقص مره والدكتوره شكلها تبى تولدني قيصري
ياقلبي جربي روحي حكومي واسالي ان كان في امكانية تولدين طبيعي ولا لا
وبصراحه مستشفى الجامعه الحكوومي عندهم رعايه مرره حلووه والله يكتبلك اللي فيه الخير |
رد: بنات الحقوني دخلت التاسع ووزن بنتي ناقص مره والدكتوره شكلها تبى تولدني قيصري
بنبونه اسم الدكتوره فاطمه النمر
تنصحوني يابنات اروح عند نوال السناني ؟ طيب مين تعرفها وكم سعر الولاده عندها ؟ وهل تولد طبيعي يعني صبوره ؟؟ |
رد: بنات الحقوني دخلت التاسع ووزن بنتي ناقص مره والدكتوره شكلها تبى تولدني قيصري
اسمعي حبيبتي زي ما قالوا البنات كلي تمر وحليب وقبل كذا توكلي ع الله واكثري من الاستغفار والصلاة ع النبي وادعي الله يكفيك شرها ويعدي الولاده ع خير وأحسني الظن بالله لان الله عند حسن ظن عبده به والله ييسر ولاداتنا جميعا
|
رد: بنات الحقوني دخلت التاسع ووزن بنتي ناقص مره والدكتوره شكلها تبى تولدني قيصري
اقتباس:
انا عند امل صفوة لان اثنين من صحباتي ولدو عندها وكانت صبورة ماولدتهم قيصري وغير كذا كان يوم اجازتها وجاتهم وقريبتي ولدت الخميس عند هبة فؤاد انتي استخيري الله في تغيير الدكتورة وربي يختارلك اللي فية الخير يارب ونوال السناني مااعرفها وان شاءالله البنات يفيدوكي فيها اكثر |
رد: بنات الحقوني دخلت التاسع ووزن بنتي ناقص مره والدكتوره شكلها تبى تولدني قيصري
^_^ بنبونه ربي يسهلك ياعسل
شكرا لكم اخواتي على ردودكم والله فرحتوني ^_^ انا حروح لها الاسبوع الجاي موعدي واشوف ايش تقول والله اتعدلت بكلامها وتخاف الله فيا وانا حشوف من اسلوبها كيف اكيد حيبان اذا طلعت بتخاف الله وتولدني طبيعي كملت عندها والله طلعت نيتها مو كويسه وتبغى قيصري وابر وكلام فاضي اهم شي اخذ الأشعه اللي عملتها اخر شي حقت الدم واروح لمستشفى الجدعاني او اي مستشفى عند اي دكتوره واوريها واشوف ايش حيكون كلامها ورايها بالموضوع واسألها هل بولد طبيعي ولا لأ ؟! > كذا بصراحه من الاخر وحتى حسأل دكتورتي اللي دحين : هل بولد طبيعي ولا لأ ؟! > من الاخر ونشوف وربي يسهلها يارب ويقدرلي اللي فيه الخير كان عندها او عند غيرها وان شاء الله يابنات اقولكم ايش يسير معايا > تكونو شهود هههه ^_^ |
رد: بنات الحقوني دخلت التاسع ووزن بنتي ناقص مره والدكتوره شكلها تبى تولدني قيصري
ربي يسهلي يارب واولد طبيعي امانه ادعولي يابنات
|
رد: بنات الحقوني دخلت التاسع ووزن بنتي ناقص مره والدكتوره شكلها تبى تولدني قيصري
عواافي ام ليناااhwaml7
يااارب يسهل علييك وتولدين طبيعي حبيت اقولك قصة خالتي الي ولدت يوم الاربعاء جابت بنت وزنها 1كيلو بس طبيعي ولاازيدك من الشعر بيت البنت بنهاية الشهر السابع يعني ناقصه بس الحمدلله يارب هي بخيير وامها بخيير يلا عؤبالك يااارب |
رد: بنات الحقوني دخلت التاسع ووزن بنتي ناقص مره والدكتوره شكلها تبى تولدني قيصري
طمنينا عنك شو صار معك
|
رد: بنات الحقوني دخلت التاسع ووزن بنتي ناقص مره والدكتوره شكلها تبى تولدني قيصري
الله يتمم على خير يا رب
يا غاليه روحي عند دكتورة ثانية و ان شاء الله يكون خير و اكملي التاسع و تغذي جيداً و اكثيري من الطعام المغزي و نوعي من الطعام و ربي يحمي بنوتك يا رب |
رد: بنات الحقوني دخلت التاسع ووزن بنتي ناقص مره والدكتوره شكلها تبى تولدني قيصري
^_^ شكرا بنوتات ^_^
قررت ان شاء الله اولد بمستشفى الجدعاني بالصفا واترك مستشفى المتحدون ^__^ ادعولي ربي يسهلي وان شاء الله اكيد اخبركم ايش يسير معايا ,, اليوم الاثنين عندي موعد مع الدكتوره اللي بالمتحدون حروح اشوف ايش تقول واخذ منها الاشعه واسمع ايش عندها واتوكل على الله واروح للجدعاني واوري الدكتوره الاشعه واشوف ايش يسير معايا لكن انا خلاص قررت اني اولد بالجدعاني مدري حاسه اني مرتاحه نفسيا ويارب يسهلها ^_^ تفضلو الموضوع وياريت اللي عندها معلومات عن المستشفى تقولي :: مستشفى الجدعاني بالصفا بجدة ,, ابغى معلومات ^_^ لأنو حولد فيه بإذن الله ؛ |
رد: بنات الحقوني دخلت التاسع ووزن بنتي ناقص مره والدكتوره شكلها تبى تولدني قيصري
ايه أحسن لك ما تولدي بالمتحدون والله سمعته خايسه ان شاء الله خيره لك
|
رد: بنات الحقوني دخلت التاسع ووزن بنتي ناقص مره والدكتوره شكلها تبى تولدني قيصري
بنات بعد كل اللي سار :
راح يولدوني قيصري ،، اكدتلي الدكتوره اللي بالجدعاني هالشي وقالتلي مافيه اي امل تولدي طبيعي لانو البيبي حجمها مره صغير ومهي ماخذه غذاء ابدا ولازم اخذ ابرة الرئه للبيبي واولد قيصري لكن بصراحه الحمدلله اني جيتها وتركت دكتورتي الاولى لان هادي اللي بالجدعاني الله يجزاها خير يارب فهمتني كل شي بهدوء ومن جميع النواحي وراح اولد بمستشفى الولاده والاطفال ان شاء الله عشان الحضانه لانو قالتلي الحضانه بالجدعاني في حالة بنتي اقل شي لليوم 5000 الاف ريال وقالت حتجلس مدة مره طويله عشان يعالجوها فأفضل خيار ليا اني اولد بالولاده والاطفال وربي يسهلي ويتمملي على خير يارب دعواتكم يابنات .. |
رد: بنات الحقوني دخلت التاسع ووزن بنتي ناقص مره والدكتوره شكلها تبى تولدني قيصري
الله يفرج همك ويقومك انتي وبنتك بالسلامه والله بالي معك مشاركتك همك بس ليش حجمها صغير يرجع لتغذيتك او من الله كذا ؟؟؟؟؟
|
رد: بنات الحقوني دخلت التاسع ووزن بنتي ناقص مره والدكتوره شكلها تبى تولدني قيصري
الاميرة وبس ^_^ تسلميلي ياعسل ويارب يسهلك انتي كمان وتولدي بالسلامه وتبشرينا ^__^
انا سبحان الله كذا من الله مالو دخل فيا ابدا واكدولي هالشي بمستشفى الولاده والاطفال اللي بالمساعديه لأني حولد فيه بإذن الله يعني سبحان الله شي من ربي ولله الحكمه في ذلك والحمدلله يارب على كل شي انا موكله امري لله والحمدلله يارب ماقصرت بحق الجنين ابدا من اول شهر وربي يشهد عليا غذائي صحي وانوع بالاكل والفيتامينات اخذها بإنتظام وزاد وزني انا بشكل مره ملحوظ بسبب الاكل لكن سبحان الله يارب وزن الجنين مازاد كثير ابدا قالتلي الدكتوره اللي بالجدعاني انو سبحان الله هذي حاله طبيه لها إسم والله نسيته المهم انو تجي على شكل حالتين : إما ان يكون الجنين كبير الوزن عن الطبيعي > يعني من 4كيلو وفوق او سبحان الله يكون وزن الجنين جدا صغير عن الطبيعي > اللي هيا حالة بنتي ربي يشفيها ويخليها ليا واشوفها وافرح بشوفتها يارب وتكون بخير وعافيه يعني وزن بحدود كيلو او كيلو وشويه ماحتزيد عن كذا سبحان الله وقالتلي الدكتوره انو كل ماطولت برحمي كل مايزيد الخطر عليها وممكن اذا طولت وكملت التاسع وماولدت قيصري راح تموت لأنها ماعندها قدره انها تدفع ابدا وصحتها ناقصه وحجمها جدا صغير سبحان الله عندي موعد يوم السبت بالولاده والاطفال : يعملولي اشعه وتحاليل > وطلبو مني اني اكون صايحه من اليوم اللي قبله ويوم الاحد راح اشوف الدكتوره وطلبو مني اصور كل الاشعه اللي عملتها بالمتحدون لأنها تثبت انو وزن الجنين ناقص وهيا تقرر اذا كنت راح اعمل القيصريه ومتى سبحان الله يارب كلها جات تساهيل من ربنا مسلمه امري لله ونعم بالله ومتفائله خير يارب واللي كاتبه ربنا نشكره ونحمده عليه لأنو هاذي الدنيا مهما عملنا مهما اجتهدنا ربي كاتب لنا كل شي ^_^ والحمدلله ابدا مازعلت ولا حزنت لأنو خيره اكيد انو اعمل قيصريه والحمدلله يارب على كل حال ^_^ |
رد: بنات الحقوني دخلت التاسع ووزن بنتي ناقص مره والدكتوره شكلها تبى تولدني قيصري
الله يسهل عليج الولادة يارب
|
| الساعة الآن 09:13 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .