|
صدمه هزت كياني الله يسامحك ياحبيبي
السلام عليكم ورحمة الله وبركاته
بنات مو عارفه ايش اقول امس اكتشفت شي عن زوجي ورب البيت ماقدرت انام ولا اتكلم مو مصدقه إلى شفته امس دق عليه وهو برا وقالي افتحي الايميل وشوفي فاتورة الكهرباء كم فيها عشان اسددها قلت له اوك رحت فتحت الايميل وبعد ماقلت له المبلغ قفل معايا انا جاني فضول اشوف الرسايل اللي عنده فقلبت ووصلت عند الرسائل المرسله وهنا لقيت المفاجأه لقيت رساله مرسله لايميل شخص ومكتوب فيها هذا الكلام >>>السلام عليكم يااخوي أنا عقيم ونصحوني بمشتشفى فقيه والله ماعاد ادري ايش اسوي من يوم قريت القصه أفدني جزاك الله خير والله يلبسكم ثوب الصحه والعافيه <<<hwaml96 بنات معقوله يكون فعلا عقيم وأنا مااعرف شي وربي بمووت من الهم ليش ساكت لو الكلام فعلا صح وربي مااقول شي دايما اقول له جانا عيال او ماجانا اهم شي انت بحياتي وسوى تحليل مرتين المره الاولى الدكتوره قالت عنده عدد الحيوانات قليل شويه بس ومافي اي مشكله ومشينا الوضع وماراح راجع بعدها وقبل كم يوم سوى واحد ثاني وانا ماوديته للدكتوره بس قالي ان الدكتور قاله العدد عندك كويس وفوق العدد الطبيعي يعنى انت مافيك شي وصدقت وحمدت ربي انه بخير ومافيه اي مشكله بس يوم شفت الرساله هز كياني بمافيه يالله معقوله خبى عليه وانا وياه عايشين على الحلوه والمره قسم بالله احس بشي من الحقد عليه لانه كذب عليه مااعرف اقوله والا اسكت وابطل من المستشفى الا مافيه فايده محتاره خواتي ساعدوني الله لا يوريكم مكروه يارب انتظر نصايحكم لا تطنشوني hwaml93 اعتذر على الاطاله استودعكم الله الذي لاتضيع ودائعه |
رد: صدمه هزت كياني الله يسامحك ياحبيبي
انا من رايي تفاتحيه بالموضوع بس ماتبيني له انك قريتي رساله ولا حاجه لانه ياقلبي هذا اكثر شي يجرح الرجل خصوصا لما يشوفك قريتي كلمة انا عقيم فلا تجرحينه وقدري كبرياء الرجل وتتنااااقشووون بعيييييييييد عن الخناق واذا عصب اسكتي وهدي الموضوع وبعدين فاتحيه وتناقشو بوقت يكون مروق وشوفو لكم حل افهمي منه انو المشكله لها حل والا لا وحاولو تتوصلو لحل والله يرزقك بالحمل عاجلا غير اجل يعني تنااقشي بالموضوع بس لااتجيبين سيرة الرساله
موفقه |
رد: صدمه هزت كياني الله يسامحك ياحبيبي
يا أختي إذا رب العالمين كاتب لكِ أنك تكوني أم في يوم من الايام راح تكوني ام ما
فيه شئ بعيد على رب العالمين., و تخيلي لو أنو لا سمح الله أنتي عقيم هل ترضين أن زوجكِ يترككِ ؟! إن شاء الله أفدتكِ باجابتي و الله يرزقكِ باللي تتمنينه يا رب ^^ |
رد: صدمه هزت كياني الله يسامحك ياحبيبي
شي طبيعي ياختي يخبي عليكي لان الرجال له شخصيته وهذا الشي يأثر على نفسيته بالذات قدام زوجته
اذا كان ع قلة الحيوانات المنويه هذي علاجها بسيط بس هو مكبر الموضوع انتي لا تجرحي احساسه بأنك عرفتي ....حرام كلميه بسياسه . سايسيه واذا كلمك وصارحك لا تعملي نفسك انك انصدمتي خلي الموضوع عادي عشان لا يتحسس انتي ماتعرفي قد ايش هذا الموضوع كبير عند الرجال ياحرام وقفي جنب زوجك وان شاءالله ربي يرزقكم الذريه عاجل غير اجل |
رد: صدمه هزت كياني الله يسامحك ياحبيبي
الله يسعدكم يارب بس والله ماتوقعت يخبي عليه مو من طبعه يسوي كذا احنا اتفقنا نتفاهم في كل شي اللين النهايه بس حركته اثرت فيني وربي الله يهديه بس و إن شاء الله اكون فاهمه غلط بس
|
رد: صدمه هزت كياني الله يسامحك ياحبيبي
حبيبيتي ليش تحقدي عليه
لوماكان يحبك ماكان يخبي عليك ويرسل من وراك يدور العلاج هذا لانه شاريك الله يرزقكم ويسعدكم ويهدي سركم لاتقولي عن الرساله بس لمحي له ويمكن مشكلته بسيطه وهو مكبرها |
رد: صدمه هزت كياني الله يسامحك ياحبيبي
أقول لك شي بس مو تحيز له ولا تقليل بصدمتك
زوجك وربي علي نياته تدرين ليش؟؟!! لانه عطاكي الرقم الباسبورد ومافكر بالرسائل المرسله دليل انه مايعرف لاسلوب الخداع عن الرجال ومن ناحيه يمكن يدور حل لمشكلته بالانجاب لان هو اللي عنده المشكله مو انتي فيبحث بنفسه مو تجاهل لك صدقيني بس مايبغي يشيلك هم العلاج والنتايج ومن راي لا تكلمينه هالفتره كل فتره شيكي علي ايميله من غير مايدري ولو تبغين تتاكدين من حسن نيته ارسلي له اعلان عن مستشفي لعلاج العقم من ايميل ثاني راآآآآآآآآآآآآح يدرك عليكي وراح تجين تقولين ظلمته والانجاب وربي له حل كم حرمه قابتلها بالمستشفي تقول ماجبت واساله وش اسباب عقمك تقول والله مافي اسباب كل شي سليم بس ربي ماكتب والعقم مرض ترا مثله مثلي اي مرض وانتي انتظري هالفتره وربي اني احس ان زوجك نيته صافيه ولو مستعجله علي الخلفه كلميه بس مو الان انتظر احد من اقاربكم يولدج وقتها افتحي هالموضوع كان توهه همك الله يرزقكم ويعينه رحمته ماادري ليه |
رد: صدمه هزت كياني الله يسامحك ياحبيبي
الله يسعدك حبيبتي ام شوق هو مو حقد بمعناه بس والله حز في نفسي انا كنت صريحه معاه من البدايه ماخبيت عليه اي شي
بس تعرفي عجبتني كلمه خبى عليه لانه شاريني ويحبني مااعرف ابتسمت على طول اول ماقريتها الله يسعدك يارب |
رد: صدمه هزت كياني الله يسامحك ياحبيبي
اختي قمر بيت ابوها فديتك كلامك حلو صح زوجي على نياته وطيب والله اني اموووت عليه ولو اتخير بينه وبين الخلفه وربي اختاره بدون ماافكر هو كل شي لي بس انا مستنكره ليش مانسوي كل شي مع بعض على اتفاقنا بس اوقات اقول يمكن يخاف اتضايق انه مايخلف وبيحس بالنقص في نفسه الله يخليه لي ولا يحرمني منه
مشكوره حبيبتي والله يسعدك يارب |
رد: صدمه هزت كياني الله يسامحك ياحبيبي
اغلب الضن خايف على نفسيتك او خايف يفقدك او تكرهينه
واكيد اهو تعبان نفسينا من هالمشكله لا تزيدين همك على همه لازم واحد يخفف على الثاني وانا اشوف انتي الي المفروض تخففين عليه لانك بصحه الحمدلله اسال الله لكم الذريه الصالحه يارب * |
رد: صدمه هزت كياني الله يسامحك ياحبيبي
اختي دمعة ندى انا كمان نفس كلامك والله فعلا حزنانه عليه الله يخليه لي يارب
جزاك الله خير اختي والله يسعدك يارب |
رد: صدمه هزت كياني الله يسامحك ياحبيبي
اقتباس:
دام يحبك وتحبيه وطيب تعوذي من ابليسhwaml4 والدنيا هذي مااحد مرتاح فيها انتي تصدقي بنية ان الله يرزقكم الرضا لان الر ضا اهم بكثير من الخلفه وعندي احساس بهالايام انك راح تحملي ترا دايم احساسي بمحله بلآآآآآآآآآآش تنكدي علي نفسك وزوجك من زين عيال هالايام عقوق وعوار راس الله يرزقك الرضا والخلفه ويزيدك حب لزوجك |
رد: صدمه هزت كياني الله يسامحك ياحبيبي
اقتباس:
حافظي على زوجك ولاتستعجلي عالخلفه ويارب قريب تبشرينا بحملك ولاتفاتحي زوجك اذا تحبيه اصبري يالغلا |
رد: صدمه هزت كياني الله يسامحك ياحبيبي
اقتباس:
فديتك ياعسل >>>خافت تصفقها hwaml02 هههههههه لا امزح كلامك عسل زيك وصح ان بعض العيال الايام هذي يكرهوني في الخلفه بس ربك يختار الطيب ان شاء الله hwaml42 وطالما احساسك دايما يصيب بالله عليك حسي اني اتعين واني اشتري بيت تمليك وان حبيبي يشتري سياره جديده hwaml03 امزح ياقلبي الله يسعد قلبك دنيا واخره وان شاء الله يصدق احساسك يارب ويفرح قلبي وقلب حبيبي hwaml58 |
رد: صدمه هزت كياني الله يسامحك ياحبيبي
اقتباس:
تسلمين ياقلبي الله يسعدك ويخليلك عيالك يارب وانا قررت ماافتاحه بالموضوع بحاول اجس نبضه من تحت لتحت وراح اساعده بكل اللي اقدر عليه وربي يفرحنا يارب وأجي ابشركم إن شاء الله |
رد: صدمه هزت كياني الله يسامحك ياحبيبي
و الله ان كلام اختي قمر بيت أبوها صح و 100% ... الله يرزقنا و برزقكم الحمل السليم المعافى يا رب,,,
|
رد: صدمه هزت كياني الله يسامحك ياحبيبي
حبيبتي لاتزعلين منة هو خبى عليكي لانة يحبك وخايف يخسرك
او يتغير الحب الي بينكم ودة يعالج الموضوع من غير ماتحسي واللة يخليكم لبعض يارب |
رد: صدمه هزت كياني الله يسامحك ياحبيبي
أنا مع الاخت ليليان في كلامها
ولا تفاتحيه بالموضوع وانتبهي يعرف انك عرفتي مهما طال الزمن اذا يبغى يقولك حيقولك بنفسه, شكلو يبغى يتعالج وتحملي عادي من دون ما تعرفي , أسأل الله أن يحققلو أمنيته عاجلا غير آجل وتفرحو بذريتكم |
رد: صدمه هزت كياني الله يسامحك ياحبيبي
انا اقول زوجك سوا شي هو يبغى يقوله لك بس مو عارف كيف
عشان كذا قالك ادخلي الايميل واكيد عارف انك فضوليه وراح تشوفي بعض الرسايل انا من رايي كان شي لم يكن لاتقولي له شي وكوني ع الحلوة والمرة معاه مدامه طيب معاك ويخاف عليك ومقدرك ربي بيعوضه ويعوضك خير انشاء الله |
رد: صدمه هزت كياني الله يسامحك ياحبيبي
ربي يريح بآإلكك و بآإلهه ي عسسل
م شاء الله البنات م قصرو بس حبيت ازيد واقول لكك خليكك جنب زوجكك ولا تحسسيه انك قريتي شي .. ربي يرزقكم بالذرية الصالحة عاجلا غير اجل .. |
رد: صدمه هزت كياني الله يسامحك ياحبيبي
الله يعيك فعلا كارثه
برااي فاتحيه بالموضوع لكن بهدوء ومن غير عصبيه و اهم شي يكن مزاجه رايق ومو تعبااان ربي يرزقكم الذريه الصالحه وكل من تتمنى عاجلا غير اجل |
رد: صدمه هزت كياني الله يسامحك ياحبيبي
انا من راي الاخت قمر بيت ابوها
|
رد: صدمه هزت كياني الله يسامحك ياحبيبي
اقتباس:
اميييين وياك ياعسل |
رد: صدمه هزت كياني الله يسامحك ياحبيبي
اقتباس:
امييين يارب ويخليلك حبايب قلبك يارب وانا معاه ومساندته في كل شي |
رد: صدمه هزت كياني الله يسامحك ياحبيبي
اقتباس:
اميين يارب وامانيكم حبيبتي وانا معاه مهما طالت المده |
رد: صدمه هزت كياني الله يسامحك ياحبيبي
اقتباس:
الله يعوضنا جميعا بالجنه يارب وبالنسبه للفضول الا قولي ملقوفه >>>الله يعينه على لقافتي نورتيني ياعسل |
رد: صدمه هزت كياني الله يسامحك ياحبيبي
اقتباس:
يرحينا ويريحك يارب حبيبتي وانا جنبه مهما صار والله كريم يرزقنا نورتي ياقمر |
رد: صدمه هزت كياني الله يسامحك ياحبيبي
اقتباس:
نورتي حبيبتي أنا قررت ماافاتحه عشان مايتضايق راحته اهم شي عندي الله يرزقنا وكل المحرومين |
رد: صدمه هزت كياني الله يسامحك ياحبيبي
اقتباس:
منوره ياعسل وكلكم على راسي من فوق بس لي طلب عندك >>>مستحيه >> hwaml4 >>>ممكن تغيري لو الخط لان عيوني طلعت وأنا اقرأ ردك >>>عيونها انحولت hwaml48 |
رد: صدمه هزت كياني الله يسامحك ياحبيبي
أنا من رأيي انو زوجك مؤمن وعندو أمل كبير بـ الله إنو راح يشفى ويخلف ويفرحك بأطفال حلوين
لذلك قرر ما يخبر ويتعالج بالخفاء من دون ما يشغل بالك بهالأمور وحتى تحسي انو انتي حملتي طبيعي انتي لا تصارحيه لان هالموضوع صعب على الرجال بالعكس لا تحسسيه انك مهتمه بموضوع الخلفة واصبري واحتسبي الاجر عند الله صدقيني بيجي يوم هو من نفسه راح يخبرك سواء صار حمل او لا هو بيقولك عن كل شي وعن العلاجات الي اخذها زوجك يحبك وخايف على نفسيتك فنصيحة لا تخسريه بقرار متسرع او بكلمة جارحة موفقة والله يرزقكن ذرية صالحة تقر عيونكن بشوفتها |
رد: صدمه هزت كياني الله يسامحك ياحبيبي
غاليتي لا تشيلي هم
أنا اختي زوجها الحيوانات المنويه لزوجها مشوهه بنسبه 99% وسوت تلقيح صناعي والآن انجبت بفضل الله طفل انتي تتكلمي معاه بهدوء واحكيله القصه قولي له وحدة من صديقاتي شجعيه يتكلم وعطيه الأمان بس لاتواجهين بشكل مباشر وعليك بالدعاء والصدقه الله يفرج همك وهمومنا جميع يااارب ويرزقك الذرية الصالحه وكل مشتهي يارب |
رد: صدمه هزت كياني الله يسامحك ياحبيبي
انا معاك انه شي يحز بالخاطر بس احنا يالحريم غيييير قلبنا طيب نشارك بالحلوه والمره بس الرجال وبصراحه شي يمسهم ويمس رجولتهم وكرامتهم يقولوا ستوب
عشان كذا اقول لك طولي بالك واهم شي انه يبحث عن علاج ولا تبيني بموضوع الرساله بنفس الوقت بيني له انك بطلتي علاج او ماتبي تتعالجين لاان الدكتوره تقول مافيني الا العافيه والله يرزقك بالذريه الصالحه |
رد: صدمه هزت كياني الله يسامحك ياحبيبي
الله يسعدكم جميعا يارب اسعدني مروركم
|
رد: صدمه هزت كياني الله يسامحك ياحبيبي
ياحبيبتي لاتنصدمين انتي حاولي انك تفتحين مع الموضوع بس على رواقان
وبسياسه وماشاء الله على زوجك على نيه يعطيك البسبورت مله ذا من حبه لكي يالغلا الله يرزقك ذريه صالحه يارب ياكريم |
رد: صدمه هزت كياني الله يسامحك ياحبيبي
الله يسعدك حبيبتي خلاص قررت اسكت ماراح اتكلم اللين هو يجي يقولي عشان مااحرجه
اسعدني مرورك ياعسل |
رد: صدمه هزت كياني الله يسامحك ياحبيبي
فش اشي على رب العالمين بعيد ونصيحتي ما تفاتحي زوجك وتجرحيه هو بحكيلك لوحده وحاولي توقفي جمبي وتسانديه وتساعديه وتسعديه وتنسيه همه وان شاء الله الله بعطيكم وماتخافي الله رحيم بعباده والخيرة فيما اختاره الله
|
رد: صدمه هزت كياني الله يسامحك ياحبيبي
عزيزتي الرجل ولو عنده مشكله بسيطه خصوصا في أمور الانجاب احس روحه انه ما منه فايده واكبر الموضوع ولو كان جداً بسيط على سبيل زوجي يوم عرفنا انه عنده ضعف في الحركة صادته حاله نفسيه لين درجه وصل انه بطلقين لانه حاس انه ظالمني في موضوع الانجاب وبعدين قال بروح برع نتعالج والموضوع أصلن بسيط يعني الحمدالله في علاج بس اهو اعتبر نفسه عقيم على طول، صدقيني اختي انه الرجل مافيه شي ان شاء الله بس اهو مضخم الموضوع
|
رد: صدمه هزت كياني الله يسامحك ياحبيبي
لا تحقدي عليه والله هو يتالم ومايدري كيف يقولك اذا انتي تحبيه رح تعرفي كيف تخففي عنه ويارب يشفيه ويررزقكم بالذريه الصالحه
|
رد: صدمه هزت كياني الله يسامحك ياحبيبي
الله يسعدكم حبيباتي جزاكم الله على كلامكم الحلو والله خففتوا عليه كثير الله يجعلها في موازيين حسناتكم
اسعدني مروركم جميعا |
رد: صدمه هزت كياني الله يسامحك ياحبيبي
اقتباس:
بكل تأكيد أن مشاعر المرأه تختلف عن مشاعر الرجل !! المرأه من تضحي ومن تؤمن ومن تصبر !! لكن لاتضحكين على نفسك وعليها وتقولين حطيه مكانك !! الرجل يفكر بنفسه أولا وأخيرا وبكل الأحوال ومستحيل راح يضحي نفسها .. الله يرزقك ياارب |
| الساعة الآن 10:46 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .