|
وش الحل مع ذا الرجال؟؟
السلام عليكم ورحمة الله وبركاته
اليوووووووم وااااااااصله حدي hwaml4خلاص ما اقدر اسكت واتحمل زوجي عنده صاحب قسم بالله ما أطيقه منغص علي عيشتي هو مطلق وعايش حياته على السفريات والكلام الفاضي وشي مايرضي الله وانا ابغى زوجي يكرهه لأن الصاحب ساحب واخاف يسحبه للحرام ولما يكلمه زوجي احس قلبي مقبوض وكلامه مثير للشبهات وانا اخاف على زوجي منه الحمدلله زوجي يخاف الله ويصلي لكن اخاف من كثر الدق يفك اللحام وياكثر ماقلتله لاتكلمه انا ما اطيقه يغيب فترة ما يتصل >>> يمكن يكلمه من وراي ما أدري عنه او انه يقوله لاتدق وانا بالبيت - الله العالم- يقول هو اللي يدق انا ما اكلمه , واذا كثرت معاه بالكلام يقول انتي بس تبربرين اسكتي >>>> مايبغاني اقول الحق ولا اتكلم عن صاحبه وش اسوي معاه كيف اخلي زوجي يكرهه للأبد ساااااااااااااااااعدوني بحل يابنات تكفون |
رد: وش الحل مع ذا الرجال؟؟
والله اشي صعب بجد ...
انتي اشغلي زوجك اكتر الوقت بعد ما يروح من الشغل بيتغدى او بيتعشى واشغلي معك ومع اولادك ازا عندكم اولاد ولا تخلي يطلع من البيت وبايام العطل اطلعو مشوار سوا وانشاء الله بيتغير .. |
رد: وش الحل مع ذا الرجال؟؟
مشكورة ياقلبي
المشكله زوجي يغيب عني تقريبا يوم كامل حسب عمله وما ادري وش يصير معاه ومين يكلم او وين يروح لما يكون عندي انا حاطه عيني عليه |
رد: وش الحل مع ذا الرجال؟؟
ياقلبي خليييييك واثقه من نفسك ولانزنين عليه بالعكس كذا يعاند وايش همك اذا زوجك عنده دين واخلاق ويخاف ع سمعته واهم شي يخاف الله مستحيل يسوي الغلط لو ايش ماكان ليش احنا اطفال او مانعرف مصلحة انفسنا طنشي ياقلبي واذا لا سمح الله سواها وش ترتجين منه يعني بيخاف منك انتي ومابيخاف من الله وع عرض بناته حبيبتي ترا الموضوع كبير احنا ماخذين السالفه انه غلطه ومدري ايش هذا موضوع كبير يعني مو واحد بالشارع والا صاحبي قال يالله نروح نسهر ولا ننام مع بنت اعوذ بالله نقول يالله
المساله مو كذا انتي لاتقصري مع زوجك بشي وشيلي الوسواس ياقلبي وخليك واثقه من نفسك وزوجك مو صغير لو حس انه بيوديه مكان او يحرضه ع شي غلط بيقطع علاقته فيه من حاله الا اذا يبغ ويدور ع ذا الشي وما اتوقع الله يغنيه بالحلال عن لاحرام بس لاتقصري بواجباتك وطنشيييييييييييييييييييه لو بنجلس ندقق ع اشياء بسيطه زي كذا راح نسوس ونتعب كذا بتهزين ثقتك في نفسك قدام زوجك طنششششششي ولا كان شي صار كذا بيحس انك واثقه فيه وواثقه من نفسك مووفقه |
رد: وش الحل مع ذا الرجال؟؟
رحيق القلوب مشكورة ياعمري
بس انا وش ضمني ان الشيطان مايلعب بعقله ؟؟ انا مافكرت فيه يسوي اللي يبغاه بس انا وش ذنبي بكره لو جاني منهم مرض ؟؟؟؟؟ مو المفروض اني احافظ على نفسي هو صح كبير ويعرف مصلحته بس انا اخاف على نفسي اذا مافكر فيني انا بفكر بنفسي الرجال مايهمهم شي غير متعتهم |
رد: وش الحل مع ذا الرجال؟؟
حبيبتي احنا وين عايشين باوروبا عشان مسالة الزنا تصير عاديه وشي تافه وعادي
حبيبتي انتي الحين تقولين انو صاحبه وانو عشان يكلم صاحبه خفتي ع زوجك طيب انتي الحين جزمتي انه لاسمح الله ينام مع بنات حبيبتي وربي حرام تظلمين زوجك اللي يلف وعنده حركات تكون مبينه خصوصا انك عايشه معاه مو عند اهلك او بعيده عنه ثانيا انتي يعني شاكه باخلاقيات زوجك وايمانه وخوفه من الله يعني مايصلي مايصوم يشوف افلام اباحيه يكلم بنات لاهي عنك مايحبك ما اردي ماذكرتي شي من هذا وما اتوقع انه يسويها يعني ع اي اساس جزمتي انه نام ونام مع كذا وحده اعوذ بالله عشان يجيب لك المرض شفتي كيف نظرتك بعيييييييييييده بالموضوع هذا ومازمك ومخليك تفكري بشي ماصار اصلا وتضايقي ع نفسك وع زوجك وبيتك حبيبتي استغفري ربك الموضوع ماوصل للشي هذا ولا فيه مؤشر انه ممكن يحدث هذا الشي كلها احسها اوهام والشيطان الله يلعنه شاطر يوسوس لك بزياده وانتي معاه ماشيه ههههه تكملي القصه الله يهديه يارب ويهديك ولا تفكري كذا ياقلبي كذا بتخليه بتفكيريك يسوي ذا الشي لاسمح الله ادعي ربك استغفريه واشغلي نفسك عشان ماتفكري بذا الشي اذا مسكتي ع زوجك دليل او فيه تصرفات واضحه عليه هذاك الساعه فكري بس كذا من دون اي دليل الله يهديك ياقلبي ولاتخلي الشيطان يدخل بينكم عيشي حياتك انبسطي واتركي عنك هذي الافكار ^^ |
رد: وش الحل مع ذا الرجال؟؟
انا اقولك استغفري بنية ان الله يبعده عنه وصدقيني هذا هو الحل والله يوفقك ويجبر بينكم
|
رد: وش الحل مع ذا الرجال؟؟
يعطيكم العافيه على ردودكم
بنااااااااااااااات افهموني الله يخليكم انا ابغى شي يخلي زوجي يكرهه تمااااما قلب المؤمن دليله وانا مو مرتاحه لهالرجال |
رد: وش الحل مع ذا الرجال؟؟
ماتقدرين تخلينة يكرهه
اخاف من زنك يتعلق فيه اكثر انتي كل مااطلع استودعية اللة وخلاص وهو كبير وعارف مصلحتة ولو يبي هالحركات مايستنى صاحبة يقولة تعوذي من الشيطان ولاتخربين حياتك |
رد: وش الحل مع ذا الرجال؟؟
هي زوجها يمشي مع شخص سيء وهي تبغاه يبعد عنه وتبغى حل لهذه المشكله كيف تقدر تخليه يترك صاحب السؤ هذا << هذا قصدها يابنات يعني ماتفكر تفكير سيء أو توسوس ..
و فعلا يا اختي الصاحب ساحب صحيح هو كبير لكن ماتدري ممكن هو مو مفكر انه الشيطان ممكن يقدر عليه عن طريق صاحبه والله كان نفسي القى لك حل بس نصيحه لا تزني عليه ابداً بخصوص صاحبه هذا واستغفري الله كثير والله يفرج لك وادعي له دائما بالهدايه والله لا يخيب دعائك ويصرفه عنه من عنده سبحآنه واستودعيه الله الذي لا تضيع ودائعه |
رد: وش الحل مع ذا الرجال؟؟
حبيبتي الحل بيدك لا تقوليلو مرة تانية يبعد عنو بالشكل دى حيحبو اكثر والله دى من تجربتي
بالعكس انت تعاملي معاه على انو ما همك وقوليلو سامحني حبيبي انا كنت ظلمت ترى الناس بيتكلموا عنو انو شاب اخلاقو كويسة ما شاء الله اولا عشان مش حيخبي عنك حاجة وتعرفي هو بيتمشى معه ولا لاء ثانيا عشن ما يتعلق فيه زي قبل لان الحاجة الممنوعة تكون ممتعة وعشان تكرهيه فيه قولي لزوجك ان وحدة من الجيران بتمدح كتير وعايزة تتزوج بيه بس قولي اني مش حقولك من هي وبعد كيدة اخبريه عن المدح الي مدحتهولك بنت جارتك قولي اشياء كثيرة وجميلة عنه على ان الجارة لي امدحته وانت اعملي نفسك انك على نياتك وبالشكل دى حيغير منو لان الرجال مايحبو يمدح غيرهم وان شاء الله حيكرهوا وتتخلصي منو |
رد: وش الحل مع ذا الرجال؟؟
أولاً تعجبني الحرمه الي مثلك تسبق الأحداث قبل تقع
زوجك ياحبيبتي يبغاله وسوسه مو تقولين صاحبك لا قولي وحده من البنات يعني كانك تعرفيها بالجامعه ولا بجمعة عايله قولي تبكي عندي وانت بعد ابكي غصب نمثل عشان ننجح مع الرجال قولي طلع بزوجها مرض الإيدز وانها ماعلمت اهلها واعدت عيالها وانها تدعي عليه وهو مسكييييييييييييييين متندم بس مايفيد الندم ومن جهه تقولين له بعدها بايام انا صرت اخاف صاحبك به المرض وبيعديك يمكن تاكل من صحنه ولا تشرب بعدها اخآآآآآآآآآف ولا انا واثقه فيك مو رجال رخيص تنام مع بنات ميه وميتين ومن هالاسلوب واضمن لك بيوسوس هالحل عطيته صديقتي تقول زوجي يماشي ناس مسش ولا بد وصدفه جتها افرازات عاديه راحت للدكتور قال عادي المهم جت لزوجها تبكي وتتحسب عليه تبيه يتوب قال الدكتور يقول زوجك ممكن معديكي تحلف بالله انه وسوس وصار بس يبكي يقول ااذكر خنتك بس اصدقاء ممكن اعدواني يمكن احد فيهم مريض اقووووووووووووولك الرجال وسوس حتي بالنظافه اتمني هالحل يجدي معاك يالغلا دعواتك لي |
رد: وش الحل مع ذا الرجال؟؟
الله يطمن بالك رريحك من هلهم موفق باذن الله
تقبلي مروري |
رد: وش الحل مع ذا الرجال؟؟
اختي الله يبعد عنكم كل سوء ويحفظلك زوجك ويبعد عنه اصحاب السوء ... اما عن نصيحتي انا انك تتكلمي عن الناس اللي ما تخاف ربي كيف ما يفكرو بعقاب ربي وكيف يرضو يعملو اشياء محرمة يعني المسلم مش كافيه انو في حياتو الطبيعية مقصر في ايمانه فما بالك اللي بيعملو محرمات كالسرقة والزنا والربى ..يعني تكلمي معاه بكلام خليه يتفكر عقاب ربي ويخاف ويستغفر ربي لو كان الشيطان وسوسلو ... واما عن صاحبه ما ليك الا الدعاء لرب العالمين انه يباعده عنه ويقربله الصحبة الصالحة الطيبة وكوني واثقة انو ربي رح يستجيب لدعاك بس انت ما تقصري ...ما احلى اللجوء الى الله هو اشكيله مشكلتك وادعيه وربي مجيب الدعوات الطيبة طبعا مش تدعي على صاحب زوجك ...والله يوفقك اختي
|
رد: وش الحل مع ذا الرجال؟؟
يالغلا.......ادعيله بكل صلاه ان الله يبعده عن رفقاء السوء
|
رد: وش الحل مع ذا الرجال؟؟
انا ودي اسالك سؤال ...
انتي كيف عرفتي ان صاحب زوجك مش ولا بد هو اللي قالك والا كيف |
رد: وش الحل مع ذا الرجال؟؟
يعطيكم العافيه يا احلى خوااااااااات
عجبتني فكرتك ياقمر بيت ابوها روز باريس .. هو كان يقولي عن صاحبه انه فيه وفيه >> وشكله نسي انه قالي خخخ وانا حاطته براسي من ذاك اليوم وخايفه على زوجي منه ولما انصحه يقولي انا موصغير والمصيبه يدافع عنه لأنه صاحبه من سنين وهذا اللي قاهرني والله اعرف حريم خلوا ازواجهم يكرهون اصحابهم وكانوا الروح بالروح >> بس كيف اسوي مثلهم ما اعرف . ولو سألتهم مابيقولون لي ولو صاحبه اخلاقه طيبه كان ماقلت شي لكن اخاف يخرب لي بيتي , حسبي الله ونعم الوكيل فيه |
رد: وش الحل مع ذا الرجال؟؟
حاولي تشغلينة عنة اذا انشغل خلاص بس تكرهينة فيه مدري
مو شرط ترى ان الاصحاب يكونوا نفس الاخلاق وهو مو صااحبة مرررة انتي بين فترةة وفترة ارمي عليه كم كلمة واذا دق عليه ويبي يطلع معاه طلعيله انتي مشوار وكذا واللة يسخرة لك ياارب ويبعد عنة عيال الحرام |
رد: وش الحل مع ذا الرجال؟؟
من بعدها صار يكلمه وهو برى البيت >>> شو يعني !!!!
يعني كلامي صح وفيه شي |
رد: وش الحل مع ذا الرجال؟؟
[ ريح المسك
; من بعدها صار يكلمه وهو برى البيت >>> شو يعني !!!! يعني كلامي صح وفيه شي يا بنت الحلال هدي البال لا توسوسين يمكن يكلمه برا خايف منك لا تزعلين منه إذا شاكه أرسلي أحد يختبره لك ولا لا ترسلين أشتري جهاز تغير الصوت وأختبريه إذا عطاكي وجهه أحساسك بمحله إذا سكرفتعوذي من إبليس بس عندي قاعده الرجل لو مالقي بنت تخون ربها واهلها معاها ماصار عندنا خيانات يعني البلاء من جنس حواء hwaml4 |
رد: وش الحل مع ذا الرجال؟؟
الله يهدي زوجي ويبعد عنه الحرام
مشكورين يالغوالي اكتفي بالردود لأني مغادره وداعا |
رد: وش الحل مع ذا الرجال؟؟
وعليكم السلام ورحمة الله وبركاته..
اولا ياختي مهما حاولتي ماراح تقدري تقنعي زوجك انه يتركه لانه مثل ماقلتي صاحبه يعني ماراح يتركه بسهوله الا اذا شاف منه شيء يضايقه هو من نفسه بيتركه وبيقطع علاقته فيه..وهو مو صغير حتى ينضحك عليه وبالذات انه يخاف الله يعني بيخلي الله قدام عينه..يعني حطي ببطنك بطيخه صيفي <<< على قولة اخواننا المصريين.. ثانياً ادعي ربك انه يسخر له الرفقاء الصالحين واستودعيه الله كل يوم وابعدي الوساوس عنك ولا تتعبي نفسك ..ولا تنسي الدعاء ثم الدعاء ثم الدعاء وبالذات بسجودك في كل صلاه.. تصدقين مريت بنفس مشكلتك بس صاحب زوجي غير لان زوجته بنفسها تشكي منه وكان يتفرج على افلام اباحيه حتى كان عنده قنوات الله لايبلانا ببيته تخيلي والعياذ بالله وكنت انصح زوجي يتركه بس رفض وياما شكيت مابقيت حد من اهلي ولا من اهله الا وقلت له كنت محتاجه مشورة احد بس للاسف ماستفدت منهم لاني طبقت كل اللي قالو لي عليه ومانفع وبالاخير التجأت لربي وكنت ادعي له كل يوم لحد ماتركه وله الحين اكثر من سنه مايحتك فيه يعني بس كلمتين ورد غطاها يعني ماصار مثل قبل سهرعلى فساد.. وهذا كله من فضل ربي.. وآسفه ع الاطاله ويارب اكون افدتك |
رد: وش الحل مع ذا الرجال؟؟
الله يسهلك ياااارب
شوفي بقولك .. انت كذا يوووم اجلسي مع زوجي وانتوا رااايقين وانتي تضحكين وعااااادي كأنك قريتي ان واحد جاه مرض الادز الله يكفينا وياكم شره وانه ماله علاااج ودفع كل مايملك للعلاج لاكن خلاااص فات الفوووت حاولي تقري عشان يسمع ويحطها في بااااله ولي شي بصير فيما بعد لا سمح الله بيذكر القصه ... يعني زي كذا فكري وشوفي النتيجه الله ييسره لك ويصرف عنه اولاد وبنااات الحرااااام ~ |
رد: وش الحل مع ذا الرجال؟؟
منجد شي يقهر حقير صاحبه الموضوع مبين دام انه مطلق معناته يحب يفرق
ويشغل زوجك عنك عشان يصير التفكك في ناس اف مايخافو الله الله يبقلعه عنه |
رد: وش الحل مع ذا الرجال؟؟
والله ايدك عالجرح اختي نفس المشكلة والله المستعان
|
| الساعة الآن 07:52 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .