|
بكريه معتمده على الله ثم عليكم""""
السلام عليكم
انا جديده في هالمنتدى المفيد بمعنى الكلمه الي استفدت منه كثير انا حابه اعرض مشكلتي متامله خير فيكم انا حامل وبالشهر السابع ولله الحمدوانا حملي كان بعلاج تنشيط بعد اجهاض المهم اني ساكنه مع زوجي في الجبيل وانا مو من الجبيل وانشالله ناويه اولد في مستشفى سعد في مدينة الخبر بس عندي مشكله حيل تاعبتني انا بكريه وماعندي خلفيه عن الولاده او مابعد الولاده مشكلتي اني ماعندي حد فترة الولاده غير زوجي وبس امي في الديره وعندي اخوان ومدارس وماتقدر تجي واخواتي صعب يجون وانا ماعندي احد ابد ام زوجي عندها ام تعبانه مستحيل تسافر وتخليها فاستفساري هل بعد الولاده زوجي كفايه يكون جنبي والا رح احس باحراج منه ؟؟؟؟؟؟ اقصد من ناحية اني والده وحالتي حاله وتعبانه وبيبي هو ماشالله عليه مارح يقصر واسبوع وبنزل الديره عند امي بعد الولاده فهل تتوقعون رح اتورط والا عادي؟؟؟؟ هل بعد الولاده صعب اكون وحدي مع زوجي والا رح اقدر اصبر لين انزل عند امي؟؟؟؟؟ ابغى تجاربكم يابنات تكفون كل صديقاتي يقولولي مهما كان زوجك جنبك تحتاجي وحده تساعدك وترتاحيلها مادري قدرت اوصلكم الفكره والا جالسه احوس عالفاضي ياليت الي تقدر تفيدني لاتبخل علي عسى الله يفرج هم كل مكروب ويرزقها من اوسع ابوابه انتظركم على احر من الجمر تحياتي |
رد: بكريه معتمده على الله ثم عليكم""""
ياقلبي الله يساعدك بس الافضل لو تجيبين شغاله
عشان تشوف وش تحتاجين تسوي لك اشياء دافيه تشربينها لانه اكيد زوجك عنده دوام وهو اكيد ماراح يقصر لما يرجع بس نصيحتي لو تجيبين شغاله الين تروحين عند امك وان شاء الله البنات يفيدونك ونشوف نصايحهم |
رد: بكريه معتمده على الله ثم عليكم""""
الله يجبر خاطرك ياسلوان في هالليل ومشكوره سلوان عالرد توني اقول ماحد عبرني
ايه انشالله بجيب شغاله والله يقدم الي فيه الخير انتظر اراء الباقين انشالله يفيدوني اكثر |
رد: بكريه معتمده على الله ثم عليكم""""
حبيبتي صعب زوجك يقوم بكل شي الرجال مايفهمه في دي الاشياء
ونتي صعب تقومي بنفسك بعد الولادة على طول لازم احد يساعدك الله يسهل عليكي وعليناةياارب |
رد: بكريه معتمده على الله ثم عليكم""""
انا عشان كذا حابه اخذ ارائكم
الرجال وش يفهمه بس ماعندي غيره وبجيب شغاله مشكوره حبيبتي والله اني حزينه على نفسي ماني شايله هم الولاده وألمها قد ماني شايله هم الي بعدها لما ارجع من المستشفى الله المستعان وبس |
رد: بكريه معتمده على الله ثم عليكم""""
حبيبتي اعتبري نفسك طالعه بعثه مع زوجك يعني اعتبري انك بخارج السعوديه ببريطانيا مثلا
مافيه امك ولاامه ولااحد معاك حتى خدامه مافيه .. شو بتسوين ؟ خلاص انتهت الحياه يعني ؟؟!! لاعيوني عادي اخوي وزوجته بكريه وولدت لحالها مسكينه وماعندها احد وحتى اغلب اغراض النفاس ماهي متوفره ,, بس زوجها قام فيهــآآ .. من اللحين علميه على الاكلات والممشروبات حقت النفاس عشان اول اسبوع وبالذات بعد الولاده وانتي بالمشفى يجيبها لـــك ,, توكلــي على الله وزوجك فيه الخير والبركه صحيح ماانكر وجود الام افضل بكثير بس الظروف تمنع ,, الله ييسر لك ولادتك يارب |
رد: بكريه معتمده على الله ثم عليكم""""
يالغاليه كثير من ولدت وهي بعيده عن أهلها وفيه حتى عن ديرتهاا صديقتي ولدت بستراليا وهي بكريه بدون مايكون معها احد غير زوجهاا والحمد الله عدت أمورهاا على خير ..
وبما أنج مضطره تجلسين أسبوع ببيتج بعد الولاده إلين تروحين لهلج .. رتبي كل شي تحتاجينه من الحين مثلاً جهزي لبسج الخاص بالنفاس ولبس البيبي وأغراضكم تكون بغرفه وحده حتى لو أحتجتي تبدلين أو تبدلينه يكون كل شيء قريب منج وسهل الوصول له .. وربي يسهلها لج ويختارلج إلي فيه الخيره ,, |
رد: بكريه معتمده على الله ثم عليكم""""
الله ينور قلبكم يادلوعه وسماسم والله ان كلامكم ريحني وعطاني شوية امل وزاد فيني الثقه
انا اسمع كثير يولدوا بغربه واستغرب بس الحين جا دوري وانشالله نكون انا وزوجي قد هالمسؤليه اتمنى كمان احد يطمني ويشجعني اكثر عشان النفسيه لها اكبر دور وماانحرم من نصايحكم انشالله وكمان حابه اعرف ايش الاحتياطات الي لازم اعملها قبل الولاده تحياتي |
رد: بكريه معتمده على الله ثم عليكم""""
عوافي خيتي
بمااني ماقد ولدت بس بحاول افيدك hwaml7 جهزي شنطة المستشفى من بدري من يوم تدخلين التاسع حطي فيهالبس لك وللبيبي وفوط ووملابس داخليه لك وطرحه تغطين راسك فيهابالمستشفى عشان الهواء وخذي البناطيل القطن الي تنلبس تحت الملابس تجي لتحت الركبه واكتبي له طريقة الحليب ههههه عشان يسويه لك وانتي بالمستشفى اذاكان مايعرف يسويه ولويكون حليب بقرفه يكون احسن لك وكمان علميه طريقة الشوربه وقوليله يحطه لك بترمس قهوه ويجيب لك اكواب عشان يسهل عليك شربها وانتي اذاطلعتي من المستشفى اطلبي منه كل شي تبينه لاتستحين هذا زوجك والافضل جيبي شغاله عشان تساعدك بالبيبي والله يهون ويسهل عليك وعلي وعلى كل حامل يااارب |
رد: بكريه معتمده على الله ثم عليكم""""
الله يعافيك ياقشطه
ويسعدك على هالنصايح الحلوه اقول تبيني اطلع مواهب زوجي كلها بفترة الولاده هههههههههههههه والله مايعرف يعمل ش ماغير يسلق بيض ويغلي الشاي ويالله يضبط لكن من الغد تبدا كورسات الطبخ انشالله تولدي وتقومي بالسلامه |
رد: بكريه معتمده على الله ثم عليكم""""
بسم الله الرحمن الرحيم
عزيزتي.. أكيد تحتاجين مساعد معك بس الظروف تحكم .. ولا تفكرين الله سبحانه وتعالى ان شاء الله يسهلك ... ويعينك.. وخليهة على الله وتوكلي عليه.. |
رد: بكريه معتمده على الله ثم عليكم""""
هلابغداديه
ايه والله انا الي مصبرني اني بس متوكله على ربي هو الي رح اعتمد عليه وانشالله تتسير ربك مافي اكرم والطف منه بعباده لا الاه الا انت سبحانك اني كنت من الظااالمين |
رد: بكريه معتمده على الله ثم عليكم""""
السلاااام عليييكم حياتي
والله يقومج بالسلامه نصيحت اخت اذامج بكريه وماعندج خلفيه واذا الضروف تساعد زوجج انج تروحين لبيت امج بالديره روحي لان عنايتهاااا بتكووون غيييييييييييير وبدايت التاسع ابتدي تسنعين مكانج فبيت اهلج يالغاليه واشتري كل اغراضج اللي تبين واذا ضامنه ان الشغاله راح تجي قبل ولادتج ويمدي تعلمينهاااا بكل شي واشلووون تسوي لج الشوربه مالت النفاس والادويه وشلون تزهب لج الحمام الدافي وتوفر لج اغراضج خلااااص قضي النفاس ابيتج وهذا على حسب ضروفج بس اذا توفر لج الاقتراح الاول لاتترددينن لان مافي احن من الام على بنوتتهااا وعندها خبره بهالشي فديت امي وكل ام بالدوووونياااا والله يقوووومج بالسلااامه ويسهل عليج |
رد: بكريه معتمده على الله ثم عليكم""""
ام الدلال حبيبتي والله معاكي حق بكل كلمه
انا ضروف زوجي تسمح انزل عند امي عادي بس الديره مافيها مستشفيات ولاده زينه كل يوم اسمع بوحده ولدت وشالولها الرحم الله لايبلانا تعرفين مستشفيات الحكومه بلاوي تصير وزوجي يقول دام عندي تامين يولدك باغلى مستشفى ليش نوفره اهم شي وقت الولاده وسلامتك وسلامة البيبي فانا من هالمبدا بس ولا اخفيك سر انا بودي اخذ ابرة الظهر في بالي اذا تازم الامر وكذا وفي الديره مافي مستشفى تعطيك فهمتيني؟؟؟ مو بس كذا امي فديتها خواااااااافه حيييييييل من شي اسمه ولاده عندها خوف مو طبيعي اذكر اختي يوم جت بتولد عااساس مابتعلم الوالده بس زوجها الله يهديه راح واتصل وعلمها والله العضيم من كثر البكى والخوف كل من في المستشىفى يقول ويسال من مات عليها من كثر ماشافوا حالتها فلذلك انا ماابيها تجي وتحضر ولادتي رح تنجن وعندها سكر وضغط الله يعافيها ويطول بعمرها الغاليه |
رد: بكريه معتمده على الله ثم عليكم""""
ياااااحيااااتي انتي لمااااا تولدي بالمستشفى وتطلعين على بيت اهلج موووو تولدين بالديره عرفتي بعد الولاده ع طووول لامج
هذا كان رائيي لان انتي بالمستشفى مو محتاجا للوالده الله يخليها لج لان النيرس والرعايه تكووون زينه والله يهون عليج حوبي |
رد: بكريه معتمده على الله ثم عليكم""""
حبيبتي اذا تحسي ان زوجك فيه يساعدك ويتحمل المسؤوليه معاك لمدة اسبوع فلا تحاتي بالعكس الفتره هذي راح اتقربكم من بعض اكثر وهو كله اسبوع ....انا امي ياقلبي ولدت بامريكا وبتوأم وعمليه وكانت حالتها صعبه وما كان معاهاااا الا البابا فديته وما قصر معاها كان يغير لاخواني ويهتم فيني ... صحيح كانت صعبه بس عدت .... فلا تشيلي هم يقلبي وربي بيسر امرك *
|
رد: بكريه معتمده على الله ثم عليكم""""
ام الدلال توني فهمت انا بودي انزل بعد الولاده علطول بس مسافة الطياره للديره ساعتين الا ربع وانا لسى والده فانا احسه صعب تتوقعين رح اتحمل انزل لان يمديني بس اخاف من التعب وبرد الطياره وتعرفين النزيف وكذا قلت ارتاح اسبوع وبعدين انزل ويمكن اقل من اسبوع متى ماحسيت نفسي احسن رح انزل انشالله
|
رد: بكريه معتمده على الله ثم عليكم""""
غرام ياقلبي الي يسلمك عاهالرد ويخليلك ابوك وامك ويخليهم لبعض يازين هالذكريات الحلوه تظل طول العمر ماتنسى
دعواتكم |
رد: بكريه معتمده على الله ثم عليكم""""
الله يهوووون عليج وييسر لج اموووورج يارب العالمييييييييييييييييييييييييييييييين
|
رد: بكريه معتمده على الله ثم عليكم""""
وه ي عمري ياليت بمكه وعندي وجارتي كمااان كان ماخليتك لوحدك رغم انا كمان زيك ف السابع ههههههه ربي يسهل علينا ي رب
حبيبتي لا تنسي انو الله معاكي وربي يساعدك مافيها شي طلعي مواهبه وربي يعين ويساعد |
رد: بكريه معتمده على الله ثم عليكم""""
أنا حالي مثل حالك
عادي ..حاولي تخلي زوجك يقوم معاك بمسؤولية البيبي أهم شي يكون البيت قبل ولادتك مرتب ونظيف ومن جهة الأكل والشرب ..أنا قبل ولادتي ..وفي أواخر التاسع ..جبت 10 حبات دجاج مقطع أنصاف وسلقت نصفه وبردته وحطيت كل نصف مع القليل من المرق في كيس في الفريزر وكل ماحتجت أسخنها وأحيانا أزيدها خضار أو شوفان والنصف الباقي تبلته وحطيته بقصدير وفي الفريزر وكل ما احتجت أطلع وأحطها في الفرن مع اضافة الخضار عليها واللحم نفس الطريقة .. السلطات ..ماكنت أسوي سلطة كنت أحاول آكل الخضار مقطعة وخس وبندورة وخيار وجزر والفاكهة ..(التقطيع يبغاله وقت وتعب علي في الأول) بالنسبة للمشروبات الدافئة سوي ثلاجة أعشاب الصباح ..والعصر أو المغرب أسوي ثلاجة ثانية بالنسبة للمواعين الصواني جبت صواني قصدير للفرن للإستعمال مرة واحدة وصحون وكاسات ورق ..يعني المواعين قليلة مرة والبيبي مشترك بيني وبين أبوه.. الغسيل يومي (ماتقدري تخلي ملابسك وملابس البيبي أكثر لأنها تعفن)كنت يوميا أحطه في الغسالة وهي تغسل ..وأنا عليي النشر ومرات زوجي ينشرها وإذا جاني أحد من الأهل ولا الجارات ساعدوني بالباقي ربي يقومك بالسلامة حبيت أطرح لك طريقتي في نفاسي وأنا لوحدي وعلى الله تيسير الأمور |
رد: بكريه معتمده على الله ثم عليكم""""
الله يسعدك ياحرم سلطان ياقلبي تسلميلي والله وماتقصرين
ايه والله الله يستر علينا ونولد ونقوم بالسلامه انشالله ونشوف النونو باتم صحه وننسى كل ذا التفكير والتعب |
رد: بكريه معتمده على الله ثم عليكم""""
مساء الخير انا عارفة انها عفسه لأني ولدت في بيتي وانا بكر بس الحمدالله كنت مرتاحه بقوه المهم طبعا لاتعفسين نفسك بما انك راح تروحي بعد اسبوع عند اهلك لاتصلحي ولاشي في بيتك نظفي من والى شطبي تنظيف لأنك نفس وضعي بالظبط بعد اسبوعين رحت عند اهلي والله العظيم ما انحست ولاشي غلطتي اني ماجبت شغاله فبما انك راح تجيبي هذا احسن شي راح يصير صلحي كشنه كرتون واحد طماط وكيس بصل كامل واذا تحبي تحطي عليه ثوم براحتك بس لاتملحيها قسميها في اكياس ورصيها في الفريرزر هوه اكثر شي الغداء يحتاج كشنه كنت افطر وحدي في الليل يطبخ لي تمر والصباح يحطها على الفرن في جهاز العصيده ويحط عليها شوي دقيق وقرفه مطحونه ويشغلها على بال يلبس ويصلح ثلاجه قرفه بدون سكر يحط 2م قرفه مطحونه في الثلاجه ويصب عليها مويه مغليه ويسكرها ويحط عصيدة التمر في حافظه ويصب عليها سمن ويحطها على الطاوله ويروح طبعا يروح دوامه 7ونص وانا اصحى 9 من بكى البيبي فديتها طبعا اروح دوره المياة الله يكرم القارئ واغير حفوظة البيبي وارضعها وافطر وانام اهم شي انسدحي لاتجلسي التلفزيون نقلته غرفتي علشان ما أمل لأن ما فيه هذيك الزيارات اللي تخليك تنبسطي مازارني هذيك الفتره الا امه مره وحده لأنها بعيده شوي عني الزبده انام لحدة يجي يجيب على 1الا ربع ويحط الكشنه والبهارات والدجاج في القدر ويحطها على النار طبعا مانغسل مواعين الا آخر الليل نجمعها ونحطها في الغساله حقت المواعين ونشغلها لحدة تنطفي المهم اقوم اغير واتشطف بمويه وملح احط كريم ميبو اهم حاجه بما انك بكر اهتمي بنفسك علشان الالألتهابات كل ساعه تقريباًاذا كنتي طبيعي غيري وحطي كريم ميبو نهائياًلاتستخدمي شي غيره نصيحه المطهر حق بيتادين امسحي فيه المنطقه وجففيها وادهني والبسي فوطه جديده طبعا الماء والملح مرتين بالأسبوع المهم طبعا يخلص الغداء ونتغدى وننام انا ما اراح علشان ايلي كل شوي تصحى لأن كنت ارضعها طبيعي احيان كثيره يجيب عشا من برا بس اهم شي ثلاجة القرفه على طول جنبك وخلي الشغاله تصلحها عادي مايبغى لها سالفه 2م في الثلاجه ومويه مغليه شوفي انتي بتقولي انها مابيكون فيها طعم على حسب ثلاجتك وبودك تغليها بس على بال ما ترضعي وتغيري الحفوظات كل شوي اول تشربي تشوفيها كيف ثقلت بس انا على كذا ارتحت والله حتى بطني اختفى وجسمي انشد لأنك عند اهلك كل تضطري تاكلي بس في بيتك خذي ذي الأشياء المفيده عصيدة تمر الصباح بسمن علشان الأمساك وبعد على الغدى خلي يبقي مرق كنت اشرب مرق بالهبل وربي كنت صدق مرتاحه القرفه القشر على طول عايشه طبيعي بعدي عن المكيف اهم شي هذا اللي اتذكر كنت اسويه وكنت على النت اكثر شي بعد يعني طول وقتي التلفزيون والنت الحدالله مرة كأنه لمح البصر من حلاوتها حتى زوجك يحس بجد بالمسئوليه ماكنت المس شي أخلي كل شي هوه يسويه والحمدالله اتمنى اني افدتك ومالجيتك بطول السالفه
|
رد: بكريه معتمده على الله ثم عليكم""""
الله يعينك خيتو ويقومك بالسلامة ياليتك بجدة وجارتي كان ساعدتك وأحتسبت الأجر لاتشيلي هم الأسبوع بتمر ولا شىء بس توكلي على الله وجيبي خدامة علميها على كل شىء من قبل الولادة بشهر وجهزي من الحين شنطة المستشفى والأدوية والتمرة بالسمن البلدي والسويق إذا تعرفيه وااو على طعمه ومفيد جداً للنفاس مع حبة البركة طول الأربعين تأكلين منه على الفطور وحليب في ترمس مع 5-6 حبات حلبة .
والغداء مرقة أو شوربة باللحم معاه ملعقة ماش مطحون عشان الظهروشوي فلفل أسود مع صحن سلطة. فترة العصر ترمس قشر قهوة مع قرفة وزنجبيل. العشاء عريكة أو فتة أو سلطة مع عصير برتقال . وأبعدي عن البرد وشرب البارد والغازيات وألبسي طرحة وأستحمي وانتِ جالسة . دعواتكِ يا خيتووو بثبات حملي . |
رد: بكريه معتمده على الله ثم عليكم""""
حبيباتي والله نسمة دفا واميره الغامدي ونكهة القهوه الله يسعد قلوبكم و يزيح همكم انتوا واللي قبلكم ردوا علي
بصراحه توقعت استفيد منكم بس مو لها الدرجه عن جد ماتتخيلوا كيف استفدت منكم ومن نصايحكم الله يثبت حملك يانكهة اقهوه ويقومك بالسلامه ويرزقك حسن الخلق وهون الطلق وكل حامل انشالله |
| الساعة الآن 03:53 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .