|
مستشفى السعودي البريطاني
السلام عليكم للجميع حابة اسال اللي عنده معرفة عن مستشفى السعودي البريطاني للنساء والولادة بالرياض كيف الولادة فيها وكيف العناية بالبي بي واذا حدا بينصح فيها او لا واي افضل بالولادة والاطباء السعودي البريطاني او التخصصي الطبي ؟؟ مشكورين كتير |
رد: مستشفى السعودي البريطاني
هلا بك , ان شاءالله اهل الرياض يفيدوكي , مودتي لك
|
رد: مستشفى السعودي البريطاني
ما أعرفها إن شاء الله بنات الرياض يفيدوك
رفـــــــــــــــــــــع |
رد: مستشفى السعودي البريطاني
مرة اخوي ولدت فيه الى حد مااا حلوو صح شكل فخم لكت مادري عن الاجهزه الطبيه الى عرفت ومن اخوي لانه دكتور قال افضل المستشفيات الى الان ومتوفر فيه افضل الاجهزه للحضانه وللولادات هو الحبيب والتخصصي
|
رد: مستشفى السعودي البريطاني
والد فيه زوجه حماي قبل شهرين تقول عادي مافي تميز عن المستشفيات الثانيه اختي لاتغرك فخامه المبنى اهم شي السلامه والاهتمام والعافيه
افضل مسشتفى في الرياض على ماسمعت مسشتفى رعايه الرياض في موقع لهم في النت الولاده بـ 3700 تقدرين تختارين الدكتورة وكل دكتورة في الموقع موجوده صورتها وشهاداتها والخيار لك والتساهيل بيد الله ان شاء الله تولدن بالسلامه دعواتك لنا |
رد: مستشفى السعودي البريطاني
الافضل الحبيب بصراحه
اجهزة متقدمة جدا وفريق طبي ممتاز ماشاء الله , جربتهم بعملية وتنويم مافي افضل من كذا اهتمام وتعقيم ورعاية وفهم وعندهم دكتورات معروفات استشاريات كبار اذا حابة تولدي بالبريطاني هو مستشفى فندقي فخم وفيه دكتورة اسمها كورانا (هندية) ممتازة وولدتني قبل 6 سنوات ببنتي كانت في الحمادي هالدكتورة..وهي شاطرة وتفهم وروعه وماتستعجل عليكي وتفهمك بالتفصيل اللي تبغيه ودراستها اوروبية ومشهورة ههذا اذا حابة البريطاني انصحك فيها غير كذا الحبيب برأيي الشخصي الافضل او مستشفى دله يمدحوها بس عيبها الزحمة , وعندك المملكة عندهم دكتورة فاطمة عسيري مشهورة وممتازة والمستشفى ممتازة |
رد: مستشفى السعودي البريطاني
مرحبتين
انا اتابع في البريطاني عند كورانا احسها طيوبه وبشوشه بس خايفه لان قريت بالنت انها تستعجل بالعمليه وماتعطي فرصه ماادري اذا صدق او لا انا من قريب بديت اتابع معها مرتين رحت لها واحسها طيوبه وتطمن الله يسهل ولادتنا وييسرها ويكون بعوننا يارب* |
رد: مستشفى السعودي البريطاني
ان شاء الله تولدي وتقومي بالسلامة ,,,,, انا والدة في البريطاني وما انصحك فيه ابدا ابدا,,,,,,, روحي الحبيب اللي بالريان الكل يمدح فيه .. وان شاء الله بتدعين لي
|
رد: مستشفى السعودي البريطاني
ربي يتمم لك بالسلامة ما انصحك بالسعودي البريطاني مستوى العناية والاهتمام جدا سيء ولدت فيها قبل شهرين
|
رد: مستشفى السعودي البريطاني
لييييييه وش صار
خوفتوني يابنات ليه مايهتمون بالوالده ولا شووو انا رحت لهم وقالو لي الخدمات اللي يسوونها وتحمست بس كلامكم خوفني بالله اشرحوو لي ليه وش اللي مو زين عندهم |
رد: مستشفى السعودي البريطاني
بسم الله احكيلكم معاناتي في هذا المستشفى السيء جداً السعودي البريطاني أنا كنت حامل وأراجع عند الدكتورة كورانا الهندية الى الشهر السادس وجائتني ولادة مبكرة ورحت لهم وشفت هذه الدكتورة في الرسبشن قلت كويس دكتورتي موجودة نادوها تكشف علي في الطواري ورفضت تجي تكشف علي مع أني من مريضاتها واتابع معها من اول شهر وكشفت علي دكتورة الطواري وقالت الرحم مفتوح 5 سم فقالت لازم تحويل على مستشفى حكومي لان المستشفى البريطاني غير مجهز لايوجد فيه بنك دم ولا حضانه للأطفال الخدج ولا اجهزة جديدة للولادة ومرمطوني حتى إسعاف ماعندهم تخيلو مطلعيني من المستشفى بدون إسعاف في سيارتي الخاصة والرحم مفتوح يعني لو أولد في السيارة بعد هذه التجربة مااتوقع احد مستغني عن عمرة عشان يروح لهذا المستشفى السيء * |
رد: مستشفى السعودي البريطاني
صدوف الحمد لله ربي ستر عليك والله لايحوجنا لهم ويغنينا عنهم بالعافيه انا الحين متردده مدري وين اتابع وين اروح تايهه
|
رد: مستشفى السعودي البريطاني
صدوف هالسالفه من قريب صارت لك ولا كم لك؟؟
انا بصراحه اتابع عند كورانا ماشفت منها الا كل خير طيوبه وحبوبه واسألها وتعلمني كل شي وسألت العلاقات العامه بالمستشفى عن الحضانه واذا صار شي للنونو قالت انو عندهم عنايه مركزه ومجهزه للصغار يمكن زمان ماكانو مجهزينها مررره الحين عندهم تجهيزات ماادري بصراحه انا اشوف شي واقرا من النت شي ثاني الله يكتب اللي فيه الخير ويرزقنا ولاده سهله ميسره من غير مضاعفات ومن غير بأس ويجعل اطفالنا بصحه وعافيه تامين الخلقه من غير زياده ولا نقصان |
رد: مستشفى السعودي البريطاني
أنا أشوف الكل يمدح فيه ، حضانتهم
والاهتمام بالمولود والحضانة والنظافه واذا ع المتابعه ما ادري بس فيه بعد الي تتابعين عندهم في المستوصفات تطلع معك تولدك في البريطاني مثل مستوصف سيماي د. منى سر الختم تطلع تولد ويمدحون خياطها وشغلها متابعه بالمستوصف والتوايد بالبريطاني هذا من تجارب معارفي |
رد: مستشفى السعودي البريطاني
انا اراجع حاليا عند شيرين ومبين انها طيبه وحبوبه وفاهمه والله يسهل
|
رد: مستشفى السعودي البريطاني
بصراحه اانا ولدت فيه ومرتاحه من تعاملهم ونظافتهم وخدمتهم واللحين اتابع بالبيبي الثاني والولادده عندهم ان شالله مستشفى هادي وراقي وعلى المواعيد ومافي زحمه دكتورتي رضا الشيخ وولدتني وحده هنديه وكانت خياطتها روعه ماحسيت بااي فرق الحمد لله
|
رد: مستشفى السعودي البريطاني
الحمدلله المستسفى مرة زين أنا متابعة عندهم عند الدكتورة الروسية
مرة اخلاق. أنا ان شاء الله اولد عندهم اصلا المستشفى ما ينفتح الا وهو متوفر كل اجهزة الطوارئ وهو مختص بالولادة. اكيد بجهزونه من إلى ولا الوزارة قفلته من زمات المستشفى زي اي مستشفى ثاني بس هذاا. مبناهم. فخم. |
رد: مستشفى السعودي البريطاني
يا خواتي ياريت اللي ولدت فيه تخبرنا عن اسم الدكتورة وشو صار
|
رد: مستشفى السعودي البريطاني
انا اتابع فيه بس ماعندي كتوره محددده
جربت كورانا ماعجبتني ، جربت الدكتور محمد رمضان وفي دكتوره سوريه نفس الشي ماعجبوني اخر شي شفت رضا شكلها كويسه مادري وانا مثلك محتاره مابين التخصصي والبريطاني |
| الساعة الآن 01:02 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .