|
محتآره أولد بالحبيب وإلآ الوفآء وإلآ الفريح سسسآعدوني يالقصيميآت
السلام عليكم
كيف الحآل ..~ بنــآت تكفون سآعدوني أنآ بكريه ومحتآرهـ وين أولد الحبيب أو الوفآء أو الفريح إذا وحدهـ ولدت في هالمستشفيـآت تقول تجربتهـآ ووش تنصحني فيهـ ..؟! |
رد: محتآره أولد بالحبيب وإلآ الوفآء وإلآ الفريح سسسآعدوني يالقصيميآت
انا ولدت بالفريح مرتين وهالمره جبت بالحبيب قبل اسبوعين لاني كنت واصله والحبيب اقرب شي لنا بغيت اولد بالسيارة المهم اقول لك الفريح احسن وفررررق وربي شاهد راحة نفسية ودلع الحبيب رسميين بقوة حسيت اني بالولادة بس بغرفة خاصة وعندي واسطه
الفريح الى التحميم يحمموني ودايم الممرضات عندي ومهتمين فيني واول مااولد يجيني حليب حلبة حااار واذا كتبو لي خروج كل العلاجات مجانية فيتامينات وحديد ومضاد ومسكن هذولا كاتبينهم بورقة وقالو جيبوهم من الصيدلية ولا كتبو لي لافيتامين ولاحديد ولاشي هذا وانا دافعة فوق العشرة لانهم حطو ولدي بالعناية كم يوم لا ويوم اجيهم واااصلة ادفع وانا تحت خلاص المفروض يفتحون موية الراس ويولدني تحت على طول مايمدي البزر اختنق وهن الله يسامحهن يقلن اصبري اصبري يبون لين يرقوني فوق لكشك الولادة والدكتوره اللبنانية تقول يااختي الله يسترك الله يسترك ماتبيني اصارخ وانا غصب علي البزر قاعد يدفع واخرتها ولدي صار عنده نقص اكسجين الله يشفيه عاد الله العالم هذا السبب والا لا مابي اظلمهم بس استشاري مستشفى الولادة يقول نقص اكسجين من الولادة والحبيب يقولون لا مهو من الولادة ماندري وش السبب قلت لك قصة حياتي معليش بس ياختي انا قلت لك كل شي بالتفصيل وانتي اختاري اللي يريحك قرري واستخيري ياليت تدعون لولدي ان ربي يشفيه شفاء تاما ومايأثر عليه نقص الاكسجين ياارررب |
رد: محتآره أولد بالحبيب وإلآ الوفآء وإلآ الفريح سسسآعدوني يالقصيميآت
ياحياتي الله يسسسعدك ويقوم لك ولدك بالسلآمه وتفرح عينك بشوفته سليم معافى
بس يقولون الفريح قديم .. ومين افضل دكتوره هناك؟ |
رد: محتآره أولد بالحبيب وإلآ الوفآء وإلآ الفريح سسسآعدوني يالقصيميآت
انا ولدت بالوفا يجنن اهتمام ونظافه وراحه نفسيه اصارخ على كيفي وبكل النغمات بعد خخخخ لانه نسائي ماتخافين يسمعك رجال
غير انه الدكتورات شاطرات حيل عندك حوريه وثمينه وعلا هذولي ماشاءالله تبارك الله ايدهم خفيفه ونفسيتهم حلوه انا ولدت عندهم الساعه 12 بالليل وطلعوني لغرفتي الساعه 3 ماجت الساعه 6 الصبح الا كل الاستشاريات عندي ويسولفون ويضحكون وكشفو علي وقعدو يطمنوني انصحك فيه صراحه * |
رد: محتآره أولد بالحبيب وإلآ الوفآء وإلآ الفريح سسسآعدوني يالقصيميآت
الحبيب انا ولدت فيه من 3شهور
قمه في كل شي انصحك فيييييييييييييييييييييييييييييييييييييييييييييييه |
رد: محتآره أولد بالحبيب وإلآ الوفآء وإلآ الفريح سسسآعدوني يالقصيميآت
وانصحك بادكتوره انصاااف سودانيه
|
رد: محتآره أولد بالحبيب وإلآ الوفآء وإلآ الفريح سسسآعدوني يالقصيميآت
والله وحده اعرفها ولدت بالوفاء تقول مره مو زين
اما الحبيب كل الوقت الممرضات عندك والنظافه كل شوي والدكتوره رايحه والدكتوره جايه غلطانه لو تولدين بالوفاء |
رد: محتآره أولد بالحبيب وإلآ الوفآء وإلآ الفريح سسسآعدوني يالقصيميآت
ان شاء الله بنات السعودية يفيدوك بالموضوع |
رد: محتآره أولد بالحبيب وإلآ الوفآء وإلآ الفريح سسسآعدوني يالقصيميآت
احترت .. :(
|
رد: محتآره أولد بالحبيب وإلآ الوفآء وإلآ الفريح سسسآعدوني يالقصيميآت
استخيري على اللي اكثر شي راغبه فيه وربي يسهل عليك وتفرحين بمولودك
بنات كم تكاليف الولاده تقريبا بكل الثلاثه |
رد: محتآره أولد بالحبيب وإلآ الوفآء وإلآ الفريح سسسآعدوني يالقصيميآت
انا رحت للفريح شي مرعب ما انصحك فيه الطبيعي فيه 3000 والقيصريه ما اذكر
وصليت استخاره ورحت للوفاء انا مرتاحه للمستشفى لكن مرتين اروح له ولا استفيد المره الاولى رحت بس استفسر المره الثانيه على اني بفتح ملف وادخل على الدكتوره لما جيت لقيت الارقام مخلصه اوقات اقول يمكن خيره بس انا مرتاحه للمستشفى لان صديقتي ولدت فيه ومدحته لي والطبيعي عندهم 4000 والقيصريه اتوقع 7000 او 6000 الحبيب زوجي رافض يقول احس ماعندهم سنع بس شكل والوفاء اقرب لك وش رايكن ..؟! |
رد: محتآره أولد بالحبيب وإلآ الوفآء وإلآ الفريح سسسآعدوني يالقصيميآت
والله انا ان شاءالله بولد بالوفاء وانا من النوع اللي موكله امري لله لان مااطبق اللي صارت له مشكله علي لان مثلاً يمكن الدكتوره والطاقم اللي ولدت عنده اي وحده وصارت له مشكله معهم ماااراح اظلم المستشفى كله والدكاتره كلهم لاني جربت وحده اسب المستشفى كله لالاني اسمع اللحين دكتورات مره ممتازات سواء في الحبيب او الوفاء والله يتمم على كل المسلمات وتهون علينا يااارب وتيسر امورنا وترزق جميع المسلماات
|
رد: محتآره أولد بالحبيب وإلآ الوفآء وإلآ الفريح سسسآعدوني يالقصيميآت
الفريح ولدت فيه اختي وانفكت الخياطه وراحت يخيطونها ثانيه
مره تسبهم تقول اذا صارخت بدن يهاوشن الفلبينيات والله يكتبلك اللي فيه الخييييييييييير |
رد: محتآره أولد بالحبيب وإلآ الوفآء وإلآ الفريح سسسآعدوني يالقصيميآت
^^
ليش يصارخن ياملا اللي مانيب قايله دافعه فلوس بعد ويصارخون علي ياحبيل الوفا يوم اني اطلق خامتن سستر مصريه وتفرك ظهري وتقرا علي وانا اردد وراها لانك بوقتها استغفر الله ماتذكرين الا الصراخ يارب تاجرنا ومفحطه نصيحه الوفا لاتروحين له كذا على وجهك احجزي موعد قبله بكم يوم افضل لك لانه زحمه مرره ونادر ماتلحقين على رقم انتظار وانا باذن الله بولد فيها انا بالاسبوع ال 12 يعني حولك يمكن نولد مع بعض ههههه |
رد: محتآره أولد بالحبيب وإلآ الوفآء وإلآ الفريح سسسآعدوني يالقصيميآت
والله وحد ه اعرفها تقول الي بولد عندها مارضيت تجي والي ولدني الممرضات وقوت الخياطه جات
انتي روحي لدكتوره انصاف وشوفي والله ترتاحين لها خبره 25سنه ودارسه ببريطانيا وانا وقت ولادي كانت برا دقو عليها والله ربع ساعه وهي عندي |
رد: محتآره أولد بالحبيب وإلآ الوفآء وإلآ الفريح سسسآعدوني يالقصيميآت
انا اتابع بالوفا
دخلت الثامن ناويه اولد عندهم باذن الله بس مادري احد جرب ابرة الظههر عندهم مررره ناويه اخذها |
| الساعة الآن 06:54 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .