|
عملت منظار رحمي داخلي
السلام عليكم ورحمة الله وبركاته
كيفكم يا خواتس الغااااالياااات اليوم كان موعدي الساعة 7 ونص صباحا مشان اعمل منظار رحمي داخلي غير جراحي وعملته هو طريقته انه بستلقي على سرير بيشبه اسرة الولادة وبتكون كعب الرجل على حامل خاص بيها وبيكون السرير مستوي بعدين الدكتور بيدخل جهاز فتح المهبل اللي بيستخدم في الكشف النسائي العادي مشان يوسع فتحة المهبل وبعدها بيدخل جهاز المنظار من تحت وهو تقريبا طوله وعرضه بيشبه الانتل تبع الراديو تبع الارسال يارب تكونوا فهمتو بعدين بيكشف من جوا بواسطة تلفزيون بيتفرج على يلي بصورو المنظار وبشوف العملية كلها ما بتستغرق 5 دقايق بس بصراحة ما شفت التلفزيون من الالم هو الالم مش شديد بس بيوجع شوية والحمد لله الحمد لله الحمد لله ما في مشاكل وما في لحمية وبداية الانابيب مفتوحة كنت خايفة كتير قبل العملية بس الحمد لله ما بتخوف ومش صعبة وما بتوجع كتير يلا ربنا يرزقنا الذرية الصالحة يارب |
رد: عملت منظار رحمي داخلي
حبيبتي الحمد لله على سلامتك والله يرزقك بالذريه عاجلا غير اجل
|
رد: عملت منظار رحمي داخلي
الف حمدالله على السلامه حبيبتي وربي يفرح قلبك بالحمل والذريه المعافاه
سؤالي هو مااعطاكي بنج او مخدر او مسكن وكمان ليش مو من فوق السره عملك اياه ؟ |
رد: عملت منظار رحمي داخلي
الحمد لله على سلامتك
ربنا هب لنا من الصالحين امين |
رد: عملت منظار رحمي داخلي
ربي يسعدك ويرزقك والحمدلله على النتيجه
انا المفروض عندي هالشهر مثلها بس مارحت أجلتها للشهر الجاي ومرة متخوفة منها بس ان شاءالله اتشجع مثلك واروح |
رد: عملت منظار رحمي داخلي
حبيبتي همسات الله يسلم قلبك تسلميلي يارب
|
رد: عملت منظار رحمي داخلي
حبيبتي الله يسلمك يارب والله يسمع دعاك يارب
لا حبيبتي ما في بنج ولا مسكن هي متل ابرة الزيت ما فيها مسكن مو من فوق السرة لانه هاد المنظار تشخيصي ولو طلع في شي لا سمح الله بيعملوا المنظار الجراحي اللي هو من فوق السرة الله يرزقنا الذرية يارب |
رد: عملت منظار رحمي داخلي
حبيبتي جوهر الله يسلمك يا عمري
تسلمي والله يسمع دعاك وما يحرمنا وجع الطلق يارب |
رد: عملت منظار رحمي داخلي
حبيبتي وسناء اذا منظارك مثل هاذا اللي عملته توكلي على الله وسويه لا تخافي ما في اي شي
تشجعي واعملي كل اللي عليكي وادعي ربنا يسر امورك ويرزقك |
رد: عملت منظار رحمي داخلي
الحمد لله على سلامتك حبيبتي انتي لاي سبب عملتي هذا المنظار و هل هو كافي لاكتشاف اي التصاقات او اي شيء غير طبيعي في الانابيب ؟
|
رد: عملت منظار رحمي داخلي
حبيبتي عملت المنظار كنوع من الاستكشاف وهو يشبه في وظيفته إلى حدكبير ابرة الزيت لكن اخف ووقت اقصر من ابرة الزيت
يبين اي التصاقات في الرحم او بطانة الرحم سميكة او وجود لحمية في الرحم تمنع الحمل أو وجود اي التصاقات في بداية الانابيب فقط لا يستطيع التعمق إلى نهاية الانبوب |
رد: عملت منظار رحمي داخلي
الف سلامه عليك
والله يكتب لك الذريه الصالحه عاجل غير اجل |
رد: عملت منظار رحمي داخلي
اجمل المشاعر حبيبتي ربي يسمع منك ويزرقنا ويرزقك الذرية يارب يا ارحم الراحمين ارزقنا الذرية الصالحة
|
رد: عملت منظار رحمي داخلي
الحمد الله على سلامتك
انا الدكتور قاللي اذا ما حملت هالشهر ولا الشهر الجاي بده يعملي اشعة الصبغه على طول انا عملتا من قبل مرتين واخر مره من 6 سنين كانت .. وخايفه كتير منا لانا بتوجع كتير .. بدي قلله اذا بيمشي الحال بالمنظار بس |
رد: عملت منظار رحمي داخلي
الف الحمدالله على سلامتك حبيبتي الله نشاالله يرزقك الذريه الصالحه يارب
|
رد: عملت منظار رحمي داخلي
بنت صيدا الله يفرج همك يارب وتحملي وما تحتاجي لا منظار ولا ابرة زيت يارب
|
رد: عملت منظار رحمي داخلي
رحمة الرحمان هالدعوة على طول ادعيها يارب تتحقق يارب
|
رد: عملت منظار رحمي داخلي
مادام ماعندك شي يخوف
إن شاءالله ربي يرزقك بالذرية الصالحة عاجلاغيرأجل وتبشرينا |
| الساعة الآن 04:28 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .