|
كيف اخلي زوجي يمشيني بدون مااقوله
السلام عليكم
الموضوع من عنوانه بنات تكفووووون ابي مساعدتكم والله احيانآ اطفشششششش من قعدت البيت وزوجي دايما بالعمل والجامعه وش اسوي مايقولي يالله امشيك اونتعشى برا اذا هو فاضي يعني كيف اخليه يحس اني طفشت لوحدي بالبيت هو اذا لقى له وقت يطلع مع اصحابه انا مااقول لايطلع بالعكس اكيد حتى هو يطفش ويبي يغيرجو انا ابيه هو يقولي يالله كذا حلاتها منه على الاقل يحس فيني وانا اقوله احيانا نبي نطلع نتمشى طفشانه بس احيانا يوافق واحيانا يقول وين نروح مافيه مكان نطلع واحيانا يطنش يقول مره ثانيه واحيانا يقول انتي تبينا كل يوم نتمشى والله يابنات ماقولها كل يوم احيانا يروح الشهر والشهرين ولااطلع واحيانا الاحظ منه انه مايبي امشيه على كيفي هههههههه تعبت والله وش اسوي وانا اصلا قد فاتحته في الموضوع بس مافيه فايده اليوم كان بيطلع المكتبه قلتله ابي اطلع معك قال اوكيه بس لاتحسبين انا بنطول دقيقتين وبس والله يابنات انا طلعنا شوي بس صور اوراق معه ورجعنا واتصل على خويه قال انت طالع مرني يطلعون دايم للكفي اوالمقهى انا يوم سمعته خلاص نفسيتي صارت زفت يعني ماصدق يرميني في البيت ويطلع وانا قررت اتفق معه ونسوي جدول في الشهر مره نطلع نتمشى ونتعشى برا وفي الاسبوع نطلع سوق مجمع مول نتسوق اونطلع نتقهوى في البر اهم شي اطلع من البيت وش رايكم يابنات ساعدوني |
رد: كيف اخلي زوجي يمشيني بدون مااقوله
لست وحدك من تعاني
كلنا ايضا نعااااني يعندي راااح تتعودين على القعده بالبيت |
رد: كيف اخلي زوجي يمشيني بدون مااقوله
:) مو حلو نظامكم وش جدول !
لا تتفقون عشان لو صادف وقتها عزيمه له او عزيمه لك ماحد يزعل او يقول انتي معزومه راحت عليك يومك وخلاص ماراح اطلع امشيك وش ذا النظام ابد مو حلو ! انتي عادي اذا جلستي اسبوع طفشانه بالبيت لاتقولين قم مشني ! قولي في مطعم مررره حلو وش رايك نروح نتعشى فيه ! ولا مشتهيه ايسكريم وش رايك نروح ناخذ ! ولا في كوفي مره حلو مشتهيه شي منه , ولا عازمتك يالله قوم , :) واضحكي وكذا يعني لاتجيبينها وانتي مكشره واذا حطك وراح قولي انا اقدر ضروفك انك ماتطلعني اذا صرت بدوامك وجامعه بس مب يوميا اصدقاك ترى زوجتك اولى , وزي كذا يعني ولا مثلا كشري فتره :( يوم كذا وسوي نفسك زعلانه ولاتسولفين واذا قال وش فيك قولي مافيني شي طفشت لحالي 24 ساعه قاعده لحالي ودي اطلع واتمشى طفشت ! وبعدين مب شرط تطلعين معه ! روحي بيت اهلك , روحي مع خواتك روحي لجمعةة بنات خالتك روحي لاي مكان مب شرط هو يطلعك ويمشيك اذا لهيتي عنه بطلعات ماراح تفكرين بطلعه معه الا قليل :)~ والله يسهل امرك وكلنا نعاني من هالشيءءء , لكن نقدر ضروفهم اذا صاروا مشغولين جد مو يحطونا ويروحون مع اصدقاهم ! انا مثلك والله اني احيانا ودي اقول ودي ينزل قرار يخلون ماعاد في استراحات شباب تستاجر ! طفشت @: يقهرون يالله الله يصلحهم ,~< ياكثر بربرتك هع , |
رد: كيف اخلي زوجي يمشيني بدون مااقوله
عااااااااااااادي هم كذا الرجال انا اعاااااني من نفس المشكله بس والله خليته يمشيني من كيفه من دون مااطلب وهو انه لما يشوفوني متضااااايقه ويسالني ايش السسب اقول ماافيه شي ويلح علي ونفس الرد
وعشان يونسني يطلعني ويمشيني |
رد: كيف اخلي زوجي يمشيني بدون مااقوله
اي واذا طلعتي لاتسكتين !
اقعدي بربري على راسه لييين يطفش ههههههههههه يعني سولفي لا يروح وقتكم ساكتين وكذا يطفش هع :) وشسمه بعد غيرو الاماكن اللي تروحون لها دايم وغيرو المطاعم وزي كذا ,~ :) واذا ودك يطلعك علميه المكان اللي ودك تروحين له لاتقولين مشني وبس لان احيانا اقولها ويجي يقول الرياض مافيها شي وين نتمشى فيه , لكن اذا علمته المكان وعجبه واقتنع عادي يوافق واحيانا يكرشني hwaml5hwaml7hwaml4 |
رد: كيف اخلي زوجي يمشيني بدون مااقوله
هههههههههههههه
اثاري الحال من بعضه اناكمان مشكلتي زوجي مايحب طلعات السوق والتمشيه واذا خرجناتمشينايقعد يفرفربالسياره الين يدوخنى ويرجعنى البيت ههههههههههه بالبدايه كنت ازعل واعصب بس ذحين تعودت اهم شي انه يخرجني وروحات السوق حدثي ولاحرج احسه على اعصابه وماندخل الامحلين ونرجع واذا ماعجبني شي قال انتي ماتبغين شي بس تبغين تتمشين نفسي بحل سحري يخليه يحب السووووووووووووق ويموت فيه لاني من عشاق التسوق بس من يوم تزوجت انحرمت منه الله يعين بس |
رد: كيف اخلي زوجي يمشيني بدون مااقوله
هههههههههههههه
يالحووووووووول زين مو بس انا اللي أعــآآني من هالشي طول الوقت مشغول بالدوام يطلع الصباح ما أشوفه الا الساعه 5 او 6 المغرب يتغداااا ويحط راسه وينــــــــــــــــآآم أحيانا الى 9 واحيانا إلى 12 بالليل وأنا أقعد بلحــآلي :( , ويقوم مو رايق ويطلع مع أخويـآه القهوه وأنا أجلس أطق راسي بالجدران بس صرت اسوي طريقه صاارت تنفع بس مو يوميا يكون بهالمزاج ويطلعني ههههه طبعا مايقوم إلا على ريحة القهوه يومياااااااااااا .. وأكون مبخره البيت .. ومخلصه شغلي من قبل لايجي من الدوام من غسيل وكوي وترتيب و و و و ..... ألخ ألبس أحسن لبس وأشغل اغاني محمد عبده حقت ايام زمااااان وارفع الصوت شوي وأفتح باب الغرفه وهو ووقتها يتحمس ويقوم واذا شافني بها الجوو يقول يلا وش رايك نطلع :p وأحيانا والله يكرشني على ما اسوي يقوم قااافله معاه ويطلع مع اخوياه بس ما اخليه داااااااايم ازعل عليه واسوي له سالفه والله يكون بعوووووونااا |
رد: كيف اخلي زوجي يمشيني بدون مااقوله
اقتباس:
^ ^ ^ ^ ^ ^ ^ ^ نفس الحاله بالضبط وتنحسب علي خرجه لادخت بالسياره |
رد: كيف اخلي زوجي يمشيني بدون مااقوله
يووووووووووووه اتاري مؤ بس انا ههههههههههههههههه
شكلهم الرجال كلهم كدا ، يرحم بس ايام الخطوبه يتمنوا لو ثانيه وحده نكون معاهم :( انا عاااانيت كتيييييير من هالشي انه بيتووووتي او يروح مشاويره و يرجع و اغلب مشاكلنا كانت بسبب أني أبغى اطلع مكان و هو يقول ( فنجان القهوه و النت و فيلم و المكيف ملك الدنيا و مافيها ) طبعا انا كنت اطرطع منه بس بعدين خلاااااااص انا صرت متله ، بس خليني في البيت حتى احيانا يلاقيني فتره طويله ما طلبت اخرج من البيت يقوم يسألني ما تبغي تروحي مكان هههههههههه وفعلا والله متل ما قالوا الأخوات ، الرجال ما يحب تقوليلو مشيني ، لا اختاري المكان يكون افضل ، بالنسبه للأسواق خلاص تعود ينزلني لحالي و يروح بش اخلص يرجع يأخذني . ياااا ستي مشي حالك و الحياه مااااشيه ، لازم لها طولة بال و مسااايره ..... الله يجعل زوجك متل ما تتمني يارب |
رد: كيف اخلي زوجي يمشيني بدون مااقوله
سبحآن الله نفس حآلتي
لكن آنآ ممنوعه من الخرجه لآني بالشهر الثآني وربي شهر وآنآ قآعده بالبيت حتى قلت لزوجي من الطفش بروح معآك نجيب خبز قال لآ مآيصير آنتي بتتعبين بعدين وربي ممره طفشانه وياليت اهلي جنبي كان قعدت عندهم بس للاسف هم بديره وان بديره :( مآعليك ي لاغلا اذا طفشتي آقري قرآن وأستغفري وصلي ركعتين آنآ مجربتهآ والحمدلله صرت متقبله قعدت البيت موفقه ي الغلا |
رد: كيف اخلي زوجي يمشيني بدون مااقوله
لا اختي مب على كيفه
انتي ماعطته وجه زيادة لازم من البداية تعودينه ( ترى انا موجووووده ومن ضمن أولوياتك وانا بشر احس وأتألم وازعل ) مثل ماقالولج البنات لاتعتمدين في سعادتج عليه انتي نظمي لج برامج يوم اللي اهوه اجازه قوليله ودني بيت صديقتي بيت خالتي بيتكم المهم حسسيه انج مطننششششته وانج اهم شي تطلعيبن وتونسين نفسج مو مهم تستانسين معاه المهم تطلعين وخلييييه يفهم انج موجووودة مو قطعة من اثاث البيت الله يسر لج اموورج وكل يوم قبل الفجر صلي ركعتين وادعي بدعاء طيب ان الله يسخرلج زوجج |
رد: كيف اخلي زوجي يمشيني بدون مااقوله
وانا كمان نفس الحال ويمكن اخص لانو زوجي تطلع عندو عقدة من كل الناس مره يقولي لا تروحي عند اهلك ومره يقولي اقاربك كده قالولي يعني زعل من شي قالو وكده ومره يقولي هذي جارتك الي دائما تكلميها لا تكلهيما انا ما ابيكي تكلميها مره حساس من اي كلمه وكده بس الله يعنني.
|
رد: كيف اخلي زوجي يمشيني بدون مااقوله
هلاحبيباتي اشكركل من ردت على موضوعي الف الف شكر انا خلاص بطول بالي شوي دام كل البنات نفس الحال على بالي زوجي بس عشان اهله مايشوفونا بس طلع الرجال كلهم نفس بعض ههههههههههه الله يهديهم لنا يارب بس انا ياحبيباتي مشكلتي اهلي بعيدين ولااخوات ولابنات خاله ماعندي الااهل زوجي ساكنين تحت واحاول بعد اذاطلعنا مايدرون عنا وين رحتم وين طلعتم انا مااحب ذي الاسئله وصديقاتي 2 اخوات اروحلهم بس مودايم بعد هم عندهم جماعتهم يجتمعون معهم بقولكم حبيباتي وش قصدي في الجدول انا قصدي بكلمه طبعآ بهدوء وبقوله يبيلنا في الشهر نطلع مره نتعشى ونتمشى ونغير جو مونحدد اي يوم في الشهر لاهذي صحيح يمكن يطلع اليوم ذامومناسب مناسبه اوعزيمه اوتعبانين وتروح علي مثل ماقالت الاخت fuoonkh لاعندنا الشهركله نختار منه اليوم المناسب وش رايكم كذا حلو والامايصلح؟ عشان هو اذاطلعنا مره وجاء بعدين وقلت طفشانه ابي نطلع يقول ماحنا طلعنا ذاك اليوم طفشت يعني خلاص طلعنا مره واحده مااطفش بس الله يسعدكم حبيباتي والله استفدت من كلامكم كثيييييير واذا احد عنده زياده يقولي هههههههه وخري بس ياكثر كلامك
|
رد: كيف اخلي زوجي يمشيني بدون مااقوله
الحال من بعضو اذا لقيتو الحل كلموني اوكي
|
رد: كيف اخلي زوجي يمشيني بدون مااقوله
اقتباس:
انا والله تعبت مع زوجي أبوه ماشاء الله عليه وأهلي بالعموم كلهم من النوع اللي يحبون الطلعه والتمشيات والله يا انهم ساكنين في الجبيل وعمي كان ينزل فيهم كل اسبوع مايقول لمرته شي اللي هي خالتي يمشيهم ويطلعهم ويوروح ويجي بس زوجي ابد مايحب الطلعه ، وانا متعوده في بيت اهلي ع الأقل 4 ايام في الاسبوع نطلع من البيت يوم نروح بيت اهل امي ويوم نروح بيت اهل ابوي ويوم نتعشى بمكان ويوم نروح نتمشى او نتسوق هذا جدولنا الاسبوعي اول الزواج كنا ساكنين بشقه في بيت اهله فـ كان يطلعني عشان نقعد مع بعض ونسولف ونتمشى بس بعد ماجينا امريكا ، وبدت دراسه خلاااااص قلب 180 درجه ، انا مشغول وانا كل يوم اطلع وانا مالي مزاج الناس وانا ما احب الطلعات والله ازعل واقعد ابكي واقول له رجعني ونتهاوش ونفس الحال مافيه فايده .. هو طبعه كذا مستحيل تغيرينه مافيه شي يجي بالغصب هذا رجال كبير مو ولد صغير فيه اشياء تقدرين تغيرينها شوي بس مو كل شي والله تعبت معه وخوصوصا مافي عرب قراب مني ولا اعرف احد ابد ,, واقعد اتبكبك عليه اقول يمكن اكسر خاطره فعلا ينكسر خاطره يطلعني اسبوع اسبوعين ويرجع لنفس السالفه فـ تعودت خلاص وسلمت أمري لله لين نرجع السعوديه وساعتها ماعلي منه ماطلعت معه طلعت مه غيره ياكثر اهلي والناس اللي اعرفهم يصيرون يزوروني وازورهم فتره وتعدي ان شاء الله ربي يساعد الكل |
رد: كيف اخلي زوجي يمشيني بدون مااقوله
مثلي الله يعينة عليهم
|
رد: كيف اخلي زوجي يمشيني بدون مااقوله
اقتباس:
بالله وش الاماكن الحلوه اللي بالرياض عشان اسكت زوجي اذا قال الرياض مافيه اماكن حلوه :( |
رد: كيف اخلي زوجي يمشيني بدون مااقوله
ههههههههههههههههههههه ياحليلكم يابنات
كلنااااااااااااا نعاني نفس المعاناه :) |
رد: كيف اخلي زوجي يمشيني بدون مااقوله
نفس الحالة
الله يعين |
رد: كيف اخلي زوجي يمشيني بدون مااقوله
الله اكبر
انا بعد مثلكم تماما مليت من البيت الله اصبرنا |
رد: كيف اخلي زوجي يمشيني بدون مااقوله
سيم سيم صديق هههههههه
نفس الحاله |
رد: كيف اخلي زوجي يمشيني بدون مااقوله
هههههههههه كلنا نفس المعاناه الله يسعدكم واتوقع يابنات الرجال موطبعهم كذا بس عشاننا يالحريم مايبون يطلعونا تعرفون الرجل يسوي نفسه ثقيل على حرمته ابقولكم معانات صديقتي كانت تقولي زوجي طيب ويعطيني اي شي ابيه بس هالطلعات مايطلعني الابالغصب تقول بالصيفيه اللي راحت نزلوا زوجها جده انتداب من العمل 4 اشهر وهي راحت عند اهلها والله يابنات تحلف بالله انه دايم في طلعات مع زملائه وتتصل عليه احيانا وهو في الطايف يتمشون واحيانا على البحر وحتى تتصل عليه الساعه 4 الفجر وهو باقي برا البيت وش رايكم اتوقع هما يعاندوننا بنات مايبيلنا نسكت لازم نشوف حل وصديقتي هذي خلاص يوم رجعت الرياض صارت اليوم اللي زوجها مسلم فيه تطلع تتمشى تقعد وراه لما يوافق الله يسخرهم لنا يارب
والله يسعدكم يابنات تفاعلتم مع الموضوع مشكوووورين |
رد: كيف اخلي زوجي يمشيني بدون مااقوله
اااااااااااااخ انا كل مشكلتي مع زوجي على نفس هالشي
|
رد: كيف اخلي زوجي يمشيني بدون مااقوله
حبيبتي حل هالمشكله سهل ... باللين ... يعني بعد العدا وهيك لبسي تعدلي وتزيني ..
إذا آلت الامور للجماع مافي مشكلة ... بعدها جلسي جنبة قوليلة ممكن نطلع اليوم نغير جو .. انا زهقت من البيت ... عندك هالاسلوب .. الاسلوب الثاني .. اتفقي معاه يعطيك وقتك .. مثلا من السبت للثلاثاء خليه بشغله .. والربوع للجمعه وقت لك انتي ... منها تمشية ومشاويرك .. انا احيانا .. ينشغل زوجي ما يجي من الدوام إلا المغرب .. مقدرة وضعه ... واحاول اطلع معاه حتى لو بشغله ... يعني ياخذني .. و هو يسوي شغلة وانا بالسيارة لخلص كل إلي عنده ... اقولة عادي نتعشى او نتقهوى ع حسب الوقت . والحمد لله ... الرجال لازم حبيبتي يتعب يشتغل علشانك وعلشان اعياله وحياتك وحياتة .. وعشان يجيب متطلباتك .. والحمد لله رب العالمين .. انا اصبر وصابرة لين ربي يفرجها .. |
رد: كيف اخلي زوجي يمشيني بدون مااقوله
انااااااااااا اقلكم ليش الرجال مايحبون الطلعات مع الاهل ويحبون يطلعون مع الصدقائهم بس
انا وجه هالسوال لزوجي (ليش انتم يالرجال ماتحبون تطلعون مع زوجاتكم واولادكم ) الاجابه قال (احنى مانكره الخروج معاكم ولكن الخروج مع العائله مسئوليه كبيره تحتاجون الحمايه ولانتباه لكم من كل شي يشكل عليكم خطوره ومواي مكان يناسبكم ممكن نروحه ونجلس فيه مثلالوبوديكم السوق اخاف عليكم من المضايقات انامااشك في اهلي بل اثق فيهم ولكني لااثق بالشباب الموجودين بالسوق او اصحاب المحلات واخاف على اطفالي من الضياع اوغيره من الاموراشياكثيره تضايقنى لمن نخرج مع العائله الطريق ومخاطره ولكن لمن نطلع مع الاصدقاء لانشعر بهذه المسئوليه بل كل واحد فينى مسئول عن نفسه وبس انتم يالعائله بالنسبه لنا شي ثمين جدا لانستطيع حمله معنا وين مانروح ولانشعر بالامان والراحه الااذا رجعنى البيت بسلام وامان ) واناازيد من عندي واقول لاتنسون لمن نجي نطلع نتمشى مع ازواجنى ان كل وحده تطلع وهي محمله بالاغراض سوااغراض الاطفال وغير القهوه وصينيه الحلى والفرش وجميع مستلزمات الرحله والزوج المسكين يقعد يشيل ويحط الله يعينهم بس بالنسبه لي لمن اطلع مع زوجي مااخذ معي ولاشي غير شنطت يدي لاني اعرف ان هالشي يضايقه مع اني احب اخذ قهوه وحلى بس من شان عيونه تنازلت عنها |
رد: كيف اخلي زوجي يمشيني بدون مااقوله
الحمدالله طلع انه طبيعي ..
يالبى صاحبة الموضوع فتحت لنا معناة ههههههههه .. حبيبتي أغلب الازواج كدى .. زوجي يقولي ايش فيه اقوله طفشانه .. يقول جهزي القهوه ونجي نسؤلف :( >> كيف يفهم هدا هع .. يعني حبوبه تحمليه ونحتمل معك هههههههه .. الله يعين و يصبرنا عليهم .. |
رد: كيف اخلي زوجي يمشيني بدون مااقوله
هههههههههه الله يسعدكم يابنات كلنا يالحريم متوهقات بذالشي الله يعين ومثل ماقالت احلى من العسل ممكن انه هذا الشي اللي مايخليهم يطلعوننا هههههههه يبون يتهربون من المسؤليه بس الواحد تزوج خلاص المفروض يتحمل المسؤليه وضروري حنا نعودهم لوخليناهم بنظل نعاني من ذالشي طول عمرنا الله يهديهم لنا يارب
|
| الساعة الآن 04:11 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .