|
ساعدوني بتجهيز شنطه البيبي
هلا. كيفكم مع هالبرد. وكيف حملكم فيه عني انا كرهت نفسي وعظامي تعورني المهم انا ببدا اجهز شنطه المستشفي وبما انو ولادتي بالشتا ماني عارفه شنو احط فيها سوا لي ولا للنونو بليز ابيكم تساعدوني بالاساسيات واهم شي والله عقلي مع الحمل والبرد. خارج الخدمه الله بس يعين وعندي استفسار صغنوون حركه النونو مره خفيفه صابني وسواس منها نادرا احس بحركه الا وقت الاكل او النوم بس علي خفيف وعندي الم برجلي اليسار بس من تحت وش السالفه وادعولي بالولاده الميسره وماخذ من التاسع شي لاني تعبت ومليت وانا ادعيلكم بالمثل وشكرا مقدما حبيباتيhwaml7
|
رد: ساعدوني بتجهيز شنطه البيبي
ههههه حتى انا تعبببت وملبيت معنى ولادتي فشهر 2. الله يعينج حبيبتي ويسر ولادتج وويعينا اجمعيييين حتى انا مب عارفة شو اجهز لي وللبيبي فيليتحد يفيدنا من الكروشات
|
رد: ساعدوني بتجهيز شنطه البيبي
لبس 2 للبيبي (بربتوزين+فانيله داخليه 2+ حفايض+مناديل+بطانيه صغير+شراريب
غطاء للراس قبعات +مسحات طبيه+رضاعه للماء للشرب+ماء صحه واحده للشرب ثلاجه صغيره بها ماء ساخن او خذي معك غلايه صغنونه عشان ماتحتاجين لأحد+ منشفه+ماء غريب للمغص المفاجئ للبيبي في المشفى) وسلامتك |
رد: ساعدوني بتجهيز شنطه البيبي
سوري نسيتك اتفضلي
(غيار لبس لك يدفي من برد التكيف +شراريب متينه+طرح للراس عشان تغطين راسك ضروري+فوط +مطهر بنتادين+مناديل كلوركس لمسح الكبينيه بالحمام الله يكرمك قبل ماتجلسين عليه+خذي معك اي شي للشرب عصير مشكل او حليب +تمر+ملابس داخليه) |
رد: ساعدوني بتجهيز شنطه البيبي
انا كنت مثلكم ولقيت هذا الموضوع
http://forum.hwaml.com/t57937.html وكمان حبيت احط اشياء من عندي مثل ملابس للخروج وعباية تانية احتمال يكون الملابس ممبلبه من موية الجنين وكمان شرشف صلاة وسجادة وقران لني انا بتنوم في المستشفي دعواتكم لي بسلامة لي ولجنيني |
رد: ساعدوني بتجهيز شنطه البيبي
انا عن نفسي جهزت شنطتة البيبي ..كالتالي :
(2 تبديل للنونو..فانيله داخليه..4 بامبرز..مناديل جونسون ..فازلين..مهاد..وبطانيه شتويه بس مو كبيره..قد النونو.. وطاقيه..هيلاهوب..جوارب )..وحاولي قد مماتقدرين انه اللبس داااااااافي..وكشخه..لأن اغلب الاهل راح يجونك في المستشفى... و المستشفى راح يكوون برد ولازم يتدفى البيبي.. اما انتي ..خذي لك (ملابس داخليه ..وجلابيه حلوه بس تكون فيها فتحه من عند الصدر.. شيله..لأن الشيله اللي راح تكونين لابستها ..بتتوسخ..فوط صحيه.. وعلك منشان ريحة الفم) ...بس..هذا اللي انا جهزته .. والله يسهل علي وعليكم ياااااااااااارب.. |
رد: ساعدوني بتجهيز شنطه البيبي
شرشف صلاه ليييييه استغربت؟؟؟؟؟؟؟؟؟؟؟؟ مين ايللي يصلي
|
رد: ساعدوني بتجهيز شنطه البيبي
وانا مثلك جهزت اغراضه بس اغراضي ما ابغا اجهزها مالي مزاج رغم اني دخلت التاسع
حطيت له 3 برمتوز وحطيت 3 اطقم كم طويل وصوف و4 كوفلات والمدس وبطانيه وطاقيه وشراب ورضاعه ومناديل والقلاسه مهمه صح انو يوم وبطلع لاكن بنتي الله يهديها وهي صغيره مالها ساعتين من جات اذا رضعت ترجع وتوسخ الدنيا لانها مو متعوده واذا رجعت الدكتور يقول لازم ترضع الين تبطل ترجيع عشان كذا كثرت له ملابس المويه مو مهمه لانه يقول لاتعطونه مويه غير نقطه بس تنظيف بعد الحليب بعد اسبوع لازم بعد كل رضعه يشرب مويه بس مو كثير والله يسهل ولادتنا ونقوم بالسلامه |
رد: ساعدوني بتجهيز شنطه البيبي
معليش طيب عادي البس النونو لبس كامل ومسكر طيب. السره بتكون توها ولا عادي
|
رد: ساعدوني بتجهيز شنطه البيبي
ماقصرووو البنات بس اهم شي شاحن الجوال ومرطب شفايف لاني نسيت اشيلهم معاي ومرا توهقت يوم طفى جوالي وشفايفي بعد ولاده جافه
|
رد: ساعدوني بتجهيز شنطه البيبي
و بعد نسيتوا شي : فيه البعض ياخذ معاهم شنطة مكياج صغيرونة حلو الوحدة تحط لها شوية بلاشر و مسكرا عشان تنور الويه شوي بعد الطاااخ و الطيخ و الأكشن اللي صار لها هههههههههه ... آخ يا رب سهل علينا و ان شاء الله تولدين و نولد كلنا بسهالة و صحة و سلااااااااااامة يا رب
|
رد: ساعدوني بتجهيز شنطه البيبي
يعطيكم الف عافيه كروشاااااااااااات
انا بعد بكريه وولادتي بالشتاء واستفدت كثيييييييييييير منكم |
رد: ساعدوني بتجهيز شنطه البيبي
بنات شنو احسن فوط صحية فترة النفاس ؟؟
|
رد: ساعدوني بتجهيز شنطه البيبي
البنآت ماقصرو . الله يهون ويسهل عليييييك وعلينأ ياربّ . |
رد: ساعدوني بتجهيز شنطه البيبي
آغراض الام
ملابس داخليه _ جلابيه _ حجاب عطر خفيف _ فرشاة اسنان _ مرطب شفايف _ علك ( موضروري ) شربات _ شاحن جوال _ كتاب اذكار _ عباه وشيله للبيبي طقم واحد ملابس كامله _ الفاف لانه كل التغير والملابس اثناء انتي في المستشفى هم بتكفلون في التغير والتنظيف بس وقت الخروج بتعطينهم الملابس اللي عندك وبيلبسونه . ربي يهون علينااا يارب |
رد: ساعدوني بتجهيز شنطه البيبي
اةةةةةةةةةةةةةةة انا مثلكم مالي خلق حدددي من البرد واثقل الله يسهل عليكم وعلي
اهم شي لا تنسون المرة حطيها بعلبة وبا الشنطة وبعد الولادة شميها والا اشربي شوي منقوعة بموية دافية من شان الروائح وعن الشمم وافضل فوط نسائية للنفاس لوتس ممتازة وملابس البيبي وملابسك ومراية حتى تشوفي قبل وبعد ههههههه اةةةةةةةةةةةة بس ياربي تلطف بحالنا |
رد: ساعدوني بتجهيز شنطه البيبي
ههههههههههه بنات ما تلاحظون انو على قد ما نقرا او حتى ننصح اللي حولنا مدري ليش اول ما ننحط في الموقف ما نعرف نتصرف زيي أنا شغالة اقرا مواضيع و اسمع سوالف الحريم و اطالع تجهيز اخت زوجي و حتى من يومي كنت نبيهة و كنت اعرف ايش الحلو و الكريه من ثياب أطفال وايش اللي ينفع و اللي يدوم و و و و في النهاية لما حملت يا ساتر صابتني حالة غباء شديد هههههههههههههههههه احس روحي مرة مفهية و اقول كيف بسوي وايش بشتري لكن لو وحدة غيري تطلب مني اقضي لها راح اقول من عيوني و اسوي لها احلى ترتيب هههههههههه حالتي حالة والله
|
رد: ساعدوني بتجهيز شنطه البيبي
اقتباس:
|
رد: ساعدوني بتجهيز شنطه البيبي
انا بعد مثلك ولادتي بالشتاء حطيت في الشنطة ثوب مواليد قطن ولفة قطن وقبعة قطن وهيلاهوب ولفة ثقيلة من شان البرد وبطانية بس اذا في شي ناقص علموووني
|
| الساعة الآن 10:19 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .