|
مين الي جربت الولاده في مستشفى الاحساء
السلام عليكم ورحمة الله وبركاته
بنات الله يعافيكم من جربت الولاده بمستشفى الاحساء انا خفت قرئت عنه في الانترنت انه مو زين بس ونا اراجع اشوف اشكتر الي اولدو عنده يمدحونه الي تقول لي هذا ثالث ولاده عندهم ولي قالت لي هذا الخامس ولا كاني الا بكريه انتو شو رايكم فيه hwaml15 |
رد: مين الي جربت الولاده في مستشفى الاحساء
الحال من بعضه محتارين ناس تقول الموسى وناس تقول الاحساء ماندري الله يسخر لنا الناس الطيبة
بس ياليت تعطوني تكلفت الولادة في الموسى والاحساء نبي نشوف الفرق |
رد: مين الي جربت الولاده في مستشفى الاحساء
يارب البنات تفيدك
|
رد: مين الي جربت الولاده في مستشفى الاحساء
الغاليه توكلي على الله زوجه اخوي والد فيه تقول فريق طبي كامل جالسين عندها
تقول عنايه والخياطه عندهم تجميليه وعنايه في الام والبيبي أما المانع انصحك لاتفكرين فيه لانه صار الله يكرمك مزبله بنت خالتي والد فيه والان تخيلي نزيف معها بغزارة لدرجه انها تنومت في مستشفى الولاده والان تتعالج في مستشفيات خاصه اللي ولدتها سودانيه وستعجلت عليها .... اما الموسى صديقه اختي ماصعين يد ولدها هو على حسب الدكتورة المناوبه لابد تسألين عن الدكتورة اللي بتولدك او تطلبينها والتساهيل من رب العالمين الله يارب يتمم لك وتولدين بالسلامة |
رد: مين الي جربت الولاده في مستشفى الاحساء
ايه حتى انا سمعت من كثر الي يولدون في المانع صار مثل الحكومي
يعني مايعتنوون حيل فيك من الزحمه بالنسبه للاسعار والله مادري انا رحت سئلت عن التكلفه بالنسبه للتامين الطبي يعني على حساب زوجي قالو لي كل شيئ على التامين الطبي وقالو لي انتي غرفه خاصه مو مشتركه وتنيم على حسب لما يصرح لك الدكتور الخروج بس التنويم الولاده الطبيعيه والعاديه وكل شي تمام يومين وبعد شقالو اممممم مادري متى اذكر شيئ بكتبه بس ان شاء الله في احد يفيدنا من الي جربووه بعد |
رد: مين الي جربت الولاده في مستشفى الاحساء
ياعمري
اذا بتسمعين من هنا وهناك مراح تطلعين بنتيجه لانه مو الكل بيمدح ولا الكل بيذم أنا عن نفسي اتابع في الاحساء عند دكتوره غاده والحمدلله ماشيه اموري وان شاء الله الولاده عندهم وحده من جماعتنا والد عندهم تمدحهم كثييير وهي ماخذه غرفه خاصه وتقول خدمه فندقيه راااقيه اولآ وأخيرآ السهاله من رب العالمين |
رد: مين الي جربت الولاده في مستشفى الاحساء
مبلغ الولاده الطبيعيه عندهم بـ 3500 غرفه خاصه يومين
|
رد: مين الي جربت الولاده في مستشفى الاحساء
بنات من جربت الخياطه التجميليه
وهل لازم انا اطلبها طيب اذا نسيت |
رد: مين الي جربت الولاده في مستشفى الاحساء
ماحد ولد للحين بمستشفى الاحساء
|
رد: مين الي جربت الولاده في مستشفى الاحساء
مدري انا سمعت انه بالولاده مو كويس
زوجة خالي وصديقة امي راحوا وولدوا فيه ومامدحوووه ابد |
رد: مين الي جربت الولاده في مستشفى الاحساء
من اي ناحيه ذموه سئلي امك
|
رد: مين الي جربت الولاده في مستشفى الاحساء
الحمد الله ولدت بالسلامه بمستشفى الاحساء
والله العنايه عندهم روووعه ويسااعدونك بالولاده حيييييل اكلهم حلو ونضيفين حييل انضاف وعنايتهم بالبيبي حيييل حلوه اصلا امي يوم طلعت من المستشفى بتسبح بنتي قالت والله بنتك نضيفه حيل يسبحون البيبي ويعتنون فيه حيل حيل وانتي بعد يلبسونك ويعتنون فيك ههههه ولا كأنك الا بيبي الحمد الله رب العالمين |
رد: مين الي جربت الولاده في مستشفى الاحساء
ايه صح الحين لي عشرين يوم الخياطه ممتازه
وتجميليه بعد واي سؤال انا حاضره |
رد: مين الي جربت الولاده في مستشفى الاحساء
الف الحمدلله على سلامتك
الحمدلله حصلت وحده ولدت بالاحساء لان ناويه اولد فيه ولا اعرف عنه شي ابغى اعرف كم سعر الولاده عندهم ...وكمان بعد الولاده تكوني بغرفه خاصه ولا محشوره مع حريم ووواهم شي الي يولدو دكاتره والا دكتور ...ومشكوره مقدما |
رد: مين الي جربت الولاده في مستشفى الاحساء
تفاحه حمراء ياليت تعطينا تفاصيل اكثر عن الاسعار والاهم عطوك ابره التخدير اللي تخفف الم الولاده
|
رد: مين الي جربت الولاده في مستشفى الاحساء
بانتظااااااااااار الرد
|
رد: مين الي جربت الولاده في مستشفى الاحساء
الاحساء يمدحون فيه وافضل من الموسي
وربي يسهل عليك |
رد: مين الي جربت الولاده في مستشفى الاحساء
اقتباس:
ان شا الاه ماتاخر الرد عليك حبيبتي |
رد: مين الي جربت الولاده في مستشفى الاحساء
اقتباس:
شوفي جلست من النوم وكلي في الم ورحنا على طول المستشفى ومن جهه الطوارء جابو لي كرسي المتحرك للسياره وجلست فيه وصعدوني فوق ودخلوني غرفه الولاده وجات السستر وغيرت ملابسي وفصختني اكسسواراتي وعطتهم زوجي في كيس وحطو لي التخطيط والا بجيه الدكتوره وقاست كم الرحم مفتوح وكانت يدها ما شا الله خفيفه وقالت لي اربعه سانتي ونا اتالم بموووت قالت لي تعرفين تتمشين ولا تبين تسبحين بماي ساخن انا قلت لها ماي ساخن وغزني ابره تخفف الالم ودخلتني السستر الحمام وساعدتني بنزع الملابس خخخخ وصبت على ظهري ماي ساخن وجلستني بوضعيه عشان تتسهل الولاده وتميت ربع ساعه بالماي الساخن ورجعتني السرير وانا اتألم وجات قاست كم مفتوح الرحم وقالت ماشا الله ثمانيه يلا ولاده وكل هذا بحظور زوجي قالت كل ماجا لك الالم اخذي نفس ومسكينه السستر كانها تولد معاي تاخذ معاي نفس يلا شهيق زفير ايوا هههههه وتساعدني وفي سستر ثانيه في يدها منديل مرطبته بماي بارد وتمسح جبيني وتسمي علي وسستر ثانيه ماسكه يدي ونا اعصر في يدها وهي متحمله اصلا زوجي ماله دور ماحسيت فيه ههههههه وجا وقت خروج البيبي جاو السسترات طلعو زوجي يقلون له يلا بري بري عشان اخذ راحتي بالدفع وقامو يصرخون يلا بووش يلاااا ماما يلا هذا هو راس يلا ايوووااااا وولدت الحمد الله وقامو بصفقون لي ويضحكون هييييي ماما خلاص خلاص ولاده والله اني نسيت الام هههه وبسًالحمد الله |
رد: مين الي جربت الولاده في مستشفى الاحساء
ايه صح نسيت حطولي الابره بالمغذي
|
رد: مين الي جربت الولاده في مستشفى الاحساء
مشكوره ع الرد جزاك الله خير
|
رد: مين الي جربت الولاده في مستشفى الاحساء
يعني ارقد واطمن واختار الاحساء ؟
طيب وش اسم الدكتورة اللي كانت معاك والا بس سيسترات ؟؟ |
رد: مين الي جربت الولاده في مستشفى الاحساء
اقتباس:
|
رد: مين الي جربت الولاده في مستشفى الاحساء
انا بعد بولد في الاحساء
مدري عن زينها من شينها بس ما كان عندي خيارات واجد عشان التأمين |
رد: مين الي جربت الولاده في مستشفى الاحساء
بنات انا ابي اولد في الاحسا
قولوا لي اسم الدكتورة وتأميني سايكو تتوقعون كم مع التاميت اهم شي نظافه وفيه عنايه ويهتموون فيني هذا اهم شي والجراحه تحسون فيها ولا لا ويسون عمليه صح كلامهم يقولون لازم عمليه |
رد: مين الي جربت الولاده في مستشفى الاحساء
بالنسبه لي اعرف وحده ولدت بالاحساءوكآنت تتمني تولد عمليه بس الدكتوره مآرضت لآن مآفي
شي يستدعي انها تولدها عمليه .. يعني لا تحاتين اذا كنتي ماتحتاجين ماراح يولدوك عمليه .. وكذآ وحدة مدحوآ لي الولادة بالاحساء كويس .. |
رد: مين الي جربت الولاده في مستشفى الاحساء
اقتباس:
والله ماسجلت الا عشان ردك بس وش اسم دكتورتك |
رد: مين الي جربت الولاده في مستشفى الاحساء
السهاله من رب العالمين
روحي وانتي مطمئنه اﻷغلبيه يمدحونه وعن نفسي ما أفكر أولد بغير الأحساء والجراحه يسون لك تجميليه من غير ماتقولين |
رد: مين الي جربت الولاده في مستشفى الاحساء
حبيبة قلبي تسلمين ع الرد :$
بس وش اسم الدكتوره |
| الساعة الآن 06:17 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .