|
ولدي جنني ساعدوني
السلام عليكم ورحمة الله وبركاته
شخباركم يابنات ابغاكم تساعدوني ولدي هادي الايام يدخل اصابيعه بفمه ويقعد يمصمصهم وهو كبير يعني الحين عمرة سنه ونص كبير بس ماادري ليه يسوي كدا مع العلم اني ااكله بس كل ماقلت له عيب حط اليدين بفمه مايطلع اصابعه الا ادا ضربته ابي طريقه غير الضرب جزاكم الله الف خيرhwaml9 |
رد: ولدي جنني ساعدوني
حاولي تشغلي يده باي شي مثل لعبه او اطلبي منه يصفق او تعطيه قطعه بسكويت
|
رد: ولدي جنني ساعدوني
لا تقولين له لا اتكلمي معه وضحكيه وطلعي يده
لانك اذا منعتيه بشكل مباشر بدون ما تشرحين له سبب واضح ويفهمه راح يرجع يحط يده في فمه علشان يلفت انتباهك |
رد: ولدي جنني ساعدوني
يااخواتي جربت مافاد
اتخيلو ايش سويت اخدت المره وحطيتها بصحن وغرقت يدة وخليته يجرب طعمها عجبه الوضع مو عارفه ابي شي يخليه يكرة يحط يدة بفمه hwaml17 |
رد: ولدي جنني ساعدوني
لا تعطين الموضوع اكبر من حجمه اتركيه وهو من نفسه راح يبطل
حرام عليك تعطينه مررره ياويلك من ربي زغنطوووط |
رد: ولدي جنني ساعدوني
اول شي لا تحاولي تأذي الطفل باي ماده سواء مره او حاره
هذا شي طبيعي خليه يمص لحد ما يمل وينسى هاي العاده يعني هيه مو مشكله كبيره مع الوقت لما يعرف انتي دايما تقولي طلع يدك طلع يدك من فمك هوه رح يبطل وانتي لازم تعرفي ان الولد يعاند شويه شويه بيبطل بنفسه |
رد: ولدي جنني ساعدوني
ان شاء الله بجرب طريقتكم وبشوف
الله يهديهم |
رد: ولدي جنني ساعدوني
الله يعينك حاولي فيه بس لاتسيبيه بنت خالتي نفس المشكله وامها قالت تكبر وتنساها الان سار عمرها 3سنوات ومازالت على حالها
|
رد: ولدي جنني ساعدوني
اختي حاولي تدهني يديه بشئ مر مثل الصبره المره مثلا هو رح يكره هذه الريحة والذوق ويكره يحط اصبعه بيده
مثل ما كانت تعمل الامهات في القديم لفطم الاطفال |
رد: ولدي جنني ساعدوني
اختي حاولي تكسبيه من طريقه ثانيه هو بهالطريقه مبسوط يجذب انتباهك حتى لو انك تضربيه او تخاصمينه عنده اهم شيء لفت الانتباه سولفي معاه على ان هذا الشيء غلط وكلميه على انه كبير وبعد كذا اذا حط يده كلمه بشويش وخليك في مستواه يعني عينك في عينه وقولي طلع يدك بحزم يعني اعصابك خليها بارده واذا طلعها اعطيه اي حاجه يحبها مثلا حلاوه او اي شيء ثاني واذا ما طلعها قولي الولد الشاطر ما يحط يده في فمه وشوي
شوي ان شاء الله يبطل واذا ما بطل انتظري عليه باقي صغير ممكن انياب او ضروس تطلع له ويرتاح لما يدخل يده في فمه يعني لا تخافين اهم شيء هو بصحه وسلامه الاشياء الثانيه مقدور عليها |
رد: ولدي جنني ساعدوني
وحياتي نسيت اقولك ابعدي عن المره صح فوايدها ممتازه لكن للكبار بس الصغار مساكين قويه عليهم لانها تعتبر مضاد قوي
انصحك جدا ابتعدي عنها واحده نعرفها من بعيد مسكينه بنتها تعبت وزكمت واخذت بكلام الناس ان المر كويسه للتعب واعطت بنتها وكانت صغيره والله يرحمها توفت البنت الله يرحمها وموتى المسلمين |
رد: ولدي جنني ساعدوني
الله يعين الاطفال يريدون صبر وحلم و(أعصابك حطيها بالفريز) ولا تعصبين وانتي تنبهيه
مثل ماقالوا الاخوات لفت أنتباه ، والاهم من ذلك لا تذكري ما يفعله عند الاخرين حتى يعلم انها مشكله وبالأخص وهو يسمعك |
| الساعة الآن 12:45 PM. |
Powered by vBulletin® Version 3.8.8
Copyright ©2000 - 2026, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .