|
فين احصل قمصان النفاس بجدة ؟!!!
السلام عليكم ورحمة الله وبركاته اخواتي انا بديت شويه شويه اقضي للنفاس > استعداد من بدري بديت بنفسي بعدين حبدأ للبيبي *_* اشتريت بيجامات باكمام طويله كتير عشان الشتا واشتريت بيجاما حلوه للاستقبال بالمستشفى لكن لسا ما اشتريت قمصان النفاس وابغى زي كدا تماما مريحه وشكلها حلو وياريت قطنيه : http://forum.hwaml.com/imgcache2/hwa...345780_239.png ياريت تدلوني فين احصلها تحديداً لأني رحت سيتي ماكس ماحصلت ونعومي ماحصلت وكمان ياريت مكان تكون اسعارهم معقوله انتظركم ^__^ |
رد: فين احصل قمصان النفاس بجدة ؟!!!
اااااااااااااااااااااب ماني من جدة
|
رد: فين احصل قمصان النفاس بجدة ؟!!!
كثير الاماكن في السعرالمنافس
والهرم وفي لاندلس مول محل اسمه اس مارت تقومي بسلامه |
رد: فين احصل قمصان النفاس بجدة ؟!!!
عسوله تلاقيها بواجة الجلابية وكمان فلور
فيه أشكال مرررررره تجنن ,, قعطه وحده او قطعتين |
رد: فين احصل قمصان النفاس بجدة ؟!!!
^_^ اخواتي ابغى اسأل : اس مارت وفلور الاقيهم بالاندلس مول ؟؟؟؟
واكيد الاقي عندهم قمصان نفاس ؟ وموجود عندهم بيجامات مريحه ؟؟ وكيف اسعارهم ؟؟؟؟؟؟؟؟؟ إذا كل المحلات موجوده بالاندلس مول حلو مره وحده ومن مكان واحد |
رد: فين احصل قمصان النفاس بجدة ؟!!!
تلاقينهم بالمراكز الكبيره مثل تحطيم الاسعار ونجمةالعائله اللي بالصواريخ واسعارها على 50 و60وفيه بقطعتين وفيه بقطعه مع طرحاتها والله اقمشتها قطن وحلوه نفس اللي بالصوره وفيه اكمام قصير وطويل وموفقه
|
رد: فين احصل قمصان النفاس بجدة ؟!!!
^_^ جزاكي الله خير اختي
بإنتظاركم |
رد: فين احصل قمصان النفاس بجدة ؟!!!
انا اشتريت من الهرم مرره حلو في قطعه وفي قطعتين وقطن كمان
|
رد: فين احصل قمصان النفاس بجدة ؟!!!
انا مو من جدة بس اللي اعرفه في الهرم موجود بكثررة
|
رد: فين احصل قمصان النفاس بجدة ؟!!!
بنات رحت الهرم امس ماحصلت نفس اللي ابغاه واللي بالصوره واشياء مره اقل من العاديه والقطن ماعجبتني كلها اكمام طويله وبصراحه بشعه شويه
اخذت قميصين لكن ماتنفع حق استقبال الضيوف > لكن تنفع للايام العاديه ابغى شي حلو نفس اللي بالصوره |
رد: فين احصل قمصان النفاس بجدة ؟!!!
انا اشتريتهم من البلد
اسعارهم مناسبة وفي خيارات كثيرة ولقيت كمان في سوق الخيمة والله يوفقك يارب |
رد: فين احصل قمصان النفاس بجدة ؟!!!
^_^ تسلميلي اختي ام اسكندر ويشرفني مرورك الكريم ^_^
فين تحديدا بالبلد ؟ |
رد: فين احصل قمصان النفاس بجدة ؟!!!
بنات رحت الاندلس مول : رحت فلور وواحة الجلابيه كلهم نفس البضاعه
المشكله شكلها حلو لكن قماشها مره فاضح خفيييف مره مع انها قطن لكن قطن مره مره مره خفيف ماينفع ينلبس قدام الناس ولا قدام الاهل ^_^ للأسف لسا ماحصلت القمصان اللي ادور عليها اذا فيه اماكن ثانيه بالاندلس مول غير فلور وواحة الجلابيه قولولي ^_^ وفين كمان اسواق ثانيه انتظركم |
رد: فين احصل قمصان النفاس بجدة ؟!!!
رفع
بنات يلا قولولي فين احصل ؟؟ |
رد: فين احصل قمصان النفاس بجدة ؟!!!
انا امس رحت السعر المنافس دلتني عليه وحده واخذت ارواب للنفاس حلوة مررة في السكري واوردي والبيج مررة حلوة في قطعه وفي قطعتين اسعارها حلوة من 53 ل 72 ريال
|
رد: فين احصل قمصان النفاس بجدة ؟!!!
اللي اخذتهم مو خفيف حلو من السعر المنافس اللي بجنوب جده عند السروات مداين فهد ان شاء الله تعجبك
|
رد: فين احصل قمصان النفاس بجدة ؟!!!
^_^ ان شاء الله اروح وارجع اردلك خبر ^_^
|
رد: فين احصل قمصان النفاس بجدة ؟!!!
اهلين اختي
حبيبتي تلاقيها فسوق الشاطئ ماني فاكرة اسم المحل بس هوا من ورى السوق جنب مكتبة الفانوس في محل كبيييير للاطفال فيه كل حاجة انا ايام حملي الاولاني اشتريت من عنده واسعاره حلوة مرة .. وان شاء الله المرة دي راح انزل اشتري من هناك |
رد: فين احصل قمصان النفاس بجدة ؟!!!
انا اليوم كنت في واحة الجلابيه وفلورا كانت في اشياء مرررا حلوه
|
رد: فين احصل قمصان النفاس بجدة ؟!!!
واحة الجلابية اللي بمبنى عيد كلينك عند دوار الدراجة
أشياؤ مررررة حلوة وفخمة وتنفع حق استقبال ضيوف لانها راقية |
رد: فين احصل قمصان النفاس بجدة ؟!!!
شوفي حبيبتي قديم مرة اللي يستقبل بقمصان الرضاعة
خذي لك جلابية ناعمة وحلوة القمصان تلبس في بيت رأي ولك حريت القرار |
رد: فين احصل قمصان النفاس بجدة ؟!!!
للأسف ماني من جده لكن عندنا محلات بالرياض مثل الريس واحه الجلابيه وفلور ممكن يكون لها فروع بجدهوكذا قالو بالهرم موجود لكن من المعروف بضعاته لا أسس لها من الجوده
|
رد: فين احصل قمصان النفاس بجدة ؟!!!
غلآتي
أنآ بآقي والله مَ رحت أقضي بس كل الأمآكن اللي تكرموآ الأخوآت وقآلوهآآ الكل يمدح فيهآ وبآغلب المنتديآت وإن شآء الله إني بروح لهآ ميغسي ^_^ |
رد: فين احصل قمصان النفاس بجدة ؟!!!
بنات الحمدلله ابشركم حصلت اللي كنت ادور عليه واللي ماكنت ادور *_*
بأسواق الديره بجنوب جده محل اسمه دار اللانجري شي خرافه وشي مره مره فخم ويشرف الحمدلله يارب ماشاءالله تبارك الله ... بلا فلور بلا واحة الجلابيه بلا نعومي والله كلها شفتها بعيوني مافيها من الفخامه والرقي شي .. جزيتم خيرا لكم كلكم على دخول الموضوع والردود ^__^ |
رد: فين احصل قمصان النفاس بجدة ؟!!!
صح الديرة حلووو على انو سوق شعبي والله يوم زواجي اخدت من فلور ارواب نوم 3 اضعاف من السعر وعندهم لقيتها اقل وروعه انا اخذت ارواب نفاسي من السعر المنافس اللي بالمداين والله حلوة
|
رد: فين احصل قمصان النفاس بجدة ؟!!!
غلامي ^_^ صح كلامك والله
انا رحت هالسوق لأنو قريب من سوق الاهبل حق العصافير والحمامات ^_^ لكن انصدمت حصلت عندهم اشياء والله ماحصلتها لا بواحة الجلابيه ولا فلور ولا نعومي > حراميه نعومي فلوسي كلها حطيتها فيهم بس الحمدلله على كل حال يعني هذا المكان اللي قلت عليه دار اللانجري والله كل المحلات هما اللي دلونا عليهم كل مامريت محل سألنا عن ملابس نفاس قالو روحو دار اللانجري تحصلو بصراحه سعرهم غالي حبتين ما انكر لكن والله العظيم والله شي فخم مره ويشرف وبيبض الوجه منجد ملابس استقبال فخمه ^_^ وانا لحقت قطع على اخرها طبعا فيه قطعتين وفيه قطعه وحصلت نفس اللي بالصوره بداية الموضوع واحلى منها والوان حلوه حق نفاس سكري فاتح وبيج فاتح ووردي فاتح ^_^ اما السعر المنافس مريت من جنبه لما قلتولي هنا بالموضوع رحت وشفت شكل المحل من برا ^_^ مجمع ماشاءالله مو محل مره مره كبير وملييييياااااان ناس *_* أمم بس اني جيتهم بوقت العشا وكان مره زحمه كان نفسي ادخل لكن ان شاء الله ربي يكتبلي فرصه ثانيه وادخله ^_^ شكله فيه اشياء كثير حلوه طيب عندهم اشياء مواليد ؟؟ لأني لسا ماقضيت قلت انتظر فترة التخفيضات واروح سنتر بوينت ومذركير ^_^ |
رد: فين احصل قمصان النفاس بجدة ؟!!!
كويس ياعسل أنك لقيتي الي تبغيه
أنا لسى مابدأت أقضي لأني للأن ماعرفت أيش جنس البيبي بس لما رحت الهرم ألقيت نظرة علي أرواب النفاااس مااأعجبتني مع أني بنفاسي الأول أخذت من عندهم مررررة كانت حلوووة وأصلا أنا كنت أبغااهم لحملي التاني بس المشكله انعدمت وحدة انعدمت بالاستفراغ تبع بنتي ولا خرج والتاااااني مالقيتو مختفي وأصلا من التخزين صاااير معفن حروووح للمحل الي قلتي عليه وحدووور مع أني من زماااان مادخلت أسواق الديرة والله يسهلك ولادتك ياااااقمر وحبيت أقولك قبل اسبوعين رحت للهرم مافيه لبس مواليد ورحت له امس مررررة جايبين أشياااء تجنن كان نفسي أخذ بس المشكله مو عارفة أيش جنس البيبي وسنتربوينت للأن مافيه شي حلو أتوقع بعد التخفيضيات حينزل أشياء حلوووة |
رد: فين احصل قمصان النفاس بجدة ؟!!!
^_^ ياهلا مخمليه ^_^ ربي يسهلك ياقلبي وتحصلي اشياء تعجبك نصيحتي لكي انتي لما تروحي المحلات حق اللانجري اسأليهم قوليلهم من عند الباب ابغى ملابس نفاس وهما يدلوكي
بس نفس المحل هادا انا متاكده منو لاني دخلته وقضيت منه اسمه دار اللانجري ^_^ بأسواق الديره ويارب تحصلي شي يعجبك ^_^ |
رد: فين احصل قمصان النفاس بجدة ؟!!!
عندك في مجمع الشرق بشارع المكرونة فييه محلات مثل العروسة ومحلات لانجري ويوجد عندهم مبتغاك وأكثر ان شاء الله مررررره روعة ادعيلي ربي يسهلي ولادتي
|
رد: فين احصل قمصان النفاس بجدة ؟!!!
من باب شرف حلوة سعر 60او70
|
| الساعة الآن 07:34 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .