|
تجمع حوامل اهل الاردن الطيب
بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين اولا كيف الحلوات الامورات الكرووووشات hwaml02 انا شفت بهالمنتدى الاكتر من رائع كل جديد ومفيد واستفدت كتير من خبراتهم وشفت كمانا تجمعات تقريبا لكل بلد الا الاردنيات وينكوم حبيت يكون لحوامل اهل الاردن الطيب تجمع حابه نساعد بعض ونستفيد في خبرتنا وحملنا وان شاء الله يتمم حمل كل وحدة فينا يا رب ويرزق كل محرومة من اذريه الصالحه اتمني التفاعل معي وان شاء الله يكون في اردنيات لانهم ما الهم بينه hwaml13 وكل وحده تخبرنا عن حملها وشو نصائح الدكتوره الها حتى نستفيد منها انا هادا حملي الاول بعد 9 سنين زواج الحمدلله رب العالمين يله انتظركم احبائيhwaml95hwaml95hwaml95 |
رد: تجمع حوامل اهل الاردن الطيب
سبحان الله وبحمده سبحان الله العظيم
|
رد: تجمع حوامل اهل الاردن الطيب
معقول ولا وحده هون من الاردن!!!!!!!!!!!!!!!!!!!!!!!!!!!!!!!
|
رد: تجمع حوامل اهل الاردن الطيب
انا ...بس سافرت ع اميركا .الف مبروك حملك الله يثبته و يبلغك طفلك بكامل الصحه و العافيه
|
رد: تجمع حوامل اهل الاردن الطيب
هلا ياعمري انا اردنية وهاي اول مشاركة الي في المنتدى كتيييييييييير حبيتو والله يجزيهم الف خير الي تعبو عليه على اد ما هو مفيد ...
انا حامل بالاسبوع السادس ومييييييييييييييتة من التعب الله يتمملك حملك على خير |
رد: تجمع حوامل اهل الاردن الطيب
اقتباس:
والله يرجعك بالسلامه يارب وربي يبارك فيكي وخليكي خبريني هل انتي حامل وباي شهر |
رد: تجمع حوامل اهل الاردن الطيب
اقتباس:
يا ستي وانا كمان بالاسبوع الثامن بس ما فيه تعب بس غثيان طول الوقت مخليني عصبيه hwaml15ههه الله يتمم حملنا يا رب على خير ويثبته ويرزق كل محرومه من الذريه الصالحه |
رد: تجمع حوامل اهل الاردن الطيب
اقتباس:
|
رد: تجمع حوامل اهل الاردن الطيب
هلا اختي برين نورتي
والله يقومك بالسلامه وما تخافي الولاده بامريكا ان شالله سهله انصحك بسورة البقره بتسهل عليكي الولاده والله انا متلك هلا حملي الاول طبيعي الحمد لله بعد مشوار طويل بالعلاج واطفال الانابيب تخيلي عملت 6 عمليات انابيب خلاف التلقيح الصناعي وما كان فيه فايده وهلا اجت من عند الله بعد ما يأستانا وزوجي من الاطباء بس الحمدلله ما يأست من رحمه ربي والله يتمملي واياك وكل حامل على خير |
رد: تجمع حوامل اهل الاردن الطيب
مرحبا
انا من الاردن كمان بس عايشة بقطر وهاد الحمل الرابع الي وانا هلا بالشهر التامن تعبت كتير من هالحمل وزهئت ونفسي اولد واخلص طولت عليكم بتمنى تئبلوني معكم |
رد: تجمع حوامل اهل الاردن الطيب
بنوتات بليز ساعدوني بحاجتكم كتير
انا تغربت عن امي وعايشه لحالي بالامارات ومالي صاحبات حملي واجعني كتير وبطني عطول بتقطع من الالم غير الدوخه والاستفراغ والصداع الرهيب رحت الدكتورة وسالتها قالتلي شي طبيعي حتى ولا اعطتني مخفف او مسكن للاستفراغ بس باقي لموعدي الجاي شهر ونص وانا الصراحه بنزل علي افرازات بنيه غامقه مع دم خفيف ((اسفه جدا عالوصف الدقيق بس الصراحه مححتاجتكم تساعدوني هل هادا خطر عالجنين شو لازم اعمل ساعدوني ؟؟؟ قالتلي الدكتورة لو نزل دم بتراجعيني بس هاد مو دم |
رد: تجمع حوامل اهل الاردن الطيب
اقتباس:
وبكره روحي دكتوره تانيه انا يلي بعرفه انه الافرازات البنيه والدم بكون فيه خطر عالجنين المفروض تاخدي مثبت سايكولوجست تحاميل وانصحك بالراحه التامه والله يتمملك على خير روحي بكره اتطمني وطمنينا واول شي اتأكدي من نبض الجنين ازا ما بين بالالترا ساوند الاعادي لازم تعملي سونار مهبلي وطمنينا عليكي |
رد: تجمع حوامل اهل الاردن الطيب
اقتباس:
الله يسهل عليكي ولادتك ويقومك بالسلامه مبروك مقدما يا رب هاي انتي بالتامن وما ضل شي عضه كوسايه على قوله اخوانا السوريين الله يفرجها عليهم شو احكي انا لسا بالاسبوع التامن وخايفه عالجنين موت مو مصدقه وانا اصير بالتاسع يا رب تمملي حملي على خير وكل حامل يا رب |
رد: تجمع حوامل اهل الاردن الطيب
بدي اسألكم يا بنات
صحيح الاندومي بضر على الحامل او الجنين الانه مشتهيته كتير وزوجي مو مخليني اكله بحكيلي انه بضر ومو منيح وعملي بداله معكرونه ههههه الله يكون بعونه والله مغلبته معي كتير |
رد: تجمع حوامل اهل الاردن الطيب
هلا فيكي اختي بنت جبل الصديان وسلمو كتير عالرد الله يتمملك حملك على خير يارب وتشوفي سليم ومعافى باذن الله
وبالنسبه للاندومي انا عادي كنت اكلها باي وئت بحملي بس ماكنت حط عليها البهار اللي بيجي معها بحط بهار العادي من البيت والله يهونها عليكي يارب |
رد: تجمع حوامل اهل الاردن الطيب
حبيبتي بنت جبل الله يجزيكي الف خير يارب ..
الصراحه انا كتير خايفه اروح عالدكتورة لانو عندي الم شديد وخايفه تحكيلي اخبار مو منيحه او تحكيلي البيبي مات هاد اول حمل الي بس هي دكتورة اجنبية والمستشفى الي براجع فيها مشهورة هون بالمنطقه بعدها الافرازات بتنزل صارلها اربع ايام هيك بس بالليل بتنزل ومو كتيرة بس الصراحه شكلي لازم اروح ليتطمن البي لاني ميته خوف اد ماكرهت حالي اني حملت بس حبيت البيبي ومتمنية اولدو اليوم ابل بكرا الله يسعدك ويخليكي يارب يالنشمية |
رد: تجمع حوامل اهل الاردن الطيب
مبروك والله يتمملك ع خير وبتمنالج المولود الصالح انا عراقية مو اردنية
|
رد: تجمع حوامل اهل الاردن الطيب
هلا وغلا بالكل وهلا فيكي ام العسل والشهد وحياكي ربي
تخيل اعطيك وجهه كيفك طمنيني عنك شو صار معك الله يتمملك على خير عفكره نك نيمك حلو الحلوه شيرين وينك طمنينا عنك |
رد: تجمع حوامل اهل الاردن الطيب
اهلا بالجميع وبكل الموجودين
انا منيحه الحمدلله بس بتعرفي يوم الجمعه والسبت بتكون اجازة وبننشغل بالبيت وبنتي عندا امتحانات شهرين فانشغلت بتدريسها انتي اخبارك وطنيني عنك وعن حملك |
رد: تجمع حوامل اهل الاردن الطيب
وينكم يا كروشاااات
|
رد: تجمع حوامل اهل الاردن الطيب
مراحب يا قمر كيفك ان شالله بخير
|
رد: تجمع حوامل اهل الاردن الطيب
حبيبتي بارك الله فيكي
وجزاكي عني الف خير لسؤالك واهتمامك والله من كثر الالم مو قادرة اوصل للدكتورة بس انشالله هاليومين بس احس حالي متنشطه بروح الله يسعدك يارب |
رد: تجمع حوامل اهل الاردن الطيب
هلا وغلا تخيل
منوره والله اقلقتيني عليكي وان شالله تطمني يا رب |
رد: تجمع حوامل اهل الاردن الطيب
السلام عليكم ورحمة الله وبركاته من زمان نفسي تجمع لبنات الاردن انا في الشهرالسابع واتمنى تقبلوني معكم |
رد: تجمع حوامل اهل الاردن الطيب
هلا وغلا اختي
بوكاهنتس منوره بجد وحياكي الله يا ستي الله يقومك بالسلامه وتشوفي البيبي بحضنك يا رب بنات وينكم ليش التجمع نايم شلونكم مع البرررررد اليوم عنا بالسعوديه اول مره بتشتي مشاء الله بنات انا اليوم عامله فطاير كشك تفضلو حياكم |
رد: تجمع حوامل اهل الاردن الطيب
مرحبا يا نشميات انا من الاردن و تحديدا من اربد عروس الشمال وسجلت جديد هون كتير نفسي احكي مع حوامل من الاردن متلي انشالله تقبلوني معكم
هاد حملي التاني و انا بالشهر الثامن و كتير خايفه من الولادة |
رد: تجمع حوامل اهل الاردن الطيب
مساء الخير يالغاليات والله يسهل عليكم اموركم يارب
شاركينا بهل الزاويه الله يسعدك يارب http://forum.hwaml.com/t82924.html تقبلي مروري سوسه |
رد: تجمع حوامل اهل الاردن الطيب
انا من الاردن الغالي اهلا وسهلا انا شاركت بالمنتدى جديد وبدي المساعدة من اصحاب الخبرة في الحمل فش حدا يساعدني ماما الله يرحمها وما عنديش خواتhwaml90hwaml90hwaml79
|
رد: تجمع حوامل اهل الاردن الطيب
يا هلا وغلا بالجميع واهلا وسهلا فيكم
بنات كيفكم اشتقتلكم صارلي كم يومما شفتكم شو اخباركم شرين طمنينا عنك الله يقومك بالسلامه تخيل اعطيتك وجه شو اخبارك طمنيني عنك رحتي عالدكتوره ولا لساتك الله يتمملك على خير ويثبت حملك كفى بالله وكيلا حياك الله وان شالله تستفيدي من خبرة الصبايا انا بكريه وان شالله اقدر اساعدك الله يتمم حملك على خير ام كوكي يا هلا وغلا وميه مرحبا شرفتينا الله يقومك بالسلامه ويسهل ولادتك لا تنسي سوره البقره تقرأها لحين موعد ولادتك مفعولها عجيب رح تسهل عليكي ولادتك ان شاء الله |
رد: تجمع حوامل اهل الاردن الطيب
بنات كيف جو الاردن
والله اشتقت لبرد الاردن والمطر وخصوصا عجلووووون يا رب ثبت حملي يا رب وتمملي على خير |
رد: تجمع حوامل اهل الاردن الطيب
دعاء لتوسيع الرزق انصحكن تدن فيه
اللهم ارضني بما رضيت لي وعافني فيما ابقيت حتي لا احب تعجيل ما اخرت ولا تاخير ما عجلت |
رد: تجمع حوامل اهل الاردن الطيب
بنت جبل الصنديان شكرا حبيبتي على هالنصيحة وانشالله غير اقرا سورة البقرة و الله يسهل عالجميع الولادة
الجو بالاردن كتير برد هاليومين بتخيل بعجلون صقيع لانها مرتفعة بس انا بحب هاي الاجواء hwaml61 الاخت كفى بالله وكيلا انا حاضرة لاي استفسار و اي مساعده بدك اياها بما اني صرت صاحبة خبرةhwaml7 انا كمان ما عندي اخوات ولا اخوانhwaml93بس عادي عايشه الحياة بالطول و بالعرض شو بدي اسويhwaml92 |
رد: تجمع حوامل اهل الاردن الطيب
مرحبا بالكروشات كيفكم ياحلوين
طمنوني عنكم يسلمو كتير بنت جبل الصنديان على السؤال انا الحمدلله تمام صايبتني حاله اكتئاب بسبب التئل بس الله بعين ان شا الله والله يهونها علينا جميعا |
رد: تجمع حوامل اهل الاردن الطيب
وينكم ياحلواااات
|
رد: تجمع حوامل اهل الاردن الطيب
شو ما حدا هون له له له يا بنات
|
رد: تجمع حوامل اهل الاردن الطيب
مرحبا يا صبايا كيفكم
اشتقتلكم صارلي كم يوم ما دخلت شيرين كيفك طمنينا عن حملك ام كوتي منوره انا موجوده كيفك شوعامله بهالبرد ابشركم اليوم كان عندي موعد بالمستشفى واتطمنت عالجنين لانه قبل كم يوم نزلت علي افرازات بنيه ومتت خوف واليوم الدكتوره طمنتني اثاريها من ابرالكلكسان اللي باخدها يا رب تمم لي حملي واشوفه على حضني قريب ما تتوقعو يا صبايا شو احساسي بعد 9 سنين زواج الحمد لله الله اكرمني انا وابوه يالله شو مبسوط اليوم لما شاف ابنه عالسونار حسيته رح يبكي بحكيلي شوفيه نايم على ظهره وحاطط رجل على رجل ههههههههههه عاد هو لسا ما اله اطراف لسه بس براعم نابته ممممم حاسه فيني ولد ما بعرف ليش ماما بتحكلي انه صبي لانه توحمت عالموالح والحامض وكرهت الحلو معقول هالكلام صحيح وقبل فتره حلمت انه شعر راس جوزي كله شيب ولما فسرته طلع انه رح ييجيني صبي ولد بت اللي من الله يا محلاه اهم شي ييجي معافى معليش قرقرت كتير يله تحملوني لوحدي بالبيت وحضره جنابه جوزي طلع عالسهره مع اصحابه وخلاني احبكم في الله عفكره انا من عجلون اه صح الاخت تخيل اعطيك وجه مبطله اشوفها هون ان شاء الله تكون بخير وتيجي تطمنا عنها وعن جنينها شيري ان شاء الله ما تشوفي شر يا عمري تصبحو على خير نعست صحيانه اليوم بدري عال8 هههههه اتوقع ما بصير بالتاسع الا انا قد البرميل هههه |
رد: تجمع حوامل اهل الاردن الطيب
ام كوتي له له له انا هون امري
|
رد: تجمع حوامل اهل الاردن الطيب
اقتباس:
هلا يا عمري طمنيني عنك انا منيحه الحمدلله بكرة رح ادخل بالتاسع وببلش بالعد التنازلي والله يفرحك بشوفه ابنك اوبنتك بين ايديك يارب مو بس على السونار وبالنسبة للنوم بالحمل طبييييييييييييييييعي بتصيري تنامي 30 ساعه من ال 24 ساعه خخخخخخخخخخ كترت حكي بس شو اعمل الملل عامل عمايله معيhwaml7 |
رد: تجمع حوامل اهل الاردن الطيب
هلا والله شيري وين هالغيبه وشكرا عالدعوه القميله امين يا رب
الله يقوومك بالسلامه يوم ولادتك احكيلي وين ساكنه عشان نيجي نزورك انتي بإربد صح؟ صحيح بدي اسألك شو احسن مشفى خاص باربد عشان الولاده |
رد: تجمع حوامل اهل الاردن الطيب
لا حبيبتي انا مو باربد انا من عمان بس عايشة بقطر
وولاداتي كانو ببنتي بمستشفى الاسراء اللي بشارع الجامعه الاردنية وولادي التنين بمستشفى الاستقلال وراتحت كتير بمستشفى الاستقلال اما باربد والله ماعندي علم |
| الساعة الآن 01:38 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .