|
سالفتي مع زوجي ... ابي مشورتكم
السلام عليكم ورحمة الله وبركاته
كيفكم بنات ان شالله بخير بصراحه ما ادري وين اكتب موضوعي وكتبته هنا ابدأ سالفتي ... انا طبعا يابنات من عادتي ما احب افتش جوال زوجي حتى لو تجي رساله ومكالمه ما فتحها المهم مره زوجي كان نايم وانا شبعت نوم وصحيت بليل الساعه 12 خذت جوال زوجي بشوف الساعه كم الا في مكالمتين ورساله انا كنت ابي اعرف من مين هالمكالمات والرساله لاننا كنا نايمين من العصر تقريبا او اول المغرب قلت يمكن احد من اهلنا ولا شي ضروري طبعا مافتحت الرساله ولا المكالمات رحت شيكت على السجل لان راح يطلع لي منو اللي دق وارسل المهم المكالمات كان عمي وزميل زوجي والرساله كانت رقم غريب طبعا انا من شفت الرقم ونزلت تحت بالسجل الاقي لرقم هذ1 اكثر من مره مرسل رسايل وزوجي يرد على رسايله بس مافي مكالمات الا مره بس والاغلبيه كله رسايل انا شكيت لان من عادت الرجال ماترسل رسايل اذ1 يبون شي يتفاهمون بمكالمات طبعا جتني شكوك رحت بفتح الصندوق الوارد بس من غير افتح الرساله قريت اول كلمتين من الرساله كانت شعر بس مافتحت الرساله ونزلت تحت بشوف رسايل هذ1 الرقم الا زوجي ماسح رسايل هذا لرقم ورحت لرسايل المرسله كمان ماسح رسايله اللي مرسلها لهالرقم يعني كل مايخص بهالرقم ماسحه والرسايل الباقيه موجوده اللي هي مني ومن زملائه واهله الا هذ1 الرقم رسايله ممسوحه المهم اخذت الرقم ودقيت على اختي ساعه 3 الفجر وعلمتها بالموضوع ووعطيتها الرقم وقلت لها دقي على الرقم الحين ورديلي وش يصير معك اذ1 بنت ردي اما اذ1 كان رجال طبقي الخط وانسي الموضوع انتظرت اختي ربع ساعه وهي تدق اختي قالت لي اخاف اقول لك تزعلين من قالت هالكلمه عرفت انها صاحبة الرقم بنت قالت اختي طلعت بنت وكان صوتها صغير وواضح انها حقة حركات نص كم الله يستر عليها ... المهم تنرفزت شوي لان انا واثقه من حب زوجي لي والحمدلله فقلت يمكن كان مايبيني اعرف عشان ما ازعل لاني انا بشهر التاسع على وشك ولاده ولا كانت تزعجه ويبي يعرف منو هي ......... بنات ترى زوجي مطلق وعنده بنت وعلى طول جت في بالي انها طليقته ... اليوم الثاني بنفس الوقت صحيت نوم واخذت جول زوجي رحت لسجل الا مرسل زوجي رساله لها وردت عليه وبعدها مرسل رسالتين ولا ردت دقيت على اختي بشوف وش سوت قالت لي طول اليوم انتراسل وانا هالبنت وللاسف البنت هذي قالت لأختي كل هذ1 غيره يازوجة زوزو طبعا تقصدني انا وتحسب اختي انا ومدلعه زوجي زوزو يعني عرفت انها وحده تعرفني وتعرف زوجي اختي حاولت انها تبين لها ان ماهي زوجة زوزو ولا تعرف بالموضوع شي يعني مجرد انها مزعجه ولا غلطانه قالت لها اختي وشو مرة زوزو وحلفت لها اختي انا مو متزوجه البنت شكت بالموضوع وصرفت النظر عني وقالت لا انا بس كذ1 قلت مرة زوزو وصارت نقاشات حاده بين اختي وبين هالبنت والبنت لهالحين ماتعرف منو اللي يراسل لها وتقول لاختي هذ1 رقم لي شهرين شريته كيف عرفتيه ؟؟ المهم اختي طنشتها وانا قعدت افكر منو هذي البنت وطلعت في راسي انها بنت خالته طبعا بعد تحليل من اسلوبه بالرسايل نفس الاسلوب ونفس اللهجه hwaml4 الحين انا ما دري شلون اواجهه زوجي قلت خل اصبر يومين واستمر اراقب السجل اذ1 شفت زادت الرسايل راح اسئله شنو هذ1 الرقم اذا قال لي الحقيقه انها بنت راح اعرف انه صدق معي ولا راح اعلمه اني انا داريه من زمان انها بنت واذا كذب علي راح اعترف له اني ترى عارفه بالموضوع كله وش رايكن بناتhwaml9 نفسيتي تعبانه حيل وانا مادري وش افكر به بولادتي وانا بكر هذ1 اول حمل لي وشايله هم ولا افكر بهالسالفه ابي ردودكم |
رد: سالفتي مع زوجي ... ابي مشورتكم
تصدقين موضوعك هذا انا صاير لي هالفتره وجالسة اعاني منه ومثلك بشهر التاسع مادري افكر بنفسي والا بهالموضوع بس انا لما شفت الرسايل والمكالمات وتاكدت انها بنت على طول قلتلة ماقدرت اصبر وقلتلة اني بروح بيتنا وبجلس وخلي بنت الشوارع تنفعك بس قالي خلاص بتركها واكتشفت انه عندة جوال بالسياره يكلمها عليه بس عطاني اياه والحين خايفة يكون اخذ له جهاز ثاني ورجع يكلمها ااااااااه من هالرجال يتعبون القلب
بس انتي لازم تواجهينه لاتسكتين واعرفي ليه هو سوى كذا واذا هو يحبك اكيد بيتركها خاصة انك حامل ماراح يقدر يزعلك بالتوفيق يارب |
رد: سالفتي مع زوجي ... ابي مشورتكم
آآآآآآآآآآآآآآآآآآآآآآه ياعمري وربي حاسه فييييييك
واااااااااجهيه ماعليكمنه رجال زي كذا ماينجلس معه.. وربي انا مريت فيهاا بس واجهته قووي قلبك ..والله الرجال لو يشوف شي ع زوجته من هالناحيه خلااااااااص الله يعينها ع الي بجيهاا اما هو ملاااااااااك منززل... والله يعينك يالغاليه اهم شي الصرااحه |
رد: سالفتي مع زوجي ... ابي مشورتكم
ينقل للقسم المناااااااسب
|
رد: سالفتي مع زوجي ... ابي مشورتكم
ومشكورات بنات لمعه الله يوفقك ان شاءالله فوق مستواك اكيد بواجهه اصلن راح اتعب بزياده وما ارتاح الا لما اوجهه قبل اولد
بس المشكله انا مو عارفه هو متواصل معها وان معه علاقه معها ولا هي تزعجه انا اكيد راح اناقشه بس خايفه انصدم من شي وتطلع جد بنت خالته لانها تقول لها شهرين مطلعه الرقم يعني هي اللي داقه عليه تقول لاختي مصيره يتزوجني يعني ناويه انها تعلقه وتدمر بيتي راح اقول لكم وش يصير معي |
رد: سالفتي مع زوجي ... ابي مشورتكم
عادي حطي براسك كل الاحتمالات يالغلا.. وبلغينا ايش يصير معك والله يكفيك شررهاا ياااااااارب
|
رد: سالفتي مع زوجي ... ابي مشورتكم
ياااحياتي الله يعينك يااارب
والله مدري اش اقلك اخاف اقلك واجهيه وينكر ويقلب المشكله عليك واخااف اقلك اسكتي لين تولدين ويتماداا زياااااده بس انتي استعيني بالله وتوكلي على الله وواجهيه وكلميه بسلوب وبهدؤؤ واذا مانفع قوليله انا كلمتهااااا وعرفت انهاا بنت يعني لاتنكر الانكر مو طيب لاني خلاص عرفت واحمد ربك اني لين الحين ساكته وماكلمت اهلي انت لو صااار معك نفس الموقف تنتظر كذا يوم وتكلمني بهدوو لا والله راح تواجهني على طول وامكن تطلقني وتظربني وتنهي علقتناا الله يكون معك ياااااارب ويسخره لك ويصرفه عن الحرام |
رد: سالفتي مع زوجي ... ابي مشورتكم
مشكورات بنات والله ريحتني بكلامكن
رح اواجهه ان شاء الله بطريقة هادئه اتمنى انها هي اللي تزعجه وانه مايعرفها يارب |
رد: سالفتي مع زوجي ... ابي مشورتكم
الله يعينك
ويعينني ان الله مع الصابرين انتي تعرفين زوجك زين واحسن لك تطنشينه لانه بعدين بيعاند ويسوي اكثر بس لو تشغلينه معك وتعبانه ومشيني ووديني وجيبي ومقدر امشي امسك يدي ومن ها الحركات كثري عليه وان شاء الله ينفع |
رد: سالفتي مع زوجي ... ابي مشورتكم
لله يسخر لكم ازواااجكم يا رب
|
رد: سالفتي مع زوجي ... ابي مشورتكم
ياقلبي هذا شي ماينسكت عنه هذا زوجك مملكتك حياتك يعني لاتخلين اي وحده تاخذه منك واجهيه وكبري الموضوع عشان يعرف انه شي كبير ويبعد عنه نصيحه يابنات الامور الي زي كذا مافيها تهاون وهدوووء وينيكت عنها اعرف بنات طنشوا وحطووا الامر عادي ويتهاون الزوج ويحط الشي عنده عادي
|
رد: سالفتي مع زوجي ... ابي مشورتكم
الله يسخرلك زوجك و يخليه ما يشوف بنت بهالدنيا غيرك يا قلبي
|
رد: سالفتي مع زوجي ... ابي مشورتكم
اختي الغاليه الله يلوم اللي يلومك حاسه بالمراره اللي تعيشينها وحاسه بقهرك واحساسك بالظلم من الانسان الوحيد بهالدنيا اللي معلقه عليه آمالك وطموحك لكن حابه اهمس بإذنك همسه واتمنى تقرئينها بعيد عن كل الاحاسيس المزعجه والانفعالات السلبيه اللي تعتريك وما احد يلومك عليها وياصبر قلبك
اختي حطي في بالك ردة فعله في كل الحالتين سواء صارحتيه او سكتي وانا بوضح لك الصوره اكثر وانتي اخبر وافهم بطبيعة وتفكير زوجك من جميع الناس واولهم نحن البنات اللي نرد عليك....فكري دقيقه معي وبعدها استخيري الله سبحانه واطلبي عونه في القرار اللي بتتخذينه الموضوع كبير وحله اكبر منه ويحتاج لتفكير....اولآ ضعي في بالك هذه الاسئله...وجاوبي عليها ... هل اذا صارحتيه بيعترف بذنبه وبيقر وبيتوب لخاطر عيونك.؟ هل تضمنين انه بعد اعترافه لك بيقطع علاقته بهالبنت.؟ هل تظنين ان علاقتها بها نزوه او حب سابق خصوصآ انها بنت خالته .؟ هل تعتقدين ان الشكوك ماراح تساورك بيوم من الايام اتجاه زوجك حتى لو اظهر امامك نزاهته.؟ هل لو سكتي ما واجهتيه بتكونين قويه وصبوره للنهايه.؟ اختي الغاليه...انتي لستي اول واحده تتعرض لخيانه زوجيه وتأكدي ان كل بيت معرض لتلك الخيانه ومهدد بها لاننا في زمن الفتن والعياذ بالله. لابد ان يكون قرارك وتصرفك الآن بعيد كل البعد عن ردة فعلك اللي تشعرين بها اتجاه خيانة زوجك لك وتحكمي عقلك اكثر وتجعليه يقودك للنجاة بإذن الله. انتي الآن في فترة مخاض ومحتاجة الى الاسترخاء والراحه لاتشغلي عقلك بأمر ان كان الله وحده كاتبه ومقدره من زواجه بهذه البنت فسوف يحصل حتى لو اعددتي العده لردعه فقط الجئي الى الله وادعيه ان يصرفه عن الحرام وعززي في زوجك جانب الايمان. واليك بعض الحلول اللي تعينك بإذن الله .. في حالة انك قررتي مواجهته لابد ان تقومي بردة فعل مبالغ فيها وعظمي الامر حتى يعظم في نفسه بدون ان تدخلي اي مخلوق بالموضوع فقط بينك وبينه وكوني جاده وحازمه بموقفك وازعلي زعل يليق بمكانتك كزوجه خانها زوجها والامر ليس عادي ابدآ واطيلي مدة الزعل قومي بكل واجباته لكن بزعل وموقف صارم اتجاه فعلته بدون ان تعيدي تأنيبه في كل مره فقط دعي عيناك تتحدث وقومي الليل وادعي بصوت عالي يسمعه ان الله ينصرك على من ظلمك ادخلي الخوف في جوفه وحسسيه انه ظالم وغير مقدر لهذا الميثاق الغليظ الذي يربطكما والذي عظمه الله في كتابه ولاترضين من محاولته الاولى لارضائك حتى يصعب عليه الامر<<<ولكن مايخيفني في هذا الحل انك الآن سوف تذهبين بعد ولادتك لبيت اهلك وسيكون الفراغ المحفز الاول لتكرار فعلته وزعلك عليه بالامكان ان يكون ذو وجهين اما ينصفك او يظلمك واذا لاقدر الله ما اكتفى من ذنبه وعاد اليه فتأكدي انك لن تكتشفيه في المره المقبله لانه سيكون اكثر حذر منك من قبل . وفي حالة عدم مواجهته استخدمي معه بعض الحيل بدهاء ومكر مباح مثلآ قولي له يتكرر علي حلم اني اخونك مع رجل غريب ولا اعلم تفسيره ارجو منك ان تطلب تفسيره من رجل دين وقولي ايضآ احلم بانك تقع من جبل عالي او ان ثيابك تتمزق او من اي هذه الاحلام التي تخيف الانسان على دينه والكذب هنا ان شاءالله جائز ولا افتي ولكني اتمنى ان يكون مباحا لغرض تصحيح ذنب زوجك وراقبيه عن بعد حتى تعلمي كل خطواته بها وجديده بها وحاولي ان تعززي جانب الايمان في قلبه واشعريه دائمآ انك خائفه عليه من امر ما دون ان يعلم انك تعلمين بشي واشغليه في نفسه بهذه الافكار العبي بعقله دون ان تواجهيه دعيه يحتار في نفسه حتى يكرهها<<<ولكن مايخيفني في هذا الحل انك لاتستطيعي الصبر والمواصله وكبت غضبك لمده طويله. اما امر البنت انسيه لاتتصلي بها لان العله ليست بالبنت العله من بيتك في زوجك فإن صلح قلبه فإنه لن يلتفت الى مليون مثلها . |
رد: سالفتي مع زوجي ... ابي مشورتكم
الله ييسرلك ياقلبي
ويهدي زوج ويجعلك قرة عينه ومايششووف غيرك ويبعد عندكم كل سوء |
رد: سالفتي مع زوجي ... ابي مشورتكم
السلام عليكم ,
حبيبتي اول شي , لو هي مزعجه وهو مايبيها كان مايرسل لها مسجاتُ , وكان قالك يحول في وحده مزعجتني ردي عليها ولا مثلا جاب لك طاري , هذا اولا , ثآنييآ ياقلبي , ليه تسكتين؟ انتي شفتي الرقم والرسآيل واتاكدي انه بنت ! وبعدين في وحده تقول بيقلب السالفه عليك , مايقدر ولا تخافين منه والزم ماعليك صحتك وصحةة النونو , وعادي واجهيه , وخلي نفسك عادي لاتحرقين اعصابك وقسم بالله اني كنت زي سالفتك بس اختلاف بسيط , لكن كنت متعبه عمري وحاله صعبه , والحين عااادي كل ماتذكر اقول وراني تحمست ذاك اليوم ههههههههه عادي حبيبتي , انتي قولي له , :) انا شفت الرقم , وشفت المسج , وتاكدت انه بنت , بتتكلم زي الناسسس وبتكون صريح اهلا وسهلا , بتجلس تكذب وتحلف بربك كذب خلنا ساكتين ولا ابي اعرف شيءُ , وبيقولك كلش صراحه والله يسخره لك ياررررب , |
رد: سالفتي مع زوجي ... ابي مشورتكم
نصيحه من اخت لك
انا شفت في برنامج الدكتورة فوزية الدريع ان الزوج اذا اخطأ وانكر انه يعرفها فهو يعز زوجته ويخاف على مشاعرها اما اذا كشفته وقالت له انها تعرف بخيانته واعترف بسرعه فانه لا يهتم بها اطلاقا عموما الدكتورة قالت لا تقولي لزوجك انك تعرفين انه يخونك لا خليكي اذكى واسكتي وحاولي ترجعيه لصفك وانصحك بالدعاااااااااااء والاخوات هنا ماقصروا بالحلوووول |
رد: سالفتي مع زوجي ... ابي مشورتكم
اشغيليه فيكي ضيعي وقته حتى وانتي ببيت اهلك بالنفاس كلميه وانشغل فيه مثل ايام الملكة
لاتصارحية نصيحة بس لمحيله وحسسيه بانه ممكن يخسرك لوفي يوم يخونك وبيني اني الي تكلمه تكلم عشرة غيره وهذا اجمعيه بقصة تحكيها عن خيانة زوج صديقة اوجاره الله يحرم رجالنا عن الحرام |
رد: سالفتي مع زوجي ... ابي مشورتكم
الله يعينك وربي مرررررريت بنفس موقفك
بس واجهته وبشده وعدلت من نفسي بشياء من اهتمامات صرت بزياده ولبس ودلع وابو كل شي لاني فعلا حسيت اني السبب بتقصيري ...والله يعينك ويعينا جميعاااا بس نصيحه لاتسكتين وحلفيه بعد انه مايرجع ولوني منك اقول له لي فتره فيه رقم مزعجني يقوولي كلام حب وووو وملاحظه مايدق الالمن تطلع من البيت ذكريه دائما من دق باب الناس دقو بابه والله يعييين الجميع |
رد: سالفتي مع زوجي ... ابي مشورتكم
مآ أقول إلا ,,
الله يسخره لك و يبعد عنه بنات الحرررآم |
رد: سالفتي مع زوجي ... ابي مشورتكم
المفروض تواجهينه ..صدق الخيانه تنقص من الرجوله
وياكرهي للبنات اللي يكلمون متزوجين مايخافون ربهم يهدمون البيوت لكن ربي بيوريها لاتزوجت بكره وصار زوجها يكلم من وراها |
رد: سالفتي مع زوجي ... ابي مشورتكم
طمنينا وش صار معك
|
رد: سالفتي مع زوجي ... ابي مشورتكم
الله يعينك يارب ويهديه ويسخره لك بس انتبهي يتماااادى انتبهي يتماااادى هاذي اصدق كلمة اقولها لك من واقع تجربتي الالييم حتى لو قلتي يمووووووووووووووووت فيني راح يجي يوم من كثر ماتكتشفيه يصير عاااااي ماتهمييه ربي يريحك ...وطمنينا عليكي...
|
رد: سالفتي مع زوجي ... ابي مشورتكم
اقتباس:
فين مكر حوااااااااااااء يا بنات؟؟؟؟؟؟؟ بصى انتى قوليله ان فى واحده صاحبتى او قربتى حصل معاها كذا..ان جوزها بيكلم واحده.. وهى مش عارفه تعمل ايه ومنهاره وفكرت فى الطلاق منه وانها تفضحه وتقول لاهله فهمتى اقصد ايه ؟؟ احكيله قصتك بشكل غير مباشر وكمان اوعى تبينى انك عرفتى حاجه ياريت تقرئى كلامى قبل ما تعملى او تقولى حاجه وحاولى تجربيه(خليكى زوجه حكيمه وبلاش تكبرى المشكله) |
رد: سالفتي مع زوجي ... ابي مشورتكم
والله احس ببكي وانا اقرى سالفتك ...حسيت بخوف وظاق صدري والدمع بعيني ...
لو يصير معي كذا اموت انهار انهبل ... كل الحب والموده والعشره بيتحطم بعيني ..... الي يقهر بالموضوع انه يراسلها بعد اااااااااااه ياقلبي ... الله يعينك يارب ويرد كيد هالبنت في نحرها ...ويكفيك شرها يارب ... ويرد زوجك لك ويعميه عنها وعن كل الحريم ومايشوف الا انتي يارب ... حسبنا الله ونعم الوكيل ... |
رد: سالفتي مع زوجي ... ابي مشورتكم
الله يعينك ويهديييييييييييييييه ويسخره لك يارب ولا تجلسين تفكرين بالحلول وبس توكلي على رب العالمين هو القادر ان يحل المشكله مو احنا البشر توكلي عليه ارجعي له بصلاتك بالدعاء بالاستغفار وزي ماقالول البنات خلي حلك وعقلك حكييم .. الله يعييينك يارب .. ويفرجها عليك .
|
رد: سالفتي مع زوجي ... ابي مشورتكم
لا تواجهينه بل ناقشيه
اجلسي معه جلسه مصارحه وقولي له كل اللي بخاطرك بهدوء وشوفي رايه بالموضوع وخبرينا ايش يصير معك |
رد: سالفتي مع زوجي ... ابي مشورتكم
اقوللك وزعي رقمها بنت الشوارع لاتلحس عقل زوجك
|
| الساعة الآن 11:35 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .