|
تجمع نفوسااات ذو القعده
السلام عليكم ورحمة الله وبركاته
بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين لقد من الله علينا ورزقنا بزينه الحياه الدنيا والله يجعلهم من عباده الصالحين البارين ويتمم علينا وعليهم الصحه والعافيه /افتتحنا بعون الله هذا التجمع ليكون عونا لنا في التشاور والاستشارات وتغيير الجو عن بعض لان من المعروف ان هذه الفتره تمر ببعض الملل والروتين والحيره بسم الله بندا وانا اول وحده اقص الشريطhwaml7 |
رد: تجمع نفوسااات ذو القعده
مبرووووووووووك لكل الي ولدوا
انتم السابقون ونحن اللاحقون واتمنى نستفيد منه احنا وجميع الامهاات ان شاء الله راجعه للتجمع بعد ما أولد :) |
رد: تجمع نفوسااات ذو القعده
الف مبروك التجمع ان شاء الله نلحكم بعد ما نولد بالسلامة
|
رد: تجمع نفوسااات ذو القعده
اهلين عشيري
والف الف مبرووووووك الولاده وعقبال الباقين يااااااارب يفرحونا ويقومونا بالسلامه نفوسات كيفكم مع البيبي ؟؟؟ |
رد: تجمع نفوسااات ذو القعده
جموره الله يبارك فيك حبيبتي ياااااااااااه سبحان الله العظيم زي الحلم مرت علي الاحداث بحلوها
ومرها بس يله الحمدلله على كل شيء والله انا ذا الفتره فيه عقده من الخياطه زي الحديده مهبلتبي ماعلرفت اقعد منها وبعض الاحيان ارضع ولدي وانا واقفه او منسدحه واليوم بشتري ميبو لاني احس بيتادين العصار مانفع معي |
رد: تجمع نفوسااات ذو القعده
اي والله معاك حق مثل الحلم بحلوها ومرها
الله لايحرمنا الاجر بالنسبه للخياطه احس الحمل تسع شهور والولاده كووووووم ولخياطه كوووم ثاني اهم شي غسلي المنطقه بمويه دأاافيه ابعدي عن البارد وجففي المنطقه كووويس انا كريم ميبو ماناسبني ابدا |
رد: تجمع نفوسااات ذو القعده
طيب وش حطيتي ومتى طاحت خيوطك
وش سميتي ولدك انا سميته مؤيد |
رد: تجمع نفوسااات ذو القعده
الخياط هالمررره امره عجيب
مره يالمني وممرات احس بحككه شديييده .. ومرات احس بالم في الدبر وحكه مررره يضايقني هالوضع وش الحل ؟؟ |
رد: تجمع نفوسااات ذو القعده
مبروك التجمع
ومبروك عليكم البيبس ان شاء الله ننظم الكم قريب قولو امين |
رد: تجمع نفوسااات ذو القعده
عشيري للحين ماطاحت خيوطي بكمل عشرين يوم
بس طاح خيط وأاااحد والباقي لاااا سميت ولدي فارس سنيوره كم لك والده |
رد: تجمع نفوسااات ذو القعده
الف مبروك للي ولدو كلكم والحمدالله على سلامتكم
وان شاء الله ننظم لكم وباقي البنات قريب بالصحه والعافيه احنا واجنتنا يارب ومبروك هالتجمع |
رد: تجمع نفوسااات ذو القعده
واخيرا فتحتو تجمع الف مبرووووووووووووووك لنا جميعا والله يصلحهم ويرزقنا برهم امين
وعقبال الباقين من الحوامل انا لي اسبوع والده مره تاعبني الخياط من داخل ومن برا وموصل لين الشرج مقدر ابدا اجلس الم فضيع بقوووه استخدم منقوع المر ومعقم صارفه لي مستشفي وكريم ميبو وزايد معي حكه شديده ومسببه التهاب الله لايوريكم ادخل الغرفه وسكر ع نفسي وافصخ كل شي عشان يبرد الله يعديها ع خير ولدي فيه صفار ومضيق صدري ولا ابي اتنوم عيالي بغو ينهبلون يوم رحت اولد اللي تعرف طريقه بالبيت تفيدني ولها دعوه |
رد: تجمع نفوسااات ذو القعده
ام علاوي
اتوقع المره بدرري عليها لانها تشد الخيوط وتخليها تطيح والجرح بااأقي ما التئتم افضل شي تحطي مع مويه التشطيف بيتادين منظف جراح مع الكريم اللي ترتاحين عليه والصفار ولدك لازم يتعرض للضوء خليه تتحت النور وفي الصباح بدري عرضيه للشمس وباذن الله مايحتاج مستشفى |
رد: تجمع نفوسااات ذو القعده
مشكوره جمره ع المعلومه الله يسلمك
|
رد: تجمع نفوسااات ذو القعده
صبااااح الورررررررد
قبل ما أباركلكم على التجمع باركولي ولله الحمد ولدت بالسلامه وأبيكم تدعون لبنتي من يوم ماولدتها ماطلعت معي بالمستشفى شربت من مويتها والبراز وامتلى صدرها منه |
رد: تجمع نفوسااات ذو القعده
لي اسبوعين وشوي تقريباً ..
|
رد: تجمع نفوسااات ذو القعده
ام علاوي انتي مثلي
الحكه تزيد علي بس قالت الدكتوره فيه التهب بسيط بالخيوط وصرفت لي الدكتوره مضاد واحيانا يخف واحيانا يزيد المره الحين بديت استخدمها بعد اسبوعين مع ملح ولما استخدمها الخياط يشششد علي :( والجلد يكترب مره وامي تقول افضل عشان ينخاط الجرح والجلد مشدود وانا ماقدر اتحمله صراحه الله يعين يارب على فكره الدكتوره مانصحتني ببيتادين تقول قوي |
رد: تجمع نفوسااات ذو القعده
بالغلط سوري
|
رد: تجمع نفوسااات ذو القعده
هلا ام علاوي انا ولدت بعدك بيوم انتي الاثنين وانا الثلاثاء الساعه2 في اليل وولدي فيه صفار
زي ولدك بسم الله عليهم مدري وش الحل انا ذا اليومين احطه في الشمس وبصبر الى الاربعاء اذا ماراح وديته المصتوسف وان شاء الله يروح اللي عيالنا ولا نحتاج للمصتوسف يارب ياكريم وش رايكم يبنات كل وحده تكتب اهي من اي منطقه وفي اي مستشفى ولدت وقصه ولادتها |
رد: تجمع نفوسااات ذو القعده
ام علاوي شوفي ذا الموضوع حلو
علاج مرض الصفرة أو "يرقان الأطفال حديثي الولادة" !! نقاط مهمة حول يرقان الطفل حديث الولادة 1. من الطبيعي جدا أن يحصل الصفار لدى 70 في المائة من المواليد حديثي الولادة. 2. الصفرة هي ناتج عن ظهور مادة «بيلوروبين» في الدم. وهذه المادة تأتي من خلايا الدم الحمراء عند تكسرها. ومن الطبيعي أن تتكسر بعض خلايا الدم الحمراء بعد الولادة لأن دم الجنين يحتوي على كميات عالية من خلايا الدم الحمراء، والتي لا يحتاج إليها حقيقة الطفل بعد ولادته. ولذا فإن تكسر هذه الكمية القليلة من خلايا الدم الحمراء لن يُؤذي الطفل المولود. 3. ولأن كبد الطفل لم يكتمل نموه بعد، ولم تكتمل قوة قدراته على إزالة مادة «بيلوروبين» من الجسم، فإن نسبة مادة «بيلوربين» تزيد في الجسم، ويظهر الصفار على الطفل. أما قبل ولادة الطفل، فإن المشيمة كانت تقوم بتنقية الدم من هذه المادة. 4. الطبيعي في الصفرة "اليرقان" أن ينشأ الصفار خلال اليوم الثاني أو الثالث من بعد الولادة، وتزداد شدة الصفار خلال الأربعة أيام التالية، ثم تبدأ بالانخفاض التدريجي. ولذا قد يستمر الصفار لمدة نحو أسبوع أو أسبوعين. ومن المطمئن جدا ما تشير إليه جميع المصادر الطبية بأن وجود الصفار لمدة أسبوعين لا يتسبب بأي أضرار مستقبلية على صحة الطفل. 5. من الطبيعي أن تستمر مدة الصفار أطول إذا كان الطفل يتلقى رضاعة طبيعية من ثدي الأم. 6. الأمر غير الطبيعي أن يُولد الطفل ولديه من اللحظة الأولى صفار، أو أن ينشأ الصفار خلال اليوم الأول من الولادة. 7. عادة ما، يقوم الأطباء روتينيا بإجراء فحص سريري للمولد كل 12 ساعة خلال فترة ما بعد الولادة لمعرفة ما إذا كان ثمة صفار. كما يجرى بشكل روتيني أيضا تحليل دم للطفل في ال24 ساعة بعد الولادة. أي قبل الخروج من المستشفى. ويتم تحديد الأطفال الأكثر عرضة للإصابة بالصفار. 8. إذا كان الصفار ضمن المعدلات الطبيعية، فلا يحتاج الأمر إلى أي علاج. بل تستمر ملاحظة الطفل، ويستمر تكرار إجراء تحليل نسبة مادة «بيلوروبين» إذا رأى الطبيب ضرورة ذلك. مع الاهتمام بإعطاء الطفل السوائل التي تساعد على تنقية الجسم من هذه المادة. ويتم إخراج هذه المادة من الجسم عبر البراز. (مادة «بيلوروبين» هي التي تعطي البراز اللون البني لدى الأطفال والبالغين). 9. عندما تكون نسبة مادة «بيلوروبين» عالية، يلجأ الأطباء للعلاج. وهو ما يُسمى ب«العلاج الضوئي». أي تسليط نوع أزرق بنفسجي من الضوء على جسم الطفل، لتتحول مادة «بيلوروبين» إلى مادة خاملة يسهل إخراجها. 10. عند تحليل الدم، تلاحظ النقاط التالية: - المستوى الطبيعي في نسبة مادة «بيلوروبين» هو 2 ملغم/ديسيلتر. - المستوى الطبيعي في صفار ما بعد الولادة هو أن تصل النسبة إلى 12 ملغم/ديسيلتر (أي إنه ليس خطرا على الطفل). - ما فوق 15 ملغم/ديسيلتر هو ما يتطلب معالجة من قبل الأطباء. |
رد: تجمع نفوسااات ذو القعده
بنات مساء الخير ادعولي اولد عاجل غير اجل
وكل وحده قبل ولادتها بيوم وش حست وولدة وكل شي صار من دخلتي المستشفى الى وقت خروجك وش الاشياء الي تمنيتي انك سويتيها وماصارت ادري بربرتي كثيره بس علشان انا والبنات نستفيد والله يخلي لكم ماعطاكم |
رد: تجمع نفوسااات ذو القعده
السلام
انا منا لرياض وولدت في مدينه الملك فهد الطبيه وكنت قبل اولد في مستشفى ثاني بس جابني لهم سمعتهم ومدح الناس لهم وانهم صارو زي الاهلي من ناحيه الدلع والخياطه وجو الغرف وابره الظهر ومرافق ومن ذا الكلام فدبرت واسطه وراجعت عندهم فاول انطباع اخذته وقت المراجعه انهم وسط وماعندهم ذيك الزحمه اللي كنت اشوفها في المستشفى القديم فتوكلت على ربي وقلت خلاص ذا المره بتدلع في ولادتي كل اللي ابيه بيصير بس سبحان الله اكتشفت اني متعلقه في اوهام ماتتوفر في مستشفى حكومي مهما وصل مدح الناس لهم اللي تبي الدلع وتتحقق لها كل اللي تبي مالها عن الخااص وصرف الفلوس عشان تحصل راحتها نجي للقصه انا من دخلت التاسع طبعا تكون المراجعه اسبوعيه فصارت روحتي لها كل اثنين رحت اول اثنين عادي وثاني اسبوع سوت لي توسعه وقالت 2 سنتي وان ساء الله بتولدين قريب كانت هنديه لاني كل مره ادخل على وحده شكل وهذا من عيوب الحكومي وجلست استنى الولاده ذاك اليوم ماعرفت انوم وتخيلو جلست اسبوع لاحس ولاخبر وذايك اليله نزلت على سداده الرحم في اليل قلت خلاص هذي ولاده واستنيت للصبح ورحت للطوارئ قالو لسى 2ونص سانتي اطلعي مانقدر ننومك طلعت وجاء موعدي ماولدت اللي اهو يوم الاثنين دخلت على يمنيه قالت ليه ماولدتي وانتي لك اسبوع السداده نازله لاااااااااازم تنويم عشان مايجيك جرثومه انتي والجنين خوفتني صراحه لانها راح تعطيني طلق صناعي وانا متعقده منه في عيالي كلهم كنت اخذه وعارفه انه حااااار تخيلو طلق ربي اللي يجي في يوم اهو يجمعه لك في 3 ساعات ينفضك نفض الله المستعان وخلاص توكلت على الله وقلت تنويم وخليت زوجي يروح لعيالي وانا لبسوني اسواره التنويم ورقوني جناح تحفيز الطلق مخصصين له دور كامل ولايحولونك لجناح الولاده الا من فوق 4سم وجلست من الساعه 12 الظهر يوم الاثنين الي 12 في اليل واهم يحطوني كل 6 ساعات مضاد في المغذي عشان الالتهاب ويم جي الساعه 5 العصر من نفس اليوم جاءدكتور وانا كنت مااااابي دكتور بس اهو المناوب ذاك اليوم وهذي سئيه اخرى للحكومي ماتولدك حرمه وكشف علي تخيلو انواااع الاحراجات وقال 2ونص بحطلك تحميله طلق عباره عن حاجه زي الواقي الذكري يحط فيه تحميله ويدخل نصه ونصه الثاني يخليه برى تخيلو يبنات وقالي بعد ساعه يبدى المفعول وجلست استنى من 6 المغرب من نفس اليوم الى 11 ماجاني طلق قالتلي الممرضه امشي في السيب مشي سريع وقمت مشيت تقريبا 25دقيقه وبعدين تعبت قلت بنوم واكمل الفجر والله يبنات توني ينوم على الساعه 12 الا وذاك الطلق اللي يضرب في الظهر وبعدين في البطن ويتحجر ولدي وكل ماله ويزيد في المده وفي التقارب للساعه 1 بعدين خلااااااص معد قدرت اصيطر على نفسي ولا على انفعالاتي بعد ماكنت هاديه اقراى وردالولاده واقرى قران صارت تطلع مني ردود فعل غريبه عجيبه الله المستعان الوحده في ذيك الفتره ماتقدر تصيطر على الوضع ابددددا يوم شافوني كذا جت الممرضه كشفت قالت 3ونص خلاااص بنكلم الدكتور ونحولك لجناح الولاده لان الطلوق كانت مررره حاااااره وقووويه تخيلو عاد احر ماعندي ابرد ماعندهم انا قاعده افحط على السرير وهم جالسين يعبون اوراق ويسولفون مع الدكتور عن حالتي مو وقته حسيبي عليكم لا وكملوها وجابو كرسي وقالو قومي البسي عبايه واجلسي على الكرسي جعلكم الضربه انا اقدر احرك نفسي عشان البس واجلس بعد وبعد جهد جهيد اذا بردت الطلقه قمت بسرعه وجلست على الكرسي ودخلوني على جناح الولاده طبعا باب عازل للصوت وجناح مرعب وموحش وماتسمعين الا الصرخات من وراء الابواب ياااااااااااجعل ماشفنا تكفير يالله وتخيلو بديت ادفع وانا جالسه على الكرسي لسى مادخلوني على غرفتي قمت اتنافض ااشر لها بيدي معد اقدر اتكلم دخلتني الغرفه ويوم بردت الطلقه على طول رقيت على السرير الا وبدى الجد الله لايوريكم بدى الاكشن والله يبنااات كل اللي مر على ذا ليوم كوووم واللي صارلي في هذي الغرفه في ساعتين كووم ثاااااني يوم شافوني الممرضات دليت ازحر وادفع كشفو علي وقالو ان شاء الله ولاده قريب وانا منهبله وشذا الالم شيء مو طبيعي فوق الاحتمال وفوق الوصف وانا كل ماصرت ادفع اصارخ واقرى يامخلص النفس يوم شافو الوضع متازم راحو نادو الدكتوره وقامو يخترشون ويشققون في الاكياس ويطلعون المقصات والمشارط والمفارش يوم جت الساعه2الا انا خلاص حسيت براس ولدي بيطلع والدكتوره تحتي جالسه تقولي ادفعي اذا جتك الزحره لاتصارخين يروح جهدك على الفاضي وانا اصارخ اقول غصب عني والله تقول انا عارفه بس تحملي يله ولدك قريب وتلمسه بيدها وقالت يله اخر زحره اذا جتك حطي يدك على فخوذك من تحت ونزلي رقبيك عند صدرك وادفعي من دون نفس باقوى ماعندك وانا مسويه تجميل قبل بغيت اموت تخيلو قلت لها وسعيني قالت اذا جاء الراس يطلع شقيتك وجت الزحره وهاااااااات ياذيك الصرخه اللي ماانساها طالعه من روحي سبحان الله الوحده في ذيك الساعه تشوف الموت تتوقف عندها الحياه خلاص تحس بسكره الموت ومعد تحس باللي حوليها تروح لعالم اخر ومع نهايه هذي الدقايق المؤلمه طلع ولدي وسمعت صوته يصيح وانا اقول باعلا صوتي الحمدلله الحمدلله الحمدلله وضمتني الممرضه ياعمري رحمتني وبستها وتمسكت فيها كنت محتاجه لحضن ذيك الساعه وبعدها حطو ولدي على وقالو مبروك ولد وباركت لي الدكتوره وكان معها متدربه اهي اللي خيطتني باشراف الكتوره بس اللي استغربته ان خيوطهم مو قماش لا تحسونها زي السيم المعدن ماادري اهي تذوب والا تفك الله يستر وبعدها جابولي كرواسون وحليب كنت جوعاااانه وخلوني في المراقبه نص ساعه وبعدين دخلتني الحمام وروشتني ولبستني الله المستعان الوحده تعز عليها نفسها ذيك الساعه ونقلوني لغرف الولاده العاديه وهناك الصدمه تخيلو غرفه مزحزمه فيها 3 قيصريات وانا الرابعه وحمام واااااحد قلت لا وش هذا مابي ابي بلحالي قالت الغرفه ب600والجناح 1200تخيلو الاستغلال حكومي والغرف بفلوس وولدي عندي من ذيك الساعه لين طلعت تخيلو ماخذوه ابد ادخل الحمام واخليه بلحاله بس يله جعل ماشفت تكفير خلاااااااااااص تعبت من الكتابه اذا عندكم اي سوال انا جاهزه |
رد: تجمع نفوسااات ذو القعده
عشيري جعل ماجاك تكفير لذنبك ان شاء الله والله عشت الموقف عسى الله يهون علينا ويرحمنا برحمتك
انا ببنتي البكر ولدة بالرياض باليمامه قمت الاهانه كانك تشحذيهم تخيلي الممرضه تضربني من فخوذي تقول دفي وانامو فاهمه شي وبالخير جت ممرضتين ويضغطون من اعلى بطني باكواعهم تخيلو بالاكواع يوم خلصو ثاني يوم ماقدرة ارفع ظهري من الالم كله من ظغطهم حسبي الله عليهم ولا خياطتهم الي زي وجوههم يالله الله يعوضنا خير المره هذي ناويه باذن الله اني باولد بخاص باذن الله بجده واهلي مو عندي تحت رحمت رب العالمين |
رد: تجمع نفوسااات ذو القعده
هلا بالأمهات..
عشيري ذكرتيني بالذي مضى يا مامات اللي بتنضم للتجمع تكتب قصة ولادتها بالتفاصيل نبي نسمع قصصكم والأكشنات.. أنا بكتب قصتي في القريب العاجل إن شاء الله ولدت 5 ذو القعدة يوم الاثنين الساعة 5 الفجر وجبت بنوتة الله يحفظها.. مو شايلة هم اي شي الا بنتي كان فيها صفار وعطيتها موية حندبان وحيچ وماي الحلوة وأعرضها للشمس الصبح والحمد لله بعد اسبوع راح الحين صار لها يومين مزكمة وتنفسها ثقيل وعلى طول ممغوصة امس خذيتها عيادة الاطفال قالو لي وزنها ما زاد وضيفي وجبات حليب صناعي علشان الوزن يزيد الحين أحاتيها لأنها رجعت مرتين اليوم..عموما دعواتكم.. |
رد: تجمع نفوسااات ذو القعده
عشيري الله عشت معاك المووقف من جد لحظات صعبه
انا يوم الاحد تاريخ 27 من شهر 10 نزلت عليه السداده بدون الم او اي اعراض ورحت الممشى مشيت تقريبا ثلاثه كيلو ورجعت ألبيت اكلت تمر وعسسسل وكثرررت منها واليوم اللي بعده الاثنين 28 قمت من النووم وانكبت عليه مويه الجنين كانت كثيره قمت من السرير وغسلت ورحت المطبخ اكلت صحن شوربه بالدجاج لاني مأبي اروح اولد وانا جوعانه وطوال هالوقت كل شوي تنكب مني مووويه كثيره وبعدها رحت الطوارئ وجلسوني على كرسي وطلعوني فوق قسم الولاده دخلوني غرفه وعطوني الملابس حقتهم ودخلت دوره المياه ولبستها كانت الساعه 7 ونص المغرب وحطو على بطني جهاز نبضات الجنين وجات الممرضه تكشف قالت 1سانتي طبعا الكشف كان مره يوجع واللي تكشف زنجيه هي اللي ماسكه حالتي وبعد نص ساعه تقريبا جات وتشوف الجهاز حق نبضات الجنين قالت البيبي نبضاته ضعيييفه قلبتني يمين ويسار وخلتني على ظهري قالت مانفع وتجيب الاكسجين وقالت اسحبي اكسجين كثير وبرضو مانفع جات دكتوره اردنيه وكشفت قالت لسى 1 سانتي والبيبي نبضاته ضعيفه ومافيه طلق وجابت ورقه قالت وقعي في اي لحظه راح ندخلك غرفه العمليات ووقعت قلت في نفسي ياليت عمليه خايفه من الولاده مررره وجلست لين 11 وانا بس 1 سانتي والمويات تنزززل كثييييره يوم جات الساعه 12 بدا الطلق كل خمس دقايق ومره في بطني ومره في ظهري جلست من 12ليييين 7 الصباح والطلق حااااأر وكل خمس دقايق والله ريقي ناشف من الالام ودموعي تنزل غصب واذا راح الطلق استغفرت وقريت الزلزله والساعه 4 جلست ابكي ابغى مسكن للالم وجات الممرضه عطتني ابره مسكن في العضله والحمدلله بدت تجيني الزحره احس اني ادفع وصارخت عليهم اقولهم احس اني اددفع جات كشفت قالت خلاص ولاده وجهزو المقصات وعدتهم والحمدلله ولدت بالسلامه الثلاثاء تاريخ 29 من شهر 10 |
رد: تجمع نفوسااات ذو القعده
نداء لنفوسات ذو القعده وينكم
ماما رورو ( ولدت بالسلامه وجابت ولد الله يحفظه) wssw ( ولدت بالسلامه وجابت ولد الله يحفظه) النابلسية ( ولدت بالسلامه وجابت ولد الله يحفظه) جامعية ( ولدت بالسلامه وجابت بنوته الله يحفظها) روح و خواطر ( ولدت بالسلامه وجابت ولد الله يحفظه) فجر الباسل ( ولدت بالسلامه وجابت بنوته الله يحفظها) رمش الغلاا ( ولدت بالسلامه وجابت ولد الله يحفظه) ام جنى ( ولدت بالسلامه وجابت ولد الله يحفظه) روح الفراشة ( ولدت بالسلامه وجابت بنوته الله يحفظها) كوينــــات ( ولدت بالسلامه وجابت بنوته الله يحفظها) تاج راس ابوي ( ولدت بالسلامه وجابت بنوته الله يحفظها) امواج هادئه ( ولدت بالسلامه وجابت بنوته الله يحفظها) هاشمية ( ولدت بالسلامه وجابت ولد الله يحفظه) زوجي دنيتي الحلوه ( ولدت بالسلامه وجابت ولد الله يحفظه) |
رد: تجمع نفوسااات ذو القعده
مرهفه حس الله يسهل عليك وتولدي قريب باذن الله
نفوسات ذو القعده ويبييييينكم |
رد: تجمع نفوسااات ذو القعده
عشيري
الصراحه موتيني من الخوف اقرا كلامك وقلبي يرجف خصوصا اني بولد في نفس المستشفى معقوله مافيه ولا شي حلو فيه ولا حسنه وحده ولا القابله لللي كانت معاك حليوه ؟ ولا الممرضات حبوبات ولا فيه احد يواسيك والله مرررره خوفني كلامك وخصوصا الباب العازل للصوت وصراخ الحريم والله اني اقرا كلامك واتخيل وبسالك مكيفات المستشفى بارده يعني تحسين انك تتراجفين اخذ معاي بجامه متينه و كمها طويل ؟ |
رد: تجمع نفوسااات ذو القعده
فيه سؤال ثاني الله يسعدك ويسخر لك
ليش سوت لك الدكتوره الهنديه توسيع ثاني اسبوع ؟ انتي طلبتي منها ولا على اي اساس سوت توك لسا مالك الا اسبوغين وتسوي لك توسيع |
رد: تجمع نفوسااات ذو القعده
الف مبروك التجمع ياحلوات اناكنت استناه من زمااانطيب بالنسبةللغرز الحمدلله كلهاطاحت باقي وحدة قالت الدكتورةاركزعليهابلمرهم ماشاالله تبارك الله ومرهم ميبو ياجمرةرهيب مين قلك موكويس بالعكس يطري الغرز وماتحسي فيهاالحمدلله اعذروني والله ملتهية بجنى وعبدالله بحاول اكتب قصةولادتي اذالقيت وقتصحيح الي جابو اولادختنتواولادكم وحلقتوروسهم اناالحمدلله ماشاالله ختنت بس ماحلقت
|
رد: تجمع نفوسااات ذو القعده
ام جنى انا قلت ان الكريم ماناسبني
ماقلت انه مو كويس فهمتي فيه كثييييييييييير يمدحونه وحتى الطبيبه صرفته لي بس ما استخدمته احسه يووجعني بالخياطه وماارتحت له بس ماشاء الله تبارك الله خيوطك طاحت وش تستخدمي عليها وهل هي داخليه وخارجيه والا لا لان خيوطي للحين ماطاحت تتوقعين عادي ماطاح الا خيط واااحد بس والباقي لسى |
رد: تجمع نفوسااات ذو القعده
مااستخدمت شي جمورةغيرا لغسول كنت اتنقع فيه لمدة10دقايق 3مرات في اليوم وبعدين أنشف كويس وأحط المرهم وخيوطي خارجيةبس لانوالبكربس اتوقع تحتاج داخلية
|
رد: تجمع نفوسااات ذو القعده
افا بنااات ولاوحده من النفوسات باركتلي
ادعوا لبنتي تكفوون اليوم الدكتور يقول بشيل جهاز الاكسجين عنها تجربه يشوفوا كيف تنفسها الله يعين يارب |
رد: تجمع نفوسااات ذو القعده
ام جنى ماشاء الله عليك
انا للحين ماجربت اتنقع ابدا بمكن التنقيع ساعد على طيح الخيوط ريحانه الف الف مبرووووووك ولادتك حبيبتي وياارب نطلع بنتك بالسلامه وتفرحينا بخروجها للبيت استودعيها الله نفوسات اكيد مع النفاس الوحده يتغير عليها اشياء في حياتها وسهر وتتعب مع البيبي يمكن تحسون ببعض الضيقه والاكتئاب انصحكم تشغلو القران والله ترتااااحون والبيبي كمان يرتاح وتحسو بطمانينه وانشراح حتى سبحان الله ربي يحفظكم من العين او الحسد انتي وطفلك ولاتنسون تحصين الطفل صباح ومساء |
رد: تجمع نفوسااات ذو القعده
صباح الخيرات على جميع النفوسات كيفكم
ريحانه الف مبرووووووووووووووووووووووووكوالله يشفى بنتك ويفرحك بضمتها لصدرك |
رد: تجمع نفوسااات ذو القعده
مبروك ريحانةوان شاالله تطلع بنتك بالسلامةوتفرحي فيهاوتشوفيهاأحلى عروس
|
رد: تجمع نفوسااات ذو القعده
الله يبارك فيكم بنات
والله بنات كل يوم ابكي اطالع في صورتها اللي صوروها اهلي ليا وابكي من يوم ما اصحى لين انام حتى صدري صاير متحجر حاولت اشفطه ماطلع غير نقطتين ماعرفت وحتى الناس لمن يجونا مالي نفس لهم احس ماله داعي يجون دام بنتي مو معايه كارهه كل شي على اتفه شي ابكي |
رد: تجمع نفوسااات ذو القعده
هونيهاتهون يابنت الحلال وادعي ربك وان شاالله تحمليهابين ايديكي وتضميهاوتفرحي فيها
|
رد: تجمع نفوسااات ذو القعده
ريحانه الله يطلع بنتك بسلامه وتضميها لصدرك يارب
ريم انا والله ماودي انك قريتي كلامي لاني ماودي يضيق صدرك وتخافين لان اللي صار معي مو شرط يصير معك ياعمري لان الولاده تجارب شخصيه وفي نفس الوقت حظوظ الله يسخرلك ذاك اليوم وتدللك الممرضه انا صراحه الممرضه اللي كانت معي في غرفه الطلق كانت زنجيه عسسسسلللل كلمه قليله عليها بس لما خلصت مناوبتها جتني هنديه خايسه حتى يدها في الكشف مرررره حاااره وبالنسبه للجو هم مقصرين على المكيفات والجو صاير معتدل والتوسعه انا طلبت منها وهي قالت عادي |
رد: تجمع نفوسااات ذو القعده
ام علاوي حنكتي معاذ واذنتي في اذنه
|
| الساعة الآن 03:27 AM. |
Powered by vBulletin® Version 3.8.8
Copyright ©2000 - 2026, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .