|
أختي الكبيره مطلقه ؟؟؟؟
بسم الله الرحمن الرحيم السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين أولا يا اخواتي هذه قصه اعيشها اربعه وعشرين ساعه وبعد ما تزوجة زادت للأسوء ,, اختي الكبيره تزوجت وعمرها 19 وزوجها بنفس عمرها وكان يحبها لانه ولد عمي ,, وبعد الزواج مشاكل وبعز المشاكل تدخل الاهل من الطرفين بحكم انهم صغار وكل واحد دخل اهله بالموضوع,, وحملت اختي و فرحو الاهل ؟؟؟ والله هداهم وقالت ام الزوج بعرف شنو فبطن زوجتك وابيه ولد ؟؟؟؟؟؟ راحت اختي مع زوجها سوت سونار قالو بنت !!!!!!!!!!!!!! زعل الزوج وزعلت ام الزوج !!!!!!!!!!!!!!!!!!! قالت اختي لزوجها ليش هذي مو بنتك ؟؟؟ قال صح بس احنا نبي ولد !!!!!!!!!! اختي استغفرت ربها وتحملت الكلمات الجارحه ؟؟؟ قالها خلينا نسوي سونار ثاني !! قالت طيب ,, وسوت سونار وطلعت بنت !!!!!!!! ومابي اطول عليكم الموضوع طويل انا قاعده احاول اختصر لكم ,, صارت مشاكل لحد وقت الولاده رحت انا وامي مع اختي وزوجها كان بالدوام !!! المهم صاااااااارت الصاعقه !!!!!!!!!!!!!!!!!!!! اختي جابت ولــــــــــــد !!!!!!!!!!!!!!!!!!! امي من الفرحه نزلت دموع الفرحه ,,,, وراحت اتصلت بزوج اختي وبشرته انصدم ؟!!!! وجانا على طول ,,, المهم اختي كانت ولادتها قيصريه ومايسمح لها تحمل بسرعه بنهاية الاربعين قالت لزوجها بروح الصيدليه بشتري حبوب مانع ,,, من هالموضوع بدت المشاكل الاكبر ,,,,,,,,قالها لا ابيج بعد تحملين بسرعه ؟؟؟ وبدون مايراعي صحتها ,., المهم بعدها 6 اشهر تم الطلاق للاسف !!! الحين اختي للاسف صارت غيوره حيل مني انا وخواتي بكل شي وصارت تبي كل شي حق ولدها وتتصرف بدون شعور لدرجة انها تظن ان احنا ما نحب ولدها !!!!!!!!!!! وكله تتشكا وتسوي المشاكل بالبيت واي وحده من القراب من اختي يسوي شي جديد تسوي نفسه واحس ان اختي صارت فيها نقص بالشخصيه والثقه بالنفس وامي اذا انصحتها عصبت وراحت غرفتها وكأنها تعاند كل اللي بالبيت ؟؟؟ حسافه كانت قبل شخصيتها روعه بس بعد الزواج والولد والطلاق انقلب كل شي !!! وكل ما يجي احد يخطبها ترفض تتعذر بولدها ؟؟؟ والمشكله انها تبي الزواج بس تذبحها المظاهر قدام الناس انها ترفض عشان ولدها وبالعكس اهلي وابو الولد مومقصرين معاه والولد يحب ابوه مو بس امه ,,,,, المشكله اختي صارت تغار مني انا وخواتي المتزوجات وتحب تخلق المشاكل بينا ؟؟؟؟ واذا نصحتها تروح تبكي عند ابوي تقوله خواتي ما يحبوني وتسوي من الحبه قبى ؟؟؟؟؟ ساعدوني شلون اتعامل معاها ؟؟ المشكله مو بس انا وخواتي حتى مع اخواني تحب تخلق المشاكل بينهم ؟؟؟ و ترا اختي مو قاصرها اي شي بس ما ادري وين الخلل ؟؟؟ امانه ساعدوني ؟؟؟ وترا على فكره وانا اكتب الموضوع اختي الحين زعلانه من الكل حتى من امي الله يهديها .. خواتي ادعو لها بالهدايه والزوج الصالح ,,,, اسمحوا لي بالاطاله ,,,,,,,, والحمدلله والصلاة والسلام على رسول الله وعلى آله وصحبه أجمعين |
رد: أختي الكبيره مطلقه ؟؟؟؟
الظروف التي احصل علية منو قليل الطلاق وهي عمرة الزهوريسبب في حالة نفسية
وتصبر علية ارجو منش تقربي الية |
رد: أختي الكبيره مطلقه ؟؟؟؟
مثل ماقالت اختي دلوووعه
حاولي تتقربين منها وتشوفين اللي مغيرها ومضايقها خلو تفكيركم واحد وبعدين انتوا خوات ولازم تحس بالغيرة منكم لان وضعكم غير ووضعها غير وانشالله تتحسن الامور وترجع لزوجها اللهم امين |
رد: أختي الكبيره مطلقه ؟؟؟؟
دلوعة الكون
تسلمين يا قلبي على المرور |
رد: أختي الكبيره مطلقه ؟؟؟؟
الحب لك وحدك
تسلمين يالغاليه على المرور |
رد: أختي الكبيره مطلقه ؟؟؟؟
السلام عليكم ورحمة الله وبركاته
الله يكون بعونك اختي مطيريه أختي لاتنسين تدعين لأختك بظهر الغيب الله يصلحها ويهديها لأحسن الأعمال والأقوال ويهدينا واياها يارب وبعدين تحملوا شوي اللي فيها من جد كبير هي تطلقت من ولد عمك بإرادتها هي؟؟ وعليكم بالصبر وتعاملوها معامله حسنه يعني ماتعصبوا عليها وبجلسه هادئه بينك وبينها تنحل هالمشكله حبيبتي لاتتركونها لحالها كثير لأن الشيطان يوسوس لها بأفكار هو اللي يخليها تعصب والله يكون بعونها مو بيدها أختي ترفقي بالحديث معها وخليها تفض فض لك باللي بقلبها ولاتخلونها تكتم مشاعرها لأنها تجيب أمراض نفسيه الله يكفينا واياها يارب وفهميها إنه الدنيا ماوقفت على طلاقها من ابن عمها وربي حلل الطلاق لأنها في بعض الأحيان حل لكثير من المشاكل وهي أدرى بحالتها أكيد ياريت تشغلون وقتها بشئ يصلحها بدنيتها وآخرتها ولاتجرحون مشاعرها بأنها مطلقه وياما ياما حريم تطلقوا هذا كله مقدر ومكتوب وربي يبتليها وعليها بالصبر ولها اجر الصابرين عند ربي وبعدين لو اتقدملها أحد وتأكدتوا من أخلاقه أقنعوها بالكلام الطيب وبالهداوه وانصحوها تستخير وخلوكم معاها وذكروها إن الطلاق صارت للصحابه وهم أحسن مننا وربي كاتب لك كذا عشان بيعوضك باللي أحسن منه .... والله قلبي وياكي أختي ياليتها أختك تشاركنا بمنتدانا ونعيش معها أحلى وأجمل اللحظات... آسفه على الإطاله وتقبلي فائق احترامي وتقديري. |
رد: أختي الكبيره مطلقه ؟؟؟؟
يمكن انها باقي تحب ولد عمها وتحس انه مافيه احد حاس فيها
جربي تناقشيها وشوفوا |
رد: أختي الكبيره مطلقه ؟؟؟؟
اقتباس:
مشكوره طيف على الرد الجميل بس انتي مو فاهمه انا اقرب وحده لها بالعالم بس الحين ماتبي تقولي اي شي الله يهديها صارت تشوف كل البيت اعداء لها انا ادري سبب هالاشياء نفسيتها بعد ما تزوجنا انا وخواتي . على العموم انتي ماقصرتي بكلامج الحلو والراقي وعلى مرورج |
رد: أختي الكبيره مطلقه ؟؟؟؟
اقتباس:
يا خواتي انا كلمتها بشتى الطرق اختي بعد الطلاق صارت تغار من الكل حتى من امي انا ادري انها مو بوعيها بس مو عيشه كل نصيحه اعطيها لها تقلبها علي وتقول مو انتي تعلميني شنو اسوي ؟؟؟ الله يهديها ويرزقها بالزوج الصالح قوووووولو امييييييييييييين وشكرا على المرور ام مجووود |
رد: أختي الكبيره مطلقه ؟؟؟؟
آميييييييييييييييييين
دعواتي القلبيه لك ولأختك يارب تكشف الغمه وتهدينا واياهم لصالح الأعمال والأقوال يارب. |
رد: أختي الكبيره مطلقه ؟؟؟؟
الله يرفع عنها
طيب ايش رايك توديهاعند طبيب نفسي |
رد: أختي الكبيره مطلقه ؟؟؟؟
الله يعينها ولا صار غيرتها من الكل طنشووووو وراعو ضروفها الله يعينهااااااااااااا
|
رد: أختي الكبيره مطلقه ؟؟؟؟
اختي العزيزة نحن المطلقات في حيره من امرنا وخصوصا مع الاهل والاقارب والاصدقاء فان تكلمنا قالو عنا كلامهم فتنه وان سمعنا قالو عنا يستمعون للكلام وسوف ينقلونه حتى وان احببناهم قالوا عنا يحسدون ويغارون فيا اختي العزيزة لا تكوني انتي والزمن والمجتمع علينا اقول لكي ولكل من يقرا كلامي اقتلونا يا اختي اعدمونا ارمونا في الشارع نحن واطفالنا وبهذا ترتاحين انتي وكل بيت فيه مطلقه واولهم اهلي
|
رد: أختي الكبيره مطلقه ؟؟؟؟
هذا طلاق مو شي هين
فمن حقها .. اعتقد انها محتاجه لشخص يلملم جروحها بس اول شي لازم تلجأ لربها بالدعاء وبعدين تتوكل وتتزوج لأنها صغيره ومااعتقد بتقدر تكمل حياتها بدون سند لها .. |
رد: أختي الكبيره مطلقه ؟؟؟؟
اختي دموع يعقوب انا لو ما احب اختي ما طرحة الموضوع ,, انا اقرب وحده لها ,, بس بعد ما تزوجت صارت تسألني عن كل شي وتقولي لاتسكتين على زوجج اذا ضايقج وهددي زوجج بخواني وابوي ؟؟؟ طيب ليش كل هذا بدال لاتقول تحملي عيوب زوجج وعادي وخلي الحياة تستمر انا ما اكرها بس حركاتها واسلوبها بالنصح كأنها تهدم بيت انا ما اشكك بحب اختي لي بالعكس بس احس طلاقها عكس بداخلها شي ما ادري شلون اقسم بالله تتكلم من غير وعي والغريب انها تفرح اذا درت اني متهاوشه مع زوجي او اهله والله تفرح وتنصحني اني ما اسكت وألمم الموضوع تبي الموضوع يكبر بأي طريقه ,,, اختي دموع يعقوب انا قاعده اتكلم عن اختي يعني الموضوع من جد مضايقني على حالت اختي واللي اعرفه ان الوحده اذا تطلقت تصير حساسه عن اللزوم وتبي الناس يدارون شعورها ويعذرونها بكل شي وهي ماتبي تراعي احساس اللي حولها ,,,, |
رد: أختي الكبيره مطلقه ؟؟؟؟
اقتباس:
|
رد: أختي الكبيره مطلقه ؟؟؟؟
انا اقوولج حبيبتي اخذيهاا علي هواااها يعني دقي عليهاا وقوليلهاا انج متهااوشه مع زوجج وخليهااا تطلع الشحن النفسيه الي بداخلهاااا واذاا قالت شي قوليلهاا صح كلامج وووقوليلهاا شوريني شسوي ؟؟ ويعني انج تسمعين كلامهااا مع الوقت بتخلص الشحنه الي فيهااا بس يبيلهاا وقت وعشان بعد تكرة الزواج وماتغااار وقوليلهاا دايم احسن شي سوييته انج تطلقتي ؟؟؟ مع الاياااام بتتغير وجهة نظرهاا وبتحس انهاا احسن منج ؟؟ والله يعينهاا ان شاء الله
|
رد: أختي الكبيره مطلقه ؟؟؟؟
لا يؤلم الجرح الا من به الالموا
اختي العزيزة تقربي من اختك اكثر واكثر ولا تتركوها وحدها فهي في امس الحاجة لك ولكل افراد اسرتك المحترمة وحاولوا ان لا تفسروا كل تصرفاتها على اساس الغيرة وعلى اساس انها تفتعل مشاكل وربنا يهيديها ويهدي الجميع يا رب |
رد: أختي الكبيره مطلقه ؟؟؟؟
لازم طبعا نفسيتها تتأثر بعد كل اللحصل لها وهى فى السن الصغير دة
اصبحت زوجه وام ومطلقه وهى فى بدايه الشباب انصحك انك تتكلمى معاها بهدوء وتخليها تفتحلك قلبها وماتنسى تدعليها فى كل صلاة ان ربنا يرزوقها بالزوج الصالح انشاء الله |
رد: أختي الكبيره مطلقه ؟؟؟؟
الله يكون بعونج وعنونها وحلو يالغاليه أنكم متفهمين وضعها ..
أهي يوم تسوي كل هذا صدقيني من الفراغ ومن الوحده إلي هي عايشتها .. أقترحي عليها تكمل دراستها إذا هي ما تدرس أو تشتغل أو حتى تدخل معهد كمبيوتر يشغلها عن التفكير وعنكم أحنا ماندري شنو بخاطرها وتوقع إذا جلستي معها ونصتي لها بدون ما تقاطعينها أو تعلقين على كلامها راح تطلع كل إلي بخاطرها لج أو تقدرين بدريقتج بالكلام أنج تعرفين تسحبين كل إلي بداخلها.. وصدقيني أنا أتوقع إلي فيها بس فراغ لانها ما كو أي شيء تسويه .. الله يخليها حق ولدها ويرزقها بره .. |
رد: أختي الكبيره مطلقه ؟؟؟؟
الله يكوووووووون بعونكم
بس حاولي تتقربين منها ولا تضايقونها راعوا مشاعرها لان نفسيتها زفت والله يألف بين قلوبكم |
رد: أختي الكبيره مطلقه ؟؟؟؟
اختك واضح تحب طليقة عشاان كذاا ماتبي تزوج االللة يقدم الللي فيهاا الخير
|
رد: أختي الكبيره مطلقه ؟؟؟؟
السلام عليكم ورحمة الله وبركاته
امر اختك عاااادي ومعروف انها راح تتصرف كذا لانها اتحس ان كل اللي صاااار من اهلها واهل زوجها بسببهم مع الاسف وهو في الحقيقه قضاء وقدر اصبروا الصبر مفتاح الفرج وبعدين لاتتكلمون قدامها دائما بامور الجنس ولا بحبكم انتم وازواجكم وطلعاتكم وجياتكم خلو المواضيع قدامه عن المدرسه عن السوق عن اي شيء بس ما يكون متعلق بشيء يكون يخص ابوالولد وقولي لامك وابوك اذا طبعا تقدرين تتكلمين مهم انهم قدامها يكننون بدون حركات ولا كلام دلع وحب متزوجين الى اخ لانها هي مجربه الحب والدلع والغزل والكلام الحلو والله يوفقها |
رد: أختي الكبيره مطلقه ؟؟؟؟
لماذا؟ اعدمونا ارمونا في الشارع نحن واطفالنا وبهذا ترتاحين انتي وكل بيت فيه مطلقه واولهم اهلي.............
لا ياعمر انتم اغلى شيء لنا بالدنيا ولو ما نحبكم ما كان نفكر بكم hwaml75hwaml88 بكلامك هذا موتيني وجرحتيني الحياه اجمل مع اطفالك حببيهم وخليهم اجمل ما تملكين بالحياه ما احد مرتاح حتى المتزوجه اتشوف كل شيء زوج ينظر وحده غيرها والثاني يغازل والثالث يخون ما علينا منهم احنا لنا الله ثم اطفالنا امانه كل ما اضايقتي ارجعي لله الله وحد قادر ع كل شيء اتمنى لي ولكي السعاده حبيبتي hwaml75hwaml88 |
رد: أختي الكبيره مطلقه ؟؟؟؟
وكله تتشكا وتسوي المشاكل بالبيت واي وحده من القراب من اختي يسوي شي جديد
تسوي نفسه واحس ان اختي صارت فيها نقص بالشخصيه والثقه بالنفس حبيبتي لأنها تزوجت صغيرة وما عاشت أيامها بس أنتم لازم يا بنات كل ما تبو تسوون شي جديد تسوولها معاكم وتدلعون ولدها وانا من كلامك احس انه زوجها راح يرجها والباين انه قرار الطلاق جاها بسرعة الله يهديها بس هيا استعجلت في الطلاق |
رد: أختي الكبيره مطلقه ؟؟؟؟
انا لو مكانها بنتحر صغيره وياحرام تتطلق
لاتلومونها |
رد: أختي الكبيره مطلقه ؟؟؟؟
الله يهديها ويعوضها بالخير
وادعيلهاخاصة انو تجربة الطلاق صعبة خاصة اذاكانت تحب زوجها |
رد: أختي الكبيره مطلقه ؟؟؟؟
اختك مجروحه وحساسه كل اللي فيها غيره بس لازم توقفون يمها هي بحاججه لكم
ولاتنسين انه اختك تحبه ويمكن مانسته ابد فاراعي ضروفها |
رد: أختي الكبيره مطلقه ؟؟؟؟
االزوجَ مو آهمَ شي في الحيآه فيه مطلقآت آرتآحوآ بعد الطلآآق اهم شي يكوون عندكَ ضنآ.
بس يمكن آختك تتعآمل معكم كذ1 فيه آحدِ مضآيقهآ بالكلآم اونهآ تحبَ طليقهآ. الله يهديهآ ويعووووضهآآ خييرَ. |
رد: أختي الكبيره مطلقه ؟؟؟؟
والله فترة وتعدي
حرام اختك انظلمت بدررررررررررررري طيب حاولتوا انت واللي بالبيت تحسسوها ان ولدها مرة محبوب دايما لو طلعتوا السوق تجيبوله لو حاجة رمزية لعبة بنطلون اي شي حاولتوا تسالوا دايما عن ولدها وتخلوه محور اهتمام وحب يعني لو المتزوجة فيكم تتصل مخصوص تقولها وين ولدك وتدلعوا اسمه نبيه يجي عندنا اليوم لو ساعة اتحملوها الله لايحط احد بموقفها اتحملوا عصبيتها شوي ترى لسه صغيرة وعندها مسؤولية ترى المادة مو كل شي لا في مسؤوليات يمكن مربككتها وغير الظلم اللي نوعا ما واجهته بحملها اتحملوها واقربوا منها وخلوها لو فترة هي ولدها محور الاهتمام وبجد راح تتغير للافضل لما تحس انها مرغوووووووووووووبة وترى بكاها دليل انها بجد بتععاني |
رد: أختي الكبيره مطلقه ؟؟؟؟
الله يكووووون بعووووونها اتوقع انها ازمه وبتعدي لاني اعرف وحده طلقها زوجهاا وهي توها طالعه من الاربعين 3 شهوووووووره وصار فيها زي اختك تتهااااااوش مع اهلها وتعب وغيوووووره مره حتى من خووواتها وكل ماخطبها احد ترفض تتعذر بولدها وصارت تجلس لحالها مع ولدها وتزعل حتى من امها وعصبيه والحمدلله تغيرت بعد كم سنه والحين متزوجه
فااتووووووقع انها ازمه وتعدي بس انتوووو راعووووو نفسيتها |
رد: أختي الكبيره مطلقه ؟؟؟؟
الطلاق يهتز منه عرش الرحمن فكيف بقلب الانسان
الطلا تحطيم قوي لمشاعر المراه الله يوفقها ويسعدها |
| الساعة الآن 02:19 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .