|
جنيني مافي حوله موية
السلام عليكم ورحمة الله وبركاته
بسم الله الرحمن الرحيم اليوم رحت عند الدكتوره موعدي وسوت لي سونار وقالت ان الجنين مافي حوله ماي وقالت لي روحي بيولدونج الحين قيصيري وانا توني داخله السابع انا ينزل مني ماي بس كميات قليله كلش من فترة صار لي تجاهلت الموضوع لان ماتوقعت في شي وقالو لي عادي ونزلت للاستشاريه اللي طرشتني عليها واخذت مني عينه من الماي الاينزل وقالت يوم الاربعا اروح عاد ماصدقتهم وقلت اروح خاص ورحت بسرعه وفعلن قالت لي ماي بالمره مافي حول الجنين ولازم اولد قيصري لانه راسه فوق رجعت البيت والحين مو عارفه شسوي انتظر يوم الاربعا وان شاءلله خير والله شسوي مادري خايفه انتظر للاربعا ويروح مني يابنات اللي تعرف احد صار له جذي تقولي والله محتاره والله يعلم بحيرتي |
رد: بنات انا في حيره ارجوكم لو بدعوه ردو علي
روحى حبيبتى على دكتور تانى وتانى وتاكدى واذا كان صح لا تتاخرين على القيصري لا يصير معك لا قدر الله شئ ارجوكى ارجوكى الله يقر عينك بشوفته
|
رد: بنات انا في حيره ارجوكم لو بدعوه ردو علي
امي بعد تقول جذي والله مادري شسوي
يارب لاتحرمني من الطفل اللي كنت اتمناه يارب |
رد: بنات انا في حيره ارجوكم لو بدعوه ردو علي
اسألى دكتورتك تانيه يا قلبى
ولما تتأكدى اسمعى كلامهم على طول حتى ما يصير للجنين سوء الله يقومك بالسلامه ويرزقك رؤيته معافى سليم ويطمن قلبك يارب |
رد: بنات انا في حيره ارجوكم لو بدعوه ردو علي
الله يشفيك من كل شر ويحفظ جنينك الي تمامه
واضم صوتي لصوت خواتي تاكدي مره ثانيه سلامات وطمنيانا عليك |
رد: بنات انا في حيره ارجوكم لو بدعوه ردو علي
يارب الله يسمع منكم
بنات اي وحده صار لها جذي بس تخبرني خاطري اتطمن بس |
رد: بنات انا في حيره ارجوكم لو بدعوه ردو علي
الله يقر عينك فيه والله ييسر لك ..
|
رد: بنات انا في حيره ارجوكم لو بدعوه ردو علي
الله يكون في عونك ويسهل لك يارب
اسرعي بالقيصري لان نقص الماء يضر دماغ الطفل لا قدر الله |
رد: بنات انا في حيره ارجوكم لو بدعوه ردو علي
مشكورين حبايب قلبي
رحت قالو بينتظرون النتيجه يوم الاربعا بتطلع وبعدين بيقررون اسوي او لا |
رد: بنات انا في حيره ارجوكم لو بدعوه ردو علي
الله يحفظ جنينك من كل شر
وربي يكتب لك اللي فيه الخير وربي يطمن قلبك ان شاء الله |
رد: بنات انا في حيره ارجوكم لو بدعوه ردو علي
كثري شرب مويا بكميات كبيره لين مايجي موعدك
اختي جاها نقص وبيومين الحمدلله عوضت وكانت تشرب ماء زمزم وبكميات كبيره الله يهون عليك بس هي ماكان ينزل منها شى وكانت مثلك ببدايه السابع توكلي ع الله واستخيري والله يصبر قلبك ويهون عليك |
رد: بنات انا في حيره ارجوكم لو بدعوه ردو علي
الله يحفظ جنينك يآآرب
كثري من شرب المويه حبيبتي وربي يهون عليك لآتخآفي زوجة أخوي جآبت بنتهآ في السآبع وذحين عمرهآ 7 سنين مثل القمر ربي يحفظهآ بس إن شآء الله يطمنوك الدكآترة ومآيحتآج ولآدة الآن يآآآرب يآآكريم |
رد: بنات انا في حيره ارجوكم لو بدعوه ردو علي
نسيت اقولك الراحه التامه ماتقومي الا لصلاه ودوره المياه وانتي بكرامه
وكمان عندي بنت اخويه متخرجه من الثانويه ماشاء الله جات بالسابع اتكلي ع الله وهوني ع روحك ترى النفسيه تلعب دور كبير |
رد: بنات انا في حيره ارجوكم لو بدعوه ردو علي
انا اقول استعجلي وروحي الحين واي شي يقررونه توكلي على الله وسويه
الله يقر عينك بطفلك ياااارب |
رد: بنات انا في حيره ارجوكم لو بدعوه ردو علي
رحت ومو راضيه الدكتوره تولدني كل مكان يقولون لي ولاده ويطرشوني على المستشفى الحكومي للولاده واروح
لكن الدكتوره اللي انا عليها ترجعني البيت وتقول مافي ولاده تقول لان بيموت سوا طلع او ماطلع كانه على كيفها مو امر الله اذا الله اراد يعيش بيعيش مو عليها استغفر الله الله يسامحها بتذيحني هالدكتوره وتعرفون الخاص تكاليفه تكاليف ورحت ابي اغيرها قالو مايصير لانه المفروض من البدايه تغيرين شدراني ان بتوي لي جذي ادعو لي بنات الله يسوي اللي فيه صلاح وخير لي والله بموت من الصياح وتعبت من التفكير |
رد: بنات انا في حيره ارجوكم لو بدعوه ردو علي
الله يتمملك على خير يا ربي وانشالله بتشوفي ابنك سالم ومعافى...
|
رد: بنات انا في حيره ارجوكم لو بدعوه ردو علي
مشكوره اختي
|
رد: بنات انا في حيره ارجوكم لو بدعوه ردو علي
الله يفررررررج لك من اوسع ابواااااااابة بس عليك بالدعاء
|
رد: بنات انا في حيره ارجوكم لو بدعوه ردو علي
ياااارب تعمل الي فيه الخير لاختنا الغالية وانشالله تفرحي بشوفته سليم ومعافى
ايش صاير الحين ولدتي ولا لسه ربنا يهونها عليك |
رد: بنات انا في حيره ارجوكم لو بدعوه ردو علي
أختي عليك بالصدقه بنية الشفاء لدفع البلاء عنك وعن الجنين
|
رد: بنات انا في حيره ارجوكم لو بدعوه ردو علي
الله يحفظه لك ان شاء الله
ويقر عينك وعين كل حامل بظناها |
رد: بنات انا في حيره ارجوكم لو بدعوه ردو علي
الله يكوون بعونك ويسهل عليك
وياارب تشوفين جنينك سليم معااافة يااااااااارب بس أهم شي حبيبتي لاتكثرين المشي خلك كل مرتاااحه وشربي مااء كثيييييييير وحاااولي كل شوي ترااجعين المستشفى علشاان تتطمنين ولاتتكلين بس ع الدكتورة الغبية الي قالت لج مافي ولاده روحي أكثر من دكتورة ترى كل شي يهوون عشاان بس تشوفين جنينك الغاااالي والله يكتب لج الي فيه الخير ياارب |
رد: بنات انا في حيره ارجوكم لو بدعوه ردو علي
الصدقة والاستغفار واستخيري وروحي مستشفا تاني احسن والله يحفظك انتي وجنينيك قولي اللهم ياذا الوجه الأكرم والاسم الأعظم والعطية الجزلى واسالي ما شئتي
|
رد: بنات انا في حيره ارجوكم لو بدعوه ردو علي
الله يهون عليك يارب طمنينا عنك اختي وشصار بك
|
رد: بنات انا في حيره ارجوكم لو بدعوه ردو علي
الله يطمنج عليه ومثل ماقالو البنات ارتاحي وكثري من الماي ودكتورتج الغبيه صفطيهاااااا
الله يسهل عليج وتولدين بالسلامه وتفرحين فيه ان شاء الله |
رد: بنات انا في حيره ارجوكم لو بدعوه ردو علي
زوجة اخويا حصل معاها كدة بس كانت في الشهر الثامن وولدوها بطلق صناعي اخر التامن ودلت اول يوم بالتاسع والمية كانت قليييييييييلة او شبه معدومة حول بنتها
لكن الحمد لله طلعت وعدت منها على خير والبنتماشاء الله عليها قربت على 3 سنين لكن انتي بالسابع عشان كدة يولدوكي قيصري لكن اتأكدي من كزة دكتورة او دكتور تاني وياريت يكونو استشاريين لان بعض الاخصائيين بيكون عندهم حب الافتاء او بتحب تكون عاملة نفسها فاهمة وهي الله يعينها ربنا معاكي ويقومك بالسلامة يارب وتشوفي جنينك في احسن صورة واحسن حالة وصحة وعافية طمنينا عنك :) |
رد: بنات انا في حيره ارجوكم لو بدعوه ردو علي
حبيبتي انا اعرف الي تشرب موية زمزم على طول ترجع موية الجنين كثيره حول الجنين...هذي المعلومه دايم اسمعها للي عندها نقص بموية الجنين...والله يكتب لك الي فيه الخير
|
رد: جنيني مافي حوله موية
شاكره ليكم خواتي وقفتكم
لا ماولدوني قالو لي مانقدر نعرضج لولاده قيصريه وانتي هذا البكر تصيدج مضاعفات بعدين ورحت مستشفيات غير خاصه كلهم يقولون لي لازم ولاده ويطرشوني على مستشفى الحكومي عشان اولد واروح ونفس الشي مايرضون يقولون احنه مانعترف في الخاصه واحنه علينه من الدكتوره المسؤوله عنج من بداية حملج اذا قالت ولاده يعني ولاده ودكتورتي هاذي الله يسماحها مو راضيه مادري شفيها مابدعي عليها بس الله يسامحها والمستشفى الخاص يقولون احنه عادي نولدج بس ماعندنا اجهز للبيبي لانه عنده كله وحده متكيسه فالافضل تولدين في الحكومي والله تعبانه نفسيا ومادري شسوي اخر شي عندنا المستشفى العسكري قالت لي كل عشرة ايام بتسوي سونار لي من تشوف راس الجنين نزل تحت بتولدني والله كريم امنتك ياربي جنيني فارزقني ااياه معافى يااااااااااااااارب العالمين يارب لاتضيع تعبتي وارزقني جنينا معافا من كل بلاء وداء وتدرون كلهم الدكاتره مستغربين ان شلون للحين عايش وان ماعنده ولاقطرة ماي ماي زمزم جابو لي غرشه كبيره وخلصت وماعندي احد يجيبه لي من السعوديه واللي الله كاتبه راضيه الحمدلله على كل حال مشكورين مره ثانيه |
رد: جنيني مافي حوله موية
الله يحفظك ويحفظلك جنينك ..
والله خوفتيني عليكي مررررررره .. بس بالمره لا تتجاهلي اي شي تحسين فيه .. واماااااانه تطمنينا عليكي انا حدعيلك انتي واللي في بطنك .. (ربنا يقومكم بالسلااااااااااااااامه) .. |
رد: جنيني مافي حوله موية
انشاءالله كل شي يصير تمام معك وتشوفي ضناك بين يدينك بس انتي اكثري من المااء واشربي عصير رمان طازج حلو يعالج نقص الاكسجين براس الطفل وامشي ربع ساعه وبعدين على طول اسجدي ربع او 10 دقايق وان شاء لله ينزل راس الجنين
وتولدين وتقومين بالسلامه يارب |
رد: جنيني مافي حوله موية
يارب الله يسمع منكم ياااااااااااااااااااااااارب
بسوي السجود اللي قلتين فيه وان شاءلله ينزل |
رد: جنيني مافي حوله موية
ها حبيبتي بشرينا عنك ان شاء الله خير..
|
رد: جنيني مافي حوله موية
ان شاءلله خير حبيبتي
للحين مواعيدي راسه فوق لانه من ينزل بيسوون ليي طلق صناعي افضل من اتعرض للعمليه ومضاعفاتها ادعي لي حبيبتي ان شاءلله تتيسر اموري ويطلع الجنين مافيه ولاشي يااااااااااارب ياكريم |
رد: جنيني مافي حوله موية
يا حياتي انتي
وش صار ب جنينك طمنيني الله يخليك |
رد: جنيني مافي حوله موية
والله انا نقصت المويه عالجنين انشق الكيس واهملوني الدكاترة وولدوني بطلق صناعي بعد ما نشف المي على بنتي وعاشت ثلاث ساعات بالحضانه وماتت الحمدله على قضاءه وقدره والعوض من الله لاتهملي نفسك روحي اختي الله لايضيع تعبك يارب وطمنينا عنك بالسلامه
|
رد: جنيني مافي حوله موية
يارب تشوفيه وتقومي باالسلامة
|
رد: جنيني مافي حوله موية
طمنينا عليج يالغاليه
|
رد: جنيني مافي حوله موية
يارب تشوفين جنينك وهو سليم
وطمنينا يالغالية |
رد: جنيني مافي حوله موية
طمنينا عنك حبيبتي
|
| الساعة الآن 03:14 PM. |
Powered by vBulletin® Version 3.8.8
Copyright ©2000 - 2026, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .