|
حكايتي مع موت ابني
انا متزوجه من سنه وشهر واول ما تزوجت حملت بسرعه كنت سعيده كتير اوي لان زوجي هو حب حياتي وكنت اتمني يكون في شخص بتاعي انا وهوه بس بس المهم بداءت من الشهر الرابع اصاب بتعب شديد من ارتفاع رهيب في الضغط مع زياده جامده في الوزن ومكنتش تقريبا بعرف اتحرك بس كنت مابعه مع طبيبتي كويس جدا وكانت تقولي ان الحاله مستقره والولد زي الفل علي الرغم اني انا تعبانه وكنت اقول مش مشكله المهم ابني لحد ما جه التاسع اخيرا بالعافيه وقلت خلاص هيجي مني عيني قالت الطبيبه كلي بلح كتير واشربي حلبه علشان تولدي طبيعي وبعدين فجاه تعبت فقلت اعمل تحليل اطمن علي نفسي لان الدكتوره كانت اجازه من عيادتها ولاقيت في التحليل السكر عالي جدا حتي دكتوره التحاليل قالتلي ارجعي للدكتوره بسرعه السكر والصديد عالين جدا فلما كلمتها قالتلي مش مشكله لما تجيني نشوف قلتلها يعني استني 3 ايام عادي قالت اه عادي وكان باقي 5 ايام ويخلص التاسع يوم الجمعه 1/ 7 الصبح وكان التاسع كده خلاص باقي يوم ويخلص كنت عند امي ونغز ابني نغزه جامده اوي خضتني من كتر ما هي جامده ولما روحتلها باليل قالت الحقي نبضه ضعيف ولاكنها يا قلب امه كانت نغزه الموت ساعتها هو مات اجري علي مستشفي اعملي اشاعه يمكن جهازنا بايظ ولماروحت مستشفي فجاه الكلام موتني الطبيب قالها عادي ابنك مات كنت هتجن وهاموت ولحد دلوقتي ربنا يصبرني عليه ساعتها ربنا يخليلي اخويا الكبير وزوجي اعدوا المهم انتي هو ما يفرق معانا واعد زوجي يصبرني ماتزعليش بكره نجيب غيره هو عندي مش مهم خالص ولو مخلفناش خالص انتعندي اهم واحلي ميت مره لاني زي ما قلتلك احنا كان بينا قصه حب كبيره هكملك بكره بقي
اكملكم حكايتي بعد الولاده لحد اليوم بقي بكره لاني تعبانه نفسيا جدا اليوم كان سبوع اختي وساعه ما دقوا الهون كنت بموووووووووت هقولكم ليه بكره |
رد: حكايتي مع موت ابني
الله يعوضك ياقلبي
|
رد: حكايتي مع موت ابني
الله يساعدك ويعوضك بخير منه
|
رد: حكايتي مع موت ابني
اصبري واحتسبي واستخلفي الله خير
وتيقني بأنه يقف عند باب الجنة يقول لاأدخل حتى يدخل ابواي كما أخبرنا النبي صلى الله عليه وسلم |
رد: حكايتي مع موت ابني
الله يعوضك كل خير
ولا تكرهوا شيئاً عسى أن يكون خيراً لكم |
رد: حكايتي مع موت ابني
الله يعوضج يالغاليه
وتري الاعصاب والتعب والتفكير موزين للحامل يتاثر الجنين من هالاتعاب اللي مريتي فيهااا وحاسه فيج ياحياتي ماعليه ربنا بياخذ وربنا بيعطينا وربي يرزقكج بالضني الصالح امين |
رد: حكايتي مع موت ابني
مشكوره علي مروركم يا بنات والله انا بحاول اتماسك بس امس كان سبووع بنت عمتي بنتها اصغر من ابني ب 3 شهور وساعه دق الهون انا كنت بموت كنت حاسه روحي بتطلع مني واليوم انا تعبانه ونفسيتي زي الزفت حاسني راح اموت اليوم
|
رد: حكايتي مع موت ابني
بعيد الشر عنك حبيبتي
والله يصبر قلبك , لا تعذبين نفسك كثير , هذا قضاء من رب العباد اصبري واحتسبي الاجر , وعظم الله أجرك في مصيبتك ريحي أعصابك واسمعي للقرآن واتعوذي من الشيطان ان شاء الله ربي يعوضك خير |
رد: حكايتي مع موت ابني
ان لله وانا اليه راجعون كرريها كتير وانتي ترتاحي حبيبتي
وربنا يعوضك يااارب |
رد: حكايتي مع موت ابني
الله يعوضك خيرياقلبي
|
رد: حكايتي مع موت ابني
الله يعوضج خير يالغلا وهو طير من طيور الجنة
|
رد: حكايتي مع موت ابني
طولي بالك حبيبتي واحتسبي امرك لله الله يعوضك خير يارب العالمين
|
رد: حكايتي مع موت ابني
شكرا لمروركم يا بنات
|
رد: حكايتي مع موت ابني
يارب يديكم يا بنات انا بنام كتير اوي ومن كتر نومي زوجي سبلي البيت ونزل انا خايفه جدا لاني في حملي الاول كانت بتحصل بينا مشاكل كتير بسبب توهاني ده انا نفسي احمل دلوقتي لاكن هو لا ومش عارفه لو طلعت حامل ايه اللي هيحصل بينا لسه باقي 7 ايام علي ميعاد الدوره بس انا هتجنن واكون حامل لاني بع موت ابني بقيت هتجننعلي وجود طفل بس قولولي اعمل ايه
|
رد: حكايتي مع موت ابني
الله يعوضك خير ياقلبي
اصبري واحتسبي والله يعوضك عاجلا غير اجل ويجبر قلبك ياااارب |
رد: حكايتي مع موت ابني
يا الله اني ارضي بما تفعله لي فلا تحرمني من كلمه امي
|
رد: حكايتي مع موت ابني
ربنا يعطيكى ويفرح قلبك ويرضيكى ويعوضك خير يا حبيبتى بس حاولى تقراى قران كتير وان شاء الله ربنا عنده العوض
واكثرى من الاستغفار وربنا يبدل حالك لاحسن حال ياااارب |
رد: حكايتي مع موت ابني
اختى الغاليه على فكره القلق النفسى اللى انتى حاطه نفسك فيه ده هو المشكله
لازم تهدى من اعصابك انا عارفه ان ده خارج عن ارادتك بس حاولى وسلمى امرك لله وحده هو اللى هيكرمك وحااااولى تشغلى نفسك باى شئ تاانى علشان التفكير الكتير له اثر سلبى والقلق مضر جدااااا حاولى تفكرى فى اى حاجه تانيه غير ضروريه علشان زوجك كمان وصدقيننى هتلاقى الشئ اللى انتى بتمنيه تحقق بارادة الله سلمى امرك لله وبمشيئة الرحمن كل شئ هيتيسر وتكونى افضل وحاولى ترقى نفسك رقوه شرعيه وربناااااا معاكى ونبااااارك ليكى عن قريب ان شاااااء الله |
رد: حكايتي مع موت ابني
حبيبتي انا عارفه احساسك لاني حسيتوا باول حمل الي
الله يعوضك ويعوضني ويعوض الجميع يارب اهم اشي نفسيتك لازم تتحسن وحاولي تضحكي لو غصب عنك ماتنسيش انو الحياه وانتي عندك جوزك لازم ترجعيلوا وترجع حيويتك من جديد وعلشان ولادك الجايين بالطريق وماتفكريش كتيير لانو التفكيير بيتعب كتييير وخصوصآ بالحمل علشان تحملي بسرعه انا عارفه انك حاسه حالك وحيده بس ربنا معاكي وربنا بيحبك علشان حيبقى حد في الجنه شفيع ليكي ولزوجك يوم القيامه ويدخلكم الجنه ان شاء الله واهم شي بالحمل الجاي ان شاء الله تولدي باول اسبوع من التاسع وروحي لطبيب شاطر ياعمري انتي عايشه عمر اكيد راح نشوف الي يزعلنا والي يفرحنا وربنا يرزقني ويرزقك ويرزق كل محرومة الذرية الصالحه ويجبر بخواطرنا انتي الجأي للصلاة والاستغفار واكيييد حترتاحي وطمنينا عنك والله يعوضك يارب |
رد: حكايتي مع موت ابني
الله يعوووضك خييييير ان شااء الله ويصبررررك
|
رد: حكايتي مع موت ابني
ربي يعوض علينا ويخلف خير منه .الصبر والاحتساب يا اختي انا كدلك مات ابني وعمره 4 شهور موعدنا الجنة ان شاء الله مع ابناءنا ان شاء الله الحمد لله كثيراااااااااااااااااااا
|
رد: حكايتي مع موت ابني
الحمد لله يا بنات انا حامل وفي توام كمان
|
رد: حكايتي مع موت ابني
يارب يثبتهم ويفرحه فيهم بس نصيحه
راجعي عند دكتوره شاطره جداً وخوذي أسبرين أطفال وحمض الفوليك ومثبت حمل والله هو القادر على كل شئ انه يثبتهم يارب ويقر عينك فيهم بس انتبهي ولاتهملي نفسك اي شي تحسي فيه راجعي دكتورتك والله بقومك بالسلامة انتي وأولادك يارب |
رد: حكايتي مع موت ابني
يارب يثبت حملك ويسر امرك يااارب ديري بالك ع صحتك حبيبتي
وربي يرزقك الذرية الصالحة ويعوضك خير حبيبتي |
رد: حكايتي مع موت ابني
ماشاء الله
اختي الغاليه عليج بتحصين نفسج بلقران الكريم و ياليت ماتجهدين نفسج وتبتعدين عن النشويات لانه هي سبب ارتفاع السكر عند الحوامل والله يثبتهم يا رب وتجين تبشريننا بقصةة ولادتج والله يرزقنا |
رد: حكايتي مع موت ابني
الله يعوضك خير يا رب
|
رد: حكايتي مع موت ابني
الحمدلله عزيزتي الله ما ينسى عبده ابداا.......
........بس حاولي تشوفي دكتوره شااطره احسن وتابعي حملك ع طول ...........الحمدلله مبررررررررررررروك حبيبتي......الله يرزق كل محرومه ياارب |
| الساعة الآن 12:04 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .