منتديات حوامل النسائية

منتديات حوامل النسائية (https://naqatube.com/index.php)
-   منتدى تجهيزات وهدايا المواليد و ألاطفال (https://naqatube.com/forumdisplay.php?f=29)
-   -   (موضوع للنقاش) .. محتارة في سرير طفلك .. أو غرفة نومة .. تعالي نفيد بعض (https://naqatube.com/showthread.php?t=76066)

Um Dana 10-04-2011 11:59 PM
(موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
بسم الله الرحمن الرحيم

السلام عليكم ورحمة الله وبركاته

كيفكم يا بنات .. شلونكم .. عساكن بخير .. hwaml02 ؟

من زمان ما كتبت شئ .. من شدة انشغالي بشغلي .. hwaml5

المهم جبت موضوع محير كل البنات البكريات وكل الامهات ..

إلي هو ..

كيف تختارين سرير طفلك .. ومن وين .. وكم ميزانيتك .. وحق كم سنة بيبقى؟

http://forum.hwaml.com/imgcache2/hwa...761947_347.jpg

http://forum.hwaml.com/imgcache2/hwa...761947_342.jpg

http://forum.hwaml.com/imgcache2/hwa...761945_590.jpg



http://forum.hwaml.com/imgcache2/hwa...761946_658.jpg

طبعا .. هاذي غرف كاملة .. وإلي ما عندها مكان يكفي .. امرها لله .. تشتري سرير وتحطة بغرفتها ... hwaml4

وخصوصا إلي عايشين بشقق مثل حالتي ..
طبعا ام التحطيم .. وتحسين ودك بمكان لطفلك بس واغراضه .. بس الله كريم


المهم حبيباتي ..

انا تعبت وانا اسال عن الاسررره والمفاررش ..
قلت يله بحط هالموضوع ونفيد بعض ..

يعني مثلا ..

تقولي أمي روحي مذر كير الظهران مول .. رحتة .. اسعار مو طبيعية ..
طيب روحي السواني .. نفس الشئ ..
روحي مدري وين .. تعبت تعبت ماني لاقية شئ مناسب لميزانيتي .. او شئ يرضيني ..

مثلا لو بشتري سرير صغير للبيبي زي السله او هيك .. ما بينفعني بعد الاربعين صح وإلا لا .. ؟

مثلا لو بشتري سرير خشب كبير .. نفس الحالة ..

شقلت ... قلت بفصل سرير خشب يكفي لعمر الطفل لين 4 سنين ع الاقل ..

لأن ما بتخلينة عندك بالغرفة طول السنين .. ؟ صح وإلا لا .. ؟

انا مدري وشو بيصير .. الي عندهم اطفال يفيدونا .. hwaml13

المهم رحت سنتر بويت .. اسعاره بايخه ع خشب مو مضمون .. يعني يهزة زوجي يشوف جودتة يبين عليه انه ما بيتحمل واجد .. بعدين بيصير زينة .. وعليها اغراض البيبي .. hwaml9صح ؟

طيب المفارش .. مثلا سنتر بويت مفارشة عبيطة شوي وعلى 300 واغراضها ناقصة .. يعني مو كل شئ وياه .. بس مفرش ولحاف ومخدة .. ؟ !!

ليش .. ؟

طيب والمحلات العادية إلي بالمحمعات .. ماتدرين وشو تاخذين وشو تحطين ..

زي مذر كير .. شوفي البوماتة او دخلي بالنت .. عنده اشياء تجنن ..

زي بيبي هاوس يفصل لك كل شئ .. بس ما جربته اخاف ابتلش .. لان تفصيلة يوصل لـ 1300 ريال للطقم كامل .. مفارش وملابس وهيك ..


والله اني ماني عارفه وشو اسوي ... hwaml4hwaml4




انتوا وشو تجاربكم ووشو اقتراحكم .. ؟؟؟؟
تكفون نبي نخلص من هالشغله ... شاغلة بالي .. وخصوصا ان زوجي بيروح الحج .. وبصير ثقيلة بالسابع .. والتفصيل يبيلة وقت ..
يلا ننتظركم حبيباتي الكروشات ..



وإلي بترد علي وتفيدنا .. وتناقشنا .. ربي بيسهل عليها حملها وولادتها .. وكلنا بندعوا لها ..


بليز لاتقرون وتمشون ..


الله وياكم ..

nana galaxy 10-05-2011 12:11 AM
رد: (موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
حبيبتي أنا كنت محتاره ,, لكن كنت محتاره بين السرير الخشب واللي تجي زي الشبك

بس بالنسبه لسرر الخشب أتوقع انها تناسب الطفل الى 4 سنوات ,,, لاني حسيتها كبيره مو صغيره

وعلى حسب ما شفت اسعارها تتراوح ما بين 1000وشويه الى 700,, ومع التخفيض الحين شفت منها على 500

اما بالنسبه للحلف بصراحه ما اعرف لحد الان,, بس شفت بسنتربوينت لحف فيها قطع كثيره ,,, حتى الناموسيه فيها

وان شا الله يفيدونا الخبيرات بالموضوع

Um Dana 10-05-2011 12:22 AM
رد: (موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
مشكورةح حبيبتي ع ردك ..

فرحة الدنيا 10-05-2011 01:38 AM
رد: (موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
يعطيك العافيه ع الموضوع يا عسسل
أنا مثلك محدده ميزانيه معينه ومحتاره كل اللي شفتهم لحد الآن
ماعجبوني والمفارش كمان ماتجيك كامله نفسي ارتاح من تجهيز السرير
ومفرشه ، اتمنى من اللي عندهم خبره يفيدونا

موون لايت 10-05-2011 02:30 AM
رد: (موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
خلاص حبيبتي إذا الأسرة في المحلات اللي ذكرتيها غاليه وخشبها مايستاهل هالقيمة مو شرط تشترين من عندهم من جد حرام انتي تبغين لك وللزمن على الأقل 4 سنوات قدام
في محلات حقت الأطفال تبيع أسرة جودتها عاليه صحيح إنها مش ماركه بس الصراحه حلوة أنا عني ماأقدر اشتري سرير للبيبي أولا غرفتي مافيها مجال أحط سرير أبدا ثانيا عندي غرفتين وحدة لبناتي والثانيه سويتها مجلس حريم من غير الصاله اللي عندي فعلشان كذا ضيق الشقه مايساعدني أسوي زحمة عندي مع إن البيت ملك بس وش نسوي أمر الله شق القربه ..

ريتاال 10-05-2011 07:38 AM
رد: (موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
تحصلين بمحلات الاثاث العاديه اسره حلوه وسنديان على 400 ريال
ومررره شفت عند ممنون سراير على شكل دائره يجنن وسرير على شكل عربه فخمه بس مادري كم سعرها

!راما! 10-05-2011 07:46 AM
رد: (موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
من تجربتي
اشتري سرير بس يكوون زين الخشب حقه ما يتكسر ولا يخرب
حطيه في غرفتك وحطي عنده ماصه تحطي عليها كل احتياجاته
زي هاذيhttp://forum.hwaml.com/imgcache2/hwa...761945_590.jpg
ليش تشترو غرفه كاامله ولله ما رح تستفيدو منها ابداااا عن تجربا
انا في حملي الأول شريت غرفة نوم كاامله من الي
ولله اني ما استفت شي ابداا ولله حرام للحين مضايقه ليش شريته
المشكله اسعارهم بلهل
بتوفيق

زينه1 10-05-2011 08:17 AM
رد: (موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
موضوع مهم
شوفي ياستي انا جهزت لبنتي غرفه وهي دحين عمرها 11شهر
بس لما ولدت كانت غرفتها لسى مو جاهزه
في البدايه جبت لها سرير صغير تقريبا زي هذا
http://forum.hwaml.com/imgcache2/hwa...791845_396.jpg
وكان معايا جنب سريري في غرفة الاستقبال وقت نفاسي
وبعدين طلعته غرفتي لحد ماصار عمرها شهرين ونص او 3شهور صار صغير عليها
اشتريت لها سرير كبير وواثثت غرفتها ورغم انو عندها غرفه لكن نومها في الليل معايه على سريري لكن الغره فيها اغراضها وحوستها والعابها وملابسها
وباذن الله انزل صور غرفتها لكن الان حاقولكم كيف ومن فين اثثت غرفتها
طبعا لفيت كذا محل لحدمارسيت على اللي ناسبني
سريرها من سنتربوينت لونه ابيض ب750ريال وهذي صورته
http://forum.hwaml.com/imgcache2/hwa...791845_565.jpg
وجبت لها مفرش من عندهم لحاف ومخده ومفرش وستاره للسرير وسله لاغراض البيبي
وهدي صورهمhttp://by154w.bay154.mail.live.com/a...t=160&size=Att

جبت مفرش تاني للتغييراحلى من اللي من سنتر بوينت بس اغلى لكن قطعه كثير من تويز ار اص ب500ريال وهذي صورته
http://forum.hwaml.com/imgcache2/hwa...792993_623.jpg
اشتريت طاولة غيار من تويز ار اص ب600ريال لون ابيض
http://by154w.bay154.mail.live.com/a...t=160&size=Att
http://by154w.bay154.mail.live.com/a...t=160&size=Att
سرير سنتر بوينت حلو وسعره معقول وفيه درجات متعدده عشان الطفل لما يكبر
مفرشهم خامته روووووعه ويتحمل وكمان تويز ار اص مره اشيائهم جناان بس صراحه غاليييييين كان فيه مفرش عندهم عجبني مره وقطعه كثير حتى الستاره معاه بس ب800ريال
اتمنى اكون افدتكم يابنات

مشاعل الدوسري 10-05-2011 08:48 AM
رد: (موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
مثلا لو بشتري سرير صغير للبيبي زي السله او هيك ..
ما بينفعني بعد الاربعين صح وإلا لا .. ؟
على حسب السرير اذا كان صغير وله لا
فيه اللي يجيك زي السله لكن حجمه كبير
و في اللي يجيك هزاز هذا اللي ينخاف منه
و بنفس الوقت يخوف مو مضمون البيبي ممكن بكره يكبر
و يحاول ينط منه و يطح مو أوكي الوضع
أم تفاحه
شفتي الصوره الثانيه اللي انتي حاطته في نوعيه زيها
تقدرين تتحكمين بلعمق حقها و بلشبك نفسه تقدرين تنزلينه
أسهل لك اذا لقيت بلخبر
محل بعطيك خبر

أنا يوم الخميس بوح أقضي للبيبي كل شي
مرررررررررره وحده
بشوف لي سرير أذا لقيت بقولك
بروح محلات بلخبر

الصراحه لقيت سرير يجنن تستفيدين
منه فترة سنتين لكنه ب 1200
انا ساكنه بشقه و على وشك اني انقل كل شوي عشان
هيك ماأقدر أشتري سرير بهاي المبلغ
مايسوى اله اللي عندها بيت تقدر تشتري اللي تبيه
و تحطه بلمكان اللي تبيه
و انشالله لي عووده على الموضوع

أم توتو القمر 10-05-2011 10:20 AM
رد: (موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
حبيبتي عندك محلات بالدمام عند الهرم بلازا اختي بعض الاغراض اخذنهم من هنيك

غيبتك تنهي حضوري 10-05-2011 10:50 AM
رد: (موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
موضوعك حلووو صرااحه..
أنا شخصيآ حابه أخذ له سرير يعني له ولفتره حتى يكبر..
دورت بمذركير بس غاليه..ودورت بمحل اسمه الام والطفل بس ماعجبتني كثير..
ورحت سنتربوينت وعجبتني اسرتهم ..وأهم شي عجبت زوجي..
لقيت واحد حلوو مرره ويجلس لعمر الطفل 4سنوات وسعرهـ 700 ريال
ومفارشهم حلوه صراحه كثير بس لسه مافتشت فيها ولاشفت اسعارها
ان شاءالله اذا دخلت التاسع بروح آخذ السرير واغراض السرير
تفاديآ للزحمه خخخ لاني بحطه في غرفتي وماباخذ له لادولاب ولامدري ايش وايش بس سرير غرفتي فيها ادراج كثيرهـ مايحتاج اكركب الغرفه زيادهـ...
وبس شكرآآآ لك ع موضوعك حلوو جد للنقاش..

دمواع الواله 10-05-2011 11:53 AM
رد: (موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
هلا اختي البنات ماقصور مشاءالله انه
نفسك اول حمل لي مش عرف من وين اجهز كل شي من اغرض البيبي والنفاس وتوزيعات
طبعني بي اني وحدة اهلي بنوته نفسي اسوي كل شي مميز من الي اتمنه تسعدوني لني مالي خبره لني اصغر اخون الله يحفظه 17 سنه يعني حتي امي نست تجهزات الو لادة

Um Dana 10-07-2011 09:49 AM
رد: (موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
هلا وغلا يا كروشات .. شلونكم اليوم .. ؟

تصدقون فخوذي تعورين مدري ليش مع نهاية ظهري .. خايفة كثير والبيبي ما تحرك يوم كامل .. الله يستررر ..


المهم حبيباتي .. رحت الظهران مول امس .. ودخلت مذر كير ..

لقيت حاطين تخفيضات مرره حلوة ع الاثاث .. يعني المهد السرير ع قولتهم بـ 800 او 700 ... حلوة التخفيضات حقتهم ..

وشفت الالبوم حقهم وسالت العامل .. قالي انتي شوفي الموديل إلي تبين واحنا بنجيبة لك .. لانهم ما يعرضون بالمحل كل شئ ..

وصراحة عجبني سرير مهد ابيض ينزل السور حقه من الجهتين إذا كبر البيبي .. وصار فوق 3 سنين .. والدولاب حق تسفيط مررره حلو وعملي .. وفوقة رف التبديل ..

صراحة 4 في واحد هالطقم ..

يعني مهد , وسرير , ودولاب , وتبديل ...

بس سعر الـ دولاب مدري بكم ... لما يجي معاي بو الشباب بقرر ..

رحت مع امي انا .. وامي قالت فصلي احسن .. وانا مالي خلق عوار راس .. قلت بشوف راي زوجي وبدور كم محل اليوم إن شاء الله .. وبقرر .. بس خايفة تروح تخفيضات السرير والفراشات علي ...



وانتوا حلوات وشو سويتوا .. ؟؟؟؟

Um Dana 10-09-2011 04:59 AM
رد: (موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
لا اله الا الله محمد رسول الله ..

ايليان 10-09-2011 07:32 AM
رد: (موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
مررا حلووو موضوعك
وجا بوقته لاني حييل حيل حايسه ماني عارفه كيف اخذ سريره
يعني حق النفااس كنت باخذ الي يجي وسط وعليه زي المثلث من فوق خخخخخخ<<وصف عجيب
بس يقولوت للاربعيين وبس مايفيدني كم شهر قدام !!
حرام والله اسعارهم ب500 ارخص واحد ب300 حتي من المحلات عاديه
يعني انا مو مقتنعه ليه مايكفي البيبي لين عمر 4 او 5 شهور احسه صغيير البيبي
بيكفيه اذا كبر شوي وتقلب وتحرك مثلا شرينا السرير الكبير
بس ع الاقل احلل قيمته ذا مو بس للانفاااس

جدا محتاره

حتي مفرش تقديم البيبي للضيوف مدري شاخذ وكم قطعه يحتاج

وه الله يعيين استفيد منكم ان شاءلله

أم عبدالرحمن السلفية 10-09-2011 07:47 AM
رد: (موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
دخلت ابغى آخذ فكرة في سرر حلوة في ايكيا عاملين تخفيض بكاتلوج 2012 من 245 ريال إلى 500ريال اسعارهم لكن لسى ما رحت لهم

ضحكة الأمطار 10-10-2011 12:15 AM
رد: (موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
لسى ماجهزت والتجهيز ماخذ كل تفكير
شفت سرير ودولاب بسنتر بس اسعارهم ماشاء الله وهم عجبوني وحطيتهم بالي

لاني ابي لونهم أبيض
ام المفرش بسووي عند وحده ان شاء الله
ياليت الي تعرف محلات بالأحساء حق سرير البيبي ودولاب تدلني عليهم بس يكون لونهم ابيض والسعر مناسب
خااطر يصير تجهيز البيبي حلوو وانبسط فيه

ضحكة الأمطار 10-10-2011 12:17 AM
رد: (موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
ياليت بعد الي عنده سرير ودولاب مستعملين بس مو كثير للبيع

Um Dana 10-10-2011 07:15 PM
رد: (موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
حبيباتي انا بعد لسسه ما قررت ... متررده .. ومدري والله شنو اسوي ...

اوف اوف تعبت من التفكيييييييييييييرررر ..

اميره الالماس 10-10-2011 07:18 PM
رد: (موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
بنات الكل يمدح سنتر بوينت


يعني راح القا سرير ودولاب هذولي بحطهم في بيتي



لاني بالنفاس راح
ح اروح عند اهلي

ومفكره اشتري السرير الصغير واجيب هذي مدري شنو اسمها مثل الدولاب

تحطين فيها ملابس البيبي لها سحابات مدري شنو اسمها

الشمالية 10-11-2011 12:20 AM
رد: (موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
مرحبا اختي والله انا تخسرت ادفع هالاسعار بسرير خاصة وان ما في لها غرفه خاصة عاد اخذت اول مرة من الهرم صغير لحد ثلاث شهور وبعدين من اسواق العويس على 350 وكان تفصيل اخذته عودي احب هاللون وكبير شوي لعمر 3 او 4 سنوات ان شاء الله وماشاء الله تبارك الله للحين وتلقين عندهم انواع واشكال وفية دواليب بعد احجام انا نصحتن وحدة بهم والله ارخص واحسن وتفصيل على ذوقك ,,,
اعتذر على الاطاله حبيت افيدك دعواتك

رسيس الهوى 10-11-2011 10:31 AM
رد: (موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
مرحبا للجميع

بالنسبة لي لما نزلت جدة كان فيه محلات كثير حلوة للمفارش والأسرة ...

طبعا أنا بأشتري من بوتري بارن إذا ربي وفق مررررررة حلوة صح غالي بالحيل بس شي جميل وبيجلس لسن العشر سنوات تقريبا وذوق ودلع وماركة يعني لك وللزمن ... اللهم غيري بالمفارش والإكسسوارت

المحلات بالترتيب اللي شفتهم وراح أبدأ بالأرخص ثم الأغلى ...

ايكيا ... أسعار حلوة وألوان وأشكال وأتوقع ممتازة ما جرتها
مذركير ... حاليا عروضه حلوة وكمان أشكاله ...
سنتربوينت ... أنا شايفة خامتة قوية بس ما أدري عن جودتة ... وكمان سعره لا بأس به
بريما ما ... مررررررررررة حلوة ومفارشة روعة وله كتالوج بالنت جدا رائع ..
بوتري بارن ... خقق وربي أعجبني وأعجبتني طريقة العرض والدلع والمساحات والأفكار بجد رائع
باباز آند ماماز ... الماركة أيطالي بس غالي وحاسة نفس الشكل يعني ما فيه أكثر من فكرة .. بس غالي جدا

هذي المحلات اللي مريتهم ...
طبعا اللي ميزانيتها متوسطة أو قليلة تشتري من ( ايكيا - مذركير - سنتربوينت ) أفضل حل
وطبعا أنا ميزانيتي متوسطة بس راح أجمع الثلاث الأشهر حتى أجمع قيمة السرير والمفرش من بوتري بارن ... لأنه داخل مزاجي مرة

اللي ميزانيتها عالية تشتري ( بوتري بارن - بريما ما - باباز آند ماماز)

بالنسبة لي الأثاث من بوتري بإذن الله مع إني زوجي متخوف من السعر ولكن مع الإصرار سأحصل على ما أريد ... طبعا أسعاره من 6000 وفوق ... بس شيء خقق دلع فخامة وبصراحة هالبنوته عندي تسوى عمري كله وهي بعد ما جات إجل إذا جات ... ربي يتمم عليها الخلق والخُلق .. من غير زيادة ولا نقصان ..
والمفارش والله اللي أشوف إنها حلوة وكاملة ودلع سواء ولد ولا بنت ... بوتري وبريماما .. وألوان كثيره

وربي يتمم على الجميع السعادة والقرب من الله

Um Dana 10-11-2011 10:38 AM
رد: (موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
كروشات ... بقولكم شئ حلو .. رحت ايكيا ولقيت طقم يجنن ...
سرير مهد ودولاب وكوميدينة بـ 1540 ريال ..

صراحة حبيته وخشبه قوي .. وسعره حلو .. شكلي باخذه خلاص ..

روحوا شوفوه تررراااه يهبل ..

ولونة ابيض ..

ضحكة الأمطار 10-11-2011 09:45 PM
رد: (موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
لو سمحتي عطيني موقع بريماما

واذا في مواقع أخر

ضحكة الأمطار 10-11-2011 09:53 PM
رد: (موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
ايكيا مافي صور عندهم بالموقع لسرير الطفل

ضحكة الأمطار 10-11-2011 11:51 PM
رد: (موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
أمممم

خلاص في شفتهم

ياارب تيسر أمورنا

أحس التجهيز ماخذ كل تفكيري الله يكون بالعون

رسيس الهوى 10-12-2011 12:58 AM
رد: (موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
بريما ما يا حلوة بشارع التحلية فيه محلاااااات كثير توصلي حتى مذركير وبعدها تمشي حتى توصلي الزاوية فيه كوفي قهوة مرة حلووووة

تدخلي من عندها ويكون بريما بالوجهه على طول يعني خلف المحلات ويالتوفيق

Um Dana 10-12-2011 03:46 AM
رد: (موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
حبيبتي المطر ... موجود بالالبوم .. السرير ...

fadyah 10-13-2011 02:33 AM
رد: (موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
انا جهزت لبنوتي غرفتها من ايكيا سعره جدا معقول اخدت دولاب درفتين ب295
ومهد ب395 ورفوف مع طاولة تغيير 545 ويكيفي انه ايكيا جوده وبصراحه زي السرير حده معاك سنتين او ثلاث وحيتغير فليش اخذ غالي مره واللحاف والله عجبني اللي من تويز ار اص

Um Dana 10-14-2011 04:29 PM
رد: (موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
هلا وغلا بنات ..

شلونكم .. ؟

لقيت تشكيلة حلوة للمفارش في ( قباء ) .. تعرفونة .. ؟
بالخبر جنب فندق الموفيمبيك .. صراااحة ررررووووعه بس غالي والله ..
يعني ما اخذت ع طول قلت بفكرر اول .. وعنده اسررره كثير .. بس نفس الشئ غالية ..

احساس هالك 10-14-2011 05:10 PM
رد: (موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
انا ماشريت سرير لانو جا هديه من عمه بس يمكل سنه بجيب له سرير ع ذوقي
شوفي سنتر بوينت وبيبي هاوس سرايرهم حلوه وكمان المفارش بس اسعارهم ماادري عنها

أيوش الحلوة 10-14-2011 11:36 PM
رد: (موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
http://forum.hwaml.com/imgcache2/hwa...624584_829.jpg

حبيبتي أنا لسا ما جهزت و لساني بكرية بس حسب ما أشوف بالسوق عندك هذي النوعية من الأسرة تكون تناسب لأعمار متقدمة و شكلها حلو يعني زينتها منها و فيها و سعرها مرة رخيص بالنسبة لسرير الخشب ... الصراحة في أشكال أحلى من اللي حطيتلك صورته بس ما عرفت الاقي نفس المبدأ عالنت ^_^ معظمهم يكونون أساساتهم خشب الزان القاسي و الباقي قماش مثل مو شايفة

أتمنى اكون افدتك

ايليان 10-15-2011 08:22 AM
رد: (موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
ام تفاحه ويين مكانه بالضبط

ضحكة الأمطار 10-24-2011 04:28 PM
رد: (موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
شو عملتوا ع تجهيزكم؟؟

اجوان 10-24-2011 08:00 PM
رد: (موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
حبيبتي شوفي,,
اول شي لاتتحسري انو ماعندك غرفه مستقله تحطي فيها البيبي ,,شوفي انا عندي غرفه فاضيه بس حطيت السرير بغرفتي لان الطفل مستحيل ينام لوحدو الين عمر السنه تقريبا لازم انتي معاه وصعبه تنامي معاه كل دي الفتره وتتركي زوجك لوحدو,,فاحسن حل تحطي السرير بغرفتك,,

طيب بالنسبه للسرر انا اختي مشتريه لبنتها من سنتر بوينت ودحين عندها لو ثلاث سنوات واختي تنقلت ثلاث شقق وانتقلت لمدينه ثانيه كمان وبرضو عايش ماتكسر..
انا اخدت واحد من سنتر بوينت ب 1500 مره روعه شكلو نفس الصوره الثالثه اللي حاطتها الاخت زينه,,
والمفرش اخدتو من مذركير عباره عن خمس قطع تكفي وزياده كمان وسعرها مناسب ماتذكر كم بالضبط بس اتوقع 400,,

وبس ياقلبي لاتحتاري وولا شي :))

عيون الشرقية 10-26-2011 04:15 AM
رد: (موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
انا حبيبتي اخذت سرير بنتي من محلات في الثقبه صح مو ماركة بس شغلها ممتاز وخشبها مرة قوي وكان مع السرير سرير هزاز يتركب فوق السرير الكبير هذا نفعني لغايت 5 شهور واول مابدات بنتي تقلب شلته لانه مو مرتفع مع الجوانب مرة وخفت تطيح منه بس خشبه مرة قوي بالصراحه يشيل طفل حتى فوق الخمس سنوات واعتقد بنتي بيشيلها لعمر 6 سنوات لانها قزمه حيل ههههه ورغم انه الحين عمرها 2 ونص بس والله للحين ثابت وقوي مشاء الله

Um Dana 11-22-2011 08:09 AM
رد: (موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
اهلين بنات شلونكم ... عسسساكم بخير ...


من زمان ما كتبت شئ هنا .. من الزحمة إلي عندي ..

المهم بشروني اخذتوا غرف او لا ...

انا لا خخخخخخخ .. محتارة وزهقت ... وكلت الموضوع لامي ..

رحت ايكيا شفت الطقم إلي لكم عليه .. طلع يضحك ويفششل .. تحسينه استخدام ليوم واجد فقط .. ع قولة زوجي خخخخ ..
المهم .. اما الدولاب والدرج حق التبديل .. صراحة يجنن .. بس ماكو إلا ابيض ..
لو اخذت غرفة بيضا .. باخذ الدولابين .. مره حلوين وعملين ..
انصحكم تشوفونهم ..
المهم واخذت من ايكيا سلال حركات واخذت قماش بفصل منه مفرش لي .. ع الوان البيبي إلي اخترته .. حبيت الوانهم ..
امممممم وشنو بعد .. اخذت فوط صغار ملونة حلوين .. انا احب فوط ايكيا ..
روعه للسباحة .. اخذت الصغننونوات حبيتهم ..

وبس والله تقريبا صارلي شهر ما اخذت شئ ..

وانتوا بشروني ..

دلع سارة 01-09-2012 10:59 PM
رد: (موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
موضوع حلو

وانا بعد محتارة من وين وكيف الشكل

اللون نفسي بخشب غامق يناسب غرفتي

لكن الحجم ولعمر كم راح يكفي النونو ...لسى مو عارفه ؟؟؟؟

جنى حسين 01-13-2012 10:21 AM
رد: (موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
بنات وين يصير تويز ارص في الدمام ؟؟؟؟؟


دلع ساره عجبني توقعيك كثير ممكن تعلميني كيف تسويه يجنننننن

هنّوسه 01-14-2012 08:21 AM
رد: (موضوع للنقاش) .. محتارة في سرير طفلك .. أو غرفة نومة .. تعالي نفيد بعض
 
والله جبتوها ع الجرح
اكثر شي احاتيه هالسرير ،،

بالنسبة لايكيا انا ما احب اخذ منه اثاث
لان اثاثه شكل بس ،، عطيه سنة والا هو تكسر وتشلخ
يعني ما يسوى ،،
واذا بتاخذين سرير طفل معناه هالسرير راح يكون بيته
لعبه وحوسته ونومه كلها فيه ،، يبي لك سرير قوي ويتحمل

كمان حاطة ببالي ان هالسرير يبقى عندي للاخوان في المستقبل
يعني اذا كبر البيبي ماراح ترمين اغراضه ،، اكيد بتخلينهم للبقية
والاا كل مولود بتجهزين له غرفة ؟؟

<< طبعا هذي فكرة زوجي هو اللي فتح مخي عليهاا ،،



بالنسبة لسنتر بوينت ما رحت تفرجت لسسه ،،
اما المحلات الخاصة بالاثاث ،، فيه كثييييييير
بالدمام مثل ما قالوا البنات عند الهرم بلازا وهالشغلات تلقون ،،


اما المفارش فعطوني رايكم ،، التفصيل او الجاهز احسن ؟؟


الساعة الآن 07:45 PM.

Powered by vBulletin® Version 3.8.8
Copyright ©2000 - 2026, vBulletin Solutions, Inc.

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .