|
أستفسار عن تجهيزات للمواليد..؟؟!!!
السلام عليكم و رحمة الله و بركاتة
كيف حالكم ..!!؟؟ أنشالله بصحه و بعافية يارب أنشالله موعد ولادتي بشهر 12 باقي لي على موعد الولادة بلضبط 5 أسابيع و 4 أيام و الله و أعلم لكني حابة أشتري ملابس من الحين لاني بديت أصير أثقل و أتوقع دخلت التاسع على حسابات المستشفى لي و لان الدكتورة قالت لي الحمدالله وضع الجنين أوكي من جميع النواحي و الرأس نازل تحت و حتى أمي تقولي ممكن تولدين قبل الموعد اللي حاطينه لان بطنك نازل و حتى الأن ماشريت شي لكن الوالده شرت لي 3 مهادات قميص1 و لبس داخلي للبيبي 3 و قبعه طقم مع الشرابات و القفازات 2 و أختي شرت لي 3 قطع لبس داخلي ملون و مرت عمي شرت لي القمصان 2 و أنا حتى الأن ماشريت شي للبيبي مو عارفة أشتري شتوي وله صيفي وله نص و نص و من خلال قراتي للمواضيع النصيحه اللي دايم يقولوها ان أشتري أقل شي 6 قطع لان ما يندرى شنو حجم المولود و هيك شغلات و أنا رايحه لبيت أهلي عشان أتنفس هناك مع العلم أني ما راح أشتري مفرش للنفاس لان أبوي قال يبي يشتري سرير حق اول اللي من الخيزران يبي يسوي الغرفه ستايل قديم مال أول المهم يعني هل يحتاج أشتري سرير ثاني وله لا أنا جهزت قائمة من خلال اللي قريته بلمواضيع أبي رأيكم أذا يحتاج أضافه وله لا: ملابس البيبي و أغراضه: 6 بدل كامله - 5 صدريات - 5 مهادات - 3 بطانيات 6 ملابس داخليه - قمصان 5 - 4 قبعات و شرابات و القفازات طقم - 3 فوط مع العلم ان عندي 6 قطع ملابس داخليه و 3 قمصان و طقمين قبعات و شربات و قفازات و 3 مهدات أغراض الصيدلية: 3 رضاعات زجاج - فرشة الرضاعه -كريم حفايظ - لوشن للجسم - شامبو للجسم - زيت الأطفال - مقص أظافر - فرشة الشعر - مسحات طبية - بودرة السره - بودرة أطفال للجسم - مصاصات - قطن - أعواد تنظيف للأنف و للأذن - مقياس الحرارة - جهاز تعقيم بالبخار - مسخن الماء - جهاز شفط الصدر - صابون لغسيل الملابس - حفايظ - حليب - يانسون - دالة للماء الحار صغيره ((مو من الصيدلية طبيعي )) - علبة تقسيم حقت الحليب البودره. تذكرت (( بانيو - اسفنجة الجسم - و القطعه الراس البلاستك عشان الماي مايجي على عين البيبي - مقياس الحراره حق الماي أشوف أن ماله داعي ممكن أستغني عنه)) شنطة المستشفى حقتي: 6 قمصان - 6 ملابس داخلية قطنيه - قطن للصدر للرضاعة - فوط صحيه -كريم زبدة الكاكاو - مزيل عرق - عطر - دهن عود- زيت اطفال - شامبو للشعر - صابون للجسم - غسول بيتادين - شربات - الأستشوار - مشط للشعر - علبة مكياج صغيره - مشد للبطن - شاحن جوال - عباية أحتياطيه - كميرة تصوير - فوطه للجسم - فوطه للشعر - كيس للملابس الوسخه . ممكن تحسون الأغراض كثيره لكن أنا بطلع من المستشفى على بيت أهلي عشان هيك . و ملابس البيبي أذا نقصت الله يخلي السوق مفتوح 24 ساعة بعدها اخلي حد يروح يشتري لي لو نقص . ياليت تفيدوني جزاكم الله خير .. |
رد: أستفسار عن تجهيزات للمواليد..؟؟!!!
أهـلـآ حبيبتي
مـآشـآء الله عليكي أحس قـآئمتك كـآمله مكملـه و تكفي ,, بس يمكن أنـآ مـآانتبهت لغرض آلبنـآت موجودآت ويسـآعدوكي .., وبـآلسس,ـلآمه يَ رب |
رد: أستفسار عن تجهيزات للمواليد..؟؟!!!
معليش نسيت ششغله بـآلنسبة للمـلآبس آلشتويه آو آلصيفيه
ع حسب المنطقة الي إنتي عـآيشه فيهـآ أنـآ عـآيشه بأبهـآ وآلجو بـآرد عششـآن هيك دآيم أشتريلهـآ ششتوي, .. |
رد: أستفسار عن تجهيزات للمواليد..؟؟!!!
مشكوره حبيبتي 7āℓāـٍσ๓ •❥ على ردك انا بكون عند أهلي بلشرقيه
و الجو حاليا كل ماله و تخف الحراره فا مدري عشان هيك محتاره يمكن البرد مايجي بشهر 12 بسرعه عشان هيك حيرتي بزياده |
رد: أستفسار عن تجهيزات للمواليد..؟؟!!!
آهـآآ ..
شوفي حبيبتي أنـآ لمن ولدت بنتي شكلتلهـآ شتوي وصيفي عششان انا مرة بجدة ومرة بأبهـآ ولمن ألبسها الشتوي كنت البسها ملابس داخليه خفيفه عشان لاتحر وتتضايق لأنه لسه فيه كوفله الي الف بها البيبي .. وكدا ولا كدا حتلحفي البيبي محـآ تخليه مكشوف عشان عظمه لين توه أنا هدآ رأيي حيـآتو ,,’ |
رد: أستفسار عن تجهيزات للمواليد..؟؟!!!
http://forum.hwaml.com/imgcache2/hwa...719454_451.jpg
http://forum.hwaml.com/imgcache2/hwa...719453_275.jpg حبيبتي الجو بيكون بارد....الله يسهل عليج.. |
رد: أستفسار عن تجهيزات للمواليد..؟؟!!!
مشاء الله عليكي
بنسبة ليا هذا اول نونو والله يكون في عون ماما راح تنزل معي وهي الا تشتري ليا ويش عرفني انا هههههههههههه بس راح استفيد من معلوماتك تسلمي ويارب تفرحي بشوفته hwaml13 |
رد: أستفسار عن تجهيزات للمواليد..؟؟!!!
طيب ولادتك في شهر 12 يعني بيكون برد شوي خاصه على النونو
اشتري بربتوزات كم طويل لان باللليل يبرد الجووو .. ولاتنسين المقاط علشان تربطين النونو اذا جاء ينام واهم شيء لك انتي لاتنسين الميبوووو ترا مره ممتاز ماطيح خيوطي بعد الله الا هو الله يهون عليك يارب وعليناوفرح نظرتك وتولدين بالسلامه |
رد: أستفسار عن تجهيزات للمواليد..؟؟!!!
ايه نسيت اقولك لاتنسين تحطين في شنطتك حقت المستشفى بنطلون قطني علشان تلبسينه اول ماتطلعيين تحت القميص او الروب واذا عادي عندك البسي بجامه دافيه افضل اهم شيء تكون مفتوحه من عند الصدر علشان لو حبيتي ترضعين
وشرابات ضروووري مو زين النفاس تمشي حافيه او ماتلبس بنطلون |
رد: أستفسار عن تجهيزات للمواليد..؟؟!!!
mقمة البرااااائهm
مشكوره هذي القائمه أفادتي واجد مووج البحر مشكور حبيبتي و الله يسهل عليك انشالله و يعين الوالده ههههههههههههههههه و يعطيها العافيه |
رد: أستفسار عن تجهيزات للمواليد..؟؟!!!
اغراضك ميه ميه ... ماشاء الله ..
وانا اقول بعد العيد بيصير الجوو بارد شوي .. والبيت اكيد بيكون دافي .. مابتحتاجين شتوي للنفاس .. بس اخذي احتياط حق محرم ونص من صفررر ترااا برررد مررررررررره .. انا ولادتي بصفر .. |
رد: أستفسار عن تجهيزات للمواليد..؟؟!!!
تراتيل مشكوره نبهتيني
و انشالله يارب الكل يولد بلسلامه يارب و نفررح بعياالنا |
رد: أستفسار عن تجهيزات للمواليد..؟؟!!!
ام تفاحه مشكوره حبيبتي
|
رد: أستفسار عن تجهيزات للمواليد..؟؟!!!
مدري انا مثلك ولادتي في نهايه 11 يعني داخله ان شاء الله على شهر 12 بس شريت كلها صيفيه بس البعض اكمامها طويله وتصير كامله لان انا بالرياض والرياض في البيوووت حر في النهار والبيبي ماراح يطلع برا الغرفه ومع المهاد والبطينيه الي بتلفينه احس يكفي
لا احنا براياض احس مايبرد الجو إلا على نهايه 1 ودخول 2 والسلام خير الختام ...! |
رد: أستفسار عن تجهيزات للمواليد..؟؟!!!
احلامك صحيح كلامك انا اهلي
اشترو ملابس البيبي كل شي فا قلت لهم باقي شتوي قالو لي البيبي ماراح يطلع من البيت اله للمستشفى و و بيرجع للبيت اقلها البيبي مايطلع 4 او 5 شهور حنا عندنا كذا الاطفال الصغار مانطلعهم برره اله بعد مايفطنون على الطلعات ههههههههههههه |
رد: أستفسار عن تجهيزات للمواليد..؟؟!!!
ماشاء الله عليك
شوفي خيتو انتي ولادتكمعي بشهر 12 وانا مااخذت شيء شتوي للبيبي يعني حتى لو شتوي قليل واخذت لفات صوف وقلت اكيد اني بلفه اول باللفه القطنيه وبعدين بحط عليه الصوف عشان كذا ماكثرت شتوي وانتي عارفه انو بالشرقيه مايطول البرد عندنا وربي يوفقك ان شاء الله ويسهل علي وعليك وعلى كل الحوامل وربي يرزق المحرومين اللهمـ آآآآآآآآميــن |
رد: أستفسار عن تجهيزات للمواليد..؟؟!!!
الصمت عشقي مشكوووره
حبيبتي اللهم أمين يارب يسهل على الجميع و يرزق المحروم |
رد: أستفسار عن تجهيزات للمواليد..؟؟!!!
خيتو انتي ما اخذتي شي للنونو عشان اذا جيتي تطلعين للمستشفى ..
واحس الملابس مرة كثيرة .. انا مثلك ولادتي في ذي الحجة ولسة ما جهزت شي :( الله يعين بس .. انا حاطة قائمة بالاغراض بس لسة احس ابي اتأكد منها .. تهئ تعبت من التفكير :( الله يسهل علينا يارب :)* |
رد: أستفسار عن تجهيزات للمواليد..؟؟!!!
شعوله ماشاءالله احس اغراضك كامله مايحتاج..
اما شتوي وصيفي مدري انا خذت كذا وكذا.. بس لاتنسي المناكير بين اغراضك اذا انتي من محبيييييييه زييي خخخخخخ... ترى استفدت من الاشياء اللي حطيتيها كمان الله يسعدك |
رد: أستفسار عن تجهيزات للمواليد..؟؟!!!
اللهم انى استودعك جنينى الذى فى رحمى فرده الى عند مولده مرداً سالماً معافى من كل شر وكل مرض وكل اذى .
فرده الى فى احسن حال من غير زياده او نقصان . فإنه لاتضيع ودائعك ولاخاب ولاندم من استودعكــ اللهم أعيذ ما في رحمي بكلماتك التامة ومن كل شيطان وهامة ومن كل عين لامه اللهم أسألك أن تحفظه وتجعله معافى كامل الخلقة دون زيادة أو نقصان, اللهم حسن خَلقه وخُلقه وسهل حمله ومخرجه واجعله قرة عين لي ولوالده واجعله من عبادك الصالحين |
رد: أستفسار عن تجهيزات للمواليد..؟؟!!!
ماشالله احسها كثيره وكامله
الله يسهل ولادتك يارب وتفرحي بطلوع جنينك سليما معافا |
| الساعة الآن 12:04 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .