منتديات حوامل النسائية - بنات تعااااالوا شوفوا قصتي مع تأخر الحمل ....

منتديات حوامل النسائية (https://naqatube.com/index.php)

- منتدى علاج العقم و تأخر الحمل (https://naqatube.com/forumdisplay.php?f=18)

بنات تعااااالوا شوفوا قصتي مع تأخر الحمل ....

مرحبا بنااااااااات

انا جديدة توني مسجله وسعيده صراحه .. الله يجعله فاتحة خير

تفاءلت بتسجيلي في حوامل وان شاء الله اكون منهم قريب انا وجمييييييييع

المتأخرات ..

بقولكم قصتي ، انا صار لي 10 شهور متزوجه وداخله في 11 ، الحمدلله

على كل حال ما حملت الى الان ، يمكن تكون خيرة ، واكيد تعرفون شعوري

كيف مايحتاج اقول ، مرررررررررررا متلهفه اكون حامل يااااارب قريييب

ياااارب احنا كلنا يابنات .. الموهم انا زوجي شغله في مدينة ثانية بعيدة عني

بحوالي الف كيلو بالسيارة ، هو يشتغل وانا اشتغل وكل واحد متمسك بوظيفته

طبعا ، اول زواجي خذيت اجازة 3 شهور ، لكن اول شهر ونص كنا نسوي

عزل لأن مايبيني احمل بسرعه وانا ع بالي بحمل ع طووول ، قلت كلامه

صح خلينا نتمتع تونا عرسان ، مرت 3 شهور وكل شهر تتأخر علي الدورة

اسبوع او 8 ايام وفيه شهر تأخرت 10 ايام والله ، وكل شهر اجيب تحليل من

الصيديلة و ماااافي حمل ، الموهم خلصت اجازتي ورجعت لمدينة عملي وصار

يجيني كل شهر مرة وحدة بس ، يجي الاربعاء العصر ويسافر الجمعه الظهر ،

وكنت مقهووووووووووووورة مرررررررا ، انه مايطول عندي وقلت له

صعب كذا بالله كيف بحمل واحنا مانلتقي الا ليلتين بس كل شهر ، وتعرف ان

البويضة ماتعيش الا يوم او يومين ، يعني نسبة الحمل بتكون اقل من اللي

مستقره مع زوجها ، ويتعذر بظروف عمله وان عليهم ضغط ، وان المسافة

طويييلة بين المدينتين ، وان التذاكر غالية ووو ، وقلت له اذا تبيني احمل

تعال كل اسبوعين مره يعني خميس وجمعه ماااااااايصير كذا ،،، وربي يابنات

الناس ماهم عاذريني بتأخر الحمل ولا مقدرين ان انا بعيدين عن بعض وأولهم

أمي ، تقول الحرمة حتى لو من مره في الشهر عااادي تحمل ، شككتني بعمري

، واهله كل شوي يسألون ، ها مافي شي بالطريق ؟؟ مافي نونو ؟؟

وليييييش ماحملتي ؟؟!!

اففففففف وربي قهر يعني محسوبة علي 10 شهور زواج وانا ما عشت

معاه الا تقريبا 5 شهور ولو نزيد عليها الاجازات المتفرقة زي الحج

بتصير 6 شهور ..لكن الناس حاسبينها سنة علي ، انا ماعلي من الناس

لكن اكررررره الدق بالحكي والتجريح والتلميح واكثر الناس مايرحمون

حسبي الله ونعم الوكيل .... طبعا لما جت اجازة الصيف سافرت عند زوجي و

قعدت عنده شهرين ونص تقريبا ورحت دكتورة بسوي فحص واتطمن على نفسي

وش سبب الـتأخير وسوت لي تحليل دم ، بس لاحظوا انا رحت اول يوم في الدورة

ونزلت علي الدورة هناك في المستوصف وقلت للدكتورة قالت عادي // سوت لي

اربع تحاليل ( LH + FSH+PROLACTEN+PROGESTERON)

كلها طلعت طبيعي ما عداااااااا هرمون التبويض ، طبعا اللي اعرفه ان تحليل

البروجيستيرون اللي هو هرمون التبويض يكون في اليوم

21 من الدورة وهي سوتلي ياه اول يوم دورة وطبيييييعي يكون منخفض

وطلع 1,25 بس يعني قليل ، وقالت عندك ضعف تبويض وعطتني كلوميد

، انا مادققت قلت هي اعرف مني ، واخذت الكلوميد حبتين في اليوم لمدة 5 ايام

من خامس يوم دورة الى عاشر يوم ، وكنت اشرب اناناس بكميات كبيرررة

ورحت لها في اليوم 13 من الدورة وطلع عندي ماشاء الله 3 بويضات كويسة

كلها من المبيض اليمين وحجمها اكبر وحده 17 والباقي اقل ، وقالت تعالي بعد بكره

اليوم 14 من الدورة واعطيك ابرة تفجيرية وانا متفاااااااااااااائلة hwaml7

وبعد 14 يوم من الابره بالضبط نزلت الدورة وكانت قليييلة ولونها غامق

وهذا من تأثير الكلوميد ، ماقولكم عن نفسيتي !!

الموهم هذا الكلام الشهر الماضي ، والشهر هذا شريت عسل وحبوب لقاح و لقاح

نخيل وحبة بركة ، وقلت بجربها اول ماتنزل الدورة علي ، بس انا دورتي

مالها يوم محدد ، تتأخر كم يوم عادي ، وتعتبر منتظمة ترى ..

الحين موعدها امس ولا جت وقبل اسبوع كل ما امشي و طووووول الوقت

احس بنغزات قوية مكان المبيض اليمين << بدت الاوهام hwaml02 خخخ

لا جد وكمان الم ظهر مو قوي ، بس نغزات المبيض اول مره تجيني

وانا مااااااااااااااابي اتوهم كفاااااااية الشهور الماضية حتى زوجي يقول

لا توسوسين ههههه ، آه الله يعين يابنات .. ادعوا لي بالله اكون حامل

هذا الشهر ولو اني تعببببببببببببت من الآمال وآخر شي تشرف

الدورة hwaml15 ....... وع فكرة انا زوجي لسه ماحلل لأن يقول ماني مستعجل

ع الحمل ، وانا خايفه يحلل وان شاء الله يطلع كل شي تمام ، ويصير اللوم علي

في التأخير hwaml4 ادري تفكيري غريب خخ