منتديات حوامل النسائية - قصة ولادتي المفاجأه و قدوم بدر التمام بنصف شهر شوال

منتديات حوامل النسائية (https://naqatube.com/index.php)

- إستفسارات مرحلة الولادة (https://naqatube.com/forumdisplay.php?f=96)

قصة ولادتي المفاجأه و قدوم بدر التمام بنصف شهر شوال

بسم الله الرحمن الرحيم
يسعد مساءكم و صباحكم بكل خير وبركة
باحكي لكم قصة ولادتي بالتفصيل الممل املل شيء يووووووووه يا انتوا بتملون ملل و تطفشون طفش من القصه خخخخخخخخخ <<< اخلصي علينا وهات قصتك

طبعا انا كان المفروض باقي على ولادتي اسبوعين بس اللي حصل ان يوم السبت اللي فات رحت لطبيبتي عشان تكشف و تشوف كيف المويه حول الجنين لانها سبق و قالت انها ناقصه بس لما رحت لها طمنتيني و لله الحمد و قالت ان وضع الجنين طبيعي عدا يوم السبت على خير hwaml16 و جا يوم الاحد قلت لزوجي ابغى اروح عند اهلي لان مامتي لي منها فتره و اشتقت لها رحنا انا و هو و جلست عندهم الين الساعه وحده بالليل و عدا يوم الاحد على خير و لله الحمد hwaml16
و دخلت اطقطق عالنت و احس بارهاق و تعب اصلا كان عندي انفلونزا hwaml61 فطلعت على طول من النت و انسدحت شوي الين أذن فجر يوم الاثنين قمت و ضيت و صليت السنه عادي و لما جيت اصلي الفرض و انا راكعه الا احس موية تنزل على رجولي واااااااااااااااو يا بنات على بالي اني ما قدرت امسك نفسي و خفت و ركككككككض على دورة المياة الا الموية ما توقف عرفت انها موية الجنين و بعدين كانت صافيه و كل مالها يصير لونها على وردي يعني ينزل معاها دم
رحت صحيت زوجي قال يالله عالمستشفى و رحنا المستشفى كشفت على الطبيبة قالت واحد سانتي بس بما ان الموية انفكت لازم تنويم انا سلمت امري لربي وقلت اللي كاتبة ربي بيصير تنومت عندهم يوم الاثنين و بدأت تجيني الام زي الدورة من العصر تروح و تجي تروح و تجي و انا احاول اتصبر و ما اطلع صوت انتهى وقت الزيارة و طلع زوجي من عندي و ما علمنا احد من اهلي و اهله اني في المستشفى عشان لا يقلقون و بدأ الجد من الساعه 9 بالليل بدأ الطلق يزيد كل نص ساعه تجي طلقة و كذا الييييييييين الساعه 1 و انا ما اطلع صوت اكتم في نفسي و بعدين بدأ الطلق يزيد كل ربع ساعه شوي الا صار كل 7 دقايق و عالساعه 3 صار كل 5 دقايق و انا اكتم و اكتم و ماعاد تحملت عالفجر طبعا يوم الثلاثاء ناديت عالممرضه قلت تعالي باموت اتقطع انا من الليل عندي طلق متواصل قالت عادي انتي بكريه فيه تاخير شوي قلت لا لا نادي لي الدكتوره رااااحت و استدعت دكتوره باكستانيه كشفت علي و قالت مفتوح 3 سانتي hwaml03 يا الله كل هذا الالم و طوال هذا الوقت و بس 3 سانتي آآآآآآآهـ بس حمدت ربي و شكرته و قلت ياااا رب استودعك نفسي و جنيني و اللي تكتبه لي فيه الخير و انا راضيه يااااااااا رب المهم قالت الدكتوره انتي بما ان الموية نزلت عليك من امس لازم ننزلك طواري الولادة عشان يعطونك طلق صناعي لان فيه خطر عالبيبي لو تاخرت اكثر المهم نزلوني الطواري و حطوا على بطني التخطيط و ركبوا في ايدي مغذية و جت دكتورة سودانيه الله يرضى عليها يدها خفيفه و كشفت علي من تحت قالت اربعه سانتي انا وقتها فرحت قلت ان شاء الله ما احتاج طلق صناعي شوي الا يجي دكتور يخاصم hwaml4 و يقول مين سمح لكم تنزلون حالتي يقصدني انا و انا ما اعرفه و لا عمري راجعت عنده مدري كيف صرت تبعه hwaml15 خخخخخخخ المهم جا يكشف عليه الله يسامحه اقسم بالله تقولون مصارعه hwaml17يصارعني ذاك ما يكشف حتى ما خلاني اخذ نفس المهم قال 5 سانتي بس اعطوها طلق صناعي و هو يهاوش جو واعطوني طلق في المغذيه و هات يالعذاب الطلقه ورى الطلقه من الساعه 8 الصباح و هات هات ورى بعض و مع ذلك كتمت و لا صارخت لاني اسمع اللي حولي يصارخون ويضيع جهدهم في الصراخ آآآخر شي ما تحملت عالساعه 11 احس اني ابغى الحمام فعرفت انها ولادة قمت و اصارخ فيهم قلت تعااااااااااااااالوا احس اني باولد تجمعوا عندي الممرضات و الطبيبة السودانية كشفت على قالت انفتح الرحم ولاده ولادة و ينقلوني على غرفة الولادة hwaml21 و يجلسوني على سريرهم هذاك الغبي hwaml9 و يحطون التخطيط على بطني مره ثانية و يالله يقولون ادفعي ادفعي كلهم يقولون اذا جتك الطلقه ادفعي و انا اتنفس يقووووووووووووووه و اذا جت الطلقه اكتم نفسي و اضغط على تحت مره ومرتين و ثلاث و اربع و خمس و شوي الا اسمع وااااااااا وااااااااااااا واااااااااا hwaml03 شعووووووووور لا يوصف صوت البيبي آآآآآهـ يا ربي لك الحمد طلعت بنوتتي و سحبت الالم معاها نسيت كل شيء لما سمعت صوتها وقمت احمد ربي و ابكي و شرفت حبيبة قلب امها في 15\10\1432 هـ و نورت مثل ما ينور القمر بنص الشهر وجابوا لي بنتي اشوفها و طلعوها عالحضانه عشان خافوا عليها من الالتهابات لان المويات حولها خلصت و جلست انا نظفوني و خيطوني و صراحة الخياطة و التنظيف كمان مؤلمة و اخذت وقت بس الحمد لله اهم شيء الجزء الاصعب رااااح

وجتني بنوته قمر جلسنا انا و هي يومين في المستشفى و طلعنا و احنا طيبين و لله الحمد و المنه و سميناها (( رنـــــــــــــد )) hwaml81

و نصيحه يا بنات حاولوا قد ما تقدرون ما تصارخون و الله الصراخ ياخذ جهد و ما يفيد و كلها تساهيل من ربي و عقبال الحوامل يولدوا بالسلامة و عقبال المتأخرات بالجمل ما يحملوا و يفرحوا بضمة اطفالهم و تحياتي للجميع

(( عــشق الطفولة ))

عسى ما نمتوا عالكيبورد بس من طول القصه خخخخخخخخخخخخخخخخ