|
مين عندها فقر دم
السلام عليكم ورحمة الله وبركاته
بنات انا دخلت التاسع و امس قالت لي الدكتورة انه الدم عندي 8 و مرررررررة نازل و قالت لازم استمر بشرب 3 حبات حبوب الحديد فيروز اف و يومياً،، و يااااااااادوب حيطلع المستوى تبع الدم و لا بيعطوني إبرة :( باسالكم،، مين جاتها نفس الحالة ؟ و كيف ممكن ارفع مستوى الدم خلال اسبوع واحد ؟ لاني ناوية كمان اروح الاسبوع الجاي و اتطمن |
رد: مين عندها فقر دم
اختي زي حالك
وعطوها ابر مسكينه.. بس انتي عوضي مع الحبوب بعد اكلي اشياء فيها حديد بحثي عن كل شي فيه حديد بالذات البقدونس اكليه بالعود تبعه وبدون ليمون افود لك.. والعصيرات الطبيعيه.. والكبده وغير وغير..سمعت كبدة الدجاج ترفع الدم لفووووق لإنه مرت حماي فيها تؤام وقالت لها الدكتوره دمك 7 ونص واكلت كبدة دجاج وبقدونس وتقول وصل ماشاء الله لين 11 بخلال اسبوع واشوي وكمان اشربي عصير طماطم الطبيعي.. والله يقومك بالسلامه وطمنينا عليك اول بإول |
رد: مين عندها فقر دم
تسلمي لي عزيزتي
و الله من جد خايفة و مثلك قريت كبد الدجاج مرة كويس بس ما احبه ؟ و ماعرف كيف ينطبخ |
رد: مين عندها فقر دم
الشمندر يرفع الدم اما سويه عصير تحطي حبه شمندر ونصف تفاحه ونصف برتقاله وشوية مويه وسكر واخلطيها
او ابشريه وحطيه ع السلطه وكمان الزبيب الاسود والله يقومك بالسلامه |
رد: مين عندها فقر دم
حبيبتي انا هلأ بشهر السابع ومعي فقر دم متلك 9 تقريبا
وصفلي ابر وقالتلي خدي دواء .. افضل من الفروز اف اسمه فيفول لونو اخضر احسنلك من الفروز اف وكلي خضار وفليفلة خضرا ., سبانخ موز تفاح .. قصب سكر ... اسفة طولت عليكي بس حبيت فيدك .. وخدي ابر مفعوول الابر اسرعلك حبيبتي ... الله يووفقك يارب ويقومك بسلامة |
رد: مين عندها فقر دم
بما انك في التاسع كثثثثري من اكل الرطب انا بداية التاسع سويت تحاليل كان 10 واكل الرطب كل يوم والعسل والحمدلله سويت نهاية الشهر تحليل طلع 12
الله يسهلك ويسهلي ولجميييع الحوامل يااارب |
رد: مين عندها فقر دم
هلا العصاميه
انا نفس حالتك واستخدمت الزبيب اليماني ورفع الدم بسرعه الزبادي مع ربع ملعقه حبه البركه مطحونه يوميا مجربته |
رد: مين عندها فقر دم
انجي
جبت الشمندر و اكلته بعد ماسلقته تعب لي معدتي يومين و ماقدرت أنام و جربت خلطته مع عصير التفاح تعبني اكثر، بطلت اكله :( و اشتريت اليوم زبيب اسود و للاسف مااحبه و لا احب الكبد :( |
رد: مين عندها فقر دم
الياسمين الدمشقي
انا جيت اسال لاني خايفة من الإبر :( و ان شاء الله باضغط على نفسي بالاكل |
رد: مين عندها فقر دم
الملكة ديدو
كويس فكرتيني بالرطب و يبغالي اجيبه مع انه يسبب لي حموضة مادري ليه ؟؟؟ |
رد: مين عندها فقر دم
غنو حياتي
قد ايش اخد منك وقت لرفع نسبة الدم؟؟؟ اخاف مايمديني :( |
رد: مين عندها فقر دم
ياحبيبتي انا كنت زيك بس بالشهر السابع وقالت لي الدكتوره عليك
بالعنب والتفاح والكرز وكبده الغنم والبنجر اخلطيه بالخلاط مع كاس ماء واشربيه والحمدلله ارتفعت عندي نسبه الدم ادعيلي ان الله يهون علي |
رد: مين عندها فقر دم
اهلين حبيبتي اختي بيسون لها عملية قلب
وقالو ان الدم مرررة ضعيف بعد 10 ايام روحنا قالو الدم تمام اكلناها بنجر تلاقية عندالخضار تاكلية لحالوة او تطحنية مع عصير الفراولة يضيع الطعم وكولي طماطم كثييييير وماتشوفي شر |
رد: مين عندها فقر دم
لا تأكلين مع حبوب الحديد أي نوع من منتجات الألبان سواءً جبن,زبادي’حليب ,لبن,بيض,قشطة,حبوب الكالسيوم وبيرتفع الدم إن شاء الله عندك
|
رد: مين عندها فقر دم
الله يسعدكم ، رحت اليوم للمستشفى و قالت لي الدكتورة
مررررررة الدم ما يمديه يرتفع بالفترة البسيطة هذه ، لإني خلصت أول اسبوع من التاسع و قالت لي أخذ ابرة الحديد 10 حبات في 5 أيام و بعد أسبوع بأحلل من جديد و الله يستر |
رد: مين عندها فقر دم
الله يستر انا مثلك عندي فقر دم
بس سمعت انو افضل شي الزبيب الاسود مع الحليب ..بس انا ماقدرت اتحمل طعمه |
رد: مين عندها فقر دم
ما اظن الحليب ينفع مع الزبيب ؟
لانه كالسيوم بس لاني بالتاسع و الدم عندي اقل من 8 فالدكتورة قالت اخد ابر افضل من الحبوب |
رد: مين عندها فقر دم
انا صار لي زيك
كان نقصالدم عندي 7وعطتني الدكتوره حديد اكله مرتين في اليووم عاد انا ما خليت نوع من الكل الي فيه حديد وما اكلته لأني كنت خااااايفه مررررا من البره الي بيعطوني اياها اذا ما ارتفع الدم عندي الحمد لله بعد اسبوع صرت زينه ما قالت كم صار بس فررحت مرا انه رجع زي اوول |
رد: مين عندها فقر دم
ماشاء الله أختي راما ..
كنت بأية شهر ؟؟؟ الصراحة ، الإبر توجع مرة .. بس النتيجة مريحة كثير و الحمد لله .. |
رد: مين عندها فقر دم
في الثااااااااااامن
|
رد: مين عندها فقر دم
حبيبتي عن تجربه عليك بالزبيب الاسود انا كنت مثلك بحملي جاني فقر دم
اخذت صحن وعبيته زبيب اسود وحطيتها عالطاوله قدامي مغسول وجاهز كل ما امر اخذ شويه بيدي واكل وانا قاعده اتفرج بالتلفزيون وكمان التمر اصلا انتي بالتاسع وهو باذن الله يسهل الولاده فعليك ب7حبات عالريق وربي عن تجربه صار دمي 12 بعدالله يعود الفضل للزبيب والافضل تاكليه بحبوبه البذور الي جوته يعني لاترميها امضغيها معاه وربي يسهلك ويشفيك يترب |
رد: مين عندها فقر دم
حيبتي انا مثلك بالتاسع وعندي فقر دم
دمي 10 والدكتورة كتبلتي ابر حديد 12 ابره لمده اسبوعين يوم بعد يوم الحمدلله حسيت بتحسن رهيب وعلى فكرة الابرة بسيطه مرة ومفعولها بسعات تحسينه ومافيه الم بس وطريقته ينحط مع محلول جلكوز بالوريد والله انك ماتحسين بشي غير طزة الابره بس والله معاك |
| الساعة الآن 01:13 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .