|
زوجي هاجرني بدون سبب ساعدوني يا خواتي
حبيباتي ... اتمنى مساعدتكم مشكلتي ان زوجي هاجرني من اكثر من اسبوع بدون سبب واضح ... زوجي من تزوجنا واهو كله يهاوشني بسبب و بدون سبب و دوم ينتقدني و يستفزني ما احسه يحترمني و لا يقدر اي شي اسويه له مع اني يا بنات ما اقصر معاه و الله العظيم دووم البي له كل طلباته واكله جاهز و ملابسه مرتبه و معطرة واهتم بكل شي يخصه ما اخلي الخدامه تسوي له شي وانا دووم اكشخ له و ما يسمع مني الا كل كلام طيب ... لكن للاسف كل اللي اسويه له بدون مقابل منه مع اني يا بنات الكل يحبني و يحترمني انا ما امدح نفسي لكن الكل يقول يا حظ زوجج فيج ... جمال و دين و اخلاق حتى امه و اخواته يموتووون فيني الا اهو على كثر ما اسوي له ما احصل منه اي تقدير او كلمه حلوة اقولكم المشكله اللي هجرني بسببها وانتو احكمو زوجي دوامه ليل و ينام لين المغرب ويقوم عشان يستعد لدوامه وانا كنت في بيت اهلي في منطقه بعيده عن بيت زوجي و لما صارت الساعه سبع المفروض انه قاعد اتصل و اتصل و اتصل ما احد يرد لا على الجوال و لا على تلفون البيت ابي اتاكد اذا قام من النوم المهم قعدت اتصل لين ثمان ونص و المفروض انه طالع من ثمان للدوام المهم طاح قلبي في الارض قلت اكيد فيه شي لانه قالي انه بيداوم غريبه ليش ما يرد و اتصل على عمتي اقولها تتصل عليه يمكن يرد عليها اتصلت علي و قالت انه مايرد عليها وانها كلمته المغرب و بعد مايرد انا هنا انهرت قلت اكيد فيه شي قالت عمتي بروح اشوفه وبيت عمتي جنب بيتي دخلت امه عليه الا اهو نااايم الاخ و قعدته امه و قالت له انه مرتك خافت عليك المهم قام و راح دوامه و طرشلي مسج يتحلف فيني انه ما يخليها لي و من يومها واهو هاجرني لا يكلمني و لا ينام عندي وللعلم انا اقوم بواجباتي كلها و احاول اكلمه ما يرد علي بس من يومين بطلت اكلمه حاسه بظلم كبير منه من زمان و اهو ظالمني و اللحين انا مقهورة خيرا تعمل شرا تلقى هالمثل ينطبق على حياتي الزوجيه ارجوكم يا بنات ساعدوني شورو علي مع اني احس اني ما راح اسامحه لاني مجروحه حيل |
رد: زوجي هاجرني بدون سبب ساعدوني يا خواتي
معقوله يا بنات و لا رد انا بحاجتكم شورو علي |
رد: زوجي هاجرني بدون سبب ساعدوني يا خواتي
الله يصلح حاله طيب ارسليله رسالة اساليه شو عملتي مشان يقول هيك كلام وعن السبب الي يخليه يهجرك واذا ما رد عليك كلمي امه او احد يثق فيه ويساله ليه يعمل كدا
وبصراحة غلط منه وانت ما سويتيله الا كل خير وزوحي عند اهلك ريحي بالك ويمكن يحس فيك وفي الي تعمليه عشانه وخليه يحس بالفرق في حياته بيك وبدونك روحي انت وشغالتك وخليه يحتار مين يهتم فيه وباشيائه اصلا البني ادم ما يحس بقيمة الشي الا اذا فقده وبعدين يجلس يتحسر ويندم وانشالله ما يفوت عليه الزمن ليرجع لعقله وادعى ربنا يهديه ويصلح حاله وردي علي بالي يصير |
رد: زوجي هاجرني بدون سبب ساعدوني يا خواتي
آآه نفس مشكلتي ما أدري ليش في المواسم الحلوة ينكدون علينا أنا العيد ما عيدت , اكون زعلانة ويقلب السالفة لصالحها, المهم الله يعينك ويعيني , لأن باين انو فيه شي مشترك بيننا وهو الهجران والمفروض حتى لو أخطأنا ما يهجرو لأن ربنا عز وجل قال الوعظ ثم الهجر , وهم ما عندهم الا الهجران , ترى الاخ حقي صالحني بعد عشر ايام وقال انا ماعندي الا الصد والهجران , صالحته بالظاهر لكن داخلي حيل مجروح , انا اعرف بنات رجالهم ما يصبرون عليهم يوم, أحس انو هذول فحول من جد و الوحدة تحس بأنوثتها معاهم , لكن الزعل والتطنيش صفة حريمي الحمدلله يارب من جد مقهورة وماراح تلاقين أحد يحس فيك قدي . ترى ماعندي احد افضفضله خواتي رجالهم هم اللي يصالحونهم ومستغربين من زوجي عشان كذا اسكت وبس
|
رد: زوجي هاجرني بدون سبب ساعدوني يا خواتي
أمرك سهل ومحلول بإذن الله
ولكن بمجهود مبذول ( أكثر ) منك انت تقولين انك لم تتركي اسلوب إلا وقمت به ! الحل بيدك إذن ......... وذلك بزيادة الجرعات .................أقصد الأساليب دون كلل أي 1ـ إذا كنت تتزينين له كل يومين .. فغيري من هذا واجعلي زينتك كل يوم بحيث تغيرين من شكلك قدر المستطاع ابرزي معالم الجمال بك .. ركزي على نقاط ضعفه بك 2ـ الرجل دائما يحتاج إلى بوادر جذب من الأنثى أسأليه .. ماهو اللذي يحبه ويريده بك وماهو الشي الذي يكرهه ويريد تغيره بك 3ـ انظري بنفسك وهيئتك وحديثك واسلوبك ..ماهو الشي المنفر له واتركيه أو بدليه للأحسن 4ـ غيري بغرفة نومك اهتمي بنظافتها ورونقها غيري المفرش كل شهرين مثلا اشتري ورد طبيعي ذو رائحه جميله وضعيه بالغرفه طبعا ( كل مده ومده ) 5ـ اشتري فواحه برائحه زكيه وضعيها فقط بغرفة النوم 6 ـ غيري بملابسك وشكلك امامه .. بدلي ملابسك القديمه ( كوني جريئه ) 7ـ العطر هو نقطة الضعف عند الرجل 8_أسفهيه فتره طبعا" بعد تأنقك الكامل..أهجريه أنتي بعد..فتره بس.. 9ـ اهم نقطه لا تذهبي للنوم عنده .. هذا خطأ يرتكبه اغلب الزوجات اللتي يعانين هذه المشكله ..اذا كان ينام لوحده لا تروحيله.. أهم نقطه غيري سلبياتك إلى إيجابيات بمعنى آخر ......................... قد يكون هناك امر ما يزعجه بك .. ابحثي عنه وغيريه بعد أن تسأليه.. الله يعينا عليهم ويهديهم...... |
رد: زوجي هاجرني بدون سبب ساعدوني يا خواتي
الله يسخرة لك يارب
|
رد: زوجي هاجرني بدون سبب ساعدوني يا خواتي
والله يا قمه البرائه كل اللي قلتيه اسويه و زياده بعد
لكن الله المستعان |
رد: زوجي هاجرني بدون سبب ساعدوني يا خواتي
أنا أقول خليك ببيتك ونفس واجباتك سويها...ونفس اهتمامك بنفسك لاتغيري شي
واصبري واستغفري تري الاستغفار حلو لاتروحي بيت اهلك وتهمليه زياده وتكبر الفجوه أكبر و أكبر اصبري وصدقيني ماراح تندمي ع الأقل ضميرك مرتاح انك ماسويتي خطأ |
رد: زوجي هاجرني بدون سبب ساعدوني يا خواتي
شوفي الحل كثيييييييييييييير سهل
ويلي هو أولاً داومي على قيام الليل بكل بساطة وإدعي من كل قلبك والله إنو الله كريم وما يرد أحد ثانياً سورة البقرة داومي عليها أربعين يوم كل يوم أقريها والله أنا جربتها وإستفد بإذن الله ولا تنسي الوثوق من رب العباد لأنه ما حينساكي بإذن الله وموفقة يارب يا أخت حبيبة ولا تنسيني من الدعاء |
رد: زوجي هاجرني بدون سبب ساعدوني يا خواتي
الله يسخره لك بجد موقفه قهرررررررر..
المفروووض قالك مشكوره يالغلا ع خوفك علي شكرك يعني انتي وش ذنبك يوم هو ماصحى بس بجد بجد الرجال يبغى لهم قلب من حديد وصخر.. كله كذ1 انا اذا سويت لي بنيه زينه يقلبها هو بس وش نسووي تعبنااااااا منهم ومن مشاكلهم انا قمت اللحين اتبع طريقة التنطيششششششششششش.. خلاص لإني تعبت يعني لوو زعل بالطقاق وتشوفيه وربي اليوم الثاني يجي يتأسف هو بنفسه انا اول كنت ابكي اذا زعل واترجى يراضيني واللحين صرت ولايهمني لإنه مرده لي هو اللي بيحتاجني مو انا..~ انتي اتبعي هالاسلوب لعلى وعسى ينفع مع زوجك لاتعطيه وجه بزياده عشان ماايكبر راسه عليك |
رد: زوجي هاجرني بدون سبب ساعدوني يا خواتي
ياقلبي عليك بصراحه موقف بالحيل صعب
وانتي ماغلطتي يعني اللي سويتيه اهتمام فيه وحرص منك حتى وانتي بعيدهـ هو ياغلاتي يمكن زعل لما انك قلتي لعمتك وراحت تشوف لهـ بس انا انصحك انك تضبطين عشاء رومنسي وجلسه حلوه هدوء وشمموع وهديه بسيطه منك والبسي احلى فستان عجبه من قبل او يذكره بشي مثلا ذكرى زواج او ليلة زواجكم واشرحي له وضعك وانك سويتي هالشغله حرصا منك وانك خايفه عليهـ وقولي له ياحبيبي بااسلوب حلو صارحني بكل شي وانا مابزعل وعاد انتي من كلامك انك فاهمه بهالشغلات وقبل كل شي ياقلبي كثري من الاستغفااااار ولاتنسين الدعاء وصلاة الليل وربي يفرج همك ويسخر لك زووجكـ |
رد: زوجي هاجرني بدون سبب ساعدوني يا خواتي
شوفي زوجك وحده من ثنتين
ولا تزعلين من كلامي مجرد تحليل لقصتك ولشخصيه زوجك يمكن زوجك ماخذ بالغصب او انه كان يحب ومو قادر يعاملك المعامله الحسنه رغم انك ماتقصرين لكن الاجر على الله او انه يكلم له وحده ومن هالخرابيط انا مأحرضك على زوجك لكن لازم تعرفين الاسباب اللي تخليه معاك كذا اقل شي تعرفين ليه هو مو متقبلك رغم افعالك الله يعين |
رد: زوجي هاجرني بدون سبب ساعدوني يا خواتي
ياحبيبتي الله يسخره لك تسخير العبد لسيده
ويشوفك كل شي بحياااااته يااارب بس اختي علييييييييييك بالاستغفاااار والله سحره عجييييييييييب ومثل ماقالولك البنااات بقياااام الليل والدعاء وسورة البقرة والله يهديه ويسخره لك ويجمعكم على خيييير يااااارب . |
رد: زوجي هاجرني بدون سبب ساعدوني يا خواتي
اشكركم يا بنات على ردودكم اللي تبرد القلب
والله يجزيكم كل الخير يا رب أنا يا بنات بعثت له مسج و قلت له اذا في للحين في القلب ذرة غلا خلاص كلمني و نام عندي ... رجع و كنت كاشخه و مسويتله عشاء مرتب و تكلم عادي و لما سالته ليش هجرتني قال لاني حالف ما اخليها لج ليش تتصلين على أمي و تقولين لها قلت له أني كنت خايفه عليك .... سكت ما رد حسسني ان كلامي مب مهم و انتهى الموضوع لكن بالنسبه لي يا بنات احس أني ما عدت احب اشوفه و لا اسمع سوالفه احس كل اللي يقوله تافه و ما يهمني احس ان قلبي انكسر ما عدت ادانيه خلاص ما اقصر في واجباتي و لا في كشختي لكن قلبي انكوى منه يا بنات .... واهو رجع مثل ما كان لاهي عني بالنت و السوني و لا حتى يفكر يقعد معي و الا يشوف اللي بخاطري و لا يتقرب مني ... يحسب انه اذا كلمني و نام عندي أني خلاص رضيت لكن الموضوع اكبر من جذيه ... نفسيتي تعبانه تعبانه |
رد: زوجي هاجرني بدون سبب ساعدوني يا خواتي
حياتي انتي ولله اني كنت بقولك تسوين نفس اللي سويتيه
شوفي انو تكشخين آخر شي وتلبسين لبس مره عاري وتروحين مكان مايجلس دايم وهو موجود تجلسين وتاخذين طقم ترتيب الاظافر وتصلحين اظافرك وأنتي تغنين ومستانسه وعايشه حياتك ماكنه صار شي طبعا هذا كله وهو مو موجود ويكون نفس وقت جيته وأول مايدخل تاخذين اغراضك وتقولين له تصبح على خير وانتي مبتسمه ومستانسه وماكن شي صار وتقولين له تبي مخده لحاف شي قبل ماأروح يقول لا تروحين ولله لو تسوين كذا ماراح يخليك ذيك الليله تنامين لحالك وأنا جربت مره انا تزاعلت مع زوجي لسبب تافه وسوتها دخل وانا كاشخه ومنسدحه في الصاله على بطني رافعه رجولي احركها مثل البزران وأغني وحاطه سمعات في أذني اغاني المهم يوم دخل سويت نفسي ماشفته وكملت جوي وقف يناظر فتره بعد شوي اناظر قلت له متى جيت وقمت عطيته بوسه على خده قلت له تبي شي لحاف مخده قبل ماأنام قال لا قلت تصبح على خير ورحت شوي جاعندي الغرفه يقول لي انا جوعان مع انه متعشي بس يسلك هههههههههههه وخلاص انتهى الموضوع بعدين كان يقول لي شكلك كذا وانتي منسدحه طير مخي وطبعا اعتذر وصدقيني اللي في قلبك ماراح يروح لين يعتذر لك خلي يعتذر لك على شان تقدرين تسامحينه والله يوفقك ياروحي ويخلي لك حبيبك جاسم ويخليك أحب انسانه في حيات جاسم يارب |
رد: زوجي هاجرني بدون سبب ساعدوني يا خواتي
الله اعينكم والله يهديهم والحل بنظري انك تفاركيه شوي عشان احس بخطء
|
رد: زوجي هاجرني بدون سبب ساعدوني يا خواتي
لا تهاجريه لا تتركيه بالبيت لحاله (الرجال ما له امان) وضلك طيوبه ولا تغيري طيبتك وواجبك لزوجك
ان الله مع الصابرييييين |
رد: زوجي هاجرني بدون سبب ساعدوني يا خواتي
أرسلي له رسالة إعتذار على جواله
إن زعلت برضيك وكل عمري فداك والزعل ما أزعله يالغالي عليك لو تأمر بروحي تلقاكتراضيك لو تطلب عيوني في لحظة تجيك ولا تزعل ولا تتعب شعورك ولا تاخذ على خاطرك مني بتأسف لين أرضي غرورك وأقولإني مقصر غصب عني لي قلب ما يقسى ... لي عقل ماينسى لي أحباببدونهم ما أسوى وعلى زعلهم ما أقوى يضيق صدري لو عني رحلت وأفديك روحي لو مني زعلت وأموت لو غيري عشقت ما علموك ؟! إن الغلا يجرح الروح وإنا على فراقك ... تنزف الجروح على صبر فراقك ماعاد لي حيل الله يبدل حالة الهجر بوصال لالالا ... أعذرني لالالا.. ما أقدر أعيش بدونك اعطف حبيبي وتكلم القلب بعدك تألم اسأل علي وسلم سامحني أن شفت زلة |
رد: زوجي هاجرني بدون سبب ساعدوني يا خواتي
إذا رفض زوجك إعتذارك بعد إرسال رسالة إعتذار أرسلي له
رسالة بها ( والله العظيم إذا ما رديت ولا رضيت إني لأرسل رسائل كل 30 ثانية فاهم كل 30 ثانية )http://forum.hwaml.com/images/smilies/TR%20%286%29.gif |
رد: زوجي هاجرني بدون سبب ساعدوني يا خواتي
و الله يا حبيبة جاسم ما بعرف شو بدي احكيلك انتي ادرى بزوجك و انشاء الله الله يهديه و يصلح اموركم يا رب...
|
رد: زوجي هاجرني بدون سبب ساعدوني يا خواتي
أقول حبيبتي تعرفين وش يبيلك؟ يبيلك فترة نقاهه وأستجمام شيلي حالك والأغراض الضروريه وروحي سافري أنتي وأي أحد من أخوانك أو أخواتك وغيري جو وأنسي كل شي حتى زوجك أنسيه حكاية اللبس والحركات أنه يدخل كأنك مو منتبهه والله حتى الرجال فقسوها صاروا يتريقون علينا فيها وحكاية أصبري وماأدري وشو صحتك اللي بتروح مع الكبت والإستمرار تحت هالضغوط وعلى وشو هما الرجال لو تعبوا شوي معانا وش يسوون يروح الواحد على طول يجيب عروس جديده ولا يهتم فينا وبحالتنا صدقيني التطنيش ونسيان هالضغوط ومسبباتها أقصد الرجال هو أحسن حل والله وأبوي وأخوي قالوها أغلبية الرجال مايبون اللي تحسسهم بأنها راح تموت لو فارقتهم لأنهم يستغلون هالشي لمصلحتهم ويذلونها فيه يعني ( عزّ نفسك تجدها )
ومكن لو فقدك شوي راح يشتاق مو على طول وراه حتى لو بعيده عنه أتصالات ورسايل كأنك ضله لا روحي وخليه يجرب يعتمد على نفسه في أناه يقوم لوحده ويسوي كل شي لوحده صدقيني ماراح يقدر يتحمل هالشي وإذا مأثر فيه أي شي خلاص شوفي الحل اللي يريحك حتى لو كان الإنفصال هو الحل فيمكن هو الأفضل لك وله بدل ماتعيشوا وكأنكم مغصوبين على بعض ويمكن ربي كاتب لك الذريه من غيره ماتدرين لايروح عمرك وصحتك وأنتي جالسه تتفرجين لأنك بالنهايه راح تلاقين نفسك جالسه لوحدك مامعك أحد الله يوفقك للي فيه الخير لك يارب |
رد: زوجي هاجرني بدون سبب ساعدوني يا خواتي
زهرة الامل حبيبتي انا ما غلطت يا روحي عشان اعتذر منه
انا ابي اهو يعتذر مني و يراضيني |
رد: زوجي هاجرني بدون سبب ساعدوني يا خواتي
عروسه اموت عالبيبي اشكرك يا حبيبتي على ردك
|
رد: زوجي هاجرني بدون سبب ساعدوني يا خواتي
سمار و الله انك صادق يا حبيبتي
لكن المشكله ودي اسافر بس مااقدر لان انا ما احب ادخل اهلي في مشاكلي لكن كل كلامك كله صح ... انا قررت ابتعد خلاص تعبت وان شاء الله الله يرزقك بتوم يا رب |
رد: زوجي هاجرني بدون سبب ساعدوني يا خواتي
صلي الاستخااااااره في كل شي بتقررينه
الله يعينج انشغلي عنه اسفهيييييه وجهه لووووووووووووووح,,,,,,, |
رد: زوجي هاجرني بدون سبب ساعدوني يا خواتي
والله نفس الكلام معي والله تعبت وحاسه فيكي بس انا بشهرين او الثلاته الله يكون في العون
|
رد: زوجي هاجرني بدون سبب ساعدوني يا خواتي
ولا زال الهجر مستمرا
حسبي الله و نعم الوكيل |
رد: زوجي هاجرني بدون سبب ساعدوني يا خواتي
بصرااحه انقهرت لمن قريت مشكلتك لكن لايسعني ان اقول الك الاااا (( مايملي عين بين آدم الا الترااب ))
اسال الله ان يهديه لكي ويبرد قلبكـ ياارب |
رد: زوجي هاجرني بدون سبب ساعدوني يا خواتي
الله يسخر لك زوجك و يبعد المشاكل عنكم
|
رد: زوجي هاجرني بدون سبب ساعدوني يا خواتي
الله المستعان
|
رد: زوجي هاجرني بدون سبب ساعدوني يا خواتي
هلا ياعمري
اول نقطه ابغ اقولها لك وافهميها كووويس تكفين لانها بتفيدك بعدين لاتقااااااارنين زوجك باي رجال ثاني لا ازواج اختك ولا صحباتك لانه كل رجل له سلبيات وايجابيات ويختلفون مو تطبقين اسلوب اختك مثلا عاى زوجك ممكن مشى مع اختك بس انتي لا لانه شخص ثاني اسلوبه ثاني وزي ما ازواج اختك عندهم ايجابيات وزوجك سلبي بذي النقطه في نقاااط كثير زوجك ايجابي وهو سلبيين وقيسي على ذلك حتى يمكن في امور زوجك ارحم بكثيير من غيره ثانيا انتي تقولي انجرحت وما انسى له ذا الشي ومن هالكلام ياعمري الحياااه قدااااااامك ومن تجارب الكل يااااما بتشوفين ابشع من الحركه هذي بكثير اسالي مجررب مو بس انتي كل انسانه بهالوجود كذا وقت العصبيه الرجال يسوون كل شي تتوقعينه عاادي لدرجة يسب اهلك يتمادى بالشتم اسكتي وشوفيه بعدين والله يندم يعني تصدقين كلامه وهو معصب وماتصدقينه وهو رايق طبيعي وهو معصب مو كلامه بس وهو رايق اكيد كلامه من قلب والعشره ياحبيبتي بينكم طوييله وماهي حياة يوم يومين انا ترا لي 3 سنوات متزوجه بس مالي كثير بس تعلمت وكل وحده تعرف اسلوب زوجها وبعدين اللي تقولك زوجك يحب قبل مايتزوجك والا مغصوب انا اقولك لااااااااااا مستحيل ترا كل رجال زي كذا وياااما عانينا ببداية الزواج يبغ يمشي كلامه ويبغ يثبت انه رجال وكلام الشباب لاتعطيها وجه وريها العين الحمرا من البدايه عشان ماتركب عليك تعرفين حركات الشباب وسوالفهم طنشي وهو بيتعلم مع الايام ثالثا بالنسبه لمشكلتك انا اتوقع سوء فهم بينك وبينه انتي ماتعرفين تفكير الرجال وتفكيره هو بعد احنا فهمناها كذا هو مافهمها كذا فهم شي ثاني انتي اكتبي اللي بخاطرك كله برساله اذا هو ما اعطاكي مجال للنقاش وقولي واشرحي وعبري عن المشكله عشان تحلونها مو تبقى بقلبه وبيني البرائه كلها بكلامك رابعا رجاااء لا تترجينه عشان مساله الهجران ترا انا اكررره هذا الاسلوب والرجال احس مايحبو هذا الاسلوب بيني انك عادي لا تبادرين بذاك الشي بادري بالنقاش بالتفاهم بس لا تبيني انك ميته على ذاك الشي ومحرومه وتبغينه لاااااااا بيني عادي ولا همك بيني انه همك بس انكم تتصالحون وما يشيل عليك وانتي طبعا سوي حركات اتكشخي وبيني مفاتنك بيني شي من جسمك بالمشيه يعني بمعنى اصح اغريه وبيني مفاتنك من دووووون ما انتي حاسه بيني انها عفويه ولا تقصدينها تكشخي واطلعي زوري وحده من صحباتك مثلا وبيني ان الوضع عاادي انبسطي اضحكي عاادي وتكلمي معاه عادي حبيبي ايش تبغاني اطبخ لك اليوم مثلا زي كذا طبيعي لااا تبيني انه مسالة الصد والهجران ماثره فيك عشان حتى هو يحس انه عقابه هذا ما ياثر فيك وما جاب نتيجه معاك وانه بهالاسلوب يعاقب نفسه بس هو اللي حارم نفسه واصبري اصبري انا اقوولك يااما بتشوفين حركات اقوى من كذا بكثير وعادي كلها كم يوم وترجعون من احسن مايكون ويرجع الحب بينكم يتجدد عادي المشاكل نوع من تجديد الحب ههههه وادعي ربك يحنن قلبه عليك وتكونين قرة عين له ويكون قرة عين لك والله يفرج همك وهمومنا كلنا وتنحل مشكلتك قرريب ويرجع احسن ان شاء الله من اول وعموما الرجل ماينسى الصنيع يعني اذا معاملتكي كويسه معاه ماراح ينسى ذا الشي وبيعوضك والله لو بعدين هو بيحس بطيبتك معاه واسلوبه معاكي وبيندم اصبري |
رد: زوجي هاجرني بدون سبب ساعدوني يا خواتي
اقتباس:
انا مواقفه علي هذا الكلام بس مع شويه تطنيش |
رد: زوجي هاجرني بدون سبب ساعدوني يا خواتي
الله يسخره لك ويرده ردا جميلا ,,,
عليك بالاستغفااااااار والدعاء . ومشكله زوجك هو اهتمامك الزاااايد فيه , انتي يمكن محسسته انه هو اهم شي بحياتك وانك ماتقدرين على فراقه وزعله انتي بيني له ان حياتك مو واقفه عليه ادي واجبته كله بس مو بشكل مباالغ . صدقيني انا ماعرفت قيمتي عنده الايوم ان بينت له انا حياتي مو واقفه عليه لدرجه اني اذا جلس يتكلم ويمزح معي انه بيتزوج غيري اقوله براحتك اعمل اللي تبغاه بس ساعته انا راح اكون مع غيرك وبعيش حياتي وانت الله يهنيك وولدك خذه معاك ما ابغاه يربطني وبين له بمزح بس اوصله رساله ان حياتي ماشيه به او بدونه وفيه من يبغاني ومساله الهجراان انتي طنشي هو رجااااال ولا راح يقدر يستحمل يطول ومرده يرجع لك بس ساعتها خليه يرجع لك بكرااامتك مو انتي مترجيته على هذا الشي والله يسهل لك امرك |
رد: زوجي هاجرني بدون سبب ساعدوني يا خواتي
الله يعينك مالك الا تسفهيه الين يعرف مقدارك
|
رد: زوجي هاجرني بدون سبب ساعدوني يا خواتي
حبيبه جاسم انا من رايي خليه لا تتصلين فيه ولا تراسلينه يمكن يرجع لك والله المستعاان |
رد: زوجي هاجرني بدون سبب ساعدوني يا خواتي
معليش اختي ايش يعني هجران ؟؟ انتي ف بيت وهو ف بيت
ولا انتي ف غرفه وهو ف غرفه انتي ماقصرتي واهتميتي ب زياده لازم تخففي عشان يحس شويه اهم شيئ خليك مستانسه اذا شافك وكأنه ولا شي هامك وواجباتك قومي فيها ولا تضايقي نفسك ومسألة انك تعتذري وتلبسي وتتكشخي اشوف لا ، اثقلي شوي مو كل مازعل علينا الباشا نرضيه ب الفراش هذا اسلوب مو ف كل الحالات يصير لازم يعرف خطأه ويعتذر الله يكون بعونك |
رد: زوجي هاجرني بدون سبب ساعدوني يا خواتي
لازم تتأكدي ان مافي سبب قبل واذا طلع فعلا مافي سبب بالناقص منه واذا في سبب لازم تعالجيه |
رد: زوجي هاجرني بدون سبب ساعدوني يا خواتي
كذا الرجال لو انعطو وجه ههههههه
لو انك طنشتيه كان احسن راح دوامو ماراح بكيفو .. هذا جزاك الحين ؟ استغفر الله .. لو حابة افهمي منو بكل هدوء ايش سبب هجرو لك .. لو شاف نفسو زيادة طنشيه وبيرجع لحالو .. |
رد: زوجي هاجرني بدون سبب ساعدوني يا خواتي
الله يهدي لكي يارب
|
رد: زوجي هاجرني بدون سبب ساعدوني يا خواتي
نصيحتي ليك لا تدلعي زوجك اكثر من اللزوم ا خليييييييييييييييييييه احس بخطا موفقة
|
| الساعة الآن 09:13 PM. |
Powered by vBulletin® Version 3.8.8
Copyright ©2000 - 2026, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .