الأندومي يمي يمي
 

السلام عليكم ورحمة الله وبركاته
بنااات أنا قبل ما أحمل كنت أحب الأندومي وآكله واااايد كل يوم تقريبا ومرات أقل بس كنت دوم آكله
بس بعد ما حملت سمعت من حميتي إن الأندومي مب زينة وانها ما تخلي عيالها ياكلو منها وأنا خفت وصرت ما آكلها وأنا حامل
والمشكلة الحين اني مشتهية أندومي وخاطري آكله بس أخاف انه يضر مثل ما تقول حميتي ،، انتو شو رايكم الأندومي مضر ولا ما في أضرار ؟ لأني حيييل مشتهية آكله
وعندي سؤال ثاني
أنا من فترة بديت أغسل ويهي كل صباح بغسول clean & clear هل فيه أضرار عالجنين ولا لا ؟ لأن اذا فيه أضرار بوقف أستعمله أتمنى منكم الإجابة والله يثبت حمل اللي ترد علي واللي ما حامل الله يرزقها بتوأم يارب

رد: الأندومي يمي يمي
 

قريت عنه أنو مو صحي سواء للحامل أو غير الحامل ..
وإذا كان نفسج فيه أكلي لاكن بكميات قليله ..
والله يتمم حملج على خير ويقومج بالسلامه
,,

رد: الأندومي يمي يمي
 

يسلموووووووووووو اختي سماسم عالرد
باكل شوي عن خاطري
بانتظار الرد للسؤال الثاني !!

رد: الأندومي يمي يمي
 

هو صحيح مضر بس اذا اشتهيته مررررررة
سويه بفترات متباعده مثلا مرة بالاسبوع
ولا تحطين الزيت اللي معاه
وهذا احنا طبعنا ما نغيره نركض ورى الشي اللي يضرنا ومايفيدنا بس نفسي اعرف ليش
مع انه نعرف انه مضر آآه منا بس آه ماعندنا ضبط للنفس
نخلي المفيد يخرب ويعفن ونرميه والبطال ندوره دواره

رد: الأندومي يمي يمي
 

والله عن تجربه بحملي الاول كنت متوحمه ع الاندومي ..

فطور غداء وعشاء يممممممي ..

والحمد لله ماصر ببنتي شي ..

اذا شاكه وخايفه كولي لو مره بالاسبوع ..

تقومي بالسلامه يارب .

رد: الأندومي يمي يمي
 

رد: الأندومي يمي يمي
 

لو انا مكانك ااكله لو نفسي بيه

رد: الأندومي يمي يمي
 

اقول لو مكانك اكله كل شي تخوفونا منه انا اكله كل يوم وبحملي بعد والحمدلله ماصار شي توكلي علي الله واللي نفسك فيه لاتحرمينها منه الا التونه عدو الحمل ابعدي عنها وعن تجربه بغيت اموت منها بحملي الثاني

رد: الأندومي يمي يمي
 

والله انا الدكتورة اول ما حملت حطته لي من ضمن الممنوعات .. قالت لي بصريح العبارة لا تاكلين اندووومي ..

وهو اصلا الاكثار منه مضر لغير الحامل .. فمن باب اولى ان الحامل تحتاط .. مايسوى يصير بالبيبي شي وتتحسف ..

انا من حملت لاني احبه مثلك صرت اذا سوو اخواني .. واحنا نااادر نسوي امي ما ترضى هع ..

اكل منهم شوي عن خاطري ..

اما اني اسوي لي واحد لي .... لااا ..

كلي لك واحد عن خاطرك ..

بس موب كل مرة تتشهوين عليه .. هع

عليك عااافية

رد: الأندومي يمي يمي
 

غسول الوجه ما اعتقد فيه اي ضرر و لا كانوا كتبوا عليه ؟
مثله مثل الشامبو او الصابون اتوقع ؟؟؟

شكلك موسوسة :d

رد: الأندومي يمي يمي
 

تصدقين عاد مشتهيه اندومي مرررررررررره بس خايفه آكله
ههههههههههه شكلي باكل واحد عن افااادي

رد: الأندومي يمي يمي
 

اكلي بس بالمعقوول يعني مو كل يووووووم..
بس متى مشتهيتي سوي لك

رد: الأندومي يمي يمي
 

بوحامي مكنت اكل الاهي والحمدلله ماصار معي شئ لا انا ولا بنتي تبارك الله علينا
بس حاولي تحطي زيت زيتون بدل الزيت اللي معاها افيد لك

رد: الأندومي يمي يمي
 

ممممممم الاندومي لزييييييز خاصة لما تقليها شي جنان
والله انا ماعندي مشاكل اكلها ع طول وان شاءلله مافيها شي
انا بحطلها تونة كمان الله يستر كمان يقولوا التونة مو طيبة
بس كلو بأمر ربناا .. واللي كاتبو ربنا يصير ..

رد: الأندومي يمي يمي
 

هلا عيوني
طيب الي قالوا مضر - نفسي اعرف من اي ناحيه يضر !!!
يعني يسوي اجهاض ولا تشوه ولا اييييييييه !!!! >> تفكير غريب
ياااا قلبي توكلي على الله و اكليه و هو يعتبر من انواع المكرونه - يعني من ضمن النشويات
انا في حملي السابق كنت احط عليه فلفل و لااازم اكله كل صباح و الحمدلله بنتي طيبه
و حتى دحين برضو اسويه و انوع فيه احيانا بخضار و احيانا بفلفل و احيانا ساده

بالنسبه للغسول - لا تقلقي انا للان مستمره عليه ( للرؤوس السوداء ) و مافيه اي ضرر
لا تخافي و توكلي على الله .
تحياتي لكي .