منتديات حوامل النسائية

منتديات حوامل النسائية (https://naqatube.com/index.php)
-   إستفسارات حوامل من الشهر السابع إلى الشهر التاسع (https://naqatube.com/forumdisplay.php?f=92)
-   -   تسمم الحمل ارجوكم افيدوني.. (https://naqatube.com/showthread.php?t=72439)

أم نجلاء 87 09-10-2011 04:26 AM
تسمم الحمل ارجوكم افيدوني..
 
بسم الله الرحمن الرحيم
هذا اول موضوع لي اتمنى انكم تفيدوني..
طبعا انا مثل كل وحده تتزوج حملت بسرعه تقريبا بعد شهر ونص عرفت اني حامل اول شي كان ينزل مني دم لونه بني ولما رحت للدكتور قالي احتمال اجهاض بس الحمدلله ماطاح ولما وصلت ع نهاية الثالث كان الترجيع(اكرمكم الله) شي موطبعي سواء اكلت شي والا لا..
وفي يوم رجعت فوق 14 مره ورحت المستشفى وتنومت ع اساس ياخذون عينة بول 24 ساعه بس كانت كمية البول قليله جدا جدا مع اني اشرررب سوايل كثير لكن صرت نحييييفه وااجد بعدها بدا جسمي يتورم شوي شوي بداية من رجلي ولما دخلت الخامس ارتفع الورم وبديت اتورم اكثر واكثر وارتفع الضغط وكل شوي يرتفع اكثر (الله يسامح الدكتورهhwaml4 كنت حقل تجارب عندها)كل شوي غيرت حبوب الضغط في يوم جيتها وانا اتالم من بطني في بداية السادس فحصت علي من تحت قالت الرحم مسكر بس يمكن المشيمه وسوت لي تصوير قالت المشيمه اوكي والضغط يروووح فوق وكانت تضحك على وجهي لمع النيرس hwaml10لانه متورم..طلعت على مسوليتي ورحت مستشفى حكومي وعلى طول نزل لي البيبي بقيصريه وتوفت بعد41يوم وقالي ان المشيمه كانت مفصوله بسبب الضغط والبيبي وزنها ضئيل وماكانت تتغذى مضبوط..
هذي اول فرحه لي وراحت الحمدلله ع كل حال الحين مرت لي سنتين وكان معاي حصوه بالكلى ونزلت الشهر اللي طاف وتركت مانع الحمل ان شاء الله اكون حامل الحين والله يعووضني..
بس ابي اللي تعرف عن تسمم الحمل واحتمالية تكراره اوشي يخفف من نسبة الزلال تفيدني وهل سنتين كافيه للجسم بعد الزلال انه يكون مستعد للحمل
ارجو الافاده مع جزيل الشكر
وادعوا لي اكون حامل والله يتم حملي ع خير واجيب بيبي سليم معافى..

أم نجلاء 87 09-28-2011 02:47 AM
رد: تسمم الحمل ارجوكم افيدوني..
 
وينكم يابنات ولا وحده فكرت ترد علي تفيدنيhwaml85

بلييييييييز ابي منكم رد..

**سماسم** 09-28-2011 04:06 AM
رد: تسمم الحمل ارجوكم افيدوني..
 
ربي يعوضج يالغاليه بالحمل السليم التام عاجلاَ غير أجل ..
وعلى تكرار تسمم الحمل كل شيء يالغاليه وارد لاكن مع اخذ الإحتياطات وإجتناب المثيرات لزلال مثل الألبان بمشتقاتها وهم المتابعه المستمره ماراح يتكرر بإذن الله ..

أم نجلاء 87 09-28-2011 05:45 AM
رد: تسمم الحمل ارجوكم افيدوني..
 
الله يسمعك منك والله فرحتيني واخيرا حد رفع معنوياتي..
hwaml14 Thanks boss

حب حبيبي 09-28-2011 09:07 AM
رد: تسمم الحمل ارجوكم افيدوني..
 
الله يعوضك خير يارب ويفرح قلبك ويرزقك ماتتمنين
غالبا مايقولون انه يجي للبكرية وانا جاني ببداية التاسع وكانو مستغربين لانه بدون اعراض وتوفى طفلي وفاة طبيعية والعلم عند الله
الله يعوضني يارب
بس يصفون لك في الحمل القادم اسبرين اطفال لتفادي تكرار المرض

حِلمْ الأُمـوُمَـهـْ 09-28-2011 10:25 AM
رد: تسمم الحمل ارجوكم افيدوني..
 
الله يعوضك حبيبتي ,,

وإن شآء الله تبشرينآ قريب بحملك يآآرب

FoOoFoOo 09-28-2011 11:07 AM
رد: تسمم الحمل ارجوكم افيدوني..
 
ربي يعوضك بالحمل السليم المعافى ياااااااااااااااارب عاجلا غير اجلا..
وان شاء الله مايتكرر معك التسمم وياليت اذا صار حمل مره ثانيه تقولي للدكتورة الي بتتابعي معاها باللي صابك بالحمل الاول مشان تعرف حالتك..
ويصرفون لك اسبرين اطفال..

نآيآ 09-28-2011 03:06 PM
رد: تسمم الحمل ارجوكم افيدوني..
 
الله يرزقك الذريه الصآلحـه
بس من تعرفي انك حآمل داومي على مراجعآتك ولاتقطعيهآ باي شهـر
وان شاء الله ربي يعوضك خيـــــــــرر

samra27 09-28-2011 10:02 PM
رد: تسمم الحمل ارجوكم افيدوني..
 
انا في حملي الثالث كان عندي تسمم حمل وتوفى الجنين فالشهر التاسع وهلا انا حامل واكثر ما ينصحوني بيه الدكاترة اني انقص من الملح في الطعام واشرب ماء كثير و ما اجهد نفسي

أم نجلاء 87 09-29-2011 05:05 AM
رد: تسمم الحمل ارجوكم افيدوني..
 
اقتباس:
المشاركة الأصلية كتبت بواسطة حب حبيبي (المشاركة 1476868)
الله يعوضك خير يارب ويفرح قلبك ويرزقك ماتتمنين
غالبا مايقولون انه يجي للبكرية وانا جاني ببداية التاسع وكانو مستغربين لانه بدون اعراض وتوفى طفلي وفاة طبيعية والعلم عند الله
الله يعوضني يارب
بس يصفون لك في الحمل القادم اسبرين اطفال لتفادي تكرار المرض
الله يعيننا ع هالدنيا بخير في بداية الحمل يستغربون ونهايته يستغربون..
بي الين الحين مالقوا له اسباب ولا علاج..
الله يــعـــوضك خيير يارب..ويفرح قلبك بس كم صارلك وكم قالوا لك تقعدين بدون حمل..

أم نجلاء 87 09-29-2011 05:07 AM
رد: تسمم الحمل ارجوكم افيدوني..
 
اقتباس:
المشاركة الأصلية كتبت بواسطة حِلمْ الأُمـوُمَـهـْ (المشاركة 1476962)
الله يعوضك حبيبتي ,,

وإن شآء الله تبشرينآ قريب بحملك يآآرب
اللــــــــــه يسمع منك .. انتظر الشهر هذا وان شاء الله يصير
..

أم نجلاء 87 09-29-2011 05:12 AM
رد: تسمم الحمل ارجوكم افيدوني..
 
اقتباس:
المشاركة الأصلية كتبت بواسطة fooofooo (المشاركة 1477019)
ربي يعوضك بالحمل السليم المعافى ياااااااااااااااارب عاجلا غير اجلا..
وان شاء الله مايتكرر معك التسمم وياليت اذا صار حمل مره ثانيه تقولي للدكتورة الي بتتابعي معاها باللي صابك بالحمل الاول مشان تعرف حالتك..
ويصرفون لك اسبرين اطفال..
آآآآآآآآآمين ويرزق كل محروووم..
انا من نزلوا البيبي وانا اراجع عند نفس الدكتور كل 6شهور تقريبا
ويقول هذا في علم الغيب بس ماقالي عن الاسبرين..انا قريت عنه وان شاء الله اروح له الشهر الجاي واكون حامل واساله

أم نجلاء 87 09-29-2011 05:15 AM
رد: تسمم الحمل ارجوكم افيدوني..
 
اقتباس:
المشاركة الأصلية كتبت بواسطة نآيآ (المشاركة 1477448)
الله يرزقك الذريه الصآلحـه
بس من تعرفي انك حآمل داومي على مراجعآتك ولاتقطعيهآ باي شهـر
وان شاء الله ربي يعوضك خيـــــــــرر
الله يسمع منك .. اكييييييييييد انا وحده منقرصه من قبل ومابي اللي صار يتكرر..
لو يبوني اعسكر بالمستشفى ماعندي مانع بس اشوف عيون اللي انتظره..

أم نجلاء 87 09-29-2011 05:20 AM
رد: تسمم الحمل ارجوكم افيدوني..
 
اقتباس:
المشاركة الأصلية كتبت بواسطة samra27 (المشاركة 1478511)
انا في حملي الثالث كان عندي تسمم حمل وتوفى الجنين فالشهر التاسع وهلا انا حامل واكثر ما ينصحوني بيه الدكاترة اني انقص من الملح في الطعام واشرب ماء كثير و ما اجهد نفسي
اللهم لك الحمد الله سبحانه كله عوض..والله يتمم لك بخير..
انا لي فتره انقص الملح عشان يصير جسمي نظيف..واكثر ماي..
بس لما كنت حامل اشرب الماي ويتجمع في جسمي..

طيب كم الفتره بين حملك هذا وذاك والدكتور وش نصحك فيه..؟
والله يتمم عليكـ..وتقر عيونك بشوفة البيبي..

hndosa 09-29-2011 07:00 AM
رد: تسمم الحمل ارجوكم افيدوني..
 
الله يرزقك بالذريه الصالحه المعافه يا قلبي احب افيدك انا جاني تسمم حمل بطفلي الاول وطبعا كنت اراجع عند دكتوره في مستشفى فقيه ما هي داريه عن حاجه كان ضغطي مرتفع ولا نبهتني من البدايه بس اهم شي الفلوس مستشفي مادي بشكل مو طبيعي المهم تنفخت بشكل سريع لمن وصلت الشهر السابع رحت لها قامت حولتني علي استشاري اعطاني ادويه ضغط وكان همه الاول اني حسيت بألم اعلى البطن الي هوه انفصال المشيمه اجي على طول طوارئ ولا قال انها ولاده وقيصريه بس قال تعالي وبس المهم ربي الهمنا ولما جاني الالم رحت على مستشفى العسكري وطوارئ وعلى طول عمليات كنت في الاسبوع 31 اول السابع كان ظغطي 170 يعني مره مرتفع ولا فاد ادويه ولا غيره بس الله لطف فيني وفي ولدي والحمدلله وتنوم ولدي شهرين في الحضانه يوم انولد كان وزنه 1كيلو 300 جرام خديج بس ربي حفظه لي وشوفيه اللحين عمره ثلاث سنين مشاءالله تبارك الله بس حبيت افيدك بتجربتي انا اللحين حامل ربي يتمم لي علي خير ومن اول ما حملت اعطتني الدكتوره اسبرين الاطفال استخدمه لمن الشهر التاسع وغير كذا الامتناع عن الملح وشرب السوآئل بكثره وقبل كل شي توكلي على الله في كل شي وربي يكتبلك حمل سليم وطفل بصحه وعافيه يارب بنسبه لزلال بعد الولاده بشهر يروح اثره من الجسم سبحان الله والظغط يرجع لطبيعته يعني ما تخافي وكل حمل يجي بظروفه

نبع المحبة 09-29-2011 06:59 PM
رد: تسمم الحمل ارجوكم افيدوني..
 
الله يسهل عليج الحمل والولادة يارب

أم نجلاء 87 09-30-2011 01:03 AM
رد: تسمم الحمل ارجوكم افيدوني..
 
الــلــهـ يعطيكـ العافيهـ hndosa
والله يخلي لك ولدك وتفرحين فيه يااااارب..
وان شاء الله باذن الله بسأل الدكتور عن الاسبرين لان كذا وحده نصحتني فيه عن تجربه والله يكتب اللي فيه الخير..

نوني استحي الله يعطيك العافيه ويهون عليك..


الساعة الآن 07:43 PM.

Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .