|
ادعو لليان فهي الحين بحاجتكم ..
بسم الله الرحمن الرحيم ما أدري شلوون أقول لكم الخبر بس أنا عن نفسي ما أدري شلون تحملت الصدمة أنا قاعدة اكتب لكم و دمعتي على خدي طبعا أنا قبل كم يوم دخلت وشفت موضوع ليان >بنت خالتي< بالمنتدى وهو عن انها جاها نزيف لكن بعدين الله ستر ووقف ..... طبعا هي كانت مسافرة لدبي مع زوجها لدواعي شغله وجاها النزيف هناك يعني بعيد عنا وطبعا << بالفترة الي هي مناك جاها خبر وفاة صديقتها .... الي هي يمكن قالتلكم عنه << وحالته النفسية والصحية الي تدهورت بعده << الموضووع وما فيه انها أمس وصلت بالسلامة مطار الكويت الفجر و كان ما فيها الا العافية لكن أمس بالليل اتصل زوجها علينا وخبرنا انها بالعناية المركزة وكان يصيح بعد عمري وهذي المرة الأولى الي نشووفه بهذي الحالة المكسورة لأنه شخص له مكانته بالمجتمع و مو سهل عليه انه يظهر جدام الناس بهذي الحالة الي بينت ضعفه كله << لكن معاه حق حال ليان الغالية ما تسر لا عدو ولا صديق << لأني أدري علاقتكم بليان الطويلة ولأنها دايما ما تجيب سيرتكم بالخير ولأني ما أدخل المنتدى وايد لكن صدقوني أعرفكم كلكم من كثر ما هي تتكلم عنكم << أدري اني أنا لفيت بالموضووع كثير بس ما أدري شلوون أقوله ,, وانا ما كنت راح أكتبه الا بعد ما عرفق ان حالتها خطيرة و محتاجه لدعاءكم بشدة ,, بعد عمري الحين هي بالعناية المركزة جاها نزيف حاد فقدت عن أثره الجنين الي كانت منتظرته و دم وايد ودخلت بغيبوبة الله العالم بتخرج منها ولا لأ الدكتوور يقول كل هذا ناتج عن صدمة عصبية وارهاق شديد وظروف نفسية سيئةعلى العلم انها بعد ما وصلت الكويت الفجر ,, جت الزوارة الي ببيت جدتي العصر وما بينت لنا انها تعبانة لأن الدكتور يقول انها كانت تعاني من انقباضات تشبه الولادة وما قالت حق احد ,, بعدين جاها النزيف وصار الي صار فهي بأمس الحاجة لكم << وخالتي بعد عمري ما وقفت عن الصياح من أمس << ربي يثبتها ويعطيها الصبر و السلوان ولدعائكم .. والله لو المعزة الي كانت تكنها لكم جان ما قتلكم هذا الخبر تراها ما تهنت بحمالها هذا بالأول سقطت جنين واحد من التوأم و هذي المرة الثانية الي تصير لها سالفة بسبب هذا الحمل الواحد << ربي يعينها و بس الي أبيه منكم انكم تدعون ان ربي يقومها بالسلامه وترجع مثل الأول ليان المزيونة الي كل من يشوفها يحبها و السلام عليكم و رحمة الله و بركاته ... |
رد: ادعو لليان فهي الحين بحاجتكم ..
لاحول ولا قوة الابالله اش فيهم البنات شكلها عين وصابت بنات المنتدى الله يقومها بالسلامه وترجع مثل اول واحسن اللهم ارفع عنها البلاء وعافيها ..طمنينا عليها بالله..اللة يجعله شافع لها ويعوضها يارب..
|
رد: ادعو لليان فهي الحين بحاجتكم ..
الله يقومها لكم بالسلامة طمنينا عليها بالله
يارب ترجع ليان احسن من اول |
رد: ادعو لليان فهي الحين بحاجتكم ..
ربي يسمع منكم
آمييين |
رد: ادعو لليان فهي الحين بحاجتكم ..
لا حول ولا قوة إلا بالله العلي العظيم
اسأل الله العلي العظيم أن يشفيها ويكتب لها الشفاء العاجل ويعوضها خير إن شاء الله والله أنها ماتستاهل الي حصلها أمانه طمنينا عليها |
رد: ادعو لليان فهي الحين بحاجتكم ..
يابعد عمري ليونه
الله يقومها بالسلامة ويعوضها بجنينها اللي راح الله يخليك يالغلا طمنينا عنها اول بااول تكفييييييين ماتعرفين وش قد اغليها يارب ياقيوم اشفي ليان وفرحنا برجعتها اللهم اميييييييييييين طمنينا لاتنسين |
رد: ادعو لليان فهي الحين بحاجتكم ..
الله يقومها بسلامة
ويعوضها بلي فقدتة اللهم أميييييييييييييييييييييييييييييييييييييييييييييييي يييييييييييييييييييييييييين |
رد: ادعو لليان فهي الحين بحاجتكم ..
لاحول ولاقوة إلا بالله
ماني مصدقه الخبر بصراحه فحعتيني والله معقول ليونه حبيبتي والله المنتدى ماله داعي بدونها يارب يارب يارب تقومها بالسلامه وترفع مابها وتحفظها بحفظك ياكريم ياذا العرش المجيد ياحي ياقيوم أرجووووووووووووووووووكي يالغلا رجاء خاص إنك تطمنينا عليها الله يخليكي والله إن قلبي انقبض يوم شفت الموضوع رجاء خاص يالغلا والله ليونه حبيبة الكل وأنا حاسه فيها يوم قالت بخبر وفاة صديقتها الروح وكانت نفسيتها مرررررررررررررررة متحطمه الله يحفظها يارب يارب يارب اللهم ياجامع الناس ليوم لاريب فيه اجمع أختي ليان بصحتها يارب يارب يارب |
رد: ادعو لليان فهي الحين بحاجتكم ..
مع اني ما اعرفها
الا ان الخبر اثر في الله يشفيها ويعوضها خير ان شاء الله انه يكون شفيع لها طمنينا عنها تحياتي |
رد: ادعو لليان فهي الحين بحاجتكم ..
اللهم اني اسالك باسمائك الحسنى وبصفاتك العلي انك تعافي وتشفي اختنا ليان شفاء لا يغادر سقما
اللهم اني اساللك انك تعوضها عما فقدت وتجعلهم شفعاء لها يوم القيامه اللهم ارحم صديقتها واغفر لها ونقها من الذنوب والخطايا كما تنقي الثوب الابيض من الدنس |
رد: ادعو لليان فهي الحين بحاجتكم ..
ارجوك يا اختي الغلا طمنينا عليها اول ماتسمعين عنها اخبار جديده
ارجوووووووووووووووووووووووووووووووووووك ارجووووووووووووووووووووووووك ترا انشغل بالي عليها |
رد: ادعو لليان فهي الحين بحاجتكم ..
ان شاء الله تقوم بالسلامه
|
رد: ادعو لليان فهي الحين بحاجتكم ..
الغلا شخبار ليان
طمنيني عليها وربي ضيقتي صدري بهالخبر ماتستاهل وربي الله يقومها بالسلامه وترجع لزوجها واهلها امين يااااااارب |
رد: ادعو لليان فهي الحين بحاجتكم ..
ربي يحفظكم
ليان الى الن مافي تحسن بصحتها لأنها فقدت دم وايد وهي الى الآن في الغيبوبة وربي ما فارقت المستشفى من أمس بليل ولا النوم قرب من جفن عيني يا الله ياغفور يا منان ياكريم انك تقوم بنت خالتي بالسلامة ونشوفها مثل الأول يا رحم يا رحيم مو المهم الجنين المهم هي مشكوورين على سؤالكم وراح أطمنكم أول بأول اذا في تحسنات ان شاء الله والسموحة |
رد: ادعو لليان فهي الحين بحاجتكم ..
والله من جد ضاااق صدري عليها الله يقومها بالسلامه ويعوضها الجنين اللي فقدته وعلى ما اعتقد انها صغيرة عمرها 19 سنة انشالله العمر قدامها ويرزقها ربي الذرية الصالحة اللي تسر عينها يااااارب آآآمين يااارب العااالمين .. |
رد: ادعو لليان فهي الحين بحاجتكم ..
يا بعد عمري ليونه والله ما تستاهلين الي يصير اليك
الله يعوض عليك وترجعي بالسلامه يارب الغلا تكفي طلبتك ادخلي كل يوم وطمننيناعنها والله ماتستاهل بس ان شاء الخير هذا خير اليها الله يعوض |
رد: ادعو لليان فهي الحين بحاجتكم ..
اللهم رب الناس اذهب الباس واشف انت الشافي لاشفاء الاشفائك شفاء لايغادر سقما
ياحي ياقيوم اسالك باسمك الاعظم الذي اذا دعيت به اجبت ان تشفي ليان وتقومها بالسلامه وتعوضها وترزقها الصبر وتجعل اولادها شفعاء لها وتصبر اهلها وزوجها وترحم صديقتها وتغفرلها يارب العالمييييييييين والله كدرتي خاطري بالحييييييييييييييييييييييييل ارجوك طمنينا عليها اذا قامت ان شالله لاحول ولا قوة الا بالله |
رد: ادعو لليان فهي الحين بحاجتكم ..
لا حول ولا قوة إلا بالله العلي العظيم
اسأل الله العلي العظيم أن يشفيها ويكتب لها الشفاء العاجل ويعوضها خير إن شاء الله ونعم الإنسانه أخلاق الله يقومها بالسلامة ان شاء الله وتقر عين والديها وتطمنا ان شاء الله انها بخير وقلوبنا معها اختي لاتنسين تطمنينا اول باول عن حالتها الله يشفيها ان شاء الله الله يشفيها الله يشفيها ان شاء الله |
رد: ادعو لليان فهي الحين بحاجتكم ..
مشكورين على هذا الاهتمام فيها
اهي الحين خفت حالتها ,, و عطوها الدم الي ناقصها بس لو تشوفونها كلها أجهزة تعور القلب بس الى الآن ما طلعت من الغيبوبة وحاطين بيدها مال التغذية لأن ناقصها وايد وممنوع أحد يدخل عليها وان شاء الله اذا قدرت راح أدخل كل يوم وأطمنكم عليها << ربي يشافيها قولوا آميين |
رد: ادعو لليان فهي الحين بحاجتكم ..
الله يقومها بالسلامة
امين يارب |
رد: ادعو لليان فهي الحين بحاجتكم ..
آمييييييييييييييييييييييييييييييييييييين
الله يخليكي يالغلا لاتطولين علينا والله منتظرينك على أحر من الجمر يارب تقوم بألف سلامه وتبشرينا يالغلا بالمره الجايه يارب يارب يارب تقوم ليان بالسلامه يارب تعافيها وترجع صحتها زي ماكانت وأحسن يارب يالغلا لو فاقت أرجوووووووووووووووكي سلميلي عليها كثييييييييييييييييييير والله وحشتني وحشتني موووووووووووووووووووووووووت يارب لاتخيب رجانا يارب يارب |
رد: ادعو لليان فهي الحين بحاجتكم ..
آمييييييييييييييييييييييييييين
|
رد: ادعو لليان فهي الحين بحاجتكم ..
الله يقومها بالسلامه ويبعدها عن كل شر ..
ويطول بعمرها اميين يارب .. طمنينا عنها .. |
رد: ادعو لليان فهي الحين بحاجتكم ..
الحمد لله ودمها شوي رجع بدل اللي نزفته
وعقبال ما تقوم بالسلامه ياارب طمنينا تحياتي |
رد: ادعو لليان فهي الحين بحاجتكم ..
آمييييين ربي يسمع منكم
وطيف ان شاء الله بوصلها سلامك بس هي خليها تفوق من الغيبوبة والله هي كانت تحبك << وانتي من الأشخاص الي عرفتهم أنا منها من قبل لا لا أدخل المنتدى وما تجيب سيرتك الا بالخير انتي و الحب لك وحدك وعزيزة النفس و شوق عطري ودلوعة الكون اكثر الأشخاص الي كلمتني عنهم الله يقومها بالسلامة و ترد نفس أول الى الآن ممنوعة عنها الزيارة وما قالو شو السبب ؟؟ |
رد: ادعو لليان فهي الحين بحاجتكم ..
الله يقومها بالسلامه
بليز يا الغلا طمننينا عنها دائما وقولي الينا اذا تحسنت والله ما تستاهل الي يصير اليها |
رد: ادعو لليان فهي الحين بحاجتكم ..
اي والله ما تستاهل الي يصير لها
ان شاء الله بطمنكم اذا في أي تحسن ربي يحفظكم |
رد: ادعو لليان فهي الحين بحاجتكم ..
لاحول ولاقوه الابالله والله يقوومها بالسلامه
|
رد: ادعو لليان فهي الحين بحاجتكم ..
لاحول ولاقوه الا بالله
والله افجعتيني بالخبريه وماني مصدقه توووني قبل كم يوووم ارد على موضوعه وادعي لها يوم جاها نزيف يااااااااااااااااااااااااااااااارب شاااافيه وعاافيه ودفع عنها كل بلاء 0ياااارب شافيها وعافيها وعوضها خير اارجووك طمنييناااااااااا عليهااااا |
رد: ادعو لليان فهي الحين بحاجتكم ..
ارجوووووووووك
يالغلا طمنيني عنها هل هي تحسنت صحتها وربي قلبي معها ودعاي بصلاتي الغلا ليش مانعين الزيارة عنها امااااااااااانه طمنيني اول باول لاتخليني ترا وربي على احر من الجمر انطرك تدخلين عشان تطمنينا عنها الله يقومها بالسلامه وترجع ليااان اللي يغليها القلب باخلاقها وطيبة قلبها وترجع لنا ولاهلها سالمة معفاه امييييييين يارب ياااارب |
رد: ادعو لليان فهي الحين بحاجتكم ..
الله يقومها بالسلامه وترجع ليااان
ويارب شافيه وعافيه |
رد: ادعو لليان فهي الحين بحاجتكم ..
لاحول ولاقوة الابالله الله يشفيها ويعوضها خير
والله اني ادعيلها من قلبي |
رد: ادعو لليان فهي الحين بحاجتكم ..
مع اني ما اعرفها
الا ان الخبر اثر فيني الله يشفيها ويعوضها خير ان شاء الله انه يكون شفيع لها |
رد: ادعو لليان فهي الحين بحاجتكم ..
لا حول ولا قوه الا بالله
الله يشفيها ويقومها باسلامه ان شااء الله ويعوضها قريب بحوله وقوته |
رد: ادعو لليان فهي الحين بحاجتكم ..
أبشركم يا الغاليات والله ربي ما ضيع دعائنا ودعائكم
اليوم الساعه 5 تقريبا فاقت ليان وهي ماهي دريانه بالي حولها والي كان معاها خالتي <أمها> وزوجها :: والله خالتي من الفرحة قعدت تبجي ولا اسكتت , وطلع زوجها من العناية و هو قاعد يصارخ حقنا : قعدت قعدت والفرحة باينه على وجهه وراح بسرعة حق الدكتور عشان يقوله بعدين انقلوها حق غرفة بدل العناية , وهني سمحوا لنا ان ندخل عليها والله قعدت اضمها حيل من الفرحة , و كانت عليها علامات التعب واضحة بس ليما اسألتنا على الي صار لها ,, قال لها زوجها انها طاحت عليه وانزفت نزيف حاد وسقطت الجنين هو بس قال لها انها فقدت الجنين قعدت تصيح بعد عمري بحضن خالتي ,,بعدين الدكتور عطاها منوم عشان تهدأ لأن الانفعال يمكن يخرب كل التقدم الي صار بحالتها واهي الحين بعد عمري نايمة وراح يخلونها جم يوم بالمستشفى ليما تستقر حالتها على الآخر << بس خلوها تقوم راح أقولها عنكم وعن وقفتكم الأصيلة معاها بمحنتها بينتم معدنكم الأصيل يا خواتي ربي يحفظكم من أي شر ويرزقكم من حيث لا تحتسبون آآمييين ...آآميين ....آآميين ... وسامحوني اذا طولت عليكم لكني قتلكم الي صار بالتفصيل الممل لما شفت منكم اهتمام بليوونة الغالية << وسامحوني على القصوور والله ماأدري شنو أقول لكم |
رد: ادعو لليان فهي الحين بحاجتكم ..
الحمد لله لك يارب
الحمد لله لك يارب الحمد لله لك يارب الحمد لله كما ينبغي لجلال وجهك وعظيم سلطانك الله يبشرك بالخير يالغلا على الخبريه الغاليه والله يووووووووووووووو ماني قادره أوصف لك فرحتي نفسي أصارخ للعالم كله وأقول لهم ياهوووووووووووووووووووووووووو ياعالم ليان قامت بالسلامه الله يسعدك يالغلا وينور طريقك ويرزقك كل ماتتمنينه يارب أنا عارفه إنه ثقلنا عليكي بأسئلتنا الكثييييييييره عن ليون وأنا عارفه إنه وقتك غالي ومانتي فاضية لنا بس والله العالم مكانة ليان بقلبي والله كبييييييييير وماخذة كل تفكيرررري ونبغى هالبشاره منك من زمان والحمد لله يالله شدة وتزول وربي بيعوضها وأجنتها اللي ماتوا عليها تشوفهم يوم القيامه على أبواب الجنه شفعاء يارب ألف ألف شكر يالغلا على هالخبريه وماننحرم منك ومن خيرك...... |
رد: ادعو لليان فهي الحين بحاجتكم ..
الحمد لله الحمد لله الحمدلله
على سلامة الغاليه وربي فرحاااااااااااانه لها الله يسعدها وين ماكانت امانة عليك يالغلا سلميلي عليها كثيييييييييييييييير الحمد لله يارب الحمد لله والشكر |
رد: ادعو لليان فهي الحين بحاجتكم ..
الحمد لله على سلامه
وما تشوف شر ان شاء الله ويارب ان شاء الله اخر سوء واني اليوم دخلت بالرغم الضروف بس كل هذا علشان ليونه يا الغلا تكفي وصلي اليها سلام والله يعوضها |
رد: ادعو لليان فهي الحين بحاجتكم ..
الله يبشرك بالخير
والحمد الله على سلامتها والله يعزضها بلي فقتدته |
رد: ادعو لليان فهي الحين بحاجتكم ..
الحمد لله على سلامتها وبلغيها سلامي
|
| الساعة الآن 10:56 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .